أشواق و حنين

لست أرى سواك..
فى كل الكون الواسع لا أعشق إلا إياك
لا دار لى غير مآواك
لا حياة إلا عبر أنفاس شذاك
لا امان لدنياي إلا بحماك
يا متعة قلبي وبهجة أفراحي
لا سكن لروحي إلا بدنياك
لا ضؤ لقمري إلا بسماك
نجومي لا تلمع إلا عبر ضياك
أفراحي لا تتجسد إلا برضاك
جمال الدنيا لا يُظهره إلا بهاك
ما لي سواك...
ولا بحياتي من طال عُلاك
يا عِشق القلب حياتي فداك
# #

شوف عمابل الريدة فيــــك
قلبي يا مسكين هيــن
السماح للغدروا بيــــــــــك
أصلو ظلم الدنيا بيـــن
لو جراح الغدر مــــــــــرة
بكرة بتطيب الجـــــراح
لو جفا الأحباب أمــــــــــرا
أفتح أبواب السمــــاح
الصعاب بكرة بتهــــــــون..
أطرد الهم والظنــــون
المقدر هو البكــــــــــــون
طالما قلبك حنيــــــــن
آسي كل الأنجـــــــرح
زيدا أفراح المســــا
غني للريد والفـــــرح
الحزينة تونســـــــــــا
مر علي كل الديــــــــــار
كون بشارة خير وفــــال
أبقي عنوان للجمـــــــال
والمستحيل يبقي هـين
قدر ما تقدر تحـــــــــــب
حب وأغفر للبخونـــــك
وأزرع الريد في الدروب
بكرة يفرح بيه كونــــك
قابل الناس بإبتســــــام
وأنسي دنياهو الخصـــام
البلومك هو المــــــلام
طالمــــــا قلبك حنــــين

ابوعمر
يا رقيق الاحساس ,,
ليتنا نطول من رقة حرفك قطرة مِداد
ومن شذى ازهار رياضك،،
عطر العُود والصندل ومسك فاح غمرنا شذاه
...........

وعدتني انو لقانا يكون يوم عيد
إنك ترسم فى دربي حُلم جديد
إنو بعادك عن عيني ما كان بالإيد
رغم حدودك والاشواق..تكون قربي..
رغم مسافة الدرب الطال ..تكون جمبي
شايلاك موآل فى نغمي
حنين وأشواق فى قلبي
أفراح الريد سكنت وعاشت عندي
ذكري اللحظات ضوت لي ظلام دربي
صوت الهمسات كانت لي ذاد عُمري
ليال الوحشه الطال ترك أثارو فى سُهدي
وين الوعد يا حُبي
!!

إين أنا
!!
فى عالم الخيال كنت،،
فى دنيا الاحلام،،
فى كون ساحر..اخذني الى حيث لا ادرى
تركت عقلي هناك وعدت بلا روح او قلب-جسد بلا حياه
تركتها حيث كان القلب يهفو -
حيث كانت الاشواق هى حادي الركب-
حيث كان الامل يداعب خيالي الهائم-
فى بحور لم اعرف لها منبع او مصب..
سرت فى ليل محيطات لم ادري مدى عمق ظلامها..
لم ترهبني امواجها-او يوجس خاطري ضبابها
او تكسر عاصفة هوجاء شراع مراكبي
او ياخذ مدها وجزرها قصور رمالي ذات الحصون الواهنه
سرحت معكم بخيالي بعيداً..
الى حيث لا يوجد سوى نحن والهواء الذى تتنفسه أعماق هدها الشوق والحنين
داخل جزيره لا حدود لها إلا مدى ما تحويه الاعماق
حفتها اشجار زرعتها يداي-
سقاها قلبي المشتاق بدموع الصبر-
إخضرت يانعة بفيض حناني-
عصافير غرامي تُغرد فرحاً بقدومك لها-
زهور عشقي تفتحت بشذى الياسمين-أبيض كلون قلبك وصفاء حبي لك
فرشتُ لك أرضها بورد النرجس وريحان الجنه وحروف تنبض ولهاً عِشقاً
عطرتها بالمسك وعود الصندل..
هو عالم من اجلك وحدك- -
لا عبير فيه إلا أنفاسك..
لا روح فيه إلا نبض قلبك..
لا حياة به إلا قلبي العاشق لك..
لا احد سوانا به....
& &

