التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
||||||||||
|
||||||||||
قالوا القطار جاااكم
أعلنت حكومة ولاية الخرطوم، يوم الأربعاء، أنها ستدشن تنفيذ خطوط ومحطات قطار المواصلات في العاشر من نوفمبر المقبل ليدخل القطار العمل رسمياً خلال الربع الأخير من العام 2014. وبحث والي الخرطوم مع الشركة المنفذه ترتيبات المشروع. وأوضحت نشرة صحفية صادرة من الولاية أن اجتماع الخضر مع شركة نوفلز المنفذة لمشروع القطار المحلي أكد اكتمال تصميم القطار وبدء عمليات تصنيعه في الصين، فيما وصلت تصميمات الأعمال المدنية التي ستنفذ في مسارات القطار مرحلة متقدمة وسيبدأ العمل في تنفيذ الخطوط والمحطات والإشارات في العاشر من نوفمبر القادم. ووجه الاجتماع بتسريع إجراءات توريد معدات جسر الدباسين وإكمال كوبري القوات المسلحة، بجانب متابعة توريد مائتي بص تم الاتفاق عليها مع الصين لدعم أسطول النقل والمواصلات . وراجع الاجتماع موقف تنفيذ نتائج زيارة وفد ولاية الخرطوم الأخير إلى الصين، وتناول الاجتماع الإجراءات التي تمت بخصوص القرض المقدم من شركة بولي في حدود مائة مليون دولار وتوسعة مياه سوبا بإضافة مائة ألف متر مكعب جديدة للمحطة . |
10-23-2013, 05:00 PM | #2 |
|
والله ده خبر حلو لوصدقوا فيما يقولوا
نكون دخلنا ابواب العولمه في المواصلات العالم برمته اتجه الان للقطار والمترو في ترحيل الجمهور من منطقة الي منطقة |
|
10-23-2013, 06:39 PM | #3 | ||
|
اقتباس:
|
||
•
اللازمة دي حقت منو ؟
• مستشفى الاطفال والسقطة الكبرى .... بالصور • مشرحة الحصاحيصا و هجوم العاجزين |
10-24-2013, 05:55 AM | #4 | |
بيتحقق |
اقتباس:
صباح الخير
أبو عمر تعرف حكاية القطار و الترام و الترماج ... بنسمع بيها من زمن ما هين ... و الغريبة كل مرة بنسمع بى اسم شركة و تاريخ تدشين ... لانه بالواضح الهم ما راحة المواطن ... المتاح الان من المواصلات ... معذبين بيه المواطن ... اتخيل انك من شرق الخرطوم ماشى ام درمان ... اما تمشى موقف شرونى و تركب بحرى بعد كده تمشى ام درمان ... او تصل شرونى (جوار مسجد شرونى) و بعدين تديها كدارى لحدى استاد الخرطوم عشان تمشى ام درمان ... فخلينا مع لو صدقو دى ... امتنانى |
|
|
10-24-2013, 06:51 AM | #5 | |
|
اقتباس:
هو اي مشروع بعملوه جديد بكون خساره علي المواطن هسي من شروني الي الاستاد دي براها دايره ليها قطار يعني الواحد لو عايز يمشي مشوار واحد بالمواصلات يومك بكون انتهي قبل ماتصل المكان الماشي ليهو |
|
|
10-24-2013, 07:33 AM | #6 |
|
تحياتي ,,
والله لما قريت بداية الموضوع إتفائلت جدا" , لكن من ما دخلت هاتين الكلمتين ( الصين _ قرض ) قلت أخير لينا يخلونا في بصاتنا المكسرة دي و ما دايرين أي قطارات ولا يحزنون ,, لأنو القروض دي بعدين بتقع في راس باقي الشعب الفضل |
|
10-24-2013, 04:47 PM | #7 |
|
الاخ ابوعمر تحياتى
