التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 192 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 615 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 362 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7699 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10244 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6033 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6842 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7251 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الادب والثقافة-۩۞۩»

«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 09-19-2006, 07:57 PM
وضاحة غير متواجد حالياً
لوني المفضل Brown
 رقم العضوية : 142
 تاريخ التسجيل : Sep 2006
 فترة الأقامة : 6410 يوم
 أخر زيارة : 10-08-2022 (03:02 PM)
 المشاركات : 1,404 [ + ]
 معدل التقييم : وضاحة
بيانات اضافيه [ + ]
افتراضي روائع الراحل المقيم مصطفى سيد احمد



يقول يوسف الموصلي في توثيقه لمسيرة مصطفى سيداحمد أن جده الأمين سلفاب قدم من شمال السودان ... ذلك يعني منطقة الشايقية التي قدمت الكثير في مجال الشعر والغناء ، ولكن جده إستقر جنوب غرب الحصاحيصا على بعد 7 كيلومترات منها ، وغرب أربجي بحوالي 13 كيلومتر ... وكان قدوم الأمين ود سلفاب للمنطقة حوالي عام 1710 .

وهكذا إستقر الأمين ود سلفاب في مكان قرية ود سلفاب الحالية والتي كانت أصلاّ قرية للدينكا كما يقول الموصلي في بحثه المشار إليه سابقاّ ، وأن هؤلاء الدينكا أبادهم وباء الجدري وما زالت هياكلهم العظمية ترقد تحت تراب القرية إلا إذا أخرجتها المطامير أو أساسات المباني العميقة المعاصرة فتخرج مع حفنات من السكسك والخرز ، والمغزى العميق في هذه المعلومة التاريخية تشير إلى تلاقح العنصرين العربي والإفريقي في قرية مثل ود سلفاب وهذا ما سندركه لاحقاّ كيف أن مصطفى سيداحمد حسم موضوع هويته السودانية منذ فترة مبكرة فجعلها هوية لكل السودان بتعدده الثقافي والفكري والديني والعرقي والسياسي والفني ، ليس شعراّ وغناءّ فقط وإنما في حواراته الكثيرة وجلسات الإستماع المتواصلة .

بالطبع عمل سكان ود سلفاب بالزراعة المطرية لبعدهم عن النيل ولوفرة الأمطار وكان ذلك قبل مشروع الجزيرة العملاق ، وبعد قيام المشروع توفر الري الصناعي والموروث من المعرفة بالزراعة القادمة معهم من شمال السودان ، لذلك كان والد مصطفى فلاحاّ بالفطرة كما يقول المصريون ، واحتقنت دماؤه بعاطفة الأرض والزراعة فكان مصطفى محصلة لتلك المصلحات النوبية القديمة ، وهذا أيضاّ ما سنعرفه لاحقاّ عند تناول قصائده وأغانيه .

على المستوى الإجتماعي مصطفى له سبع شقيقات وأخ شقيق واحد ومن سخرية الأقدار أن شقيقه هذا وكان فناناّ مرهفاّ قد رحل مبكراّ أي قبل رحيل مصطفى ولعل الامر يدهش إذا عرف أن شقيق مصطفى واسمه المقبول قد توفى وكان عمره آنذاك 27 عاماّ فقط ، وكان المقبول يكتب الشعر وصوته جميل .

كتب المقبول قصيدة السمحة يقول فيها:



السمحة قالوا مرحلة

بعدك الفريق أصبح خلا

............

جاني الخبر جاني البلا

والسمحة قالوا مرحلة

هذه الأبيات تؤكد بلا ما يدع مجالاّ للشك أن هذا شاعر عظيم إختطفه الموت في وقت مبكر ، وتكفي الإشارة إلى وصفه للفريق الذي أصبح " خلا " وكيف أن الخبر أصبح " بلا " .

ولكن القصيدة لها معاني أخرى كثيرة وهذا ما جعلها محببة لمصطفى وللكثيرين من عشاق فنه إذ يقول المقبول :

قول يا لسان في الراحلة

صوغ المعاني وجملا

نافر وما عارف العليّ

حالي العليّ حال الخلا

ها هو يلعب مرة أخرى على نغمة " الخلا " التي لا تغدو أن تكون سوى الصحراء في قصائد كبار الشعراء

يا عينيّ جافيتي المنام

وخدودي معاك بللا

وين بعدك ألقى عطوف يلم

أفكاري بعد البهدلة

كلمات بسيطة ولكنها غنية بالكلام السوداني المتداول من الجفا والبلل والعطف واللم والبهدلة .

روح يا نسيم روح قابلا

تلقاها نايمة وغافلة

داعب لخصلات شعرها

وألثم ضفائرها المسدلة

وأرفع كتفيها الهادلة

وكلل خدودها وقبلا

وقو ليها من بعدك خلاص

شفنا الفريق أصبح خلا

لاحظ هذا الإصرار والتنوع في إستخدام " الخلا " ولكن بمنظور شاعري مرهف للغاية حتى أصبح " الخلا " يعطي أكثر من معنى .

هذه القصيدة هي أول أغنيات الفنان مصطفى سيداحمد التي إبتدأ بها شهرته .

وهكذا فإن ملكة الشعر مغروسة في الشاعرين الرائعين ، ولمصطفى عشرات القصائد الجميلة من بينها قصيدته :

غدار دموعك ما بتفيد

في زول حواسوا إتحجرت

جرب معاك كل السبل

وإيديهو ليك ما قصرت

حطمت في قلبوا الأمل

كل الأماني الخدرت

كلماتو ليك ضاعت عبس

لا قدمت لا أخرت

كان مصطفى سيداحمد ومنذ طفولته على قدر من التمرد على كل ما يقيده .. كان منذ طفولته ينطلق إلى الأفق فكشف عن طفل له مستقبل واعد وطموح كبير .. فدخل المدرسة مبكراّ .. وأيضاّ مبكراّ جداّ كان يعشق صوت الراديو فيجلس أمامه لساعات طويلة يستمع للموسيقى ، فافتتن به وشكل جزءاّ من حياته .

دخل الإبتدائي بالحصاحيصا وحصل على ترتيب متقدم ثم إنتقل للدراسة الأكاديمية بمدرسة بورتسودان الثانوية عام 1973 . وهناك أصبح فنان بورتسودان الأول ، وبعد التخرج عمل بالتدريس في مدرسة ودسلفاب الثانوية العامة للبنين ، كانت الجزيرة دائمة الفرح وفي تنوع مدهش بالفرق الشعبية المحلية فنمت مواهب مصطفى في أجواء أسرة تحب الغناء والطرب فانتقل إلى الخرطوم بمعهد تدريب معلمي الثانوي العام ولكنه أضطر لترك مهنة التدريس ليعمل بمصنع النسيج السوداني مصمماّ نظراّ لموهبته في الرسم ، ثم بدأ إحتكاكه بالوسط الفني وكانت أغنيات : المسافة ، الشجن الأليم ، عشم باكر ، عباد الشمس وكان نفسي أقولك .

ثم إلتحق بمعهد الموسيقى والمسرح قسم المسرح فإكتشف الاساتذ أن مصطفي سيد أحمد يمتلك حنجرة جميلة وصوت طروب وإحساس مرهف ونصحوه بالأنتقال إلي قسم الموسيقي وكانت أولى تجاربه مع مستر كيم الكوري في أغنية رسائل للكاشف وعازة لخليل فرح وكانت له تجاربه في المسرح ، ولكن مصطفى لم يتمكن من تكملة الأربع سنوات بالمعهد ، كما وجد مشقة في التعامل مع الإذاعة والتلفزيون فلجأ إلى جلسات الإستماع التي جمعت عدداّ هائلاّ من محبي مصطفى سيداحمد .

كان مصطفى سيداحمد مؤمناّ بأن الغناء فن راق وأن الفنان ضمير عصره ، وعليه أن يشحذ في الناس الأحاسيس والمشاعر الصادقة بشفافية الفنان العاشق للناس والوطن ، وأن يدفعهم للإستمتاع بالفن الجميل ، يذكرني في هذا بتلك الأيام الغابرة للشيخ إمام وأحمد فؤاد نجم في مصر حيث طبقت شهرتهما الآفاق بتلك الجلسات الشعبية ولم تتمكن أجهزة الأمن من مصادرة أغانيهما ، والغناء عند مصطفى كان موقف وكان قضية ، كان يؤمن إيماناّ قاطعاّ بأن على الفنان أن ينشر الوعي بين الناس وأن يرتقي بالذوق العام .

ولكن المرض اللعين حاصره فغادر بسببه إلى روسيا ومصر والدوحة وكان بالرغم من مرضه اللعين يصر علي إحياء حفلات وإصدار كاسيتات كأنه يدري أن مفارقاَ لهذه الدنيا وإستقر في فترته الأخيره في الدوحة بحثاَ عن علاج لكلية واحدة وهناك فاضت روحه النبيلة ليظل الراحل المقيم في قلوب كل أهل السودان الذين وقفوا معه في كل مراحل مرضه ، تلك المواقف التي خففت عنه كثيراّ ولم أعرف شخصاّ قاوم المرض مثل مصطفى ، وكان من بين الألم والمعاناة يخرج تلك الدرر الحية الباقية التي تغنى بها بإرادة وتصميم وأدخل البهجة في قلوب كل أهل السودان .

وحقيقة يقولون أن وراء كل رجل عظيم إمرأة .. فقد حباه الله ببثينة في وقت كان في أشد الحاجة إلى إنسانة مثلها ... وكما في التاريخ هناك جميل بثينة عاد التاريخ ليكتب قصة مصطفى بثينة ، إنها بثينة محمد نصر .. ذلك الحب والزواج الذي أثمر أغنيات خالدات وأثمر سامر وسيداحمد .

قال عنها " لم أكن أعرفها .. جاءني صوتها عبر التلفون تطلب مني شريطاّ فيه أغاني محددة .. وعرفت من خلال هذا اللقاء إهتمامها بما أغني في إطار أسري .. واستمرت هذه الصلة لثلاثة أعوام وتكونت القناعات والشعور بأنك تحتاج لهذا الشخص ليقاسمك حياتك .. ما تعلمنا عن الحب كثيراّ ولكنا أحسسناه .. ومن حقنا أن نرى في الكلام إرهاصاّ وإختزالاّ لما نحس .. وما خاب ظني .. فقد كانت بثينة مدعاة للتماسك .. تغسل أحزاني وآلامي وتخرجني نظيفاّ إلى الناس .. لها حس مرهف بالألحان الجديدة بل والنصوص .. تجتهد في أن تجعل الظروف القاسية مساحة يمكن العمل فيها .. وتتحسس لحظات الإشراق والإنفعال لتسخر حتى حركتها داخل المنزل لتوفر جواّ أعمل فيه .. كيف لا وهي الستر والغطاء وأم سامر وسيداحمد "

عزاؤنا الخالص لك يا بثينة وللرائعين سامر وسيداحمد وعشمنا أن نرى فيهما مصطفى سيداحمد ومهما كتبنا أو دونا فلن نعطي هذا الإنسان حقه فهذا إخواني بعض الذي حصلت عليه من حياة وقصة مصطفي سيد أحمد فنتمني أن يكون هذا البوست إنطلأقتاَ لتوسيق حياة هذا الفنان المخضرم آلا رحمه الله وأدخله مع الصديقين والشهداء وجعل الجنة مسواه ،وتقبلو خالص التحايا والتقدير.

