التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
09-08-2010, 02:06 PM | #61 |
|
يا سلاااااام يا عارف ياخي
تعرف في ناس بتلززو بكسير التلج و في ناس امورهم كلها ماشه مية المية بفضل واسطة السيد كسير التلج لكن بدور اسعلك الصينيين ديل قالو اكتر شعب بحب يكسر تلج و تحياتي لك يا خبير يا وطني |
|
09-08-2010, 02:29 PM | #62 |
|
أخي الطيب ..
مالك مضايقة علي كده .. حقوا تشوف لي العذر ... الدنيا اخر رمضان .. والساعة خمسة مساء ... وانا ذاتي اخر عمر .. فكيف لا يتشابه علي ( العوارف ) .. عموما... لعارف (صاحب البوست) العذر .. ولعارف (ما صاحب البوست) التقدير ... و (للعوارف) جميعا في الفلب مكان... ( ما كسير تلج ده). |
|
09-08-2010, 02:47 PM | #63 | |
|
اقتباس:
لكن بردان لي كم يوم بساعد عارف اخوي ده في كسير تلج وصدقني خايف تكون جاتني رطوبه تعرف يا محمود أكان انا رطبته ما بنساك خليك من دكتور احمد ده عارفوا " ناشف " مش اخوي ودخالتي بعرفوا اكتر منك التلج المكسر ما بنفع معاهو .. هههههههه تسلم يا "حوده" وفي رواية قديمه "حوته" ويسلم لنا الدكتور |
|
|
09-08-2010, 06:11 PM | #64 |
أبو حسين (سومي)
|
والله البوست جميل وعجبني عجب ، طبعا احلا حاجة فيهو اول مرة اتعرف عليكم عن قرب تصدقوا انو ناس الحصاحيصا بالجد انسان بطعم الدهشة ياخي قدر ما اقول ده ساخر اكمل في البوست الاقي البعدو جبار لحدي ما كملت البوست وداب تلجي اولا التحية لعارف أخوان طبعا يا الطيب قدمنا اخون الصغير عشان الفكرة ، لكن بوست خلاني اضحك لحدي ما خفتة اواصل طوالي ، طبعا يا ابو امجد لقيتك فايت هاشم كبير ، بعدين يا ابو عمار داردومة دي جبتها من وين ههههههههههه ، ياخي حيرتونا ، هسي عندي كم سوال كده ؟؟؟؟
1- أدوات كسير التلج 2- هل ما زالت النشارة مساعد اساسي فيما تبقي من تكسير واين موقعها 3- مواصفات المكسرين 4- وصف بعض حالات الذين كسر لهم ( يعني اعراض وكدة ) في حمي ولا احمرار 5- الجرعة وكيفية الاستعمال ( بالله الورشتة لازم عربي جوبا بمناسبة الانفصال ) نطة : داردمة دي رجعتني اجازة عديل هههههههههههه كل عام والجميع بخير ربنا يحفظكم ويديم ضحكاتكم |
|
09-08-2010, 06:35 PM | #65 |
|
هووووي ياناس البوست ده بعد كده بجيب لينــــا الهواء . ابوامجد اكسر
لأخوانه عند ست البنات ’’’’ وحوته الله اديه العـــافيه اكسر للدكتور في المكتب وكمان لحقه في المنتدي اتم لايه الباقي ’ وياسر تمساح والطيب عبدو ( منسجمين ) سمعتوا بأغنية نحن منسجمين والما منسجم معانا اشيل بوستاتوا واتخارج يعني ( لماعاجبوا احلق حواجبوا ) ’’’’’ طيب حسع الحل معاكم شنو كان كسرنا لفلان علان ازعل وكمان كان رميت لي دراش لفلانه كلكم تفتحوا خشومكم طيب اها انا اسوي شنو ؟؟؟ اقول ليكم شي انت كسروا لبعض وكان نسيتوني انا مــــاعافي ليكم انشاءالله تقولوا لي ذي ما قالت فلانه للطيب الطيب منتظرنك ماتتــــــــــــتتـــاخر ( سنه ياولد ) .ها هااااي .قلت لي عندكم مصنع جاااو جاو جاوو ياناس هوووي كل سنه وانتو طيبين |
|
09-08-2010, 09:04 PM | #66 |
|
ما شاء الله ما شاء الله
