كيف تعرفت على موقع الحصاحيصا....

التحية لي كل انسان يضع موضوع للنقاش
ولك يابنوته
انا عرفت من الاخ عارف بس مع سفري خارج الوطن مرتين ماكان عندي الوقت
وهسي الحمد لله خلصت دراساتي وفضيت
وفي الحقيقة الواحد حزين للتاخر في الاشتراك في هذا المنتدي الرائع واتمني المزيد من التواصل مع ابناء الوطن الجميل الحصاحيصا

تحية لجميع المعقبين ولجميع الاعضاء
الذين ازدان المنتدى المنتدى بحروفهم
ومرحباً بالجميع فى ساحات منتدى الحصاحيصا
ونرجو ان نساهم جميعاً فى إثراء النقاش
حتى نفيد ونستفيد,,,,
اتمنى المشاركة من الجميع واتمنى من الذين
شاركوا الاجابة على هذا السؤال:
- من هو العضو الذى كانت مشاركته فى المنتدى
بدعوة منك ؟

قد لا تصدق اخـــي عارف ان قلت لك ان الحصاحيصا هي من قامت بدعوانا للمنتدي لانها هي الام التي كنا نبحث عنها في محركات العنكبوتية حتي جاء اثر ذاك الحب ينادي في دواخل الاطفال ها انا بلد كل الحضارات ورابط كل اللهجات و حاضن كل القسمات انا مزيج من دم الزنوج الفونج وعرق عرب العرابات انه وطن كل المسافات انها الحصاحيصا وهذا يكفي يا من تشرفتم بالانتماء وحملتم شعار الشرفاء المنتدي وضياء ..
ودمتم ذخراً لنا

اولا احيي الاخت / بنوته علي فكرتها وطرحها هذه الموضوع للنقاش وتحياتي الي الاخ/ عارف وتحياتي الي الاخ/ود الشايب والاخ/ محمد عباس والي جميع اعضاء المنتدي .....فكلمة الحصاحيصا كافية لكل من ينتمي لهذه المدينة الرائعة باهلها وتمازجها القبلي ...وكما قال الاخ/ود الشايب اسم الحصاحيصا كفيل بالبحث عن ماوراها واخوان كرام كان لهم لفت نظرنا لهذا المنتدي الرائع واتمني الفائدة للجميع....مع عاطر التحايا .....ودمتم...:21_181:

تعرفت على الموقع عن طريق الأخ العزيز (عارف) ذلك الأخ النشط فقد ألح علي كثيرا وحتى بعد فترات يسألني عن عدم دخولي للموقع وها أنا ذا يا أخي عارف بينكم وأشارك معكم 00
وجزاك الله خيرا أخي عارف
ودمت
أخوك / مروان

الصادق
معاذ
مروان

تحية طيبة مباركة ونحن نلتقى مجدداً فى رحاب الحصاحيصا
بعد ان ابعدتنا الحياة وارغمتنا الظروف على الابتعاد عن
مديتنا الحبيبة وعن اهلها الطيبين ولكن تبقى ذكريات ايام
جميلة قضيناها فى رحابها مع اناس تعجز الكلمات عن وصفهم
فلا ننشد ساحات المنتدى الا لنتنسم عبيرهم ونسعد بصحبتهم
لكم كل الود والتحية والتقدير مع خالص الامنيات بان
يجتمع الشمل عبر هذا الصرح

زاهيات مزارعك فاتنات
سحر الطبيعة الملهمة
شامخات مصانعك شاهدات
فخر الحضارة ومعلمه
صوت المآذن زان سماك
وايمانا بيك زايد سنا....