منقوووووووووووووووووووووووووووووووووووووووووول






[center:347f41c998][table=width:70%;:347f41c998][cell=filter:;:347f41c998]
رعشة الشوق
نقرتين لعرض الصورة في صفحة مستقلة

مرة بقصد احكي عنك
وقولي من طابع الاشارة
شوفوا ديك القمرة بانت
والنجوم حاطت مدارا
غيبوا اتلاشوا في عيونا
وغوصوا في اعماق بحارا
وابقوا اعرفوا من صفاها
كيف اصبحت اسير هواها
وراسي في ابعاد قرارا
الا لو مرات سرحت
وقمن لمحت وقروني
وعرفوا كل البينا عامرة
اصلة باين في عيوني
اعرف انه بحسن نية
باحت الاعين شوية
وافشوا سري وغافلوني
واتعرف ريدك متاعي
وانو فكري واقتناعي
والسعادة الضالة كوني
ويسالك ياذاتي عنك
البراءة الفي عيونك
والرزانة الفي انفعالك
والضجيج الفي سكونك
وانت ابعد من خيالي
ورعشة الشوق في سؤالي
بتحكي عن ابداع محاسنك
وعفة الطبع البصونك
نقرتين لعرض الصورة في صفحة مستقلة
[/cell:347f41c998][/table:347f41c998][/center:347f41c998]




رد مع اقتباس
قديم 09-19-2006, 08:00 PM   #2


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:3bb6ace701][table=width:70%;:3bb6ace701][cell=filter:;:3bb6ace701]


سحابات الهموم
نقرتين لعرض الصورة في صفحة مستقلة

سحابات الهموم ياليل بكن
بين السكات والقول
وباقات النجوم الجن
يعزن في المطر
فاتن عزاك رجعن
وشوق رؤياك
زمان مشدود على أكتاف خيول هجعن
وصوت ذكراك مكان يجرى يلاقى السيل
وسر مدفون بصدر النيل
ولو لا الذكرى ما في أسف
ولاكان التجني وقف
وصوت ذكراك رزاز صفق
على خطوات بنات سجعن
وشوق رؤياك
حنين لي رحلة في المجهول
ولولا الذكرى ما في وصول
ولولا الذكرى ما في أصول
ولولا الذكرى ما في شجن
نقرتين لعرض الصورة في صفحة مستقلة
حاجة فيك
نقرتين لعرض الصورة في صفحة مستقلة

حاجة فيك تقطع نفس خيل القصائد
تشبه اجراس المعابد
توهتني .. جننتني .. تعبتني ..
جننت حرف الكلام
وبرضو ادتني السلام
حاجة فيك شرف المدائن ..
في غرف كل السفائن
جوه في عمق المدائن والعيون
حاجة زي ما تكون محلق في العواصف
فجأة تهبط للسكون
حاجة زي نقر الاصابع لما ترتاح للموسيقى
حاجة زي اخبار تناغم من جريدة
حاجة زي وتر المواني
لم يصدح زي سفينة
حاجة فيك
حاجة فيك لا بتنتهي ولا بتتنسي
خلتني ارجع للقلم اتحدى بالحرف الالم
واضحك مع الزمن العريض
وافتح متاريس الطريق
واعرف متين ابقى المطر
واصحى متين اصبح حريق
حاجة فيك
نقرتين لعرض الصورة في صفحة مستقلة
[/cell:3bb6ace701][/table:3bb6ace701][/center:3bb6ace701]


 

رد مع اقتباس
قديم 09-19-2006, 08:03 PM   #3


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:8634d692bd][table=width:70%;:8634d692bd][cell=filter:;:8634d692bd]
نقرتين لعرض الصورة في صفحة مستقلة

وجيدة
نقرتين لعرض الصورة في صفحة مستقلة

كانك من وراء صفحة زجاج مبلول
وراك الريح ..
وقدامك مدى السكة ..
و فدى المجهول ..
وانادي ليك .. ونادي ليك
وجيدة .. وجيدة
لا اتلفتي لا لوحتي بايديك
وانادي ليك ..
يجاوبني المدى الفاتح مدارج الهم
وتبقى وجيدة طعنة سيف ..
موسدة في شق السماء المرسوم وسادة
وتبقى ايدينا في ايديك..
وفي المنديل ..


نقرتين لعرض الصورة في صفحة مستقلة


طيبة

نقرتين لعرض الصورة في صفحة مستقلة
كل ما تباعد بيننا عوارض ..
كل ما هواك يا طيبة مكني
تلد الغربة القرب الواحد ..
بيك أسمي الشوق وأكنّي
لما أفوتك من دون خاطر ..
أو دون خاطر مني تفوتي
بلقى حبايب فى كل حتة ..
وكل بيوت الفقراء بيوتي
لا غيرت وراك الجتة ..
لا بدلـت ملامح صوتى
لا غافلنى وهادن فنى ..
رمل المدن الما عرفتنى
تبن الشوق الصبرو مصوبر ..
للارياف الكم وفتنى
وللاطفال الناشفة ضلوعها ..
ونازفة بغنى
أطّمن روعها واهدّى دموعها ..
ببسمة بكرة الماها تمنى
ولا مصنوعة
أغنى لشعبى ومين يمنعنى ..
أغنى لقلبى إذا لوعنى
مخير دربى اللي ما رجعنى ..
إذا طلعنى نخلة القر
ولا الغربة الكدرومية ..
تنزل غنوتى بقمرية
أو وقعنى فى بطن الجب ..
يطلع يوسف بألاغنية
أغنى الناس الما بتسمعنى ..
المنى بعيده المبعد عنى
النادى نشيدها وكنت المعنى ..
الأيدى فى إيدها..
وإيدها بتبنى
فى دنيا جديده
اليوم راح تبنى ..
نقرتين لعرض الصورة في صفحة مستقلة
[/cell:8634d692bd][/table:8634d692bd][/center:8634d692bd]


 

رد مع اقتباس
قديم 09-19-2006, 08:08 PM   #4


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:925aabb343][table=width:70%;:925aabb343][cell=filter:;:925aabb343]
نقرتين لعرض الصورة في صفحة مستقلة
البت الحديقة
نقرتين لعرض الصورة في صفحة مستقلة

حتجي البت الحديقة
فارده انسام في طريقها
وشايلة ألوان
حتجي البحدث بريقها
ضجه الضوء في المكان
حتجى المن بدري جات
من ضلامات السكات
شايله قمرين في عيونا
وفاتحه ليلين بي جنونا
وضاوية ساحات انتمت لي فجر فات
وتنتمي لعصور جديده
حتجى البت البريده
ضاحكه منتصره وعنيده
آمله مزدهرة وجديده
وناقشه في الزول أغنيات
حتجى المن بدري جات
ناسفة أزمان السبات
واصفه للناس الطريقه
وللعصفاير الجهات

نقرتين لعرض الصورة في صفحة مستقلة
وضاحة

نقرتين لعرض الصورة في صفحة مستقلة
الصباح الباهي لونك
وضاحة يا فجر المشارق
غابة الابنوس عيونك يا بنية من خبز الفنادق
شيدتي في جواي صوامع للفرح
وفتحتي في دنياي مسارح للمرح
وبقيتي لي سكة وعيون
لا قدرت اطولك شان اجيك
لا قدرت من غيرك اكون
وانا بيك ماليني الكلام
حركت بيك عصب السكون
جلبت ليك الغيم رحط
طرزت ليك النيل زفاف
حرقت ليك الشوق بخور
وفرشت ليك الريد لحاف
للسكة غيرك تنتهي ولا معاك مليت طواف
يا ريتني لو اقدر اكون
وضاحة يا فجر المشارق
الصباح الباهي لونك
يابنية من خبز الفنادق غابة الابنوس عيونك
نقرتين لعرض الصورة في صفحة مستقلة
[/cell:925aabb343][/table:925aabb343][/center:925aabb343]


 

رد مع اقتباس
قديم 09-19-2006, 08:10 PM   #5


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:bebd533259][table=width:70%;:bebd533259][cell=filter:;:bebd533259]
نقرتين لعرض الصورة في صفحة مستقلة
عمنا الحاج ود عجبنا
نقرتين لعرض الصورة في صفحة مستقلة

عمنا الحاج ود عجبنا
عمنا الحاج ود عجبنا
فى الفريق ياهو الركيزة ..
هو البشيل حمل الرباعة
وعندو كلمة على الجماعة ..
وفى الفريق باقي لينا تاية
وكل طيب ليهو غاية
وللضعيف تلقاهو ساند
ويقهر الكعب المعاند ..
للضيوف ديوانو فاتح ..
ديل يقوموا وديل ينزلوا
يا ولد جيب الرتاين
وجيهوا الديوان فراشو
افرشوا الفرشة الكبيرة
والإباريق .. والتباريق
وأضبحوا الحمل المدوعل ..
عمنا الحاج ودعجبنا
من سنين أيام جهلتو ..
ديمة فى دعوات صلاتو
يسأل المولى السلامة ..
وسترة الحال .. والكرامة
وعمنا الحاج ود عجبنا
فى ليلة من ذات الليالى ..
فى زمن حظر التجول
جاهو ضيف فى راس حداشر ..
رحب الحاج بيهو جدا
فرشولو ..ونزلوهو ..
وكاسوا للعشاء ما أتلقالو ..
ما الرغيف ممحوق مقصر
والبلد فى حال معسر
وعمنا الحاج فى مبادئوا
وجبة الضيف زى فريضة
وهسة ضاقت بيه العريضة ..
ضيفوا كيف يترك عشاهو
من دا زايد إختشاهو ..
نقرتين لعرض الصورة في صفحة مستقلة

زي مايكون
نقرتين لعرض الصورة في صفحة مستقلة

على عمقك مشيتو متلفحك خاطر
برغم زبول نجيماتك سماك معقول
وشارع الشوق بدونك تم
بحس بالقول على حد السيوف مجدول
ورغم الحاصل المسلول
فوق عمقك قدل جواي
على لقيا وبياض خاطر
وزي ما يكون
وعلى عمقك مشيت متلفحك خاطر
لا الشبورة ولا ريحة الدعاش مشبوبة بندك
لا ضو صوت
ولا مرقت شموس منك
ولا دخلت شموس فيني
ولاظنك بتدي شموس
ويطلع من عيونك ضو
ولا لمس الجفاف خدك
ولا ركة الندي المحروق
فراشات من شذاك دخان
شعاعات من بريق لحظك
فهل يرجع من زمن جيتك حضور تاني
وعلى ذكراك امل ممتد
انا وانت وهديل الكون
على لقيا وبياض خاطر
وزي ما يكون
وعلى عمقك مشيتو متلفحك خاطر
ولا عند المغيب وجت غصون شجرك
ولا رجعت طيور بتنم
ولا الردة ام تعب بالجن
ولازيف العشق مفضوح
ولا العمق القبيل مفتوح
وغنى الفرح البتم القول
صدى الغنوات يرقص حول
ولا وجت رياض اطفال
ولا الموال مركب بنسيج الجية
بانغام طبول شدوك
عشان اضحى الفرح مسحور
وايقاع الرقيص مكسور
نسيب ليل البلد ينجم
نطوي الشوق منام
نتوسد الاحلام على هبت نسيم باكر
لاننا نحنا متواعدين
ومن جوة الضجيج طالعين
من جوة الضجيج طالعين بصوت واحد
لاننا نحنا متواعدين
على لقيا وبياض خاطر
وزي ما يكون
نقرتين لعرض الصورة في صفحة مستقلة
[/cell:bebd533259][/table:bebd533259][/center:bebd533259]


 

رد مع اقتباس
قديم 09-19-2006, 08:12 PM   #6


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:18ef4f6ec0][table=width:70%;:18ef4f6ec0][cell=filter:;:18ef4f6ec0]
نقرتين لعرض الصورة في صفحة مستقلة

مشروع الحلم البنفسجي

نقرتين لعرض الصورة في صفحة مستقلة

يا مشرع الحلم الفسيح
أنا بيني ما بينك جزر
نتلاقى و الموج اللديح .. القدرة والذات الشحيح
كملتو ما كمل الصبر
نتلاقى فير الزمن المريح
وميعادنا في وش الفجر
يا مشرع الحلم الفسيح
يا بعض مني فيني ساكن
أنا اصلي منك ومشتهيك
وبيناتنا ليل الفرقة داكن
هبت هبوبك ... افتح شبابيك المساكن
وسع دروبك .. نور مصابيح الاماكن
يا مشرع الحلم الفسيح
يومنا النهب اسلبنا خوفنا
كبرنا قدرك مرتين طول على كتفك كتوفنا
يا رغبة الوعد البيسكن بين غناوينا وحروفنا
ضوى الدساكر والضفاف عبى الحناجر
بالهتاف سدد مسامات الرعاف
ونور مغاراتنا وكهوفنا
يا مشرع الحلم الفسيح
أنا وأنت والمطر الفصيح نأخذ بعض شكل السماء
حدثني دائماً كلما تنشف على البر الضفاضع
ويهجر الضوء المواضع .. تسقط من الكف الأصابع
حدثني دائماً كلما
حدثني لو تاهت خطانا على الدروب المبهمة
أو ربما .. تهدم الشوارع
حدثني لو صادف الكي المواجع وضلك على الساحل رمى
حدثني لو مطرك همي
علمنا دائما كلما
نبذر على أرضك شهيد
يطلع شمس ويسند بإيدنو السماء .

