التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
۩ﺴ ﺴ۩راكوبة الحصاحيصا۩ﺴ ﺴ۩ مساحة للونسة والضحك ونسيان بعض الهموم فيها |
|
أدوات الموضوع | انواع عرض الموضوع |
03-19-2015, 03:24 PM | #1051 |
|
نشوف اخرتا شنو معاك
قلنا ليك الفول ماتكسرو وديتو الحوادث قلنا ليم القميص ماتشرو اها شوف الحصل عليه شنو.....؟ انا دي بري بري بري |
كيف اللحاق بركب نعيك والشوامخ لا تطال
|
03-19-2015, 05:57 PM | #1052 | |
|
اقتباس:
لكن ال (ح) دى غلبتنى اكان انتى الشمار حارقك انا كاتلنى عديل لكن بالانابه عن م الله يبارك فيك |
|
|
03-24-2015, 09:13 AM | #1054 | |
|
اقتباس:
كضبا كاضب الشمار ما عندو علاقة بمحمد جعفر ود جعفر ده سيبو في حالو العليهو ما هين |
|
|
03-26-2015, 09:04 AM | #1055 |
|
ولدي عمرو 4 سنين معذبنا في الموبايلات
كل ما يلقى ليه فرصة في موبايل يجري يتدسى بيه تحت سرير ويقعد يطبز .. تقبضو يقول ليك عاوز ألعاب .. بعد ما خسر لينا شاشات موبايلين قررت أحسم موضوعه ودخلت سوق دوت كوم عزلت أرخص موبايل بشغل ألعاب .. موبايل وهمي كدة اسمو فلاي من يوروستار ولا حاجة بالشكل دة. ظبطته ليه كويس وخليتو يلعب بيه الليلة الصباح قال لي نزل لي ألعاب جديدة .. جيت افتح سوق بلي ألقى الواي فاي ما شغال .. قدر ما حاولت أشغلو وأحرك مفتاح الواي فاي لي on مابي يتحرك .. سألت المدام عن مشكلة الجهاز هل وقع ولا حصلت ليه حاجة قالت لي ليه اسبوع ما راضي يدخل انترنت يقطع سنين الموبايلات الرخيصة وبديت أنظر قفلت الراوتر وفتحتو قعدت أبحّت في إعدادات الموبايل لمن زهجت قفلتو وفتحتو 10 مرات بعد ساعة كدة قلت بعد دة حأضطر أعمل ضبط المصنع ودي معناها حأقعد باقي اليوم كلو أنزل ليه في ألعاب جديدة بس فجأة كدة جاتني ليك فكرة عبقرية .. أنا زي ما إنتو عارفين زول جضام في شغل التكنلوجيا وخبير يقطعوا ليه السودانيين مئات الكيلومترات عشان يصلحوا كمبيوتراتهم وينزلوا برامج في جوالاتهم. فكرتي الفنانة كانت اشتري زمني واستغنى عن الواي فاي وأركب شريحة البيانات بتاعة الرواتر في الموبايل مباشرة وأنزل ليه الألعاب العاوزها وأرجعها الراوتر تاني .. أتحدى واحد فيكم وهو بيقرأ في المشاركة دي جاتو الفكرة الذكية دي .. انتو قايلين الخبرة دي حاجة هينة ولا بتجي بالساهل ! فكيت الراوتر من الكهرباء وعاوز أطلع الشريحة ولدي أحمد ذو الثمانية سنوات أصغر مدمن واتساب في العالم موبايله قطع نت طبعاً وجاء مكان الراوتر عشان يشوف الحاصل شنو لقاني بفكفك في الغطاء قال لي الحاصل شنو؟ طبعاً أنا من الناس الحريصين أدي خبراتي لي ولدي أحمد .. لو ما استفاد مني أنا البفيدو منو .. قلت ليه موبايل عمران ما عاوز يشبك في الواي فاي و... قبل ما أكمل كلامي قال لي كدي جيب الموبايل .. وريتو الموبايل وهو في يدي عشان يشوف الواي فاي الرافض يمشي لي on قبل ما أتكلم ذاتو قال لي ما عشان هو في وضع الطيران ! وفي ربع ثانية سحب الإشعارات لي تحت وضغط رمز الطيارة والواي فاي شبك. مصعب ابن المعلم الزناتي انهزم يا رجالة يعني أنا بي خبرة السنين دي كلها أعافر زيادة من ساعة في مشكلة عشان يجي شافع عمرو 8 سنوات يجلها في أقل من ثانية ؟!!! غايتو ما عرفت أفرح عشان ولدي جضام ولا أبكي على خيبتي .. الشايفو جضام يقول ما شاء الله والشايف خيبتي يضحك علي في سرو ما عافي للبشمت فيني |
|
03-26-2015, 05:22 PM | #1056 | |
|
اقتباس:
