غيب وتعال تلقانا نحن يانا نحن

أها الحاضر اكلم الغائب نحن جئنا وبنقول للغائب :


غيب وتعال
تلقانا نحنا يانا نحنا
ما غيرتنا ظروف
ولا هزتنا محنه
كم بعنا في الغرام
وإشترينا
غير هواك ما ربحنا
يا حبابنا يا شبابنا
يارباطنا يا سمحنا

غيب وتعال
تلقانا بي نفس الايادي
الراجفه مشتاقه
في ساعة سلامك
غيب وتعال
تلقانا بي نفس المشاعر
الطيبه الديمه
تطرب من كلامك
غيب وتعال
تلقانا بي نفس القلوب الياما
حزنت لما فقدت إبتسامك
والله بعدك يا غالي
لا غنينا ولا إنشرحنا
يا حبابنا يا شبابنا
يارباطنا يا سمحنا

تعال لينا
تلقانا نحنا يانا نحنا


كل الغائبين بدون فرز عايزين تسجيل حضور يا حلوين

أنا في رجاكم صامد صليد حاضن هؤاي ضاميه شديد

البشوف كلامي ده اقول ما كنت غائب تهئ تهئ تهئ

غايتو جنس رشاقة !!!!

حمداً لله على السلامة.. أنا ذاتي عاوز أتراشق و لا أتراقش و لا أتشارق هنا، ما عارف.. بس قلتا النمشي أصحصح بى قهوة المغربية و أجي.. تخيل لقيت البن خلص.. و ماش أجيب لي بن.. و كان ما جيت راجع، أعرف إني لقيت لي مكان أخر أترشق فيهو..!!
و دمت

إذنك معاك .. واوعاك ما تجي

جيب معاك هيل وجنزبيل واوعاك تنسي التمر

بالمناسبة عندي ليك هترشة

أبوعبدالله جارك متقهوي عندك ؟

انا جاري يمني كل مره برسل لي فطائر

أها أنت جارك برسل ليك شنو ؟؟؟؟

أسمع :

إنت سمعت بالواحد الكان بحلق جاه واحد قال لايه في اضانه

مدفوع مدفوع !

كان ما عارف اسأل

( قرض ) .

إنتو لاعبين بلي إستيشن كل واحد يشوت لي التاني
أها تعالوا نلعب معلقات وأنا مامتعلق ونادوا إشراقة دي خلوها تجي ممكن نقلبها كمبلت
يامنص ماتسجلني أنا داير أبقي الألفة
واحد فيكم يرسل لي فطائر
والتاني يرسل لي قهوة وتسالي

صدق يا منصوري، أمس مشيت أجيب البن، لقيت لي شكلة (بى هناك)، قلتا أساهم في حلها، قام (زولك) داك جدعني ليك بالطوب (الحراري) كالعهد به في كل (شكلة).. !! أها هسع جيت راجع للبوست ده، أقوم ألقى البرنس قاااااااعد .. الغريبة ما جاب سيرة المعشوق (الأحمر)..!! ده كلو كوم و وجود البرنس هنا بيطفش (الجماعة)..؟
أوعى تقول لي الجماعة منو..؟

للمعلومية البوست ده أنا خليته للرشيد والبرنس

وما تسألوني لايه !!!!!! قال كمبلت ابو اربعة .