نقرتين لعرض الصورة في صفحة مستقلة

عجاج البحر

نقرتين لعرض الصورة في صفحة مستقلة

يراقصني عجاج البحر
ترعد داخلي الأمطار
يكلمني تراب الأرض
يشدد قلبي الأوتار
أغنيكم ... أغنيكم
أغني جذوة النار التي فيكم
والعن ذلك البرد المدثر
روحكم برماد موتاكم
أغنيكم ..
وابني في عيون الشمس
مملكتي تناديكم
نسورا تعشق الترحال
في الأفاق تبغي الكون حرية
فان شئتم
تعالوا الآن نرقص رقصة البدء
ونعلم أن نمد الكف
نحو الشمس للدفء
تعالوا أيها الجوعى
تعالوا أيها الفقراء
نقرتين لعرض الصورة في صفحة مستقلة
[/cell:18ef4f6ec0][/table:18ef4f6ec0][/center:18ef4f6ec0]


 

رد مع اقتباس
قديم 09-19-2006, 08:15 PM   #7


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:3188777bef][table=width:70%;:3188777bef][cell=filter:;:3188777bef]
نقرتين لعرض الصورة في صفحة مستقلة
ليه غبتي يا القمرا
نقرتين لعرض الصورة في صفحة مستقلة


ليه غبتي يا القمرا
نركب جياد الليل
ينشرا بينا صباح
سفر العتامير ليل
نرجاك في المطرة
ارجع تعال يا شليل
درع الأميرة سرق
سووهو حدوة خيل
بحر العطاشا نشف
نشرب بواقي السيل
صد لي ملامحك يا حراز
ريح العوارض غربت
فرتق ضفايرك في الرزاز
جية العصافير قربت
نقرتين لعرض الصورة في صفحة مستقلة
حشى المغبون
نقرتين لعرض الصورة في صفحة مستقلة

يا جمة حشى المغبون
في الزمن الهلاك من جاء
تكون حانت مواعيدك
يكون وقت المطر قد جاء
وشرق ضوي البلد عيدك
وطابت نسمتو العرجاء
و نمون يا طيبة تمينا
وبدين ونعنه وغنينا الغنا الراجا
وبدت كاس المودة تدور
عشق من حلفا لي راجا
حبابك ألف حبابك ألف
وياعنزنا القرجة
ويا لبانة في الزمن المراحو نشف
ويا جبانة للخوانة والعوج البدور لو ولف
دميرتنا البتروي جرف
مسيرتنا وتميراتنا الكانوا وقف
أصابعين الرجال رصاص
سعر راس البنية سقف
تكون دار بي زمن عندك
نكون لمينا في الفاتنا تكون فاتت ملامحنا وتضاريسنا
القبيل غمرت عرش بتنا وطوابيرنا
وبدت شتلات بعد غمرت
ضراعيك يا الولد كبرت
مراعيك يا البلد خدرت
خضار خدرت غزار غزرت
خضارا زين برغم الصيف وأناتو
عصافير الجلد كبرت
تباصر نسمة منتحرة
تطمن غيمة مندحرة
تضاير الغابة والصحرا
من الغمة وظلاما شين
ومنك يت قرير تنفك
وتكون اتحلت عقدة الدين
ويا جمة حشى المغبون في الزمن
الهلاك من جاء
تكون حانت مواعيدك
يكون وقت المطر قد جاء
نقرتين لعرض الصورة في صفحة مستقلة
[/cell:3188777bef][/table:3188777bef][/center:3188777bef]


 

رد مع اقتباس
قديم 09-19-2006, 08:17 PM   #8


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:1fc73dd9ff][table=width:70%;:1fc73dd9ff][cell=filter:;:1fc73dd9ff]
نقرتين لعرض الصورة في صفحة مستقلة
نفسي في داخلك أعاين

نقرتين لعرض الصورة في صفحة مستقلة
نفسي في داخلك أعاين
أروي روحي واشوف منابعك
الصحراء في عيني تتواثب جناين
ماخدة صوتك من جداول
وشايلة صورتك من كهارب
مولدا ميدانه حافل
كل ما يصبح تجيهو الناس جحافل
يا سلام
لما تعبري في الشوارع
شوفي كيف الناس تصارع
ناس تطفر وناس تدفر
في البشابي على نجومك
وفى البخب كايس تخومك
وكل زول من عند سلافك
لا لا قال دايرلو كاس
مره طربان شلت صوتك شان اغني
قلت آه ياليل وأه
انت أول.. انت تاني..انت تالت.. انت رابع
نافره زي صيد الخلا
وساقية زي نبع المنابع
وقلتلي غناي خلاص
حلوه عينيك زي صحابي
عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي
نقرتين لعرض الصورة في صفحة مستقلة
احلام الطفولة
نقرتين لعرض الصورة في صفحة مستقلة

من جديد جيت تانى تكسر
صمتي بالنظرة الخجولة
يا أمل عمري القبيل
يا سنين عامرات فصولها
ما قدرت أنساك من زمان
بس ضاعت أحلام الطفولة
الحنين الجيتني بيهوا
جاني في لحظات ندم
في زمان ضيع صبانا حتى أشتات العشم
من جديد جيت تاني كيف تبنى فيني الألم
ما قدرت أنساك من زمان
بس ضاعت أحلام الطفولة
ما يفيد أنا لو الملم من عيونك ذكريات
أو اصحي الماضي فيهو
أنسى حزن الأمسيات
برضو زمن البهجة عدى
وعمري فات فيهو الفوات
ما قدرت أنساك من زمان
بس ضاعت أحلام الطفولة
نقرتين لعرض الصورة في صفحة مستقلة
[/cell:1fc73dd9ff][/table:1fc73dd9ff][/center:1fc73dd9ff]


 

رد مع اقتباس
قديم 09-19-2006, 08:24 PM   #9


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:14d7b2b6e9][table=width:70%;:14d7b2b6e9][cell=filter:;:14d7b2b6e9]
نقرتين لعرض الصورة في صفحة مستقلة
يا ضلنا
نقرتين لعرض الصورة في صفحة مستقلة

ياضلنا المرسوم على رمل المسافة
وشاكي من طول الطريق
قول للبنية الخايفة ..
من نار الحروب تحرق بويتات الفريق
قوليها ما تتخوفي
دي البسمة بتجيب الأمل ..
والأمل بصبح رفيق ..
والأصل في الجوف اندفن
لا تبنسي .. لا بتمحي .. لا بنتهي
الفينا من آهات أليمة ..
في حكاوينا القديمة ..
لا بيرحل عن عيونا
لا بتغشاهو الهزيمة
القبيل راجينو نحنا
يوم تمطر بيهو غيمة
لما تمطر يوم علينا
الفرح يملا المدينة
والبلودات الحزينة
ياضنا ..
نقرتين لعرض الصورة في صفحة مستقلة
الممشى العريض

نقرتين لعرض الصورة في صفحة مستقلة
مكتوبة في الممشى العريض
شيلة خطوتك للبنية
مرسومة بالخط العنيد
في ذمة الحاضر وصية
شاهد التواريخ والسير والانتظار
ادوني من قبلك مناديل الوصول
وفردت اجنحة العشم
في ساحة الوطن البتول
وضحكت ما هماني شيء
وبكيت ولاهماني شي
عندك وقفت من المشي
وغرقت في ضو النهار
الكانو بتمنوك لو ترتاحي لحظة على الدرب
حبوك حب ..
قدر الحروف الحايمة في بطن الكتب
قدر الخيال ..
ما مد ايدوا على السحب
كل خاطر كان بريدك
الا ريدك كان رسول الدهشة في كل الديار
وانا زي عوائد الشعر
فارس شد خيل الكلمة ليك
مصلوبة على ضهر البداية
القالوا اخرآ بين ايديك
وسرحت يا مهون تهون
شان اجيك ..
كان اصل يوم لحضورك
كنت بريدك ومشتهيك
وانكسر فيني الترجي
وونلت من سفري الخسار
بس داير اقولك يا اصيلة
لو تعب فيك التمني
وانهتك وتر المغني
لو تسدي علينا طاقات البشائر
تنهزم يوم التجني
واجيك لا هماني شي
عندك وقفت من المشي
وغرقت في ضو النهار

نقرتين لعرض الصورة في صفحة مستقلة
[stream:14d7b2b6e9]http://www.sudaneseonline.com/SudaneseMusic/music/MustafaSidAhmed/alhuzn_al_nabeel.mp3[/stream:14d7b2b6e9]
[/cell:14d7b2b6e9][/table:14d7b2b6e9][/center:14d7b2b6e9]


 

رد مع اقتباس
قديم 09-19-2006, 08:27 PM   #10


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:1959302fad][table=width:70%;:1959302fad][cell=filter:;:1959302fad]
نقرتين لعرض الصورة في صفحة مستقلة
صابرين
نقرتين لعرض الصورة في صفحة مستقلة

صابرين يا حزن الغنى ..صابرين
من بعد الضنا .. صابرين
على وعد المنى
برجاك يا ارض الحبيبة
وبلقاك في الفرحة القريبة
وبشراك يا ام السناء .. صابرين
لا ليل ولاحزن طائل
لا صبر ولا دمع سائل
لا هم جاك يا ام نفايل
والنيل فاض وانحنى
نيلين وحلمك هنا
فرعين شايلين جنا
صابرين سلامات
عشرات حبابك سلامات
اسلم شبابك سلامات
شايل سحابك سلامات
والقبلي شابك
سلامات
خيرك سنابل
وهواك هنا
صادقين عاشقين
ترابك حزين سلامات
يا حزن الغنى
صابرين

نقرتين لعرض الصورة في صفحة مستقلة
ابداك من وين

نقرتين لعرض الصورة في صفحة مستقلة
ابداك من وين وفيني منك
لسة حاجات من مخاوف ومن شجن
ابداك من وين وظني انك
فكرة اعلان الحياة وانتهاءات العوارض والمحن
نفسي القاك واكون ..
كلي من بعضك او بعضي من كلك بدن
داير القاك و اوحد دايرة الدم المقسمة
بيني وبينك والسحن
ابداك من وين
ابتديتك محل محل
من ياتو منفذ بدخلك
كل المنافذ سداها المحل
من ياتو شارع بوصلك
كل الدروب معطونة نيران بالوحل .
استبيح كل الشوارع وادخلك
استبيح كل المنافذ وادخلك
من بين كلامك بدخلك
من ابتسامتك بدخلك
من بين مسامك بدخلك
نتلاقى نهرين من تسامي واشتهاء
ابداك من حيث انتهت
عندك خواتم الانتهاء
من أي قاسم مشترك
او شبه التشابه بدخلك
ابداك من وين
نقرتين لعرض الصورة في صفحة مستقلة
[/cell:1959302fad][/table:1959302fad][/center:1959302fad]


 

رد مع اقتباس
قديم 09-19-2006, 08:40 PM   #11


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:b01cce73c3][table=width:70%;:b01cce73c3][cell=filter:;:b01cce73c3]
نقرتين لعرض الصورة في صفحة مستقلة
مزيكة الحواري

نقرتين لعرض الصورة في صفحة مستقلة
ماني غرقان في التمني
ولاني سارح بالأماني
زارني خاطراً بلّ شوقي وإحتواني
النخل إتلاقى غنى
وردد النيل الأغاني
النجوم لامع بريقا
الورود النايمة فاقت
عطرت كل الجزاير بي رحيقا
الندى الراقد بفوقا
صفّقت جنحاتو غنت لي هوايا
دقوا مزيكة الحواري
رقصوا البنوت أعرضوا
النخل زايد في عرضو وفي علاهو
البيوت غرقت وراهو
وبرضو زايد في علاهو
يحكى للدنيا الجميلة
سر عظمتو وسر بهاهو
ضى عيونك يا بنية
يضوي من بلداً بعيدة
تحملك لينا الغمامة
ويكتمل للروح نشيدا
وفى الدروب الليك تودي
بنسرج الخيل العنيدة
والحزن من نور عيونك
يلبس الفرحة الجديدة
وأنا راكب يا مراكب
لا الرياح توقف خطايا
لا الجبال تحجب رؤايا
ست شموس الكون منايا
ليك مسافر
ومن كتير الزاد مسافر بي غنايا
نوصل الشمس البعيدة
نبقى عيدا
نزرع الحب البيوقد
لي النهاية
نقرتين لعرض الصورة في صفحة مستقلة
مدن عينيك

