وزير الاستثمار السوداني يلتقي أبناء ولاية الجزيرة بالسعودية

التقى الدكتور مصطفى عثمان إسماعيل وزير الاستثمار بجمهورية السودان أبناء ولاية الجزيرة بالمملكة العربية السعودية بمدينة الرياض، وذلك بفندق الستين بالملز يوم أمس 15/9/2013م، بحضور السفير الدكتور خالد عبد الرحمن نائب رئيس البعثة وعدد مقدر من أبناء ولاية الجزيرة بالرياض حيث تحدث في بداية اللقاء عن وزارة الاستثمار موضحاً بأنها في عهد الائتلاف مع الحركة الشعبية أصابها العديد من الدمار ونحن الآن بصدد إعادة الهيكلة مرة أخرى وقد اتخذت الوزارة في ذلك العديد من الإصلاحات أهمها إنشاء محاكم خاصة بالاستثمار لفض النزاعات إضافة إلى النافذة الموحدة للمستثمرين مبينا بأن الوزارة تجري الآن لإصلاح كل ما تراه في مصلحة السودان.
من جانبه أبان الدكتور إسماعيل بأن الوزارة شرعت في تكون الخارطة الاستثمارية للسودان وقد قطعت في ذلك شوطاً مقدراً حيث بلغت الولايات التي تم مسحها ثمانية ولايات كما أنها قامت بوضع خطة لقيام العديد من المؤتمرات الخارجية كان أولها مؤتمر رجال الأعمال الذي أقيم بمدينة الرياض في أبريل من هذا العام، وكان من ثمار هذا اللقاء أن قدمت إلى السودان شركات عملاقة مثل نادك والصافي والشيخ صالح كامل مردفاً بأن الأمير فيصل بن مقرن قدم مشروع يغطي مليون ونصف فدان شملت ولايات شمال كردفان ونهر النيل بالإضافة إلى ميناء لتسهيل عملية الصادر في مدينة بورتسودان.
على صعيد متصل أوضح الدكتور إسماعيل أن الاستثمار يحتاج إلى استقرار اقتصادي في سعر الصرف مؤكداً بأن هنالك مشاريع لصغار المستثمرين والتي خصصت لأبناء السودان بأرض المهجر، وحول الاستثمار بولاية الجزيرة أوضح سيادته بأن الولاية واعدة وبها كثير من المشروعات التي يمكن أن تدفع باقتصاد البلاد مبينا بأن الولاية سوف تشهد في الأيام القليلة القادمة طفرة كبيرة في البنى التحتية وذلك بالشراكة مع الصندوق العربي للإنماء الذي تكفل بقيامها مشيراً إلى أنه في تنسيق تام مع والي الجزيرة لجذب العديد من الاستثمارات.

من اليمين الدكتور محمد احمد بخيت (العزازه ـ المسلمية)، الأستاذ ضياء الدين المنصوري (الحصاحيصا) الدكتور مصطفى عثمان إسماعيل، الدكتور السفير خالد عبد الرحمن



من اليمين الصحفي الكبير نجيب عبد الرحيم (مدني) الأستاذ عبد الرؤوف صابون (مدني) العمده الفاتح النويري (مدني +الفقرا) الدكتور عصام الفادني (مدني)



جانب من الحضور


المهندس موسى عبد القادر الجيو (ديم المشايخة)

ومساءاات


لقاء بائس ومحاولة للفرفره
والجميع يعلم ان مشاكل الولايه تحتاج جهد اكبر
والشخصيات التي حضرت اغلبها متابع لاغير
والوزير نفسو عارف انو الجزيره غير جاهزه وغير مغريه حاليا
يبقي السؤال -- ناس الحصاحيصا ديل عايزين يستثمروا شنو ؟
هنئيا لكم بالعشاء الكارب
ويوجد باعوض ماركة ( بشه ) جاهز للاستثمار
مع بعض السرطانات والفشل الكلوي
واطنان من حديد الملاريا واسبيرات البلهارسيا
سماحة الفندق وكابة الموضوع ؟

العزيز عصمت سلامات
والله يا اخوى الناس ما قصروا واجتهدوا معاكم شديد
بس ما عندهم حاجة بتشفع ليهم
ناس الحصاحيصا محبطين شديد
لانو عندهم تجربة مريرة مع موضوع السوق الشعبى
فكتير من المغتربين ختوا حصاد غربتهم فى دكاكين السوق الشعبى
وفى النهاية فشل الموضوع
ومالقوا اى تعويض على خسارتهم الخسروها
الناس بقت ما بتستحمل المجازفات يا اخوى
غايتو ربنا يصلح الحال ويولى من يصلح الحال

التقى الدكتور مصطفى عثمان إسماعيل وزير الاستثمار بجمهورية السودان أبناء ولاية الجزيرة بالمملكة العربية السعودية بمدينة الرياض،)
الاخ العزيز عصمت سلامات
يا خى عليك الله دليل ابناء الجزيزة وله اولاد البرعى.
بقينا ملطشة ..كل واحد يلم ليه 4او5 من جماعته المقربين و يقول ليك ابناء الجزيرة وابناء دارفور.
لقاء زى ده المفروض يكون جامع ومعلن عنه من بدرى ... وهذا خير دليل على ان هذا الموضوع فرقعة اعلامية .
كل الاستثمارات السعودية ذهبت الى الشمال وما سمعنا اى لقاء من وزير الاستثمار مع ابنا ءالشمالية بالرياض.
والله الجزيرة بقت زى كرداسة ما عندها وجيع.

