نجام قبورة
كثيرة هي الأمثال السودانية التي نسمعها ولا نعرف قصتها الحقيقية فهناك مثل كثير ما نسمع ب هاو نقوله إن ( فلان نجمو ليك نجام قبورة )
فماهي قصة هذا المثل تقول القصة انه في الزمن السابق كان كبير الشكرية لايحب المداح وما عندوا شغله بالمداح (( هم نفر يقومون بمدح الرسول (ص) وليس لهم شغله سواها يتكسبون منها الرزق)) اها المداح جو من الجزيرة ماشين حولية الشريف يوسف الهندي نزلوا مع كبير الشكرية اب سن عطالة كم يوم يأكلوا وينوموا بعد ما مشوا الحولية جو راجعين تاني عايزين ,أتعطلوا يومين ثلاثة اب سن زهجان منهم قال ليهم عندي زريبة شوك بدل تنوموا ساكت وتاكلوا قوموا اشتغلوا فيها المداح يويمن شغالين في الزريبة جاء ماري اب سن قال ليهم ما عايز فتحه تطلع بيها سوسيوه (( السوسيو صغار الدجاج)) بعد انتهوا وظبتوا الزريبه جاء يشوفا الدنيا خريف مرت جراده من داخل الزريبه ضربت اب سن في وجهوا قال ليهم فكوا الزريبة دي واعملوها تاني ما داير قبوره تطلع من جوه .(القبوره الصغيرة من الجراد ).. لذا اتت مقولة نجام قبوره ............................
|