انا اتعرفت على الموقع عن طريق شباب من الحصاحيصا

ما عارف ليه ؟ لكن الشمار حرقني وداير اعرف صاحب صاحبتك البدافع عن بلدنا ده اسمو منو ؟

حافظ شماراتك تقليلا اديها حبت مويه

تعرفت عليه عن طريق البحث فى القوقل وكان بحثى عن قصد ، هنالك من المدن ماهى أصغر من مدينتنا فكيف لايكون لم%

انا عرفتها يا اخ هاشم
ربنا يخليها ليكم ويديمها صديقة لي
تعرفت علي المنتدي من احد الاصدقاء من السعودية
وهو احد الاعضاء والمساهمين في كثير من المواضيع ولكن تحت اسم مستعار
فله التحية
واحمد الله كثييرا علي ذلك لاني اصبحت اري الحصاحيصا كل يوم عبر النت

بصراحة انا عرفت المنتدى عن طريق زعلة حيت تم الاتصال على من ابناء رفاعة عشان اكون عضوء فى منتديات رفاعة واخدتنى الغيرة ، ليه رفاعة يكون عندها منتدى والحصاحيصا لا . وبقيت ابحث فى موقع قوقل عن منتدى الحصاحيصا والحمد لله مما سجلت فى الموقع للحين مواصل ، ومن هنا ببعث برساله فخر واعزاز لموقع رفاعة ولمدير موقع رفاعة صبرى طه له كل الشكر ، وايضا لموقع الحصاحيصا له الافتخار والتقدم

وهيب احمد

انا اتجول اهيم ارحل من بلد الى بلد عبر قوقل اجتاحتني وحشة الى احد الاصدقاء وهو مقيم معي هنا في السعودية بس ما بعرف عنوانه ولا اى شي يصلني به فكتبت اسمه على قوقل فأتتني هذه البوتقة الرائعة التي كانت تدون اسمه ضمن اسرتها ابت نفسي والله الا ان ابيع فلي لكم مقابل الكرم والطيبة وروعة المكان شكلا وجوهرا .
المهم اصبحت فرع لشجرة هذه الروعة ........ والى الان ارى صديقي يتجول في هذا البستان وانا اراه وارتوى شوقي اليه مع انني لم اكلمه او اعرفه بانني اعرفه ....... ولكن حتما سوف يعرف .

لك كل الشكر يا بنوته على الطرح الجميل وراقي

التحية لكل من أفرد مساحة لهذا العشق
والتحية لبنوتة والتحية لربان هذا المركب
فى الحقيقة معرفتى بالموقع لم تكن صدفة ولكن كانت غيرة
فمن مشاركتى ببعض المنتديات تبادر سؤال الى ذهنى لماذا هذه
المدينة العشق لايوجد بها منتدى لابد من ذلك فالمدينة بها الكثير من يفكرون
هذا الفكر ومن مكانى لمحرك البحث وكتابة منتديات الحصاحيصا
لم أتفاجأ لوجد المنتدى بل كان ممكن تكون صدمة لو لم أجده وها نحن
نبحر معا فى اعماق مدينتنا وعشقنا الحصاحيصا بوجودكم ووجود
قامات مدينتى
دمتم بكل ود

السلام عليلكم ورحمه الله ... انا عضو جديد بالمنتدي وقد تكون هذا اول مشاركة لي وسبب بحثي للمنتدي يعود الي ايام الجامعة حيث كان لي صديق عزيز جدا من المسعودية يعايرني بانه عندهم جريدة وموقع في النت باسم المسعودية وونحن لانملك فحاولت البحث عن مواقعنا او جريده باسم الحصاحيصا واهداني لها الصديق محمد ابوزنه فسافرت لصديقي حسام واهديت له الاصدار ومن تلك اللحظه انا مداوم علي الموقع متي ماسنح لي

حافظ
amas
صلاح
بت امها
وهيب
بائع الفل
البرنس
علاء

تحية طيبة عطرة لكم جميعاً ونحن نلتقى عبر هذه
المساحة العامرة باطلالاتكم والمزدانة باحرفكم
وكل الامنيات بان يكون هذا المنتدى دوماً
فى المقدمة وقطعاً ذلك ليس ببعيد والمنتدى
يذخر باعضاء نشطين ورائعين للحد البعيد,,,,
اهلاً بكم جميعاً وفى انتظار مشاركاتكم على الدوام

