التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
#1
|
|||||||
|
|||||||
وين حنين المنبت ( بيكا ) لك والجميع
من الاخ والزميل ( ابونورة) اهديك لها عساها تجدك فاضناني الشوق لك ومن
دفاق وَهَج النجوم في النيل غُنا القمرا حُجَا المطرة عِناق الموجة لي مركب تاكِل حيلوا في مُقداف يأشِّر للنخيل في القيف هناك جدول يغازل في حضن سنبل .. وطير زرزور يمِد جنحينوا يسرق ضي غروب شمسوا و قبُل يطلع علي عشوا و ينسي الدنيا والازمان .. وسحر اللحظة ما يغشوا ...! و أنا المهمُوم بتاكِي رذاذ رشَح و إنسلّ من زهرة بسم يضحك علي الصحرة تصرصِر في وِشيشا نشاف وما حضنت غُصُن شجرة ولا قمرية طارت فر مستّفة بالسراب و الحر ... يا نيل دفاق موجك يدنقِر كان يبُوس القيف يتاوِق كان يقالد الصيف يكابِس في عشم كضاب ! وكيف يا نيل شعور الموجة يبقي رِهاب ؟؟ دفاق جرحك شَرَح سِر الغُنا المصرُور فوق وطناً من الحسرات ... و نوسر في ضفاف همُّو حنين النيل و موية النيل و نوسر في ضفاف همّوا حنين النيل وموية النيل ودين النيل ! وفرع اللوبيا .. نازع و مات دفاق جرحك حشاهُ يوِح من الآهات دفاق نيلاً صرخ عطشان و كشّر وشُّوا عدمان لي مسوح المَي أنين موجاً نبح حرقان مَشوشو من جحيم الصي وجع مركب فَتر حيران و بِندِب حظوا ميِّت وحي وكيف يا نيل و إنت المَي تكوس الضفة زي غرقان ؟ تقول أحّي !!؟ تحيض فييك الدموم ........وما بتتعب من الإنجاب ولا بتربط رِحِم موجك سيول وطناً شقي و كضاب ترضِّع في جناك جدول .. وعُمرك ما فطمت سراب عُقُب يا نيل تقوم تاني تعال إتاكا في الكرّاب دفاق غيمةً تجيك بالخير دفاق وطناً سمح بالحيل شموس الضو ... وغيمة أجوادة تمطِِر كو تدفِّق لا إذِن لا كو يزِح منك بلا الهدّام يكون اللوبيا ليك هندام و تنجب نخلة دُغرية مشاعل نور و حورية و طير زرزور يشاغل في صفق جدول يتاوِق للمراكبية دفاق نيلاً حلال ما حرام ...!!! نشاف حلقك أذاك يا نيل شنق في القيف قناديلك حراق روحك .... غباش الضفة بِنده ليك .. يناديلك سجم خشمك... تمِد ماعونا للمالِح تكوس في وحدة ماهِيلك تقشقِش في دموع صحرة بتسرِق في مناديلك خصوك يا نيل !!!! قبُل تفتح عَشم بٌكرة و جابوا الدم و زِيف المعني و الفكرة وكِت يا نيل بِقيت عاجِز ما بندِّيك أرِض بُكرة واصل في حوامتك سِير و إنشاء الله الرجالة تطِير لا قمحاً بِشيل إسمك ولا جدول بشيل الفاتحة مرّة عليك دفاق النيل نِفاق لي غيمة ما بِتشيل .. ولا بِتكيل تكُوس رِجلينوا للفارغات يجيكم إنشاء الله البدورو ليكم ....!