سبتكم اخدر ياناس طولنا لكن العزر عندكم وتحاينا للجميع
لا الطوب يجلب لا يحيد
كثر هنالك يا عقيد
أرتال من الجهلاء
والبلهاء
والندلاء
والبدلاء
لا يدرون ما المئوده
لا يدرون أصلا ما الوئيد
وطن تمزق بالجهالة
والجلافة
والخساسة
والخباثة
لا طروب بأرضه
لا دوحة فيه تميد
غاصت طوال الأيدى فى أعماقه
سرقت محافظ قرشه
أخفت ملامح عرشه
طمست شرافة برشه
جاءت بجبار عنيد
وحوله السحره الحواة
الراكعون
الساجدون
الآمرون الناس بالبر
ولا يأتونه إلا بكهان فريد
والنخل شاخ صبيه
والثدى جف دريره
هلك الضياع صغيره
مات الحرف
ضاع الظرف
قتل المناحات العنيد

من بين لهفة اشواقي فاح العِطر ذاهٍ خلاب..
ادهشني بهاه،، أي رحيق شذاه على عتبة داري..
قصصت الدرب..فإذا به أثر ذهبي لوسام على مدخل بابي..
ورد منثور عند مآوى خاطري...
بالتأكيد إنه أبوذر بحضرتي..
يال الدهشه ؛؛
××

يا قلب لم تعشق لاهىٍ لاعب
يا حُباً اضحى عني غائب
يا حسره على ايام الوصل..
ويا اسفاً على قلب كان بحبك نابض
يا لوعة شوق كان بقلبي رابض
يا حسرة امل أمسى خائب
يا عِشق صار سراب كاذب
،،،،،،،،،،،،،،،،،،،،،،،،،،،
سعيت إليه بلا وعي مني
ركضت خلفه وقد ادبر عني
حصدت شقاء وخاب كُل ظني
ضاقت دُنياي وذاد المي وهمي
يا عِشق الروح...
أراف بفؤادي ولا تهجرني
،،،،،،،،،،،،،،،،،،،،،

ساقتك لدربي الخطوات بغير حساب
دخلت صدفه بلا ميعاد طرقت الباب
قطعت لاجلي صحراء وسراب
توارت عيني خجلاً صمتاً تنتظر جواب
تتلهف شوقاً تخبئه بين الاهداب
تخفي الافراح بداخلها خلف حجاب
تكتم انفاس العِشق داخل اعماق عذاب
تخشى ان تطويك الايام فى حضن غياب
لو تبعد عني تكسو سمائي غيوم ضباب
واتجرع كأس الاشواق مُر شراب
تُصبح ارضي قاحلة ويباب
عُد يا عمري وغطينى باللهفه ثياب
واحتوي شوقي كما تضم البذره تراب
رغم الصدفه انت وانا احباب
__ ...__

كُل ما فى الريد اقاسي
ريدي ليك يازول خرافي
مهما فيك طال إنغماسي
كُل ما طال زمن إلتماسي
ألقاك فى دنياي أماسي
بالفرح يطل دُعاشي
فى عيون ولهانه بيذيد إلتباسي
يا سحاب زمن الرُشاش
يا فرح فى ديارنا غاش
يا وله يا ريد وناس
إنت ما أصل الحقيقه--
إنت ما فى الريد اساس
% .. %

انا بعتزر ..
بكل جوارحي انا بعتزر
ما بقيتو لي إنتو العُمر
طوق النجاه ف وسط البحر
انا بعتزر...
إنت المكانه البيها دايمن بفتخر
إنت الورود ومن شذاك انهل عِطر
الصباح الباهي طلك وبيك دايمن منبهر
لي ودادك العيون بتعيش سهر
لي سماك بترجى غيمات المطر
ارض رويانه بتشيل البذور تنتج ثمر
ليالي الشوق واوقات السمر
انا بعتزر...
دايراك معاي وكتين يغلبني الحنين
لمن يطول ليل البُعاد ويغلبني الانين
تداعب الذكرى الخيال وتمر سنين
وهواك ريد شايلاهو فى حدق العيون
انا بعتزر..
لو العُزر يوفي الندم
لو الاسف بيزيل الم
كان العِتاب بيشيلو هم
وحياتي من غيرك عدم
انا بعتزر...
لمن يجف قلم الحروف
اسطر الكلمات الوف
خواطري تتزاحم صفوف
انسج الاهات قطوف
وبعتزر
.....