ويا ريت لو كل واحد ورانا من العضو الهو كان سبب
فى انو يجى المنتدى او منو العضو اللى دعيتو
واصبح من اعضاء المنتدى النشطين,,,,

وفى انتظاركم دوماً فى:

بيوت تفتح لى ادق او ما ادق
من غير تقول الزول منو
ولا حتى علّ الداعى خير
لا مالك الجابك شنو
لبيوت تجى فى اى يوم
لو جيتا ليل او جيت دغش
طوالى ادفر الباب وخش

في الحقيقه ان عرفته من الاخ العزيز /النزير السر مجدوب
رد الله غربته سالما غانما
لانو حفيفتا اشتقنا نسمع صوته
وكنت اتمنا ان اجده دائما في المنتدا لاكين استراليا الظاهر
نسته الفن والحاجات الجميله والله العيال وكترت الشقل ماعارفين؟
ياريت نسمع اخبارك من خلال المنتدا

تحية اخ عمر وان تأتى خير من ان لا تأتى
مرحباً بك فى منتداك بين الاهل والاحباب
والاستاذ النذير السر موجود وهو عضو
نشيط فى المنتدى ,,,,

الشكر للاخت البنوتة على هذه الفكرة الرائعة

انا شخصياً تعرفت على المنتدى من خلال الاخ عارف

حيث قام بتقديم الدعوة وقال لى نحن عملنا منتدى للحصاحيصا

ومن يوم داك عيييييييييييييييييييييييييييك

والله سؤال ...
اما الاجابة سهلة اولا هي غنية عن التعريف ولو علي مستوي الشبكة , وبحثت في البداية عن الطالباب ثم الحصاحيصا وكما توقعت ان الاقيكم وشكرا تاني.

الواحد وكت يكون برة وطنو الكبير (السودان)والصغير(الحصاحيصا) بحاول يلقى حاجة تصبرو .
والله ياناس الحصاحيصا قدر ما ادخل النت بحس اني في ارض الوطن تحياتى لكل اهل الحصاحيصا العظماء وخاصة ليك ياعارف, صديقك معاوية بسلم عليك كتير.

طبعا دي زي لمن الزول اتهموا وهو اصلا ماعارف حاجه يا عارف ..... انا والله كنت ببحث في النت عن مدينة الحصاحيصا فقمت وجدت منتدى اسمو منتديات الحصاحيصا وانا اصلا كنت مع ناس مدني من حين لآخر لاني بعيد شويه عن النت ولكن الحمد لله وجد اهلي واخواني واصحابي والمثل بقول ( العرجاء لمراحها) .... أبو ريناد

لكم التحية
وددت ان ابحث عن عنوان لأحد معارفى من الحصحيصا فى جوجل فدخلت ساحتكم فاذا بها مليئة بمجموعة من الأصدقاء تربطهم أخوة و محنة............فما أردت الخروج منها.

*****
لست من الحصحيصا ولكنى تنفست هواءها فسرى هواها فى دمى
*****

تقبلو مرورى

معرفتي بالمنتدي كانت عن طريق الصدفة

ولكنها اجمل صدفة في حياتي , لانها جعلتني التقي


بكم ايها الرائعون , وارجعتني الي كل جميل .


ابقوا دائما بالف خير.

