من أجمل ما سمعت مؤخرا

أعذريني
للشاعر المرهف اسحق الحلنقي


أعذريني الدمعة ديّه
حتبقى آخر دمعة ليّه
تاني لو قربت مني
يبقى ليك الحق عليّ
*****
أعذريني محال أعاود
تاني ريدتك وأمشي ليها
ولا أرحل في عيونك
والطفولة الضاجّة فيها
كيفك أريدك وانتي أصلك
ريدتي ما حسيتي بيها
بالبعاد ما تعذبيني
أعذريني وأعذريني
*****
ما قدرت مرة واحدة
بالغلط أغلط عليك
وانتي عمرك كلو ظالمة
والدليل غفراني ليك
عارفو قلبك ما معاي
برضي شاغل قلبي بيك
بالحنان ما تعشميني
أعذريني وأعذريني
*****
من زمان وأنا راجي منك
كلمة بيها تفرحيني
وانتي ما فرحت قلبي
كنت ديمة تجرحيني
قسمة الزول ما بتفوتو
والبجيني معاك بجيني
لو بكت منك عيوني
سامحيها وأعذريني
وأعذريني .....

سلامات عوافي اختي سارة عليش
الليلة من وين نجيب ليك العذر ...^_^
جميلة الكلمات واجمل مقطع كيفني
قسمة الزول ما بتفوتو
والبجيني معاك بجيني...
جميلة هي بصوت سيف الجامعة
........ ..
ربي يفرح القلوب ويدي اي إنسان مراده
كوني بخير دوما^_^

سارة ذوق رفيع .... الحلنقي شاعر مهول يجيد التعبير عن الكل اي ان وعاء قصيدته يسع الفرح والحزن ... في آن واحد