ما سر هذى النظرات !
ما تغير بين الامس واليوم !
اراك وقد إختلفت كل تقاسيم النظرات
كاني بك تراني اليوم
كانك لم ترى هذى اللمحات
كانى غريب وانت تائه فى بحوري وسط الظلمات
مالي اراك كشفت قناع كانت تستره البسمات
اراك تُخبى فى داخلك أروع كلمات
كشفتها عيونك والنظرات
قد كنت تُعاند ..لكن اليوم
فضحت شوقك عُمق النظرات
قلها الان ولا تتردد..
إني انتظر رحيق عِطرها لي سنوات
لعلي اجد برونقها اجمل نسمات
حملتها داخل قلبك رغم الآهات
رغم الصمت وغياب الهمسات
لكن اليوم فضحتك مجرد نظرات
عبرت عندك جدار الصمت
وفتكت بي فى لحظات
--- :: ---

رايت اليوم القمر بعيني...
لكن القلب العاشق راه قبل مجاري الدمع
أبحرت خلف ظلاله مأسوره بهواه
نظرت اليه وعيوني تحكي الاشواق ..
تحدثَ قلبي قبل لساني،،
ضحكت أحزاني وافراحي،،
توشحت السعادة ثوباً قبل زماني
ورقصت طرباً لدى سجاني
لعبت كلمات الاشواق بخواطر الحاني
مكثت اناظر مُحياك ومن موتٍ أحياني
بعد ليالٍ اضناها عذابٌ أشجاني
يا عِشق سنين وروح إلهامي
.....
اليوم رايت القمر بعيني...
وقد فاق النور بهاء
ونجم الليل ضياء
ولون التِبر صفاء
وبياض الماء نقاء
وساكنة الخِدر حياء
فهمس له قلبي بنداء
أنت لعُمري تِرياق ودواء
؛؛؛؛؛؛؛؛

ياناس ازيكم
وكيف حالكم
جد مشتاقين
تحياتي وانا
لكم

وزيك يابو حسن مين موجود !!
تسلم يا غالي وتحايا واشواق ليكم الاف..
رفعت قدري تشريفاً واكرمت الدار تقديراً بطلتك..
لك الود ابوذر ..

معاك انا بختلف ....
ما ريدي فاق حد الوصف
ما خان غرامك قلبي من ريدك عِرف
قاموس هواك خليتو منبع للحرف
ضّي العيون الكانوا لي عُشره وولف
ودمع الجفون الليك سال وانزرف
تمن الغرام من ياتو بنك بينصرف
قلبي عاش سنين عذاب ومنك حلف
كيفن يعاود لي الربيع وينبوعو جف
لو فرشت الكون ورود ورفعتو مرتبة الشرف
ونهلت من بحر الحروف وزرعت قلبك ذي جرف
وطوعت قمر الليل انيس والزمن عندك وقف
معاك خلاص ما بتفق وانا بختلف
..........

مشكلتي إني فهمتك..
ياريت لو ما فهمتك..
وبى كل صفاتك ما عرفتك
ياريت ما سرت ف دربك وفى ديارك ما زرتك
من بين الناس الكانوا ألوف إخترت عيونك وندهتك
كلام رسلتو قصيد وغزل ، ياريت ما سمعتك
من أبهى الالوان فى لوحي رسمتك
فوق بدر التّم لى مقامو رفعتك
جوه القلب العاشق شِلتك
من أروع خيوط حريري نسجتك
فى كل حروفي ذكرتك
ويا دوبى فهمتك...
ياريتك كنت كتاب مقفول
حكايه بدون اجزاء وفصول
خيال نابع من جوه عقول
خبر شائع منقول
لكنك مآساه مداها يطول
قصه حزينه،،سؤال ما ليهو حلول
حيرت أفكاري،،وشمتّ فيني عزول
فهمتك لكني،،مازلت مذهول
’’’’
ليتني لم افهم..ف ليلى قد اظلم
وازهاري ذبُلت حتى فى الموسم
وغزت الاحزان حياتي بجيش عرمرم
ربضت بفؤاد كسير يخشى ان يُهزم
وإحساس فقد الأنفاس أضحى مُحطم
قلبي القانع اصبح مُعدم
,,,,
حللت لُغز غموضك وليتنى لم افهم
ما عُدت ادرك عن ماذا اتكلم
غير انك صرت كتاب ترجمت حروفه
قرات الصفحات..
حفظت سطوره..
عرفتك حتى لو اخفت نظراتك سراً اعظم
فهمتك وليتنى لم افعل
؛؛؛؛؛؛؛؛

