التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||
|
|||||||
نصيحة ام سودانية لابنتها
نصائح ام سودانية لابنتها
يا بت هوي فتحي عينك و ابقي نجيضة وفالحة..... قدر ما اجي داخله عليكم القاكي .... هي هي هي .... و قر قر قر ..... تضحكي مع عبد الله دا.... الراجل ما تضحكيلو كتير..... يسعالني الله، يحقر بك....الراجل اديهوالعين الحمرا. وان قدرك الله ايدك تلحقيها ليهو لحقيها...ابقي نجيضة.....آآية..... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زيييين واجي مارقة صارة وشي.... وبعدين اوعك واوعك وبعدين تااااني اوعك... تقوليلو الجلابية دي سمحة والله العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي لك قرش يبيت في جيبو...واوعك تخليهو يشوف ال...... بيخربن الرجال... و وقت المسلسل داك يبدأ شفتي جيبي فندكك واقعدي دقي أي حاجة جنبو ويا ريت لوكانت شطة... ولا كان شافعك جيعان وداير يرضع وبيبكي خليهو في بكاءهو داك لمن المسلسل ينتهي.... وبعدين ما يجى داخل يلقاكى تغنى حتى ان بقيتي دايرة تغني اوعك من الغنا الخايس ناس حبيبي حبيبي.... امسكي في الغنا الحار زي البيجري نسيبتو و مرتو طلقانة ولا اندب حظي ولا دفاعنا الشعبي ياهو ديل ولا النار ولعت بقلبي بطفيها.....اااااااااااي.... عشان تربيلو الزلعة .....والخلعة....بس اوعك تغني ليه الليلة يوم الرجال.... بيقوم يصدق و يتحنفش فوقك ساكت........ واوعك تشكريلو حاجة جابها.... ان جاب لك لحم ختي ايدك فوق راسك وقولي لو ووب علي ووب علي ووووب علي غشوك وادوك الجلافيط.....وان جاب لك فتيل ريحة اول ما تفتحيهو وتشميهو طوالي صرى وشك وقبلي غادي وابزقي وقوليلو دا شنو يا عبدالله؟......الريحة المتل ريحة الفسيخ دي جايبها من وين؟ غايتو انت مغستك تقد....... وان جنك نسوان ولا بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرمايقول ليو نكته ولا يخفف دمو قدامن صري ليهو وشيك.... وقوليلو انت يا عبد الله ما عندك غير النكتة دي؟ يا خي عملت لنا بها وجع وش......اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي لك شربات .....وحات الله بنات الزمن دا ان غفلت من راجلك دقيقة بس تلقيها عرستو... ااااااى... اسمعى كلام امك يا بت حشاى .. امك دايرة مصلحتك .. ااااى !!! |
04-07-2009, 01:15 PM | #2 |
|
لا حول ولا قوة الا بالله ده شنوا يا ام سارة دي دعوة للتمرد والعصيان عديل كده والله بي كلامك ده الا كان دايرة تذيدي نسبة المطلقات في البلد انشاء اخواتي ما يقرأوا كلامك عشان ما يجي يوم نلقي كل واحدة جايبة اولادها في يدها اليمين وشنطتها في يدها الشمال ونبقي في حا وتر .
تسلمي علي الموضوع الجميل وأنشاء الله يكون من اجل المداعبة فقط ماتبقي فتنة . |
|
04-07-2009, 02:34 PM | #3 |
|
والله يا بنيتي إن سويتي كدي وراجلك دة ما رجعك بخبيزك وحللك بيض يبقى حرمان عليكي تقعدي معاهو دقيقة.... دة راجل شنو الخايب دة. الراجل ان ما ضبح لك الكديسة في السرير من أول يوم دة ما بتمشي معاه لي قدام ولا بربيلك عيالا ينفعوك ولا بشيلك شيلة ترجيها.......والراجل الما بينتر زي الأسد عليكي الله شن فايدثو ما هديل الكدايس ماليات البلد شن سون........الله يهداكن يا بناتي ويديكن الفي مرادكن ...لكن بوصيكن الواحدة ان لمت لها في راجل اليومين دي ما تضيعه وتبقى عليه عشرة ... الرجال بقو عملة نادرة يا بنيات.
|
|
04-07-2009, 04:56 PM | #4 |
|
د. احمد Senior
الاخ عارف شكرا على المرور انا عندى بنات وح اوصيهم يطبقوا النصائح دى كوووولها---الرجال ما مضمونين والموضوع جاب ليهو مسيار وايثار وحاجات تانيه رأيكم شنو يا سيدات العين الحمرا مطلوبة |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نصيحة صغيرة جدا | a.m.a.s | «۩۞۩-المنتدى الاسلامى-۩۞۩» | 2 | 05-11-2008 10:29 AM |
55 نصيحة لتنعموا بزواج هادئ - الجزء الأول | mikey2002 | ♥♥قسم المرأة والطفل♥♥ | 0 | 04-20-2008 11:25 AM |
رساله من أم لابنتها في عالم النـــت | اسراء عاصم عبيد | «۩۞۩-منتدى الحصاحيصا الحر-۩۞۩» | 2 | 02-09-2008 02:29 PM |
نصيحة للزوجات | هيثم بندي | «۩۞۩-المنتدى الاسلامى-۩۞۩» | 0 | 11-26-2007 04:27 PM |
ام قالت لابنتها يوم زفافها | naji | «۩۞۩-منتدى الحصاحيصا الحر-۩۞۩» | 6 | 07-17-2007 10:26 PM |