نقرتين لعرض الصورة في صفحة مستقلة
لمحتك
قلت بر امن بديت احلم
الملم قدرتي الباقية
واشد ساعد على المقداف
تلوح لي مدن عينيك
وترفع لى منارة بسمتك سارية
بديت احلم
كل ما الريح تطارد الموج
أزيد إصرار واحلف بيك
أغير سكة التيار
أقول يا انتى يا اغرق
تلوح لى مدن عينيك
تلوح لى
أخاف الضفة ترجع بيك قبل الحق
أخاف غيم المنى الشايل تسوقو الريح ويتفرق
أخاف ..أخاف ..أخاف
واشد ساعد على المجداف
واجيك بقدرتي الباقية
حطام إنسان موسم بشقى الدنيا
مقسم قلبو في الاحزان اجيك فنان
اشد اوتارى واحكي ليك
حكاية إنسان وهب لسكتك نفسو
رسم صورتك على حسو
ربط ساعد على المجداف
وقال يا انت يا اغرق
أخاف ..أخاف .. أخاف
أخاف غيم المنى الشايل
تسوقوا الريح ويتفرق
والاقيك يا أماني سراب
مواهبى عليه تدفق
أخاف ..أخاف .. أخاف
نقرتين لعرض الصورة في صفحة مستقلة
[/cell:b01cce73c3][/table:b01cce73c3][/center:b01cce73c3]


 

رد مع اقتباس
قديم 09-19-2006, 08:45 PM   #12


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:47e9bb8faf][table=width:70%;:47e9bb8faf][cell=filter:;:47e9bb8faf]
نقرتين لعرض الصورة في صفحة مستقلة
أديني أحساس بالامل
نقرتين لعرض الصورة في صفحة مستقلة

أديني إحساس بالأمل
في كل رحلة شوق تطول
وادى الخطاوى الراجعة ليك
في سكتك وأمل وصول
ما الدنيا كلها انتظار
و الارتحال قدر الفصول
الموجة تحلم بالضفاف
والغيمة تحلم بالهطول
راحل معاي ضي الأماني
وذكرى في الأيام هناك
لحظات بتذخر بالمعانى
وكيف أنسى تذكارات هواك
نتحمل الغربة ونعاني
و نصبر عشان نكسب رضاك
ونغنى لو زاد الحنين
ويارتيو كان سفرا معاك

نقرتين لعرض الصورة في صفحة مستقلة
مساماتك
نقرتين لعرض الصورة في صفحة مستقلة

مساماتك بتتشقق عشان تشرق صباحاتك
صباحاتك بتتعانق مع الفكرة
وتأخذ من جراحاتك
تضيف أحساسنا بي بكره
ويا بكرة ويا بكرة الغصن ناشف
و يا بكرة الفرح يوماتي بيكاتل حزن أطفال بتتشابا
عشان تعرف شنو الفي أيدينا لي بكرة
شنو الداخرنو للسكة
عشان تقصر مسافاتك
عشان تيرق غماماتك
عشان تخضر مساحاتك
عشان بكرة وبعد بكرة
عشان بكرة ... وبعد بكرة

نقرتين لعرض الصورة في صفحة مستقلة
[/cell:47e9bb8faf][/table:47e9bb8faf][/center:47e9bb8faf]


 

رد مع اقتباس
قديم 09-19-2006, 08:51 PM   #13


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:f6c08163d5][table=width:70%;:f6c08163d5][cell=filter:;:f6c08163d5]
نقرتين لعرض الصورة في صفحة مستقلة
قلت ليها
نقرتين لعرض الصورة في صفحة مستقلة

قلت ليها
وإيدى فى أيديها
دمعة حزن سالت ..
جاى منك ... وماشى ليك
يا مداين غربة طالت
لو مدارات نجمى ضلت ..
وسكة السفر استحالت ..
كونى فى دربى الحقيقة
الديمة ليها مشاعرى مالت..
قلت ليها ..
وكنت راجع لى عينيها
من أسى الزمن المسافر فى المشاوير .. العصيبة
من متاهات الأمانى
فى مدار الحسن ضماها وحبيبه ..
بينى لا بينك مزار ..
لا محطات إنتظار ..
لا مواعيدك قريبة
إنتى يا الفرح .. الحقيقة المستحيل ..
هدهدي الصبر الجميل
وأمسحى الألم المخيم ..
فى المدارات الرحيبة
قلت ليها
الحقيقة الضايعة
بين .. قلبى وعيونك
أنى لا قادر أفوتك لا أجيك
وأنى ما عارف بدونك ..
أبقى كلمة حب
تزف البشرى فى ساعة مجيك
وأنتى عارفة .. وقلت ليك
يانى أكثر زول بريدك ...
يانى صفوة عاشقيك ..
يانى راكز الخيل عليك
ولسه بى حبك متيم ومبتلى
ألا ريدك زادنى حيرة .. على العلى
لا مراكب البشرى ختن
.. قلبى عندك
وإنتى لاقلبك
نسانى
ولا ولاخليل

نقرتين لعرض الصورة في صفحة مستقلة
[/cell:f6c08163d5][/table:f6c08163d5][/center:f6c08163d5]


 

رد مع اقتباس
قديم 09-19-2006, 08:53 PM   #14


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:ae635c941a][table=width:70%;:ae635c941a][cell=filter:;:ae635c941a]

نقرتين لعرض الصورة في صفحة مستقلة

يا بت يانيل

نقرتين لعرض الصورة في صفحة مستقلة
رسمت في وجيها بسيمة ضو
بتغالط في الزمن القاسي ..
وبتعاتب في الغنوة الصعبة ..
وفي لحن حزين ....
و وتر موجوع ...يحكي إحساسي ..
تسأل عن شدو الأفراح ...
يمكن لجراحنا يكون ... آسي ..
ما بشبع روحنا فرح زايف ...
لو كان بتناسى وتتناسي ...
يا بت يا نيل..
العاشقك عاشق كل الفيك ...
غانيك في كل ظروفك ...
في الفرح البيدفق .. وعد ... و فال ..
والحزن الوكر مني شوفك ...
في سجون القهرك خوفك ...
في الفيض الصامد ...
في البركان السامعوا يدمدم في جوفك ...
جرحنا عاتبك يا باكية ...
وعايزانا نغني غنى الأفراح ...
ما الغنوة الصعبة لبن ضرعك ...
والفرح القبلوا خلانا .. وراح ...
ولقينا فرحنا وانت حزينة ...
يكون اشتر ...
ويزيدنا جراح ....
خلينا من الفرح الزايف ...
بتعود أفراحنا ... وتلقى براح ...
نقرتين لعرض الصورة في صفحة مستقلة

طوريتك
نقرتين لعرض الصورة في صفحة مستقلة

حتى الفصول صابها الجفاف
لا غيمة لا زفة هرع
والسنبر البفرح صفيرو
غشانا واتقاطر رجع
وشجرنا من لفح السموم
غصنو الرقص رويان وقع
لا شابا لي ريحة دعاش
لا هش لي برقا" لمع
طوريتك في الطين مرمية
وطوريتك يابسة ومجدوعة
لا غيبتك كانت مرضية
ولا فوتك كانت مبلوعة
اللهب الضوا الليل قناديل
في عيون النجمة القطبية
والتعب المد ضراع النيل
سجادة فقرا مزاورية
سائلين عنك ويوماتي رحيل
لمواني المدن النفطية
وشقيش ما تقبل يا ابو الحيل
قلوبنا مواجعك متكية
وابعت لك شال الحب مرسال
تايهين في بحرو مراكبية
وبكتب على صدر الموج آمال
أطفال عمال ومزارعية
كيف حال يا أبوي
كيف حال يا خال
بتمسى بيوتنا الكاكية
حزنانة بتبكى مآل الحال
والزمن الساقكم عيدية
نقرتين لعرض الصورة في صفحة مستقلة
[/cell:ae635c941a][/table:ae635c941a][/center:ae635c941a]


 

رد مع اقتباس
قديم 09-19-2006, 08:55 PM   #15


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:173f85acf0][table=width:70%;:173f85acf0][cell=filter:;:173f85acf0]
نقرتين لعرض الصورة في صفحة مستقلة

حليوة ليلة المولد


نقرتين لعرض الصورة في صفحة مستقلة
بقول غنوات .. واقول غنوات
فى البلد البسير جنياتها لى قدام ..
بقول غنوات
وفى الولد البتل ضرعاتو فى العرضة
ويطير فى الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
بقول غنوات .. بقول غنوات
وفى الولد البشيل مدقاقو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة فى النسمة الصعيدية
وياجهرة نهار الليلة بدرية
رحيح جنياتنا فى
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق فى الوادى هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذى ركز الأرض معبد
وسوى الناس عليها مقام
سألتك بى حجا الأمات ودعواتنا ..
سألتك بى كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمرة
مهيقت بى وداعة الله
ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل
يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين
تراب بلدو
وسماح فوق بت
مزارعية
نقرتين لعرض الصورة في صفحة مستقلة

عشم باكر
نقرتين لعرض الصورة في صفحة مستقلة

في عينيك عشم باكر
ما إنت العمر كلو
والشمس الوضاحة ونور
وزغرودة بتدخل الناس
خبر زمنا جديد مولود
و لقيت غيرك يضيع اسمي
وأكون أنا حي زي مفقود
في عينيك عشم باكر
لاقيني يا عشقي الخرافي
لاقيني قبال الزوال
لاقيني في كل المرافيء
زفاف ربيع وفرح قوافي
وانشري في حزن السنابل
غيمه يا كل المشاعر
وامشى قدام الصباح
وأجدعي الطل للأزاهر
وأبقى يا شوقي الخرافي
غيمه بتشرب فيافي
لاقيني يا شوقي الخرافي
لاقيني قبال الزوال
غنوة من أزمان بعيدة
طالعة من خصب الدميرة
تلقيني راجيك في الأماسي
وفى المرافي وفى الملفات الخطيرة

نقرتين لعرض الصورة في صفحة مستقلة
[/cell:173f85acf0][/table:173f85acf0][/center:173f85acf0]


 

رد مع اقتباس
قديم 09-19-2006, 08:57 PM   #16


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:2d67dec415][table=width:70%;:2d67dec415][cell=filter:;:2d67dec415]

نقرتين لعرض الصورة في صفحة مستقلة
يا سلام عليك
نقرتين لعرض الصورة في صفحة مستقلة

لو مني مستني الملام
ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام
ولقيت ملامي في عينيك
يا سيدي زي الما ملام
يا سلام عليك يا سلام
الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده
يا سلام عليك يا سلام
نقرتين لعرض الصورة في صفحة مستقلة

القاك وين
نقرتين لعرض الصورة في صفحة مستقلة

ألقاك وين ..
كان الفرح قفل مسامات الضياع
غناك مزمار الزمن إرشيف عشق ..
اصوات نغم وتر التراخى موشحات ..
القاك وين ..
من غبت.. ما شرقت شمس
والدهشة ساساق الدروب ..
لى وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش
ألقاك وين ..
كان التعب ما خت أيدو على جبين تربال
.. يخم رمل الشقا .. المليان غلب ..
دقست قوافلو مع السراب ..
رابط جليد الهم سعن ..
محزوم خشيمو من الصبر..
راجى السحاب ..
نلقاك وين ..
أنا وإنت والنيل والأرض
والبور مشتت متنسى ..
نجامة التعب الكعب ..
ما كان عول ..
ريدى الصبح صفصاف هدير البر
أيامى توب شحاد .. هذاه خم و خم ..
أنا ما لقيتك ليه.. طعم الفراق دم دم ..
ختيتى فوقى الليل .. والليل سقانى السم
أنا خاطرى فى المطرة ..
ريحة الدعاش والشم
وما كان عول ريدي الصبح صفصاف هدير البر
والقــــــاك وين
نقرتين لعرض الصورة في صفحة مستقلة
[/cell:2d67dec415][/table:2d67dec415][/center:2d67dec415]


 

