تعالو نعبر عن الجوااااانا!!!

ماي حاجه في الدنيا دائما بتكون لذيذة للاخر

وماااي حاجه لذيذة في الحياة دي دائما بتكون جميله على طول

ومااي حاجه جميله في الدنيا دائما بتكون كامله على الدوام

عشان ده كلو بقولو كل واحد يمد رجلينو على قدر لحاااافو...




لما الظروف تفرض علينا

الغربه والنوح والشتات

احلامنا تصبح ذكريات

لما الظروف تحكم عليك

ترميك في يد الغدر

لما الغدر يفرش طريقك شوك وشر

اعرف مصيرك وين تكون

مكتوب عليك لحظة سفر..



ماكتييييييييييييييير الناس بترحل

لظروف في الدنيا اجمل

ناس بتمشي سنين طويله

وناس بدون ماتمشي توصل...



ياريت نبني حبل من التواصل لكي نعبر

عما يدور في دواخلنا وخواطرنا؟؟؟


وللبقيه تتمه...


ودمتم في حفظ الله ورعايته

تعرفي انوا من الاصعب الاشياء التعبير عما يجيش في النفس

لكن حا نجتهد ...

لكي التحيه بقدر مرورك

فالتعبير عن خوالج النفس شيء ضروري

وكتر خيرك وتعالي كتير

والله يا عاشقة موضوعك صعب زى ما قالت بت امها وفى كتير من الحاجات
صعب نعبر عنها ,,,, لكن انا ادق صدرى واعبر عن حبى للمنتدى ولجميع الاخوة
والاخوات فى المنتدى وحقيقى المنتدى اصبح ملاذ وواحة تجمعنا مع
بعض واتمنى دوام التواصل والمحبة والالفة والرفعة لمنتدانا ,,,,

عــــــــــــــــــــــارف

الموضوع لاصعب ولاشيء بس انتو ماخدين الامور اكتر من حجمها

لازم نتفاعل عشان نرقى بالمنتدى

واكيد بنريد ناس المنتدى

بس انت وانا وهي وهو ونحنا وهؤلاء

لابد من التعبير بكل مابدور في حواطر النفس

وتسلم على المرور

لك التحية..

الموضوع تمام لكن ناس فوق الاربعين ديل بقوا ناس سمري مش تعبير ؟؟؟؟ وبجيك تاني للتعبير

وتعجز الكلمات عن التعبير ويعجز اللسان عن الحركة ، ومش قادر أقول حاجه ...
الله يهديك جهجهتينا !!! أدينا فرصة نفكر .........

اتمنى ان تعود الحصاحيصا التي عرفها الناس زمان ودي دايرة شوية تفاعل وتعاضد .... واسألوا انتو عن الحصاحيصا زمان

الاخوان مناع بدوي والشريف

اذا تكاتفنا وطلعنا عن الجواانا وماغسنا

لرجعت الحصاحيصا ايام زمان ايام المحنة والجيران

والملاح البايت في الفطور

والله ياجماعه التعبير ماصعب اخدناها زمان في المدرسة

والوقوف سويا في الافراح والاتراح

فلازم كم التعبير عن الذات وعن الشاغلنا في ضميرنا

ام انت يامناع فممكن تعبير عن الحاصل وتكون مرسال شوق للغربة

فلكم التحية بحجم احترامي...

اتخيلي يا عاشقة الحصاحيصا انو في الزمن دا في اسرة بتخلي اولادها مع الجيران لكي يذهبوا لاداء واجب اجتماعي مهما كانت المدة .... دا كان زمان

مهما نقول ومهما نرجع لازم نرجع للزمن الجميل

يامناع انا طالباك تعبير

ماتتهرب دايرة اصل لي الجوااااااااااااااكم عشان نقدر نصل للحصاحيصا

ليس الاعجاز ان تصنع الف صديق

ولكن الاعجاز ان تبقي الصديق لالف سنه

هكذا نريد ان نبقى وهكذا نريد ان نكون

نلنضع يد على يد ونبقى في طريق التواصل

ودمتم ولكم التحية...