مسعول من الخير يا مصعب اخوى دحين ما سمعت بالحوار الغلب شيخو ؟ و لا ما كلموك بغلطة الشاطر ب 1000 كسرة ملف عافى منك يا حمودى |
|
|
04-01-2015, 07:20 AM | #1057 |
بيتحقق |
والفرح بينادى
قامت وردة صغيرة حنينة اتفتحت على صوت الفرح و لون السماء الصافى و نور عيونك ابتسمت الوردة وانا وصلنى ... ممزوج بابتسامتك ... كدى خلونا من ده ... هضربة وخلاس ملونة بصفاء القلوب الانتخابات قربت ومافى جديد كل المرشحين الجدد بيمنوا الناس باحلام وردية ومافى جديد البشير مازال يكرر ومافى جديد ومافى مرشح من الجداد قادر يلقى مساحة مريحة للحركة ومافى جديد والبشير اتوزع على كل ارض السودان ومافى جديد و الانتخابات باقى ليها كمين يوم ومافى جديد بس الجديد صورتك لما صحيت عليها مع انى نمت على رنين صوتك و الامانى كسرة اذا كانت الانتخابات قادمة حتما ستأتى لحظة اعلان النتيجة كسرة ناصية الانتظار قاسى كسرة أخيرة اشتاقك امتنانى |
|
04-01-2015, 01:39 PM | #1058 | |
|
اقتباس:
والله يا حليلك يا مصعب لقد وقعت فى الفخ هههههه زمان اخوك اول ما الكمبيوترات بدت تنتشر كان احسن من ينزل وندوز وبرامج ويفك ويركب ويغير كروت وكده اها اخونا عباس الله يدى العافية استفاد منى كتير ومع مرور الوقت بقيت ما متذكر الوندوز بنزل كيف وكل ما احتاج بلجاء لى عباس هو مندهش انو انا مفروض اكون عارف وانا بندهش انى بقيت ما عارف كيف؟ ههههههه فياحبيب ماشاء الله على الولد واكيد هو سر ابيه اديو خبراتك وح يجى يوم يقعدك فى المساطب الشعبية وانت بتستمتع بى إبداعاتو وقد تسالو اسئله هو يشوفه غبيه ههههه عادى ياحبيب ولايك كمان |
|
جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا
التعديل الأخير تم بواسطة ود الحصاحيصا ; 04-01-2015 الساعة 01:48 PM
|
04-19-2015, 07:45 AM | #1062 |
بيتحقق |
ورجعنا
نبارك من غير ما نشارك شارك صوت كورك وجوط وكان ما جيت اصلاً ما فارق ... بنتمها موية وعادت تانى حكومة الثورة ورفرف علم الثورة وجاتنا جيوش الثورة وصوتك واصل وان ما جيت ياك موئد وانت مؤيد مادام صوتك واصل فجاءة كده اتخيلت خيال ساكت ما تركزوا عليه كتير اتخيلت ان .. الحكومة تصدر قرار يقول ان اى زول جاء صوت حا ياخد قطعة ارض لانه ده بيدل على انه سودانى اصيل الخيال بقى لى حقيقة مش خيالى قمت جريت جرى صوّته حقيقة كنت خايف القى اسمى استهلك ... لكن لقيته قاعد منتظرنى حليل الانتخابات زمان تجى على المركز يلاقوك مئة نفر وكل واحد يقنعك بى اتجاه هسة التقول صارفين ليهم فاليوم الما نائم مدروخ شوف عينى ما جابوا لى فى واتس اب رميت صوتى رمية عدوك لا انا مقتنع بالفكرة ولا لقيت نكهة الانتخابات الزمان ديك المهم ... صوتك وهمسك وابتسامتك كسرة تحديد نسبة المصوتين لم يكتمل بعد كسرة ناصية يا جمال النيل والخرطوم بالليل كسرة اخيرة جيت وما لقيتك امتنانى |
|
04-19-2015, 11:20 AM | #1063 | |
|
اقتباس:
لايك |
|
جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا |
04-22-2015, 08:20 AM | #1064 |
بيتحقق |
معاك اتنين لايك