رد مع اقتباس
قديم 09-19-2006, 09:00 PM   #17


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:c283ff1851][table=width:70%;:c283ff1851][cell=filter:;:c283ff1851]
نقرتين لعرض الصورة في صفحة مستقلة
بيت الجالوص
نقرتين لعرض الصورة في صفحة مستقلة

معتوقة ومعتقة ومنعتقة
نوافير إنتشى وحشمة
وحمار العين
تضحك كلما وقعت مصيبة
تمشى على العجين و تلخبطو
ترطن إذا جاها الحنين
يا بت بيوت الهجعة كيف
غبار شوارعك ماشى وين
زقاق يعيش في زقاق
كتمة وظلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
صوتك وقت قطع البحر قبال مراكب العمدة
ضهر النيل عرف
و الشمس فوق حبل الغيوم
شرت جلاليب النعاس
ناشف غرب مبلول شرق
و المطرة زي شفع العيد
تدخل غرف كل البيوت
كلمة الجوع الشرح للأرض
كيف تقرأ المرق وقبال يقع
فوقك سقف
إتنحنح الجالوص
أمرق على مهلك
مروق الحنة من ضفر العروس
واصعد على مهلك
صعود البذرة والروح والشموس
مبنية مدن الخوف
من طينة آخر الليل
وأنا في سقالة الشوف
قدح البصيرة تقيل
فاتح زريبة الجوف
تمرق تخش الخيل
على كيفك كيف معلوف
ضهر المظنة يشيل
وأنا ظني ظنيتو للنيل
غريق في النيل
و الليل ولافي بالو بيت
ساكت يغنوا على القمر
واجعني في البحر السكات
سكتني في الوجع البحر
يا بت صباح الطير
وين البلد ركت
ما عاد هواك يفتح في الكتمة
شباك النزيف
وين تكيتك في الغيمة شطيف النجوم
ريف الجسد صدرك سبلوقة اللبن الخريف
داسينى فيك نضر
والأنبياء فاتوا
قاعدين في ضل النار
داسيني فيك نضر
في غفلة جو الكفار
وطارت حمامة الغار
لاقوني ناشف ومر
ماذنب جاد الطار
لو غنوا بيهو شتر
ما تخافي الله معاك
وكل الملائكة سمر
نقرتين لعرض الصورة في صفحة مستقلة

علي بابك
نقرتين لعرض الصورة في صفحة مستقلة


نهارات الصبر واقفات
بداية الدنيا هن واقفات
وكم ولهان وكم طائر
بعد نتف جناحو وراك
لملم حر ندامتوا وفات
قطع شامة هواك من قلبوا
إلا هواك نبت تاني
وعلى بابك وقف تاني
الغمائم شآكىغبن الليل
مسافر فيها وحداني ..
وبدون جنحين ..
يغنيك الهناء المافي
يغنيك رهافة حسو
يفنى على جليد امالو
يحلم بالشتاء الدافي
وقدر ما يمشى في سور الزمن خطوات
يلاقى خطى السنين واقفات على بابك
يلاقى هواك ..
نبت تاني وملا الساحــات

نقرتين لعرض الصورة في صفحة مستقلة
[/cell:c283ff1851][/table:c283ff1851][/center:c283ff1851]


 

رد مع اقتباس
قديم 09-19-2006, 09:05 PM   #18


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:c9bee90d7d][table=width:70%;:c9bee90d7d][cell=filter:;:c9bee90d7d]
نقرتين لعرض الصورة في صفحة مستقلة

نورا

آه يا غبش
ما عندي ليكم غير نغيم
برجوه ينفض لي غبار زمن القسا الكتاحة
يهز عرجون نخل صبر الغلابة الطال
يحث يخرتتباريح الأسى الممدودة فوق نور الدغش
يا نورا آه
يحرد كنائسنا المسيح
يعرش مدارسنا الصدى
ييبس يباس
حلق العصافير الوديعة من البكا
إندرد الصوت البعيد
أسيان تصر من دون صدى
ينكفرن الفجر الصبوح
يحمي الزهيرات الندى
تختا الدراويش الضريح
يسكن خلاوينا الجنون
يهجر جوامعنا الإله
يا نـــــــورا آه
تطرح غيوم الشوق تئن
تشرق
تموت
خيل … كلمة الحق التناهد في الشفاه
يعقر بسيمة الصح مع لوبي الجروف
تغرز ضريعات الحروف
ينشف مراح الأمسيات
تتمطق الأرضة المروق والأغنيات
اللي الشروق والأرض
والحب ... والمطر
تضهب تتوه
وكتين يضيع عرق الجباه الشم
شمار في مرقة
من دربك التور نفس خيل الصبر
فتر خطاوي الشوق وراه
يا نورا آه
ساعة الشموس الغر تهضلم
تلحق الصح في المغارب
تدفر الضو الكهارب في وشيك
تدفر المدن الضبابية
السرابية الكآبة
وحائط التيه والطشاشات فوق قفيك
يا ام عوارض
مو دعاشة
ماها شبورة وتقيف
جاي ليك يا نورا غيمة
تملا ماعونك خريف
يملا عينيك ويفضل
يروى جواك العطاشة
مو دعاشة
يا نفس فجر القصائد
يا بلادي القطع قلب الروادي
باللواج الجاي وغادي…
ده ماهو صوتك
لاها صورتك…دي البترقش
نادي فوق صدر الجرايد
ماها صورتك
لا هو صوتك
لا ها صورتك
إنتي يا الفي إطن الصحاري
شفع العرب الفتاري
البفنو الشايلا إيدن
ويجروا كابسين القطارة
يجروا باريين القطارة
لا سراب الصحراء موية
لا حجار سلوم موائد
إنتي في الغابة اليصارع
جوفوا للآهات تلكي
ياما دفق غيم رجاهو
لكن الأيام كركّي
في خلا حالنا اليمحن
ويملأ بالسهد الوسائد
إنتي غيمة
شديرة خيمة
إنتي جاهنا
والتقا الطلقت وشينا
فرقت غمة جباها
فرجت في الحارة ضيفنا
فرحت شفع فريقنا
يا النغيم البق فينا
وشد لي وتر إنتباهنا
يا تباشير
يا بشارة
إنتي يا ضرعاً تكرمش
شان يرضعني الجسارة
إنتي في منفاي رفيقة
وفي حشا الأشواق حرارة
يا هدى الناس الحيارى
يا ندى الفجر اليبلل
صور عوينات الفقارى
جاي ليك
يا نــورا آفة
آفة للسوس الجا ينقر
عود عشيماً داخرو فيك
وأصلي لمن أدور أجيك
لا بتعجزني المسافة
لا بقيف بيناتنا عارض
لا الظروف تمسك في إيدي
ولا من الأيام مخافة
يا نفس فجر القصائد
ما ضهب في بعدي عنك
واصلي متغرب عشانك
راضي بالبيجيني منك
ما بكيت شح الليالي
لا شكيت نح
شلتو حالي
رغم إنو الحال بيفسخ
إلا كت في الحارة بنده
يا وطن عز الشدائد
نقرتين لعرض الصورة في صفحة مستقلة
[/cell:c9bee90d7d][/table:c9bee90d7d][/center:c9bee90d7d]


 

رد مع اقتباس
قديم 09-19-2006, 09:13 PM   #19


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:9eac193f06][table=width:70%;:9eac193f06][cell=filter:;:9eac193f06]
نقرتين لعرض الصورة في صفحة مستقلة

واقف براك
نقرتين لعرض الصورة في صفحة مستقلة

واقف براك والهم عصف
ريحا كسح زهرة صباي
ليلا فتح شرفة وجع
قمرا رحل فارق سماء
مطر الحزن عاود هطل
جدد عذاب الأرصفة
ضـئ المصابيح البعيد
اتعب عيونك وانطفى
لمتين مواعيدك سراب
والريد شقى حرقة وجفا
بعد المشاوير البقت
ممدودة في نبض التعب
آه نبض التعب
تعود وتلقى رجاك زول
حفظ الوداد زمنا صعب
آه زمن صعب
والباقي من ليل الهوى
عطر الصبابة الما انسكب
والباقي من كل الغناء
سيل الكتابة الما نضب
واقف براك
نقرتين لعرض الصورة في صفحة مستقلة


لحظة شهيق
نقرتين لعرض الصورة في صفحة مستقلة
نكر صوتك صداك غالطني الزمن فيك
شهرت على الجفاف وعدك بطاقاتنا
الخريفية رجع فاضي الكلام مليان معاك
أتبرجت غيمة وشهق جواي صوت جدول
مرقت على المطر حفيان لقيتك والرزاز
مدخل وناديتك أقيفى معاى نشيل كتف
الغنا الميّل ونتخيل حلم دونك بيتحقق
وقبلك خيل دماي واقفة على شرياني
تتشهد وبرد صوتك صداك غنيتي
رشحت حلقك لي إذاعات الشجر
والمنتظر من عودة المدعو المطر
للطنابير والمسادير واللسة في رحم
القصيد والدابو حسة وفى سوق عكاظ
بين مزازات الحروف غيرت رسمك
واحتكرتك للظروف للزمان اللي جائى
واللحظة اللي فاتت منك حسه
يا واقفة بين جرح السحاب وبين
شهقة الأرض البكر ما كان دريت
كان إحتمال تغيير قوانين حركاتك
مابين حديثنا ولحظة الفعل الحقيقي
وإنتباهك إنتى للشارع البيرحع
تانى لي نقطة بدايتو وإنحيازك
إنتى للشارع البيرشح في مسام
رمل التوقع ما إتعرف قانون نهايتو
غايتو أمشى بالدرب البطابق فيه
خطوك صوت حوافرك
يا فرس كل القبيلة تلجمو و يكسر
قناعاتو ويفر يسكن مع البدو في الخلا
ما يرضى غير الريح تجادلو وتقنعو
إفترضتك لون أساسي يمنح اللوحة
إزدواجية القراية ويفتح الضوء بين
خطوط الريشة والخط الإضافي
الجائى من شبكية الزول المشاهد
وإكتشفنا الرسمك وأنا وبرضو
التوارد في الخواطر
نفس أرقام التذاكر البيها
سافرنا وشهدنا إنفجارك
في الأرض يا سمراء يا واضحة
ما غنيت يوم جيتك صدفة
قبل أبداك كان غصنك بشر
يوم ما كان إحساسك مسا
عرّج الغيمة الفيني ومطّر
لحظة طار عصفور من صدرك
ردد فينا إحساس بالإلفة
ودوزن عصب الزمن الأشتر
وقلت المارق منك
داخل جرح الوردة وراسم فوقها غناوى الطل
المارق منك رجّع للغابات العرب العاربة
وللعتمور الزنج الهاربة وادّى الكون
مفتاح الحل المارق منك شادد عصب الورقة
وحرفي وراسم في اللاوعي سكون
مواعـيد صحوه وحلمو ونومو شارّى
يقينك في صمتي سارق لحظة إنى أفكر
المارق منك مارق منك أو مت شهيد
ما تضاري وراء الدعوات ما تتلبسي
الفرح الفات بسكن فيك النغم الزائف
ويسرق حاسة شوقنا الواقفة على
رجلين جواي ،نحن الهاوية والمتطامن
من الأرض آهـ من نحلك سـاعة يرحل
ولمن يكتب فينا الحنضل ويختم عمره بفعل الشهد
قال الجدول طلوع النخلة مرور الريح واحد
لكن الريح بيعانق حقل ونحن بنطلع نخلة
وننزل ونكتب في ذاكرة الصفق الأخضر
سجنا الريح في الورق الأبيض
وجهناها ضد التمر الناعس يسقط
فـى قبعة الحارس ذي الكان بيناتا ووارث
قالت غيمه بين قوسين غيمه لئيمة
أولاد الشارع فهرس لي كل المدن
التهرس جوفك بالأسمنت قالت ريح
شوف الناس قنديل لو ما نوّر يحرق
كوخ وباقي الحلة تنور أو جبة جوخ
أو ينزل بوخ يقول لي النسمة الزائفة أقيفى
لو تتفرد ريح تتشرد ريح ريح الخوف
لو تتفرد ريح تبـدأ تفرتق ضفاير المدن
النائمة تعيد تسريحتك
يوم سمايتك شكل قامتك كيف تموتي
وتحيى تانى ويوم قيامتك هو البيدينا الثبات
يا مجلوبة في قافلة رق ما بستحمل صدرك
رصاص الظلم يا صابت رحم الفال
يا قطعت حبل الود يا كنا نبيعك يا نسرق
اخترنا النار الضلها يحرق
ضللناك إنو الدنيا بيخشها ضوء يجرح
جلد العتمة لما الليل قربان فجرك
يا بت يا نيل لو نامت قمحة على الأبيض
تتشـرد زيو زاد الأبيض في غيه
مدد رجله اليسرى ماكان الكٍسرة
جاتك من بره صفرة ومنكسرة
زوجناك الشهداء أولاد الكلب
الماتو عشان الشعب زوجناك
ما عندك ضرة زوجناك ما جاتك ضرة
ما إنشاف ما عونك في الحلة يساسق ويلقى فتات
قال الأبيض للأزرق يبقى ضد الإنتباه
ضد تواريخ التمازج البيني بينك
للبشوفك في مراهفة الخرائط
فينا من وجع المسافرين واطه ما لاقت هوية
ردَّ الأزرق مطر الحبش لوكان نبش جواك سقف
وهدّ حيلك في الدواخل وشدّ عصبك في المداخل
صوت مراكبي وجيت بتسـأل فـي القمح
وفينا من فرح المسافرين قصة الشمس القضية
يا أعشاب النيل الأبيض ما تتضارى وراء الدعوات
أقرأ تاريخك وأقاوم وأسأل جبين الفجرألقى الفجر
مطعون في القـفا هل سافرت في ذنبك المحموم
حبة غضب ما شلنا جمرك وإنطفا جوانا نارك والمطر
جائين بي الكتابة وضربة النـاس المهابة
لو هزّ نخلك بـاشبزق ما فارق النخـل السبيط
ما سـاور الطـورية شـك إنو الأرض أنثى
وبتحمل بي الحـلال مين اللي قال إنو المسافة
البينا وبين الشمس طاقـة أو ميـاه النيل
بتدخل فـي عـروق السنبلة المسقـية بي
عرق الجعانين والمسافـرين بالبطــاقة
أقرا تاريخك وأقيف جواك والزمن النضيف
جـواي مـن جواك غضب سلم مفاتيح
الســؤال جيل الشمس موكب حريـق
واقف على باب الدخول بيناتو بينات الوصول لحظة شهيق
نقرتين لعرض الصورة في صفحة مستقلة
[/cell:9eac193f06][/table:9eac193f06][/center:9eac193f06]