انا كنت منتظر اكمل الكوته بتاعتى للكورس الصيفى تحت شعار (كسير التلج .. ضمان لمستقبل الايام) لكن الظاهر الكوته ما حتتم لانكم ما شاء الله عليكم الظاهر انكم كسارين بالفطره ويبدو لى من خلال الشعار بيتضح اهمية تكسير التلج لان تكسير التلج يصب فى ناحيتين اولاهما الجانب العاطفى وده طبعاً بيختص بالجكس واذا ما جود المرء شغلته وسنن لسانه وعرف من اين تكسر التلجه(ودى على وزن من اين تؤكل الكتف) فهو سيضمن بالضروره نصفه الحلو (والحلاوه هنا خشم بيوت )... والناحيه الثانيه للتكسير تصب فى خانه الضمان الوظيفى (ودى على وزن الضمان الاجتماعى) فالوظيفه اليومين ديل ما دايره شهادات بس دايره زول منظم (تنظيم جبهجى) او كسار درجه اولى حتى لو ما متعلم . ومن الحته دى اقتبسنا الشعارات التاليه نحن نرفعك بالتكسير درجات ابو امجد يعلمك كيف تكسر التلج لتكسر كل ما يعترضك من عقبات ابو امجد الاول فى عالم التكسير نحن نصنع الثلج وانتم تكسرونه.. |
|
09-08-2010, 10:50 PM | #67 |
|
تحياتى للجميع ولعموم كسارى وكسارات التلج فى المنتدى وخاصة
الاخوة ست البنات وبت القوز والمنصورى ود. احمد وابو امجد ومحمود علوب والطيب عبدو وياسر تمساح والصديق العزيز حاطب ليل والجميل هيثم بندى والله مروركم اسعدنى جداً والقى على عاتقى مسئولية كبيرة تجاه الايفاء بالتزامى نحوكم وتكسير التلج الذى يليق بمقاماتكم السامية ,,,, عموماً جميل جداً ان نأطر لهذا السلوك ونضع له من الأسس ما يضمن تطبيقه بالشكل المطلوب والذى يحقق الهدف المنشود ويا الطيب والمنصورى لغة الزمبجة والنقرحة ما كان لها ان تسود لولا كسارى التلج الذين يزينون الباطل ويطبلون بشدة وشبط ذاتو وهنا لابد ان تورد حديث الرسول صلى الله عليه وسلم فيما معناه: ليس المؤمن بلعان ولا طعان ولا فاحش ولا بذىء وفى حديث آخر: المسلم من سلم المسلمون من لسانه ويده وربنا يسلمنا ويسلمكم من هذه الالسنة ,,,, وبالعودة الى استفسارات الاخ المكسراتى المستجد هيثم بندى فادوات تكسير التلج اخ هيثم كما ذكرنا هى التلجةاما التلجة فلها مواصفات محددة حسب الموقف وحسب المكسر له وحسب الزمان والمكان كما تفضل الاخ الطيب الخبير الوطنى واما الاداة فهى آلة للتكسير لها القدرة على تكسير جميع الاحجام بالدقة وبالسرعة المطلوبة واما النشارة فهى وسيلة هامة جداًلحفظ التلجة لتكسيرة اخرى فتخيل انك بصدد تكسير تلجة لاحدهم مثلاً مديرك وقمت حسب التوجيهات بتوفير التلجة واداة التكسير ولكن ظرف معين قضى بعدم تكسير التلجة فهنا لابد من حفظ التلجة فى مكان ممتاز خوفاً من ذوبان هذه التلجة وهنا جاءت اهمية النشارة وبالنسبة لمواصفات المكسرين اعتقد ان كل انسان يمكن ان يقوم بهذه المهمة وما شاء الله البوست وصل 65 مشاركة وكلهم خبراء فى تكسير التلج على اختلاف مقاماتهم السامية من دكاترة ومهندسين ومحاسبين ومحاميين اما الاعراض فهنا فى هذا البوست مثال حى لمكسر ولمكسر له الاول هو الاخ محمود علوب والثانى هو د. احمد الطيب الماحى وارجو يا دكتور ان تصف لنا شعورك والاخ محمود يجتهد فى كسير كمية كبيرة جداً من التلج يبدو انها قد ذهبت ادراج الرياح واما الجرعة فايضاً تختلف باختلاف المكسر له والجرعة تبدا من الداردمة الى لوح التلج الكبير وزن 5 كيلو ,,,, واما اخونا حاطب ليل (ابراهيم) انا ح اوثق ليهو بالصورة والقلم وهو بيكسر فى تلجة كبيرة جداً بعد ان تعرض لعملية اختطاف ,,,, عموماً والله البوست جميل جداً باضافاتكم (والله العظيم دة ما كسير تلج) وغايتو مصيبتنا مصيبة تانى اى كلمة نقولا لى زول لازم بين قوسين نحلف انو دى حقيقة ولا شنو ؟ |