اتي شتلة ريدك بيك بَخَلنْ تضاريسك

وعلى القاصدك عِلن بلحيل متاريسك

على باقى البنات والله ما اقيسك

ليهن يا تسابيح غادى وبعيد ميسك

اتى حكايه ما أنفكــّت نواميسك

وفى خلق الله ما ظهرت مقاييسك

نايم صاحى مشغول بى هلاويسك

ولى هسّـــاعة ما تمت كراريسك

وازيكم وكيف مساكم مع العنقريب الهباب وصوت الملايا يراقص في النسايم
الجاي من تال البهم وامات الفريق جت عليهن سلامي ليهن يغشاهن وعفوهن منهن لي
يباشر وودعتكم للواحد الاحد

السيدة تسابيح مساك الله بالخير وزيادة ..........
واسمحي لي عبر بوابتك دي برسل للشاغله القليب
كم بيت عزاي فيهن يصلن ويدنها السلام ويبارك ليها ويتبارك السلام منها
فلك الشكر مقدما شوقا ومؤخرا اشواقا تتزايد
الغاليه ام الغالي
الخَلَدِك لوحَة ورِسُوم مَنحُوتَة في قلبٍ وفِي
لَمِن أباشِرك بالسؤال تتضَارِي في النَعَم .. النَفِي
وأستفتِي جِوآي الأنِيقْ الحاضِن المَعَنَى الوفِي
مُنهَل يَنابِيعك يَفيضْ تَنْضُم عِيونِك وأكتفِي
قول ليَا أيه داعِي النجوم والقمرا ما دام إنتِي فِي
لحظة تكُون قاعِد مَعَاي وهَجْ الكَواكِبْ ينطَفِي
بَلقاكِ فِي الخَاطِر سُؤال لمَا الحقائِق تَنتفِي
وتلقانِي مُشتَاق النِعاس وَكْتيًن طِيُوفِك تَخْتَفِي
وصفِكْ مَكَانْ السَجدَه في مُتن القَصِيدة المُحتَفِي
ورنَة مَواويلِك نَشِيد ناساً بِتَعْرِف تَصْطَفِي
** ** ** ** ** **
قُدْرة بشَاشَاتك تَشِيل مَعْناكِ لي كُل العِقٌولْ
وأقدَر أزيِد فِي شِعرِي بيتين بَراي أتْفَاخَر وأقُولْ
انا فِي عِيُون الناس لِقيتْ إيماني بيك زايِدنِي طُولْ
وأشوَاقِي لو عَبرت سَمَاك مَا بِعْتَرِض مَسرَاها زولْ
ما ليهَا فِي ريدِك فَكَاكْ نَدْيَانا فِي كُل الفِصُولْ
جَدِدِ جَوازَات المَعَاكْ وأكتِب تَواريخ الوِصُولْ
وأختِمها بِطَابَع هَواكْ وأدِيِهَا تَأشِيرَة دِخولْ

أنا لو اطول ــ فيك اقول الكلام الما انكتب
وارسم فرح فى كل خطاوى للدروب الليك تصل
ولى عندك الاشواق وعلى بابك تقيف
____
احلق طرباً بقدومك داري
اتوسدها حروف
اتوشحها تعابير
اتنسمها إحساس
اتنشقها كعبير الورد
ترك العطر كأثر باقٍ
لوح مرسوم بمهاره تذدان به الصفحات
هكذا سحرحضورك عندى
اتمناك بخير دوماً ابوذر
...,,...

عارفاك مهم ـ ـ يا حاوى من كل الصفات أجمل خِصال
لو احاول اوصفك يسبق تعابيري الكلام
يا أروع إحساس للفرح وأبهى من طله جميله لأحلى فال
راجياها من عندك حروف لو تكون عتاب ملام
لميت شتات عمري الاسير وعاهدت قلبي على الوصال
ما نحن وصيناك علينا ـ ـ شنو الحصل سبّب خِصام
تعبت رجاوي الامسيات فاض بيها حـال
وسط التباريح والأسى وجفاف حروف راجيه الغمام
تترقب اللحظات تناظر لو فى يوم يحمل سـؤال
موعد الوصل القديم ذكراك باقيه على الدوام
يا دنيا قاسيه كم ظلمتي وكل الأماني بقت مُحال
نسيت حروف مليانه ريد وهجرتها سكة غرام
ما إنت من دون البشر عندي ليك أنبل مقام
... __...

حمدلله علي السلامه
خلاص انتهيتو من لقيط القطن
مبروك لمحالج الحصاحيصا بقطن الجزيرة
وينك يازوله بقامه سنابل ارضنا
ليك شوق وقدر الشوق شوق تاني

تدري انك قامة لن تطولها حتى حروفي ولو تعالت ؛؛
وهجٌ يسعى ليستنير منه سراجى ؛؛
كُن فضاء نستمد منه أُفق لا متناهي ؛؛
لا حدود لوصف روعة وجودك بين سطوري ..
كُن بخير دوماً ابوذر
...

