دعوة لإحتساء شربوت كارب

و الشربوت هو "منقوع" التمر، فقبل يومين من العيد يغسل التمر ويغمس في وعاء فيه ماء كثير، ويصبح منقوعه حلوا يقال إنه يساعد على الهضم، ومن تجربتي الشخصية فإن هذا أمر مؤكد،. وغالبا ما يحتوي الشربوت - إلى جانب التمر – البهارات السابقة ويهدئ الشربوت اضطرابات وآلام الجهاز الهضمي. يصنع الشربوت في إناء كبير حتي تصبح كميته مهولة للحد البعيد ويمكن أن يمكث الشريوت حتى "يتعتق"لاطول فترة ممكنه داخل الإناء وغالبا ما تكون وبرضو يكون قابل للشراب ، ولكن اود ان انبه على انه لو مكث اكثر من ثلاث ايام فسيصبح خميرا جدا و حينها يمكنكم شرابه بمتعة "لا تضاهى" وربما تفقدون وعيكم جزئيا إذا كانت رؤوسكم خفيفة، علق أحد الأصدقاء على حب النساء للشربوت وتمسكهن بصنعة قائلا: آ زول عايزات يسكرن ساكت ..دي فرصتن الوحيدة!!
اها مكونات الشربوت هي
1. البلح
2. جنزبيل .
3. قرنجال .
4. هبهان.
5. قرفة.
6. وقليل من الخميرة.

عيد الشية واللحمة النيه .. دعوة لإحتشاء شربوت كارب

هي نسيت .... اها كل سنه وانتو طيبين وربنا يحقق الامنيات ويهدئ النفوس

الله اديك العافية يالجعلية وكل سنة وانتي وكل السودان والاهل واخوتي واخواتي بالمنتدى بالف مليون خير .. رجعتيني سنين والله لما كان العيد وكان الشربوت وما اجمل تلك الايام يا حليل الشربوت لما كنا بنشربو بعد الشية مع الشطة الحارة ياريت لو ترسلي لي شوية لكن هيهات ....

العزيزة/ الجعلية
كل سنة وانت طيبة ... فما أجمل الشــــــــــــــــــــــــربوت المعتق !!! وايضا فى الزمن الجميل كانت نساء السودان يشربن ( البوقنية ) ، زمن كانت ( الكسرة ) بفضل !! وا شرى على الشية الحارة والشربوت الكارب !!!
وكل شـــــــــــــــــــــــــروت وانت بخير

شكرا لشربوتك ونفس العيد ونفس الناس لكن نحن ما نحن وح نعيد نغيظ إبليس والشيطان وح نعيد .. كل سنة وإنت طيبة يالجعلية.
الشيلة إنشاء الله عجبتك؟

مشكورة اختنا الجعلية
ربنا يحقق امنياتك وامنيات
كل المسلمين ,,, ويعود علينا
العيد ونحن اكثر محبه وتقدم

تحياتى اخت الجعلية وكل عام والجميع بالف خير
اعاد الله علينا وعليكم هذه الايام المباركة والجميع
فى اتم الصحة والعافية ,,,, والشربوت مظهر من
مظاهر عيد الاضحى ويقال انه يساعد على الهضم
ولكن تبقى القاعدة الدينية التى تحرم كل ما يسكر,,,,

وكل عام والجميع بالف خير

الاخت الجعلية كل سنة وانت بالف خير وربنا يحقق امانيك انشاءالله..
مشكورة على الشربت الرهيب..
لك خالص الامنيات الجميلة ..

الجعليه ....لاحول ولا قوة إلا بالله
انا من ما قريت موضوعك جريت جبتا الحاجات وأجريت اللازم .... وياربآ تصبح العيد لانو (لا مواخذه من الريحه ريالتي سايله (ريقي يعني)المهم ماعارف الامام بقول في شنو : بالي مع الشربوت : المهم جبت الشي والني وختيت الجك بالتلج وهاك يا شفط بإختصار نمت في الكرسي وصحيت هسه دي قلت لي الاولاد جيبو الغداء
ختو لي خضروات ساي قلت ليهم وينو اللحم قالت المره لحمة شنو قلت ليها لحم الخروف قالت لي ياراجل اللحم كمل قلت ليها كييف الكلام ده فالت لي ياراجل قول بسم الله في خروف لحمتو بتقعد3 يوم

عندى شربوت مباااااااااااااااااااااااااااالغه.؟؟