حصاحيصا ياام المدائن والقرى
من روحى بقريها السلام كل مانسيم الليل سرا |
09-08-2010, 11:07 PM | #68 |
|
هدية الى مكسرى التلج والمكسرات
بقيادة المنصورى والطيب وست البنات ,,,, التلج يناديكم: كسرنى حاول حس بى كسرنى وارمى اللوم على كسرنى والكاين يكون حيرنى صمتك يا حنون! |
حصاحيصا ياام المدائن والقرى
من روحى بقريها السلام كل مانسيم الليل سرا |
09-08-2010, 11:33 PM | #69 |
|
يازعيم كسير التلج دا بوديك فى داهيه كمان اتطورت وبقيت تدي دروس الله يستر.....بس اعمل حسابك ما تلحق ناس فلانه وتدقس
|
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
09-08-2010, 11:38 PM | #70 | |
|
اقتباس:
|
|
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
09-10-2010, 12:29 PM | #71 |
|
ومضه سلامات يا استاذه كل سنه وانتي طيبه
كيفك ؟. حمدلله على السلامه بركه الشفناك بخير . اها الجابك بي جاي شنو ؟ ما تقولي مسخنه وعايذه ( ترطبي شويه) كلمه في سرك ( حرم كوووولهم ناشفين نشفه يعني الترطيبه . ببباااااح ههههههههههه) |
|
09-11-2010, 07:50 AM | #72 | |
|
اقتباس:
طبعا الجابني الجابك انت ....عاوه اتعلم كسير التلج ...عندي مصلحه محتاجه لكسير التلج .لكن شكلك كدا معلم فى كسير التلج...لكن ما تكتر فيه عشان ما نسمع بيك فى خبر أن واخواتها |
|
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
09-11-2010, 07:56 AM | #73 | |
|
اقتباس:
كسر ولا يهمك ....لكن انت عاوز تكسر لي منو بيني بينك ما بكلم زول؟ |
|
يــــــــارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي |
09-12-2010, 04:32 AM | #74 |
|
ياومضه مالك بتنكتي في الجحور . ماتخليها مستوره الله يهديك
|
|
09-15-2010, 11:47 AM | #75 |
|
الاخوة كسارى التلج والكسارات
تلجة بحجم الداردمة: كل عام وانتم بالف خير يا اروع ناس تلجة بحجم كورة اللبن: لى اربعة يوم من المنتدى وفقدتكم كلكم واحد واحد وواحدة واحدة تلجة بحجم اللوح: معرفتكم مكسب والبعد عنكم نار وسماع صوتكم وقراية حروفكم شفاء وراحة للنفس اها انفع كسار ولا لا ؟؟؟؟ |
حصاحيصا ياام المدائن والقرى
من روحى بقريها السلام كل مانسيم الليل سرا |
09-15-2010, 12:13 PM | #76 |
|
لقيتك يا مديرنا
كووووووووووووووووووووووووووووووووووووووووووووووووو ووووووووووووووووووووووووووول cooooooooooooooooooooooooooooooooooooooooooooooooo ooool دا كسير بالعربي والانجليزي كمان |
|
09-16-2010, 08:52 AM | #77 |
بيتحقق |
سلامات
والله حكايتكم حكاية خليتوا الشغلة كلها وحرستوا لى بوست كسير التلج ... اما كسارين بشكل الواحد بقى الا اتملفح ليه بى بطانية حتى يجى داخل عليكم وما شاء الله الظاهر فى ناس عاملين ماسترات فى الكسير هسه شوف جنس التلج البتكسر فيه ومضة ده تلقى الطيب عبدو وابوامجد لسه محتارين فى المكن العملوا ولا ستهم بقت شغالة عربى انجليزى (غايتو كان ما يكون الكاتباه ده فرنساوى) امتنانى |