 

رد مع اقتباس
قديم 09-19-2006, 09:15 PM   #20


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:f4e424a1ad][table=width:70%;:f4e424a1ad][cell=filter:;:f4e424a1ad]
نقرتين لعرض الصورة في صفحة مستقلة

من بعد ما عز المزار

نقرتين لعرض الصورة في صفحة مستقلة

من بعد ما عز المزار
والليل سهى وملت نجوموا الانتظار
والشوق شرب
حزن المواويل وانجرح خاطر النهار
وبقيت اعاين في الوجوه
واسال عليك وسط الزحام
قبال اتوه يمكن الاقي البشبهك
ما الليل براح والشوق بيندهك
شايلاه وين النيل معاك
عصفورة جنحاتها النجوم وانا بي وراك
بسال عليك مدن وبعصر سلافة الليل حزن
بسأل عليك في المنفى في مرفى السفن
امكن طيوفك اخريات الليل تمر
تملأ البراحات للحزين طول العمر
ما نحن بينا الامنيات والتضحية
بينا المعزات والعذابات في الحياة
بينا الهوى اخلاص على قلب انكوى
وكلام كثير قلناه آخر الليل سوا
انو راح نتلاقى لو طال النوى
لكن كلامنا الكان وكان
خايف يكون شالو الهوى
نقرتين لعرض الصورة في صفحة مستقلة


الشجن الاليم
نقرتين لعرض الصورة في صفحة مستقلة


عارفني منك
لا الزمن يقدر يحول قلبي عنك ..
لا المسافة ولا الخيال يشغلني منك
وتحرمني منك ..
والمواعيد لا بتجيب منك تودي
لا الشجن قادر يجيبني عليك اعديي
لا التحايا ولا المشاعر الحية في جوا الحنايا
لا رسالة تجيني منك
لا خبر طمني عنك
وانت سابق فيني ظنك
رغم .. انك
وانت عارف
انو منك
لا الزمن يقدر يحول قلبي عنك
لا المسافة ولا الخيال يشغلني منك
وابقى بعدك في الاسى وتبقى انت الظالم القاسي النسى
وغصب عني ازيح ظنوني
اقول عليك انت المسامح وفوق شجوني
اعيش زمان للفرقة جارح فوق شجوني
وفي احتمالي وبالي انك
انت سابق فيني ظنك رغم انك
انت عارف انه منك
لا الزمن يقدر يحول قلبي عنك
لا المسافة ولا الخيال يشغلني منك
ياهوى الالم النعيم
خليني في الموعد القديم
خليني في الشجن الاليم

نقرتين لعرض الصورة في صفحة مستقلة
[/cell:f4e424a1ad][/table:f4e424a1ad][/center:f4e424a1ad]


 

رد مع اقتباس
قديم 09-19-2006, 09:20 PM   #21


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:89bf4ec60c][table=width:70%;:89bf4ec60c][cell=filter:;:89bf4ec60c]
نقرتين لعرض الصورة في صفحة مستقلة
الحزن النبيل
نقرتين لعرض الصورة في صفحة مستقلة

وبقيت أغني عليك
غناوي الحسرة والأسف الطويل
وعشان أجيب ليك الفرح
رضيان مشيت للمستحيل
ومعاك لي آخر المدى
فتينى يا هجعة مواعيدي القبيل
بعتيني لي حضن الأسى
وسبتيني للحزن النبيل
ومشيت معاك كل الخطاوى الممكنة
وبقدر عليها وبعرفها
أوفيت وما قصرت في حقك
ولا كان عرفه غيرك أصادفها
وقدر هواك يجيبني ليك
جمع قلوبنا وولفها
وكتين بقيتي معاي في أعماقي
في أعماق مشاعري المرهفة
لا منك ابتدت الظروف
لا بيك انتهت الأماني المترفه
ندمان أنا
ابداً وحاتك
عمري ما شلت الندم
ما اصلو حال الدنيا
تسرق منيه في لحظة عشم
وأنا عندي ليك كان الفرح
رغم احتمالي أساك
يا جرح الألم
كان خوفي منك
جاي من لهفة خطاك
على المواعيد الوهم
اهو نحن في الأخر سوا
باعنا الهوى
ماشين على سكة عدم

نقرتين لعرض الصورة في صفحة مستقلة
اظنك عرفتي
نقرتين لعرض الصورة في صفحة مستقلة

اظنك عرفتي عواصفك مهبي
اباري في خيالك يسوقني ويودي
ونهرك يعدي ويجهل مصبي
هواجسي البتزرع وظني البربي
بديتك خواطر بتصحي وتساور
وطيفك يزاور وروحك تحاور
تجيبني في زمانك موشح اساور
اقول بس نسيتك وجرحك يتاور
اظنك عرفتي عذاب المغني
وطبله المجدع شظايا التمني
حروفه البتجزع في لحظة تجني
خطاه البتهرع متين تطمئني
مسرح خيالك حصاني القبيل
معربد غباره وخلى الصهيل
مسافر مسافر وفاقد دليل
اظنك عرفتي هموم الرحيل
نقرتين لعرض الصورة في صفحة مستقلة
[/cell:89bf4ec60c][/table:89bf4ec60c][/center:89bf4ec60c]


 

رد مع اقتباس
قديم 09-19-2006, 09:22 PM   #22


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:1a29c63cde][table=width:70%;:1a29c63cde][cell=filter:;:1a29c63cde]
نقرتين لعرض الصورة في صفحة مستقلة
سني على النضال

نقرتين لعرض الصورة في صفحة مستقلة
سني على النضال ايدي
سوكي بالهتاف فمي
شوارعك لي دويها على
اذا ما آخر العلاج الكي
مراويدك حمر عيني
هردت لهاتى بالغنوات
وقت يبرد حشاك يمي
من التعب البلا صالح
تفيقي تروقي تنجمي
تسوي مكانسك المطره
تضوي البيت وتنحمي
تمرقي صبوحة للجيران
قدح فوق ايد و في ايد المي
يلاقوك شفع الكتاب
نضاف وظراف بلا النسمي
يغنولك غناوي الساب
و في بيوضة ما في سراب
جبال كجبي وفيافي الكاب
تميد بالخضرة منقسمي
فيافي الصي وبيوضة
البراسيم فيها مفروضة
خدارا يراري شوف عيني
على الابواب
قماريها طواريها
وحواريها بقت روضة
بقت تشرب من الحامداب
تشوفي رهاب بعد نجمي
واشوفو قريب قرب نضمي
أشوف العالم التحتاني
هيلا هوب واقف ناهض
هد عمائد الفوقاني
جوة الجب رمى العارض
وفى السابو الدمار افراق
عريق الحب نبض قابض
متل قبض الحروف في اسميي
وغناوينا القبيل رقراق
علينا تصب برد قارص
واجر نمى وادودي لهاتى بالغنوات
عقب يبرد حشاك يمي
وطني ولا ملي بطني
سكاتي ولا الكلام النـي
بليلتي ولا ضبايح طي
قليلتي ولاكتر سمي
سلام يمـي
سلام لا هكمي ولا دكمي
نقرتين لعرض الصورة في صفحة مستقلة

ادفقي
نقرتين لعرض الصورة في صفحة مستقلة

ادفقي ما تبقي رقراق
ابقي ياضل ياشموس
غطي الساحات بالوضوح
انهضي الشوق البدوح
وهجك شوارع ذاتي في ليل اليباب
ما تشفقي العطش الرحيل
النيل ركيزة ودمعة الاحباب سحاب
ما تخافي من دم الغروب
لو رتش اللوحة الضباب
ما دام ضمير الفينا حي
ما دام عريق العشق حي
ملحوقة يامدن السراب
نديانة بفرح التساب
ادفقي فيضان عمر وفجي الوجع
دمع الالم ما يهددك ما خاب غناك
فارسك رجع ..
اتوهجي انت الشمس اتلهجي
نورك سطع نور بوادينا الكساح
رقصت مزامير الصباح
مبكية قرية وقنبلة
مسقية دمعة وسنبلة
الليلة في ايدنا السلاح
ريشة ..وكدنكة .. ومطرقة ..
نبنيك احسن يا ظروف ..
مخضرة دانية القطوف ..
نطوي المسافات نسبقا
ادفقي بلدك فداك .. اتوهطي
وري البنيات العزيز
محمية بعرق الترابلة ونغمتك
مسقية بالريد العتيق ..
انغام ربباتك تشيل معزوفة الليل والرفيق
ما تصغري تكبر اماني السنبلة هيا اكبري
تصغر معاني القنبلة
ما ترجعي الصد للمدائن والقرى
شيلي الشحوب والاصفرار
ادي البويتات مطرا
ادفقي في كل شارع وكل بيت
في روابينا المحنة في ضمائرنا السهول
ادفقي في كل حتة وكل زول
وابقي شان تحي الحصول ..