ونص وكان ما شايفها شينة نكملها تلاتة ما الحال من بعضه نسيبتى مشت تصوت اسمها س بابكر لقوا س عبد الله اسم س بابكر ما لقوه قالوا ليها مادام الاسم الاول صحيح الباقى ما مهم واصلا ما بترجعى ساكت والغريبة ختموا ليها يدها نظام التصويت صحيح وكده حسيت انوا اهم حاجة ختم اليد المحيرنى ما نسيبتى بتها المشت معاها ساكت بتها دى ساكنة الخرتوم من سبعة سنة حلفوا عليها قالوا ليها لازم تبركى لينا الصناديق دى اصلوا ناس الخرتوم عندهم معزة عندنا واصواتهم حلوة زيهم ... قالت انها ما مسجلة هنا سالوها من اسمها قالت ص مع انه اسمها ما ممتكرر لكن سبحان الله لقوه واحد كانه منتظرها ... غايتو جبرت بى خاطرهم وصوتت وبرضوا ختموا ليها يدها ... ماهم لازم يكونوا شفافين ... وكده تقول لى لايك ما كفاية كسرة اسمك رسمك همسك كلامك المهم صوتك كسرة ناصية ويييييييييييييين الحى بيك كسرة أخيرة Big like امتنانى |
|
04-22-2015, 03:35 PM | #1065 |
|
سلااامات كبير المهضريبن ود تمساح
ومعاكم ميييت مليون لااااايك والنزيدك من الشعر بيت انا زميلتي من قرية في الحلاويين ما مشت صوتت ومشت اختها للتصويت لقت هي واختا مصححين اسماؤهم فقالت ليهم خلاص برجع استحلفوها ما ترجع ساي وصوتت بديلا لرابحة مع العلم اخت زميلتي اسمها مني!!!!! وبررررررضو لايك اللايك |
|
04-23-2015, 03:29 AM | #1066 | |
|
اقتباس:
اساساً القصد من الانتخابات المشاركة طالما اى زول جاء و شارك يبقى مافى مشكلة المهم الشجرة و دى معروفة شجرة اصلها ثابت و فرعها فى السماء |
|
|
04-24-2015, 07:41 PM | #1068 |
|
ما بتخيل إني مخير
في الإحساس البفرض نفسو زي ما تقولي حرير إيديكي لمّا أسالمك بعرف لمسو وزي ما تقولي الشوق في عيونك بقرأ حروفو وبسمع همسو فرحاً هسّة معاك بتوهّج عمر اللحظة يودر أمسو صدفة تجيبكـ ... وتلعب دورا معانا الصدفة لا مترتب حتى كلامنا ولا إتهيأنا رفعنا الكلفة ما متخيل لمّا لقيتك يبدأ أوان الريد الإلفة أحلى حقيقة هوانا حقيقة أجمل حاجة معاك بتحدى شايف فيك العمر الباقي يزهر وردو الحب ومودة يلا تعالي نلمو شتاتنا وأنسي معاي الفاتنا وعدّى |
|
04-24-2015, 07:44 PM | #1069 |
|
ملعون وجع كل الغنا
الذاتو إحساس الأنا ملينا من كتر الكلام الخوف وضيق الأمكنة ملعون شتات الذكريات القافية والشعر الهجين ملعونة كل المفردات في لعبة الشوق والحنين عفواً إذا البوح للسكات ما أجدى في الزمن اللعين وإيه يعني كان لو جيت وجات والشك يطارد في اليقين لو كنت فارقت الهوى الدمعة ما كان تبقى زاد في سكة الشوق والنوى خلاني جمر البين رماد والكان مشينا زمان سوا إتبدى في الآخر بعاد يوم عز في الوجع الدواء ليلاتنا ضماها السهاد وملعون وجع آخر شقاي الذكرى والماضي البعيد والعشتي حلوة ومر معاي ما بسوقني للهم من جديد ضيعتي أفراحي وهناي العيد كأنو ولاهو عيد آن إني أنساك في غناي في القسمة ما كان لية إيد أنا تاني ما بتذكرك أزرف دموع وأندم عليك في بالي أجفى وأنكرك وأنساكي نفس اللحظة ديك لا عرفتي يوم لا بعرفك لا كنتي فيني ولاني فيك أنا أصلي يوم ما بعزرك لو كان أموت ما بشتهيك |
|
04-28-2015, 06:04 PM | #1072 |
|
ما بتخيل إني مخير
في الإحساس البفرض نفسو زي ما تقولي حرير إيديكي لمّا أسالمك بعرف لمسو وزي ما تقولي الشوق في عيونك بقرأ حروفو وبسمع همسو فرحاً هسّة معاك بتوهّج عمر اللحظة يودر أمسو صدفة تجيبكـ ... وتلعب دورا معانا الصدفة لا مترتب حتى كلامنا ولا إتهيأنا رفعنا الكلفة ما متخيل لمّا لقيتك يبدأ أوان الريد الإلفة أحلى حقيقة هوانا حقيقة أجمل حاجة معاك بتحدى شايف فيك العمر الباقي يزهر وردو الحب ومودة يلا تعالي نلمو شتاتنا وأنسي معاي الفاتنا وعدّى |
|
05-05-2015, 08:42 AM | #1075 |
بيتحقق |
الكهرباء قطعت ...