هذا القطار اشبه بتلك الكبارى التى ربطوا بها العاصمة على حساب اجيال قادمة كان الهدف منها فك الزحمة وتقريب المسافة وفك ضائقة المواصلات فلن تغير فى واقع المواصلات شيئا والان اتوا بالقطار المستفدون من امثال تلك المشاريع الفاشلة اناس معنيون مثلها مثل شركات الاتصالات فى السودان من المستفيد الاول ؟؟ الشعب السودانى يعيش معاناة فى شظف العيش والدواء والسكن فعلى الذين ولاهم الله امرنا ان يحترموا عقولنا وان لا يطلعلوا السلم بالمقلوب وان تكون هنالك اولويات فى حل مشاكل السودان ------الاهم ثم الاهم ------ ونهمس فى اذن والى الخرطوم من الكبارى الى القطار أوردها سعد وسعد مشتمل ** ما هكذا يا سعد تورد الإبل |
|
10-25-2013, 05:22 AM | #8 | ||||||
|
اقتباس:
لكن هسي في زمنا ده قروض ذاتها كان لمينا فيها ماكويس ( كده نبعد التشائم ده ونتفائل امكن يصدقوا ) سعدت بمرورك اخي اللورد اقتباس:
ياحبيب هو في كل الاحوال المعذب المواطن المسكين البسيط الذي يسعي لقوت يومه رزق اليوم باليوم هسي كده خلينا في آخر السمع ده التدشين متين والقرض استلموه ولا لسع وبكره ياسر من الامجاد للقطار مرورك جميل وفيه كمية من الكداري اقتباس:
غايتو ان شاءالله المشروع ده لوصدقوا برضوا يكون خير وبركة علي المواطن عشان يختصر الكثير من الزمن وكثير من الانتظار بس ناس المواصلات العاديه يمشوا ويييين ؟ اقتباس:
هي هسي بلدنا غير القروض ماشه بي شنو ولسع بنفتش في اعفاء الديون الخارجية قالوا البتبلبل بعوم ياخي مادام مافي حل غير القروض وانحنا كده كده مديونين ندين زيادة بس يكون في مصلحة المواطن البسيط ماتمشي وسطاء وسماسره ويحزنون اقتباس:
تحياتي واشواقي وسلامي وكل سنة وانت بالف خير اعاده الله علينا وعليك بالخير واليمن والبركات انت عارف يا امين بنسمع كثير جداً الرد الرد كباري وسد وكنا وقتها بنفرح وننبسط باننا دخلنا عالم التطوير والكباري والسدود والانفاق والاشارات المرورية المرقمه التي تنبهك للحظة الانطلاق والمصيبة لسه بنفرح لما نسمع بمشروع جديدة ونقعد نتأمل فيه وفي شكله لكن بعد نقعد مع نفسنا يأتي التفكير ياربي انحنا هسي استفدنا شنو من الكباري والجسور والسدود والانفاق ده شكل حضاري فقط يعني شوفونا انحنا عندنا جسور وانفاق وكباري وكده لان الشعب البسيط المسكين عشان ينعم بكل هذه الاشكال الحضارية لابد ان يكون مرتاح في مسكنة ومأكله وملبسه وعلاجة فياتري نحنا سعداء من وضعنا هذا نعم ممكن نقول ان هذا المشروع ( القطار ) ينصب في مصلحة المواطن بالنسبة لعامل الزمن بس انحنا محتاجين لاشياء كثيرة تصاحب هذا التطور الحضاري اولها الآمن والامان في بيوتنا وشوارعنا ثانياً الاكل والشرب والعلاج والتعليم واخيراً المواصلات والتطور الحضاري ودخول عوالم العولمة الحديثة مودتي لك وسعدت كثيراً بمشاركتك |
||||||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
القطار دور حديدو | محمد ودرعيه | ♬ ♪♩♭قسم اغاني الشباب والحفلات♬ ♪♩♭ | 2 | 07-15-2011 07:41 PM |
من بف نفسك يا القطار | منتصر تاج الدين | ♬ ♪♩♭قسم اغاني الحقيبة وكبار الفنانين ♬ ♪♩♭ | 0 | 02-26-2011 09:08 PM |
الامبراطووور القطار دور حديدو | بكري حاج احمد | ♬ ♪♩♭قسم اغاني الشباب والحفلات♬ ♪♩♭ | 1 | 11-15-2010 06:20 AM |
فى القطار | ابوعبدالرحمن | «۩۞۩-المنتدي الاجتماعى-۩۞۩» | 2 | 05-13-2010 06:36 AM |
القطار المرّ... فيديو | إيهاب الأمين | «۩۞۩-منتدى الحصاحيصا الحر-۩۞۩» | 1 | 11-21-2008 12:59 AM |