موضوع جميل ودائر ليهو روقة وهداوة بدال وبدل ترحل

في جواي قصيدة المبدع الشاعر الاستاذ التجاني حاج
موسي وهي تعبر فعلا عنه

ضل الضحي الرامي شمس شتوية دفاية
وريحة البن لم يفوح في قلاية
فروة جدي وسبحة جدي لامن جيت امد يدي
جدي اديني تعريفة
بتقرأ الحمد يا المبروك
بقراها وشان تعريفة القاها بجود في القراية كمان
ايه يا يمة والل زمان
سبحة بت الفكي والطورية والواسوق
سعة حبوبة والحنقوق
وصوت سعدية بت جيرانا تشحد ليها في طايوق
وصوت عرفة لم تخمج الدلوكة غناية

صور جواية محفورة لليلة وبعد باكر
شان الزمن غدار ما معروف زمان مكار
زمان ما كلو خوف في خوف

بدور اجيك يا يمة ضاقت بي هنا
بشتاق يا يمة لي ملاح النعيمة
وريحة صاجك المحروق لم تسوي طعمية
غباشة روب وعنزة حلوب
بدور اجيك واتوسد عيونك واصابحك يا حبيبتي انا
اتاري الدنيا من دونك مرة وشينة وحالها ذي النار

ولو درتي احكيلك عن حالي في البندر ابدأ بس من وين
ما شيتا غريب وعجيب وشيتا كلو شين في شين
هنا الزول العديل ونصيح وحاتك انت يا الغالية يعيش حياتو بي وشين
كان شفتي يا يمة زولتي الحتي حبيتها لقيته براي تحب زولين

ايه يا يمة والله زمان

لك التحية وتقبلي الزيارة

ياااااااااااااااااااااااااااااااسلام عليك ياعارف مصطفى


صحي لو الناس الهنا ديل كلهم يقدرو يبوحوا زيك


ياريت يقدرو يتكلمو

ياريت ياريت


بالجد صفقة ليك كبييييييييييييييييييييييييييييرة وتعال كتير


لك التحية..

جوانا الكتير بس مغلق بالضبة والمفتاح زي ما اتصادرت حاجات كتيرة في السودان من ضمنها احساسي انا ولكن اوعدك سوف اعبر قريبا نب اتمهل في النت وبجيك تاني؟؟؟؟

سلامات ايتها العاشقة و ان ما بداخلنا لا تحتمله الصفحات ان وجد له منفذا ... و اول تلك الدواخل سابثه هنا بالتزامن مع موضوع رئيسى بامنتدى العام ... و لكن من يحتمله و من يفهمه
لكى التحايا