كل البلد ضلمت ... الا انا ... نور عيونك كان منور دنيتى ... الاوردة اتحولت فينى زينة طربت ... لانه الدم الفيها اصبح مؤكسد ... طلتك غيرت الخارطة ... القلب ما عاد يأكسد للدم وينقى ... لانه دورة دماه بتمر بى طيف خيالك ... ودقات قلبك بتعزف روايع ... شايفة كيف ...!! امتنانى |
|
05-12-2015, 09:11 PM | #1077 | |||
|
اقتباس:
والله يا أبو أمجد شطارة أحمد بتعجبنا .. إلا كمان الخيبة حااااااارة اقتباس:
أنا لسة راسي قوي لكن شايف المدام بقت تستعين بيه في الموبايلات الجنا بقى كلامو كبار كبار ولما يلقى موبايل يشيك على ذاكرته وامكانياتو إييييييه حليلنا ونحن بنلعب فلفلت في الشارع نصة نهار والشمس صاقعة فوق روسينا ناس احمد ديل لو قطعت الكهرباء ولا النت زي المات ليهم زول اقتباس:
والبضحك في سرو برضو ما عافي ليه
والما بضحك وجمبو واحد بضحك في سرو برضو ما عافي ليه لكن (غ ج غ) دي غلبتني كلو كلو زمان عندنا واحد ابتكر لينا اختصار جميل وبقينا نستخدمو بي كثافة اللي هو ( جخ ) يعني جزاك الله خير |
|||
|
05-20-2015, 09:34 AM | #1079 | |
بيتحقق |
اقتباس:
غ ج غ
ما تعفى لى كيف ... انت عندك اعتراض فى سرى ... ذكرتنى زمان قلب الجزيرة كان مغلوب ... و المدرب طلع زهجان لقى ليك واحد قدامه ضربه بنية قالوا ليه ده ذنبه شنو عشان تضربه قال ليهم سب لى دين فى سره ... شايف كيف ...!! غ ج غ (غايتو جنس غايتو) ملك حر لاخونا الغائب عذره معاه ابوعمر امتنانى |
|
|
05-20-2015, 05:32 PM | #1080 |
|
يا وجهاً علم البدر معاني الفجر
وأشرق سحراً ثم أضاء يا من تقتل فينا الخوف وتطلع همساً كالحياة في أي مكان في أي زمان أي خريف أي شتاء قد جئت ربيعا غمر الصيف وحول وجه الدنيا فصلا اخر حيث أفا انت لنهديك الورد ولكن للحب نهديك ان كان هذا بعض وفاء |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الرئيس عمر البشير الشغلانة ليس جعلنة ساكت !!!! | ود اللواء | «۩۞۩-منتدى الحصاحيصا الحر-۩۞۩» | 1 | 10-30-2011 12:18 PM |
هضربة زول | محمد ارباب | ۩ﺴ ﺴ۩راكوبة الحصاحيصا۩ﺴ ﺴ۩ | 4 | 04-23-2010 06:35 PM |
اضبط..حرامي في الموقع يا بورداب | حسن وراق | «۩۞۩-منتدى الحصاحيصا الحر-۩۞۩» | 4 | 01-17-2009 09:44 PM |
هضربة انتيستين | الكييك | ۩ﺴ ﺴ۩راكوبة الحصاحيصا۩ﺴ ﺴ۩ | 4 | 11-10-2007 05:23 PM |
ادخل شوف واضحك من قلبك (نجار فاره ساكت صح) | الفاضل تمبول | ۩ﺴ ﺴ۩راكوبة الحصاحيصا۩ﺴ ﺴ۩ | 0 | 05-30-2007 05:14 PM |