عودا حميدا جميلا مستطاب

المشاركة الأصلية كتبت بواسطة تسابيح تدري انك قامة لن تطولها حتى حروفي ولو تعالت ؛؛ وهجٌ يسعى ليستنير منه سراجى ؛؛ كُن فضاء نستمد منه أُفق لا متناهي ؛؛ لا حدود لوصف روعة وجودك بين سطوري .. كُن بخير دوماً ابوذر ...

انا بخير ولله الحمد
بس وينك غاتسه ما قالو ليك الحواشات تاني ماتمشي
قالو اماسي عامل ليهو نبله والايام دي يطقع في القمري
وخفنا عليك وعلي الحمام

طوفاشه
امس كان تلفونكم مغلق شبكه ولا شبكه

شوق و حنين
يتنازعنى
فأتكى قسراً على حواف هذه الأحرف
علها تقينى
بعض حرارة الاشواق


حاشية
تحيات و تمنيات بالنجاح
للعيال نزفها هنا
بعد ان تمنع الهاتف

تقديرى لك ابوذرعلى الأهتمام والمتابعه والسؤال
ظروف طارئه جعلتنا خارج التغطيه
تحياتى ...
‘‘

ياسلام.. ابوأمجد بين الصفحات والسطور
يامراحب والف هلا..
سعاده لا توصف بمرورك
...

السلام عليكم
حروفا كتبناها
فسمعتنا صوت ردكم علي السلام باحسن منها
وعليكم السلام ورحمه الله تعالي وبركاته
ثم قلنا مع السلامه فلم نسمع شي
فعلمت انكم تستقبلون ولا تودعون

فدعينى يا حبيبتى فى مركب شراعي ولي ..... هناك نخلتان توقف بجانبهما .جمال المنظر هل هناك أجمل من هكذا منظر: أنتشروا الاطفال مرحا وصراخاً ولعباً وسرورا وغناءً انا وحبيبتى بمركب شرعى ذات الجمال رحلة بنصف النيل الى شلال دال سمل يضحك ويردد أين أنتِ ياحماتى ؟ حبيبتى تردد كلماتها وهي في سعادة كبيرة .حبيتى عندما وصلنا بر اامان والان حبيبتي سأذهب لجلب الحطب لاشعال النار علماً بأن برودة تلك المنطقة قاسية جداً لانها وسط النيل يحط بها الجزر الخلابة ذات المكان انا وحبيبتى رحلة عمر ونسة وضحكة مع صوت الشلال وليالى القمرية فى هذا المكان حبيبتى ماذا في خاطرك مني للعشاء يالغالي؟ سمل يردد على هذا الجو سمك وشربة قرور يا حبيبتى سيكون أحلى من أي عشاء شربة سمك قرور وبعدا العشاء فى تلك الجزيرة الجميل حبيبتى قالت لدي صديقاتي وهن مجموعة نجوم لا زلت أتذكرهن قلت من هن يا حبيبتى قالت سمر وسحر وسما قلت اسماهن جميلات قالت انت احلى يا سمل حبيبى : حبيبتى وناظرت السماء وتلك النجوم الكبيرة والمتلألأة .... فعلاً استغربت المنظر.... هناك نجوم تغطي السماء وكل الافق سمل لها والان يالغالية تأملي بأننا نطير او نغوص بهذا الشلال الجميل حبيبتى فعلاً يا حبيبى سمل أنا الان اتخيل هذا الشعور ... لانها ليست فوق فقط بل هي في كل مكان هناك نجوم . صحيح يا حبيبتي سمل فى الصباح الباكر قبل رحلتنا الى قريتى كولب هل لي بفجان قهوة يالغالية؟ قالت تسلم يا حبيبى اطلب عيونى لان يا حبيبتي ..... تعالي معي نشرب فجان قهوتنا ونعيد ونستنا قبل الرحيل من هذا المكان هى شلال دال ارجوك ان تناظر كل هذه الطبيعة الخضراء والجميلة .... يا سبحان الله حبييتى قالت والله ياسمل حبيبى صراحةً لم أكن أتوقعها بهذا الجمال البارحة تقول سمل فك الحبل المركب ونراغب اتجاه الهواء ونوجه تلك الاشرعة الى قلب الهواء، وعليها الانطلاق من جهة دخول الهواء لنضمن ترس اشرعتها وابحارها بشكل مناسب ، وهذا الحبل الطويل حبيبتى قالت يا سمل انا أحبك وانا كمان احبك يا حبيبتى