والله انا عرفته انو في منتديات للحصاحيصا بالصدفة
عن طريق بحث قوقل

تحياتى اخ ايمن الباقر ولا اشكرك على تلبية نداء الحصاحيصا فقد عرفناك
مهموماً بكل ما يخدم الوطن الكبير والوطن الصغير ,,,, مرحباً بك فى منتداك
مع الامنيات بمواصلة الابداع عبر ساحات المنتدى ,,,,

محمد الامين زمن طويل لم نلتق فيه ولكن الحمد لله الذى يسر لنا اللقاء
عبر ساحات المنتدى لك كل الشكر على المرور والتحايا موصولة عبرك
للاخ معاوية وللاسرة الكريمة ,,,,

مرحبتين حبابك اخ محمد عبد الرازق والبركة فى جوجل اللى دلاك على
المنتدى ومرحب بيك وسط اهلك واصدقائك وكل الامنيات بدوام التواصل
وعدم الانقطاع ,,,,

مرحب بيك اخ ود الطالباب والحمد لله وصلت وارجو ان يطيب لك المقام
فى منتداك ولك الشكر على الحضور والمشاركة ,,,,


سهير وجودك يسعدنا ومشاركاتك مميزة والآن لك معارف واصدقاء كثر
فى الحصاحيصا ,,,, اهلاً بك ولا عدمناك ,,,,

ريرى انها حقاً اجمل صدفة تلك التى جمعتنا بك وجعلتنا نتنسم عبير ابداعات
حضورك جميل ومميز ,,,, لك كل الود وجميل الامنيات بدوام التواصل ,,,,

ابو الياء ورب صدفة خير من الف وعد وحقاً صدفة واجمل صدفة يوم لاقيناك
هلا بيك فى منتداك والجابك يجيب عقابك ,,,,

سلام اهلنا فى منتدى الحصاحيصا
اتعرفتا على المنتدى بالصدفة بس اصلا يمكن يكون جذبنا الحنين لانو جذورى من الحصاحيصا
وسعدت بانضامى وقبول عضويتى
دوما حلاوية

اهلاً بيك اخت حلاوية وصدفة جميلة تلك التى قادت الينا ,,,,
مرحباً بك فى منتداك ونتمنى ان لا تبخلى علينا بحروفك
عبر ساحات المنتدى ,,,,

تعرفت على المنتدى صدفةً . تمنياتي للمنتدى بالتطور والإزدهار .

لا اله الا الله محمد رسول الله
اخوكم في الله

حكايتي مع المنتدي وبكل صراحة
في يوم انا كنت مسافر فيهو للخرطوم شفتى الكبري الجديد بتاع رفاعه الحصاحيصة (الحصحيصة ايهما صاح) فحبيت اشوف في النت ودخلت النت ولقيت منتديات الحصحيصا ودخلت ليها وطلب مني التسجيل وسجلت واتصفحت وحبيت انشر برامج ومشاركات ياريت تنال اعجابكم وابقا عضو دايم في هذا المنتدي
ولكم التحايا وخاصة الاسرة المكونه لهذا المنتدي
ولكي يا ببببببببببببننننوووووتههههههههه

إتعرفت على المنتدى في اكتوبر 2006 عن طريق ودالحصاحيصا وكان مصر جدا إني اسجل فيهو في البدايه ماكنت مهتمه بالموضوع وكل مايسألني أقول ليهو ماسجلت إتصل علي يوم المساء وقال لي أنا سجلت ليك يعني قمر الزمان دا إختيارو هو
شفتو كيف يعني مرات ودالحصاحيصا دا منو فايده
لكن حقيقه أنا سعيده جدا إني من الحصاحيصا وسعادتي أكتر إني عضوه في المنتدى لأني عرفت عن طريقو ناس كتار حتى وأنا في الحصاحيصا ماكنت بعرفهم وحقيقه منتدى الحصاحيصا بمسابه موطن لينا وذي الحاجه الكانت تايهه ولقيناها ودي مساحه بشكر فيها عارف وودالحصاحيصا والغريب لي فكرتهم الجميله وأكيد ربنا حايجزيكم خير لأنكم لميتو الناس كلها مع بعض دي صلة رحم بالمناسبه..........
من هنا برسل تحياتي لي كل الأعضاء في المنتدى وبتمنى ليكم مذيد من التقدم وربنا يبعد العوارض ويكفينا شر الحاسدين قولوا آمييييييييييييييييييييييييييين
لك ودي بنوته
قمرالزمان