وزير الاستثمار السوداني يلتقي أبناء ولاية الجزيرة بالسعودية

أنا غايتو ما التقوني

الاخ عصمت كيف حالك واحوالك مشتاقين ولا ما ضرورى
الدكتور دا قايل المغتربين مغفلين ؟؟
يعنى معقول انا مغترب عشرات السنين واجى ادى قروشى للحكومة عشان تستثمرها لى ؟؟
دا اصلا اذا فى باقى قروش
المغترب صاحى العبوا غيره وشوفوا ليكم اجنبى غشوا
والبلد بخيرها اذا بعد عنها امثال هولاء
وستعود للسودان عافيته انشالله وما محتاج الى مستثمر
ويكفيه مشروع الجزيرة والمشاريع الاخرى

الحبيب عصمت الصادق

هم المغتربين ديل باقي ليهم قروش كتيره كده لمن يمشوا يدوها للحكومة تستثمرها ليهم

ياخي المغتربين الله يكون في عونهم ياسعادة الوزير بعد الاكل والشراب ودراسة الاولاد

الناس بتحول لي اهلها في السودان عشان يقدروا يعيشوا عيشة كريمة لان وضع السودان

لايخفي عليكم ياسعادة الوزير غلاء × غلاء اكل شرب تعليم مجاملات وخلافه

ومساءاات

الجديد انو الحكومه قررت فتح حسابات بالعمله الحره للمغتربين
ممكن تودع او تسحب بالحره
هكذا جاءت توجيهات من الريس البشير
بعد ان تاكدت الحكومه بان لعبة الاستثمار لن تجيب حقها
وان المغتربين فتحوا عينهم وبلعوا مرارات الماضي
لكن برضو الحقنه دي ما تجيب تمنها
لانو بقي ثقه مافي -----
هل هرولة الدولة نحو المغترب المفلس اصلا ذات جدوي ؟

المشاركة الأصلية كتبت بواسطة ود الحصاحيصا

العزيز عصمت سلامات
والله يا اخوى الناس ما قصروا واجتهدوا معاكم شديد
بس ما عندهم حاجة بتشفع ليهم
ناس الحصاحيصا محبطين شديد
لانو عندهم تجربة مريرة مع موضوع السوق الشعبى
فكتير من المغتربين ختوا حصاد غربتهم فى دكاكين السوق الشعبى
وفى النهاية فشل الموضوع
ومالقوا اى تعويض على خسارتهم الخسروها
الناس بقت ما بتستحمل المجازفات يا اخوى
غايتو ربنا يصلح الحال ويولى من يصلح الحال

الأخ الكريم ود الحصاحيصا
السلام عليكم ورحمة الله وبركاته
يقول البعض بأن (الاستثمار) زي (الشرك) أي أصوات مزعجه بتطير الطير
ولعل فشل تجربة أسواق الحصاحيصا ليس مردها إلى المشروع من وجهة نظري.. وإنما السبب هو خروج أغلب التجار من الأسوق في تلك الفترة (السوق طارد) ولعلك لاحظت وقتها بأن الأسواق في الحصاحيصا شهدت ازدهاراً قوياً وكل المؤشرات كانت تشير إلى ذلك.
المغتربون ليهم حق في تخوفهم (الضايق قرصة الدبيب).
بس السؤال نحن ح نقعد في أرض المهجر دي لمتين؟
نأسف لأن خاصة تكبير الخط لا تعمل

المشاركة الأصلية كتبت بواسطة امين 1967

الاخ عصمت كيف حالك واحوالك مشتاقين ولا ما ضرورى
الدكتور دا قايل المغتربين مغفلين ؟؟
يعنى معقول انا مغترب عشرات السنين واجى ادى قروشى للحكومة عشان تستثمرها لى ؟؟
دا اصلا اذا فى باقى قروش
المغترب صاحى العبوا غيره وشوفوا ليكم اجنبى غشوا
والبلد بخيرها اذا بعد عنها امثال هولاء
وستعود للسودان عافيته انشالله وما محتاج الى مستثمر
ويكفيه مشروع الجزيرة والمشاريع الاخرى

أستاذنا أمين
السلام عليكم ورحمة الله وبركاته
بالتأكيد أخي أمين المغتربون ليسوا مغفلين بدليل أنهم استثمروا في الاستثمار الحقيقي وهو تعليم أبناؤهم في ارقى الجامعات
بس ما نعيبه على عليهم بأنه غاية أمانيهم بأن يكون لديه (بوكس 1982) وقطعت أرض إلى أن استطاع إليه سبيلا.
كثير من الشعوب حولنا تستثمر في مجال تخصصاها بعد العودة... ونحن نعمل في تخصص وعند العودة نريد أن نصبح (تجاراً) وهذه هي الطامة الكبرى.
صحيح البلد بخيرها... بس الناس ديل قاعدين ليهم (24) سنة .
مشروع الجزيرة آآآآآآآآآه يا مشروع الجزيرة.