كيف اللحاق بركب نعيك والشوامخ لا تطال
|
03-15-2010, 10:38 AM | #3 | |||||||||
|
[QUOTE
هذة انفاسك ستي استدفت بها الحرزف وانعكست لك وتسلمي ستي لمرورك وانتظري القادم |
|||||||||
كيف اللحاق بركب نعيك والشوامخ لا تطال
|
03-15-2010, 11:22 AM | #4 |
|
سوت شنو ياخ المحطات المسيخة ؟؟
شان تابي بي سكر وصولك؟؟؟ ( من زمن طيش حنتوب الذي صار فيما بعد رئيساً شهيراً) العتمة بانجقلي الصباح و مؤزن الحلة الفلاتي عايز يثبت لينا أنو بلال ود خالتو الحيطة بالحيطة وهو بهرد في لهاة الميضنة وبقول حي علي الفلاح حي علي السلاح والأزان في البلد دي مدفوع الأجر مقدماً يعني ممكن ناهد تمشي تجاهد ؟؟؟ علي فكرة ناهد دي اختي بس من بعيد كدة بيني وبينها تلاتة أخوات!! قدر المسافة بين قصور هارون الرشيد والعاصمة الاسبانية مدريد القلعوها حمرة عين من عرب الاندلس الكانو متفقين علي خلاف أيهما اجمل !! شعر أبن الرومي أم لحم الديك الرومي !!! سوت شنو ياخ المحطات المسيخة ؟؟ شان تابي بي سكر وصولك؟؟ ( من زمن أبن اللزينة (ود نفّاش) والذي صار فيما بعد حكواتي شهيراً) منو البقدر يشرط ورقة الزواج العرفي بين العسكر و الغبش ؟؟ والبلد مليانة أولاد حرام بدون أيي جناية بدون أيي غاية\ أو حتي حروف للسماية وحليلك!! حليلك بتسرق سفنجة وملاية وغيرك بيسرق خروف السماية تصدق في واحد بيسرق ولاية؟؟؟؟؟؟؟؟ سوت شنو ياخ المحطات المسيخة ؟؟ شان تابي بي سكر وصولك؟؟؟ ( من زمن بتاع البيض الصغير والذي صار فيما بعد رجل أعمالاً شهيراً) طوابير الجيــــــاع الحفــــــاة العـــراة واللسة واقفين في صف الأمل شان كسرة رغيف والشهادات المعلقة في حيطان الفشل البيروقراطي وروتين تعال بكرة العجيب وطلبات الوظايف النايمة في كهوف المسؤلين ! سوت شنو ياخ المحطات المسيخة؟؟ شان تابي بي سكر وصولك؟؟ (من زمن عسكري العمليات المغمور والذي صار فيما بعد بشيراً نزيراً)!! العتمة بانجقلي الصباح ..... في الضلمة حاج نور الأمام في الخطبة حي علي السلاح!! دايرين سعاد تمشي الجهاد؟؟؟ وكمان عبير تهتف تهلل للبشير! باب الأمل موجود ... لو كان الصباح مولود لو يبقي الظلم مفقود....[/size][/color][/font] |
كيف اللحاق بركب نعيك والشوامخ لا تطال
التعديل الأخير تم بواسطة ابوذر حسن طه ; 03-15-2010 الساعة 11:28 AM
|
03-17-2010, 07:46 AM | #5 |
|
ابو زر يا فقري
بدايات الصيف دائما ما تفتح جنونك علي مدارات لا تعرفها الا انت علي العموم شكرا علي هذا الكلام الحلو وكل سنة وانت طيب واسف علي الجية المتاخرة والقضارف كيف ؟؟؟؟ |
سر الحقيقة ليس ان نحب ما نفعل بل ان نفعل ما نحب |
03-17-2010, 02:13 PM | #6 | |||||||||
|
[QUOTE
الحبيب وغالي تعبت من انتظارات المساء والجلوس في نواصي الشوارع في انتظار المركبات التي تقل الاحباب والقضارف شتتنا سمسمنا ومنتظر المطر وبرجع علي سحابه شايله لتهطل علي منك |
|||||||||
كيف اللحاق بركب نعيك والشوامخ لا تطال
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
كل كام والجميع بخير | معز كرري | «۩۞۩-منتدى الحصاحيصا الحر-۩۞۩» | 2 | 09-23-2009 09:56 AM |
الهند بيكا | الكييك | «۩۞۩-منتدى الادب والثقافة-۩۞۩» | 10 | 09-02-2009 10:01 AM |
بيكا يا صديق | ابوسفيان ابراهيم احمد | «۩۞۩-منتدى الادب والثقافة-۩۞۩» | 2 | 12-13-2008 07:09 AM |
بيكا بيكا بيكا | ابوسفيان ابراهيم احمد | «۩۞۩-منتدى الادب والثقافة-۩۞۩» | 6 | 10-22-2008 11:46 AM |
كل عام والجميع بخير | مدثر عثمان الجاهوري | «۩۞۩-المنتدي الاجتماعى-۩۞۩» | 10 | 12-19-2007 11:26 PM |