نقرتين لعرض الصورة في صفحة مستقلة
[/cell:1a29c63cde][/table:1a29c63cde][/center:1a29c63cde]


 

رد مع اقتباس
قديم 09-19-2006, 09:24 PM   #23


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:2086dd1d56][table=width:70%;:2086dd1d56][cell=filter:;:2086dd1d56]
نقرتين لعرض الصورة في صفحة مستقلة
ضليت


ضليت هرب مني الامل جنيت ..
جافني الشروق حنيت ..
وكنتي معاي في لمة دليب شاشاي
وفي ايقاع حشى المردوم
وفي جيد الزمن سوميت
مرقت على محطات السفر غربة
وما لقيتك امل شارد ...
مع انك معاي في زحمة المشوار
وحتى يقيني عاد من تاني
صحاك يوم حنين ذاتي
نجمة الفرحة يا عايد
تعالي معاي ..
من زفة نفس مسدار
ولا جلست فرح كانت
ولاطعم الشقا الروح
خطاي هانت ...
انت معاني شايلاها القوافي معزة
في عمق الفرح دوبيت ...
وكت ضليت قعدت براي
حسيتك بتطلعي من نفسي طورية ضامة الطين
من دمعات وجع طول
ندى العرق البنادي حنين
واناديك وانت في ذاتي ..
مخاوف سكة آهاتي
مداين قرية لابس القمرة شامة ضو
يحن يغشاها مرة شروق
يخدر من عرق تربال ..
يرتاح في ضليل واسوق ..
ينادي تراب
يغازل خدرة السيال
تطلُ شروق ..
تكون قمر السعد ضويت ...
نقرتين لعرض الصورة في صفحة مستقلة

اصطفيت جرحك


وإصطفيت جرحك براك
وتر إنتباهك والنغم
ضفة تزرع في الشروق
وضفة بتقاوم الألم
شمعة الأمل التهِد ليل الكوابيس
زمن الودار
شامخة بتعاند في صدى الليل
الهياج الاحتضار
صاح إنتباهك في الزمن
لما أصطفاك
قدر العصافير الرحيل
غدر الشِباك شوك المتاهات الدوار
تحتك نسيج الليل طويل
الأناشيد الماخدة من حـِزم الشعاع
نار البدايات البتول
للسحابات التلوح قوس قزح
بشرة هطول
ولي ضِيا القمر المقرّح
ضد قوانين الأفول
ليك يا أخر الخيول
فرس الرِهان الما كبا
وهج الشموس الاشتعال
وانكسار المستحيل
شقيتو بي سيل الحروف
الطالعة دابا من الصدف مجرى البحر
تيارو والموج الرجوع
أديتو حيل مدو الزمان كان إنحسر
غيرت في الزمن الملامح
طعم الكلام لون الغنا
وطبع البذور كيميا التراب
طقس المطر
صاح إنتباهك في المكان
زهو السنابل بالقموح
وإجتراحك لي لسان لغة الجموح
وكتين يتوه بين السكات
وسيف القيود الارتهان
شمس الحقيقة الـ آه
بقت منفي ونزوح
وأقتباسك للصبر لغة اليقين
بانقسامك في الزمن
وإنصهارك
واقتسام الآهة بينك والمحن
وانتصارك لي صباحاً بكرة طالع
من مدارات الصهيل
يا صباحك
لما تنداح ضفة جراحك بالشجن
وتقلد الزمن العديل
يا جراحك
لما تفرد غيم جناحك
فوق عذابات الوطن
نقرتين لعرض الصورة في صفحة مستقلة
[/cell:2086dd1d56][/table:2086dd1d56][/center:2086dd1d56]


 

رد مع اقتباس
قديم 09-19-2006, 09:26 PM   #24


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:e514e9279c][table=width:70%;:e514e9279c][cell=filter:;:e514e9279c]
نقرتين لعرض الصورة في صفحة مستقلة
كان نفسي اقولك


كان نفسي اقولك من زمان
للكاتمو في سري ومكتم في حشاي
مدسوس سنين ...
للشايلو في عيني معزة وفي القلب
ريدا يخاف و الغربة و الشوق والحنين
زاملني زي خاطر الفرح
وكتين يقاسم الهم عذاب
وكتين مدامعي تكون جزا
تفتح مباهج الليل ظنون
كان نفسي اقولك من زمان
خطوة محاسنك عندي ما كسرة جفون
وقت العيون تعبرني زي خاطر المسا
خطوة محاسنك ما الرخام الفي الحرير
وقت الثغير يعبرني بحرفاً قسا
خطوة محاسنك عندي وكتين كبريائي ينهزم
لطيبتي بلفظة حنان
وكتين مشاعرك تنسجم في عمري
تنفح قلبي بيرعشت امان
خطوة محاسنك وكتين شوقي
يصبح في هواك ليل عزة ما بتعرف هوان
كان نفسي اقولك من زمان
عينيك غربتي واهلي وبلادي الفيها ضايع لي زمن
عينيك شوقي لزولاً ولوف
من بعدو ساب عيني سهن
وانا كنت داير من زمان اشرح
حكايتي معاك الف احكيك وازيد القول ولف
واتمنى لو قلبك عرف كان من زمان
من قبل ما في قلبي يتحسر زمان الفرقة في جرح الاسى
من قبل ما حرف الحقيقة الحلوة يتبدل عسى
ويصبح اماني في خاطر الحنان
كان نفسي اقولك من زمان

نقرتين لعرض الصورة في صفحة مستقلة
عباد الشمس


عباد الشمس ساقك مشاك جبيرة وجد
تيار الظلام غطاك
غياب البهجة ما هزاك
هواك هز العهود بالصد
تغيب يوم الشموس ضوت
عباد الشمس يوم جاك
سألنا الغيم عنادك رد
اسف بعدك حروف جفت
جدال الماضي دمعت خد
غفل طرفك صرخ يا ليل
سرق عشقك صباحاتي
شتيل احساسنا مافرهد
رحل صوت المغني حزينا
ولسة الصوت صراع زمني
مواعيد عشقي ما بتنهد
نقرتين لعرض الصورة في صفحة مستقلة
[/cell:e514e9279c][/table:e514e9279c][/center:e514e9279c]


 

رد مع اقتباس
قديم 09-19-2006, 09:28 PM   #25


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:ff8f93f105][table=width:70%;:ff8f93f105][cell=filter:;:ff8f93f105]
نقرتين لعرض الصورة في صفحة مستقلة
يا مطر


من الواسوق ابت تطلع
من الابرول ابت تطلع
مـن الأقلام ابت تطلع
من المدفع طلع خازوق
خوازيق البلد زادت
يفيض النيل نحيض نحنا
يظل حال البلد واقف تقع محنه
ولا النيل القديم ياهو ولا يانا
نعاين فى الجروف تنهد ولا يانا
رقاب تمر الجدود تنقص ولا يانا
متين ايد الغبش تتمد
لا قدام ... ولا قدام
تتش عين الضلام بالضو
تفرهد شتله لا هدام
ولا فيضا يفوت الحد
عقب يا نيل تكون ياكا
ونكون أهل البلد بالجد
يا مطر عز الحريق
يا مصابيح الطريق
يا المراكبيه البتجبد من فك الموج الغريق
جينا ليك والشوق دفرنا
يا نشوق روحنا ودمرنا
يا المحطات الحنينه
القصرت مشوار سفرنا
ياما شايلك بيني حايم
لا الليالي المخمليه
لا العمارات السوامق
لا الاسامي الاجنبية
تمحى من عيني ملامحك
انت جاية المغربيه
داقسه دايشه المغربيه
وشك المكبوت مكندك
سمسمونايتك زمزميه
كون شبر طوريه منجل
سبحه,فانوسا مدردح
قلتى بيهن لي زمانك
يا زمان الحاجة عندك
يا زمان الآهة حدك
لا تطأ الوردة الصبيـة
نقرتين لعرض الصورة في صفحة مستقلة

قمر الزمان


كتبت ليك ...
لا بيني بينك ريدة لا قصة غرام
لا قصدي الهو معاك بي كلمات غناي ..
لا شعري ليك مرجيحة من شعر الغمام
كتبت ليك والله يا قمر الزمان
كتبت ليك وانا جاي من زمن الشقا
المرسوم على وش الثواني مظللة
تمر الساعات سنين
تتفتح الازهار جميلة ومذهلة
مشتاق افتش نسمة في زمن العذاب
وايامي من كتر الاسى وكتر العزوف والاغتراب
صارت حرف مترهلة
لحظات اسيفة ومهملة
كتبت ليك ووقفت ليك
لا من لقيتك جاية في قلب الطريق
وشفت فيك راحة المشاوير البعيدة
ولمحة النسمة الحنينة الجاية من جوف المضيق
حسيت عجايب الدنيا اتلمت بقت ..
جاياني من عصر سحيق ..
عينيك حس اطفال ينادو القمرة
للغايب يعود
وجبينك الضواي حجا الحبوبة ..
في الزمن السعيد
وانا في قساوة الموحش الزمن المكهرب بالحريق ..
وانا حيلتي ايه قولي يا قمر الزمان
غير اتكي واحلم معاك واحضن اماسي الصحوة ..
والامل البريق...
نقرتين لعرض الصورة في صفحة مستقلة
[/cell:ff8f93f105][/table:ff8f93f105][/center:ff8f93f105]


 

رد مع اقتباس
قديم 09-19-2006, 09:30 PM   #26


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:a0b1864fb6][table=width:70%;:a0b1864fb6][cell=filter:;:a0b1864fb6]
نقرتين لعرض الصورة في صفحة مستقلة

رجعلك قليبي المهضلم


رجعلك قليبي المهضلم
يراجع صنوف الغناوي العصية
يراجع معاك الكلام القبيل استباك
الكلام المبهرج وخاوي
الكلام المزيف
ولافيه غير احتلام وانفصام
تموت الحروف يوم تقوم القصائد
مقام الطبول والبخور
بشوفك جرايد شواكر حوامد
ولاهامي فيها
عليها المصائب تمام التمام
مغايص بتفرم حشاها
وغبائن بتنفخ بطون البسفو التراب
وحايح لهيب البتلفح تلهلب وتكوى الجلود
اتف القصائد
اذا ما القصائد دايره ليك البكا
البصاحب رضا السردار
واتف القصائد إذا ما القصائد
بتنزل مريده وتسبح بحمد الذي
ابتلاك وهداني الودار
طريتك وأنا الكنت قايل
خيالك معشعش جواي
سكنتك وما لاقى فجة
أخير لك أقول البحرق حشاي
أخير لك أفضفض جراب الخبايا
أقول الكلام البفكفك سوارك
يوقف جدارك ويرفع عضايا
تضيع الرموز التغتي الكلام
أقول السكاكر ابتني ورمتني وكفانا
أقول العساكر تباري الكباري
وتفتش قلوب الجهال الشلوخهم هويه
واغني الزيود والكنانة
كضب
اقول البنات البفتحن صدورن
يقالدن رشاشك ويخلن حبيبن
كضب
مراحك يعشي ويفشي
خضارك مرطب يندي الضهاري
ترابك دخن لو زرعتو الحجارة
بلادك ولادك كروها السحالي
تسفر سعيتك تقنب تبارى
الجداد العقالي
تجوع يا البشدر خريفك
سوا في البطانة
ويمطر رزازك عزازا حصايا
وقموحك سنابل مشاط كردفاني
ابيت الكلام المغتغت وفاضي
وخمـج ...
ولادك قصادك شعاع التحايا
يضووا الشقوق التلم الدوابي
يوروا الدروب للقلوبهم عمايا
عرقهم حبالك
وصوتهم مشانق
تلم الدقون الكبيرة
وتحدر فقر سمنتها الليالي الضليمة
بتهدر حرائق وتحمي البياكلوا المطايب
وتسجن بطون الجياع العرايا
وشوشهم سمر حر اباطك
صفوفهم مرامك وحلمك حلمهم
رغيفه وكرامة وسلامه
مصانع بتحرق قبل تبدا فيها
مزارع بتيبس ونيلك ممدد جنازة
وعقيدك وسيدك بيكتب ويمحى
وتبقى المحايا
نقرتين لعرض الصورة في صفحة مستقلة

الدنيا ليل


الدنيا ليل غربة ومطر
وطرب حزين.. رجع تقاسيم الوتر
شرب الزمن فرح السنين
والباقي هداه السهر
يا روح غناي
الغربة ملت من شقاي
وغربتي وبقيت براي
حاضن أساي
الوحشة ملت من أساي ووحدتي
لاغنوة لا موال يبدل حسرتي
غير الدموع يا ملهمة
الغربة مرة و مؤلمة
قولوا للنيل ضفة .. ضفة
و العشيات لما تصفى
والنسيمات البتاخد من عفاف ريدتنا عفة
إنو شوقي شوق إنسان معذب
مضيع ضيعو الليل و السهر
لا ينابيع ريدي جفت
لا ولا أشواقي خفت
كل يوم في غربة و بيها كل الدنيا عرفت
نقرتين لعرض الصورة في صفحة مستقلة
[/cell:a0b1864fb6][/table:a0b1864fb6][/center:a0b1864fb6]


 

رد مع اقتباس
قديم 09-19-2006, 09:32 PM   #27


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:6405788c4b][table=width:70%;:6405788c4b][cell=filter:;:6405788c4b]
نقرتين لعرض الصورة في صفحة مستقلة
ما طال في بحرك في مي