لا أعلم لماذا أكتب؟! ولمن أكتب؟! ولكنني على كل حال أجد نفسي مضطراً للكتابة عن واقع يعيشه هذا الجيل ورثه هكذا دون أب يشرح أو جد يفسر أو جار مواسياً.. وأول سؤال يقلق المنام ويثير الأوهام ويحفز الأقلام هو (من نحن بالنسبة للأجيال التي سبقتنا منذ الاستقلال) [جيلين حسب تقديري]؟؟!! (وماذا نعني بالنسبة لهم)!!؟؟!
لماذا يعيش السودان وحده دون غيره من أقرانه من الدول هذا الفشل والتخبط حتى هذا التاريخ المعاصر وذلك على جميع المستويات .. فقد عاشت الخدمة المدنية عصوراً زواهراً يحكى عنها مدراء زماننا هذا من أن في انتظار الخريج أكثر من وظيفة ومنحة حال تخرجه من الجامعة ويعمل خريجونا الآن في قيادة الركشات وأعمال البناء...
صنع الفريق القومي لكرة القدم أمجاداً ذهبية وسط أقرانه من الأمم (خت سطرين تحت أقرانه) ثم صار ذاك الذهب حائط مبكى يسهل النواح عنده بعد كل مثنى وثلاث ورباع تنالها فرقنا في المنافسات القارية (العشمان في كاس الأندية الأفريقية الأبطال لهذا العام نجمة أو هلال يتصل علي لأخبره مكان ذاك الحائط فالاحتياط واجب).. وكان بناؤنا الإداري كشوكه الساعة التي تعرف طريقها فيحدثنا من سبق عن غسيل الشوارع بالمياه وقطر نيالا والتاكسي الجوي لمروي وكسوة الكعبة من دارفور وأبار علي هنااااك في البلد الحرام.. مجرد حكاوي وأحاجي وللأسف لا تستطيع النوم بعدها بل هو هذا الأرق...
لماذا يا سادتنا وحكامنا وساستنا وآباؤنا ومدراءنا تتعلمون أحسن العلم وتنالون البعثات الخارجية على حساب الدولة و العلم في بلادي لهذا الجيل تتقاذفه أفكار الرجال.. لماذا هاجرتم وبنيتم بلاد الغير وعدتم أغنياء وأورثتمونا دولة فقيرة ومعدمة (زي ابل الرحيل شايلة السقى وعطشانة) .. لماذا كان أمام كل منكم فرصة أن يشتري أرضاً في قلب البلد (ومن المؤكد أن ثمنها كان عند معظمكم) ثم لا يجد هذا الجيل كوخاً يضمه مع زوجه في الأحلام.. لماذا أسستم الاتحاد الأفريقي لكرة القدم وفزتم بكأس الأمم الأفريقية زماااان ثم أورثتمونا هذا الترتيب الرياضي المخزي بين الدول (استاد واحد زي الناس ما عندنا) لماذا كل البلاد (ماشة لقدام) ونحن (ماشين لورا)...
قلَبت بصري في العالمين لعلي أجد عذراً لجيلكم فوجدت عوالماً أخرى حالهم أسوأ من حالنا وأرضهم أجدب من حقلنا و بئرهم أنضب من نهرنا وذهنهم أكسل من فكرنا ثم ... ثم أنهم تقدموا وصنعوا من كل ذلك الفسيخ بعض الشربات...
وسؤالي الأخير لكم يا من سبقنا وعشتم زمانكم وأفسدتموه .. لماذا تصرون أن تحرموننا من زماننا.. لماذا تحكمون هذا البلد (حكومة ومعارضة) لسنوات أكبر من سنوات عمري ذات الثلاث عقود ونيف.. ولا أقصد بالحكم السياسة فقط .. بل في جميع المجالات.. في الكيانات الهندسية (المناظر هي ذاتها) وفي الطبية (الصور نفس المشاهد) والفنية (يسمون أغاني هذا الجيل بأغاني الشباب احتقاراً) و.... و....و... أما السياسة فتاريخها يصلح مادة (لطق الحنك) في الممارسات الغير رشيدة ولكنها أبداً لا يمكن أن تكون تجربة لدولة بهذا الحجم والموارد.
من نحن... ومن خطط لنا لنكون هكذا... ومن يخطط لما سنكون عليه في المستقبل... لماذا لا يعطون هذا الجيل فرصة ليتدبر أمره!!!؟؟ متى يصل ذاك الجيل لمرتبة الخبرة ويترك الإدارة لغيره.
أملي في أن يقرأ مقالي ويفهم سؤالي من يدرك كنه ما أعاني .. أما الإجابة عن الأسئلة فإني يائس منها....

ياعزيزي يامجاهد

بعاين ليك


بلد ممتد


وصوت طنبور وريحة ند


واشوف الدنيا


لحظة فال


عيون مرسال


حنان يمه


ونضال يابا

وعيون تتضارى جذابة


وسلاااااااااااااااااااااااااااام


كتير بايادي تتشابا


يديك العافية كتير بالجد بذلت مجهود للتعبير


ياريت الكل يقروا السطور الجميلة الفيها كلمات الالم


والغربة والنوح والشتات


لك التحية بحجم احترامي