|
09-16-2010, 01:26 PM | #78 |
|
والله يااخوانا كسير التلج الجد جد كسرته ليكم انا في المنتدي ده اليوم براجع في مواضيعي القديمة لقيت نفسي التلج كسرته بمهله وعشان هو كلام صــالح للنشر حأنزلة هنا اما النبذ والهمز واللمز عيييييييك والله كتير كترة حتي سموني ميدو مشاكل لكن احترمت نفسي وسديت دي بطينة ودي بعجينة ( الأتي امثلة للكسير الصاح علي حسب تسلسلها الزمني ) والعــــايز لايه كسيرة سمحة اطلع بالمعلوم وانتظر التكييف ههههههههههههههههههه تلج من السح والدح !!!!!!!!!!! |
|
09-16-2010, 01:29 PM | #79 |
|
اول كسيرة لمعتصم جعفر في الأنتخابات
ولأنني لست من الذين يجــــــــــيدون التحدث في السياسة او الخوض في كنهـــها وخــــــباياها المعقـــــــــــدة والتي للأسف لم تفيد أهل الســــــــــودان حتي الأن او تجلـــــــب لهــــم الأســــتقرار . ولكنني أنظر الي الأمر من خلال مايمكــــن ان يجنيـــــته أهل الحصاحيصا من فوز الدكـــــــتور بهذه الدائرة . حينما يعقد الناس الامـــــال العراض علي شخــص ماء يحتــــــاجون اولآ الي حُـسن الظن فيــــه ليكـــون مطـــــيه الي تحقيق التطلعات والامنيات المشروعة وشخصية الدكتــــــور الطمــــوحة والوثابة والتي صــــــــــــــــاحبت مسيرته في الفترة الماضية هي شخصـــــــــية مؤهلة بكل تأكيد لتقود الناس الي الي مايصبون اليه من امنيـات .عرفته وهو إبن البلد الكريم وطرقنا بابه حينــــما كنا نحمل هموم الروابط الجامعية فكان( كالغيث إن جئـــتة وافاك رُيقه وإن تحمـــــلت عنه لجّ في الطلب) وكأن خلائق الحُسن اختـارت البقاء في حضرته لتوجــب عليه زكاه الجــــــــود والكرم . يستقبلك ببشاشتة المهـــــــعوده وابتسامته الصافيـه فتقـــــــدر له ذلك وتحســـــــــــن الظن فيه ( تحسن في عينيه إن كنت زائرآ وتزدان حسن كلما جئت طالبآ ) ومـدام هذا ديـــــــــــدنه حقآ علينا دعمه وتأيده وإن ارتضي مطيه لم يكن يبتغيها له الكثير من اهله او اصدقائة او معــارفه . |
|
09-16-2010, 01:33 PM | #80 |
|
الكسيرة الثانية للعم عبدالقادر تاج الدين ودي تلجه قدر الضربة لأبو الكسارين ديل ( الطيب
وابوامجد وعارف ) . العم عبدالقادر تاج الدين كان صديق للوالد رحمة الله عليه جمعتهم الحصاحيصا وحـــزب الامة الشموخ ايها الأحباب لا تنصفة الأقلام , والكنوز المحفوظة لايوفي في حقها الكلام , قد نعتصر لغيرة الذكريات , ونبحث له عن الكلمات , ولكن حينما نتحدث عن العم عبدالقادر يتدفق الخاطر بكل حديث عاطر , شكرآ عمنا علي هذا السماح وشكرآ معتصم وأنت تحفظ الود وقدر الـرجــال عبدالقادر تــاج الدين يكفيه فخرآ انه انجب لهذة المدينة ابنـــاء فاضلين نجباء ’’’’ لم نسمع عنهم غير الأدب الجم والأخلاق الرفيعة فأذا كان هذا حالهم فكيف حـــــال من قام بتربيتهم علي هـذه الأخلاق الفاضلة النبيلة , انهــــا ومضات هذة البلدة الطيب أهلها وللجميع مني التحية والسـلام |
|
09-16-2010, 01:36 PM | #81 |
|