ما طال في بحرك في مي
وتمرك مفرع بالجريد
شدرك امد حد السمى
طينك معتق بالطمي
نبيتك اكيد نبيتك هوى
نبيتك ايوة سوا ..سوا من جديد .. نبيتك جديد
ايد ابوي على ايد اخوي على ايد انا
على ايد على ايد تجدع بعيد في اللجة في من راس ميضنة
حيكومة الفقر الدمار
الكضبن والصهينة
اللي ناقص ايامنا كاس
اليالطيف سوس البحر نردم قفاهو حجر .. حجر
من ها الرصيف
الما قدر قدام سريحة الموج يقيف
الما انستر الرزقية وناس وايه
نسقيها كاس اسقينا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احد من الرصاص
يا ضو حبيبين القسا
طول ما انت غرقان في الاسى
تبت يدين ما ترمي ساس
ما تبني مجدك من جديد
تفتح شبابيك الخلاص
تدخل نسيمات النشيد
بيت القصيد يستقبله
مستقبله والحاضر الماضي التليد
يا بلدي يا فردة جناحي التاني
وكت الناس تطيرلي عالمة
وا فجعة الزول البيجيك
ما يلقى فيك غير الهجير ناسا تواي مسالمة
مل البشاشات القبيل تلقاها ميتة مسممة
والجاته جاتة من الارض ما جاته من السما
ما اعتى غبنك يا ولد
واعدل قضيتك واعظمة
لا ترجع السيف الجفير
والدنيا فايرة مصادمة
من غير تجيب تار البلد
ريح العوارض تهزمة
تطرد مع ابليس الاخير دعة الضلال
من جنتك ادمة
تأكل من الشجر الحلال
يغشاك نعاس في ضل رمى
تختال هضاريب الصعب
كربة ليالي المظلمة
يا نيل قبل خاطرك يطيب
ارضك تفزع باللهيب
تكشح تواريب الغضب صعب المراس
نوبة و زنوج وبجة وحلب
رطانة عربان مواشو
ومولدين تلقانا او نلقاك ضو
ظلمة لياليك العجاف
رعشة نهاراتنا النشاف
امنا بيك وموحدين
في ايدينا فاس وقلم رصاص
شتلة وكمنجة ومسطرين
وطبنجة في خط التماس
نقرتين لعرض الصورة في صفحة مستقلة
[/cell:6405788c4b][/table:6405788c4b][/center:6405788c4b]


 

رد مع اقتباس
قديم 09-19-2006, 09:34 PM   #28


الصورة الرمزية وضاحة
وضاحة غير متواجد حالياً

بيانات اضافيه [ + ]
 رقم العضوية : 142
 تاريخ التسجيل :  Sep 2006
 أخر زيارة : 10-08-2022 (03:02 PM)
 المشاركات : 1,404 [ + ]
 MMS ~
MMS ~
لوني المفضل : Brown
افتراضي



[center:f3b1b32665][table=width:70%;:f3b1b32665][cell=filter:;:f3b1b32665]
نقرتين لعرض الصورة في صفحة مستقلة

عم عبد الرحيم


فتاح يا عليم رزاق يا كريم صلى على عجل
همهم همهما
حصن للعباد وهوزز سبحتو ودنقر للتراب
هم فوق هم هما
صنقع للسما وكان في الجو في غيم
وكم نجمات بعاد .. وكان الدنيا صيف
لا قالتو كيف اصبحت كيف ..
لا لمست حنان ..
لا لمست وداد .. لا رمشة طريف
من قلب وفي زي ايام زمان ايام الدفي
كانت ماها في
كانت في المراح ..
شدتلو الحمار تحلب في الغنم ..
لــي شاي الصباحوالطير ما نضم ..
ما رسل نغم ..
عم عبد الرحيم اتوكل نزل
في المشرع لقى زملان الشقا
الجا من الجريف ..
الجا من الجبل ..
عل الناس بخير ..
صبح هاظرهم نقنق ناقرهم وغاظوه ونعل
وعم عبد الرحيم ما بخبر زعل
كل الناس هنا ما بتخبر زعل
تزعل من منو وتزعل في شنو
كل الناس حنان .. كل الناس صحاب .. كل الناس اهل ..
والماهم قراب قربهم العمل
الطاق اليطق
عشت ابو الزمل بالحال العليك بالفال بالامل
عم عبد الرحيم .. كت فتاح في يوم على ايدك تنوم على كيفك تقوم
لا دفتر حضور لا حصة فطور تقرع بالقمر تزرع بالنجوم
لكن الزمن دوار لابدوم
عم عبد الرحيم ماشي على الشغل
في الباب القديم انعارض تكل
تنشايح جراح ياما كيف الغسل
الدنيا ام صلاح تبدأ من التكل
من حجة صباح في حق الملاح
في اللبس الجديد ..
في القسط القديم .. وبيناتن عشم
في الفرج البعيد ..
امونة الصباح .. قالتو النعال والطرقن هرن ..
ما قالتو جيب ..
شيلن يالحبيب قشهن النقلتي والترزي القريب
بس يا ام الحسن طقهن ما بفيد
وانطقن زمن وان طق الزمن لازمك توب جديد
بي أي تمن ...
قصبا للظروف والحال الحرن
عشان يوم الرحول ما تنكسفي يوم...
لو جاراتنا جن مارقات لي صفاح ..
او بيريك نجاح ..
دا الواجب اذن ..
وايه الدنيا غير .. لمت ناس في خير او ساعة حزن
عم عبد الرحيم ياحر ماك حر
ياريت التمر ياريت لو يشيلكل تلات شهر
ولا ايام زمان كانت ما تمر
كان ما جاك هوان ما لاقاك ضر
كان لا ضقت ضيق .. لا انغرغر الصبر لا شابيت غريق
لا طوح فقر ..
وكان ما كان وكان اكسيك در ..
حكومات تجي وحكومات تغور
تحكم بالحجي بالدجل الكجور
مرة العسكري كسار الجبور
يوم قسم النبي تحكمك القبور
تعرف ياصبي مرة تلف تدور
ولا تقول بري او تحرق بخور
هم يالفنجري يالجرف الصبور
كل السقتو ما باقي على التمور
وارضك راقدة بور..
لا تيراب وصل ..
لا بابور يدور ..
والماهية اف عيشة هاك وكف
في هذا الزمن تف يا دنيا تف
يالعبد الشقي ما اتعودت شكي
لكن الكفاف فوقك منتكي
والسوق فيك يسوق حالاً ما بتسر
الا كمان في ناس فايتاك بالصبر
ساكنين بالايجار ... لا طين لا تمر
واحدين بالايجار ما لاقين جحر
سلعتهم الضراع والعرق اليخر
عمال المدن .. كلات المواني .. الغبش التعاني ..
بحارة السفن .. حشاشة القصوب .. الجالبة الحبال ..
الفطن الفرن .. الشغلانتو نار والجو كيف سخن ..
فرق شتى بين ...
ناساً عيشا دين ...
مجرورة وتجر
تقدح بالاجر ومرة بلا اجر
عيشهم كمهو وديشهم هان قدر
وناساً حالا زين ..
مصنع مصنعين
طين في طين وين
ما مرابا مر بارد همها
لا بعرق جبين ولا وشا يصر
عين والله عين .. كلها كمها وعزها هان قدر
دي الجنة ام نعيم دي الجنة ام قصر يا عبد الرحيم الا ورا القبر
لا تسرح كتر فتاح يا عليم
وان كان الفقر يا عبد الرحيم اشبه بالكفر
حكومات تجي وحكومات تغور
تحكم بالحجي بالدجل الكجور
مرة العسكري كسار الجبور
يوم قسم النبي تحكمك القبور
تعرف ياصبي مرة تلف تدور
ولا تقول بري او تحرق بخور
هم يالفنجري يالجرف الصبور
كل السقتو ما باقي على التمور
وارضك راقدة بور..
لا تيراب وصل ..
لا بابور يدور ..
نقرض للحمار ...
نقريضة الحمار لا تنسي النعال
الطر الخضار اللبس الجديد ..
تسريح السفر ..
للماشي الصعيد ماشي الديش نفر
والبال اشتغل ...
والبال اشتغل للابا ما يعيد الحول ما اشتغل
والبال اشتعل ...
السكة الحديد ياعمو القطر
ياعم عبد الرحيم قدامك قطر
وسال الدم مطر
وطارت دمعتين ونشايح وتر
ياطاحن الخبر ما بين القضا ومرحاقة القدر
الشدة ام دموع والدمع انهدر
ايدهم في التراب .. والعين في القطر
عارفين الحصل عارفين في حذر الخبر اليقين دوخ وانتشر
اطفال القرى وعمال الحضر
ادوهو الطيور ودنو البحر
انصاعد سحاب وندافق مطر
عم عبد الرحيم في الشارع عصر ..
للدار اليسار متفادي الكجر ..
عربية الكجر .. دورية الكجر ..
جفلت الحمار وطوح زي حجر ..
وعم عبد الرحيم اتلافا القطر ..
فتاح يا عليم سال الدم مطر ..
جرتق بالتراب منشور بكتاب
روشتة وجواب ماهية شهر
اورنيكين سهر جنب لبدة حمار مقطوعين ضهر
عم عبد الرحيم يا كمين بشر
صح الموت سلام ما يقشاك شر
نقرتين لعرض الصورة في صفحة مستقلة
[/cell:f3b1b32665][/table:f3b1b32665][/center:f3b1b32665]


 

رد مع اقتباس
قديم 09-23-2006, 04:43 PM   #29


hassan ali غير متواجد حالياً

بيانات اضافيه [ + ]
 رقم العضوية : 178
 تاريخ التسجيل :  Sep 2006
 أخر زيارة : 09-02-2009 (06:23 PM)
 المشاركات : 200 [ + ]
لوني المفضل : Brown
افتراضي



العزيزه / وضاحه

لكي التحيه

وربنا يديك العافية

وربنا يرحم الاستاز والفنان الكبير مصطفي سيد احمد

تسلمي


 

رد مع اقتباس
قديم 09-23-2006, 08:50 PM   #30


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



العزيزة وضاحة:
لك التحية وانتى تتحفينا دائما بكل ماهو جميل...
ومعا نوثق للراحل المقيم:مصطفى سيد احمد


أظنك عرفتي
جمال حسن سعيد


أظنك عـرفتي عواصفك مهبـي يسارق خيالك يسوقني ويــــــودي
ونهـرك يعـدي ويجهـل مصبـــي هواجسي البتزرع وظني البيربـي
ــــــــــــــــــــــــــــــــــــــــــــــــــ ـــــ
بديتك خواطر بتصحى وتسـاور وطيفك يـزاور وروحـك تحــــــاور
تجيني في زمانـك موشـح أساور أقـول بس نسيتك وجرحـك يتـاور
ــــــــــــــــــــــــــــــــــــــــــــــــــ ـــــ
أظنك عـرفتي عـذاب المغـني وطبلـوا المجـدع شظايـــا التمـني
حروفوا البتجزع في لحظة تـجني خطـاه البتـهــــرع متيــن تطمئـني
ــــــــــــــــــــــــــــــــــــــــــــــــــ ـــ
مسـرج خيـالك حصاني القبيــل معربــد غبــــاره وخـلى الصهيــــل
مسـافر مســـافر وفـــــاقد دليــــــل أظـنـــك عـرفتي همـــوم الرحيـــل


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
احلي احلي نكات (المجموعه الاولي ) sara «۩۞۩- قٌسًمَ أٌلِضٌحًڳّ وًأُلُنُڳٌأُتَ أُلّمٌصًوًرَة -۩۞&# 6 01-14-2009 12:35 PM
احلي احلي نكات (المجموعه الثانيه ) sara «۩۞۩- قٌسًمَ أٌلِضٌحًڳّ وًأُلُنُڳٌأُتَ أُلّمٌصًوًرَة -۩۞&# 6 11-05-2008 10:49 AM
مصطفى سيد احمد المقبول مختار ود الحصاحيصا «۩۞۩-منتدى الادب والثقافة-۩۞۩» 22 05-10-2008 11:15 AM
عطاء الراحل المقيم الاستاذ مبارك ابو تكة يتواصل العشي «۩۞۩-المنتدى الرياضى-۩۞۩» 2 04-01-2007 03:48 AM
الى مصطفي سيد احمد ود الصداقة «۩۞۩-منتدى الحصاحيصا الحر-۩۞۩» 1 01-17-2007 10:21 PM


الساعة الآن 04:57 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009