ودي تلجة جديدة نيو في اولاد الشين اول أمس القريبه دي
ابو امجد لك التحايا صدقآ لا اعلم من إي نبع استقي انغامي وبأي قافيه اصوغ كلامي والكلام عن هذه الأسرة تركنـــاه للأنجازات التي تتحدث عن نفسها ولأن العطاء ظل دومآ شارات خضراء للولوج إلي دروب الوفــاء فيجب علينا جميعـآ تكريم هذه الأسرة ممثلة في النيرين دكتور كمـــــال ودكتور حسن وهم يجزلون العطاء في صمت جميل نحسبهم والله حسيبهم كلتا يديهم غياث عم نفعهما يستوكفان ولايعروهما عدم ’’’’’’ يعملون دون حديث ’’’’’’* يزرعون الخير في المدينة واهلها وسيحصدون منا صالح الدعاء وكمال المودة والمحبة ’’’’’ ويحق فيهم قول من قال : لايستطيع جــواد بعد جودهم ولايــــدانيهم قوم وإن كـــــرموا لاينقص العسر بسطآ من أكفهم سيان ذلك أن اثروا أو عدموا سائلآ ربي العلي القدير أن يبارك لهم في جهودهم وأن يجعل ذلك في ميزان حسانتهم وحسنــات والدهم وأن يكون ذلك دافعــآ للخيرين من أبناء هذه المدينة للمشــاركة الفعلية في كل المشــــــاريع المطروحة وأهمها مشروع مشرحة الحصاحيصا . شكرآ ابوامجد وانت ترد نذر يسير من حقهم علينا وعلي جميع اهل المدينة . |
|
09-16-2010, 01:39 PM | #82 |
|
اها ياياسر تمساح بعد كده رد علي ومضة دي انت قــــالت المنصوري
عايز اكسر التلج لمنو ؟ اكون ياربي اوباما ولا منو؟ عليك الله كلمها |
|
09-17-2010, 07:42 AM | #83 |
|
تحياتى الحبيب المنصورى (دة والله ما كسير تلج لكن فعلاً
انت زول ليك مكانة خاصة) كسير التلج المقصود هنا هو ما قد يصنف فى خانة النفاق او (الدهنسة) فاحياناً يتم تكسير التلج من اجل تحفيز الشخص المكسر له لقضاء مصلحة او التقرب منه او اى غرض آخر وهنا التلجة المكسرة تم تكسيرها لغرض معين وهذا ما نود ان نناقشه فى هذا البوست ولكن فى المقابل التلجة المكسرة وان كانت كبيرة قد تكون بحسن نية او للتعبير عن احساس صادق تجاه الشخص الآخر وهنا يجوز كسير التلج بشدة من باب من لا يشكر الناس لا يشكر الله ومن باب التحفيز والتشجيع وفى الكثير من الامثلة التى اوردتها اخ المنصورى لا اعتقد انك تنافق او تتطلع لقضاء مصلحة خاصة فهنا كسيرك للتلج مبرأ من كل عيب كسر يا حبيب ونحن وراك ,,,, تحياتى |
حصاحيصا ياام المدائن والقرى
من روحى بقريها السلام كل مانسيم الليل سرا |
09-17-2010, 08:02 AM | #84 |
بيتحقق |
تحياتى المنصورى عارف كنت حا اقول نفس كلام عارف وبسحب قولى على قولوا ما قولوا ما بنزاد ولا بنعاد عليك الله بعد كلام عارف الجميل الرايع ده فى كلام عوفيت ياعارف كلامك ده خلانا نرجع للزمن الجميل زمن كانت القلوب متطايبة وفى زمانا ده ما بنلقاها الا عند امثالك يارايع لا فض الله فوك .. ولا نزكيك على الله فجزاك الله عنا كل خير وانت تتصدى وتتصدر كل الردود التى تصعب علينا فالكل يستغيث بمفرداتك لتكون العون لهم .. دمت ملحوظــــــ لحظة لحظة لحظة لحظة لحظة ــــــة يا محمد المنصورى يا فاضلى دى عينه من جنس الكسير البقصده عارف |
|
09-17-2010, 11:38 AM | #85 |
|
السادة كسارين التلج العظماء
سلام من الله عليكم ورحمة ورضوانا جمعة مباركة عليكم ياخ انا قائل نفسي بعرف اكسر تلج لكن وحياتكم لقيت ناس هنا بتكسر تلج بصورة ساهلة وخفيفة يحسدهم عليها المصرييين عشان كدا عندي تلجة صغيرة عاوز اكسرها لي ابو امجد هي تلجة بس ما تلجة كدا يقولوا عليها لكن اهو في النهاية تلجة وبالاصح هي ما تلجة رسالة شكر للاخ ابو امجد علي مجهوداته القيمة في الحصاحيصا من خلال المشاريع الخيرية المتابعها ووقوفه علي نجاحها بوقته وفكره وماله وكتاباته في المنتدي والتفاته لاشياء لا تنقص اهمية عن ما يقوم به من اعمال خيرية وتسليط قلمه في اتجاه اعطاء الآخرين حقوقهم ... والتلجة دي يا ناس جاتني عبر مكالمات هاتفية من بعض الاشخاص وطلبو مني اشكر الاخ ابو امجد في البوست دا بالتحديد نيابه عنهم .. ابو امجد اخوي ان شاء الله يوم شكرك ما يجي... وعقب بجيكم صاد يا احلي قوم الطيب عبده الشرح غير وافي عارف بقيت ختري خلاااااااااااااس ست البنت حيرتي التلج زاتو في نفسو هيثم بندي بيني وبينك كدا صاح المنصوري ياخ انت مفروض تكون الفريزر نفسها البرنس يا صديقي وعدوي ما ذدتها كوز الباقين بجيكم راجع بالدور |
|
09-17-2010, 12:54 PM | #86 |
مونتي
|
شوفو عارف بقي مايسترو في كسير التلج شوفو الرابط دا انا بقترح يعمل معهد فني
لانو الناس بقت تقتدي بيهو شوفو الرابط دا |
اشهد ان لا اله الا الله محمد رسول الله |
09-17-2010, 02:09 PM | #87 |
|
هههههههههههههههههه
دا شنو يا منتصر الناس بنقلوا بي ضبانتها لا حولااااااااااااااااااا دا كسير ركب ما تلج بقي |
|
09-17-2010, 02:31 PM | #88 |
|
ياخوانا هووووووي
جيتكم صادي اها يا الساده البروفسرات والدكتاره عارف ومنص و ياسر منكم نستفيد شرحتونا لينا فن كسير التلج يللا حقو نخش في السمستر التاني طوالي ........... والاخون الاختصاصيين حقوا يشرحوا لينا عن انواع ( التكسر... والاندلاق ... والاندفاق ... والانبطاح ... و ضرب البوهيه ) |
|
09-17-2010, 03:07 PM | #89 |
|
تحياتى للجميع
وبخصوص نقل الموضوع هاتفنى احد الاخوة الكرام طالباً السماح بنقل الموضوع وبعد الاتفاق على المعلوم والفيها النصيب وافقت على الفور (المعلوم دة يا اخوانا تلجة كبيرة ما تفتكرو حاجة تانية) ,,,, اما استفسار الاخ الطيب فارجوك ما تلخبط الاختساس وما تستعجل خلينا لحدى ما ندى موضوع كسير التلج دة حقو ومستحقو بعد داك نشوف البعدو ,,,, |
حصاحيصا ياام المدائن والقرى
من روحى بقريها السلام كل مانسيم الليل سرا |
09-18-2010, 05:49 AM | #90 | |
|
اقتباس:
يا الكسار / عارف تحية بحجم لوح عائلي ياخي الموضوع ده درستو لينا بطرقيتين معروفتين (غاز امونيا ) و ( غاز فريون ) اها باقي لينا شنو تاني؟ |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
من البلد كرت | عمرو | «۩۞۩-المنتدي الاجتماعى-۩۞۩» | 4 | 10-16-2009 07:18 AM |
سيد البلد للابد | ازهرى محمد على | «۩۞۩-المنتدى الرياضى-۩۞۩» | 21 | 10-07-2009 06:16 PM |
سبد البلد سيد البلد | ازهرى محمد على | «۩۞۩-المنتدى الرياضى-۩۞۩» | 20 | 08-15-2009 02:17 PM |
سيد البلد | camurt | «۩۞۩-المنتدى الرياضى-۩۞۩» | 1 | 10-16-2008 09:34 PM |
ولد البلد | طارق عباس ابونوره | «۩۞۩-منتدى الحصاحيصا الحر-۩۞۩» | 4 | 10-07-2008 11:21 AM |