احسن تجو

سلامات ويطيب مقامكم اقول ليكم حاجة غريبة مرت بى واحد دخل المستشفى بقى بفتش لى حق الدواء خليك من الفطور والباقى ما غريبه مش كده كتير منكم مرت بيه بس انشاء الله ما تكون مرور الكرام يللا انا عايز اقترح ويمكن يكون غيرى ادلى بنفس الفكرة لكن اهو نزيد الكوم عايز اقترح جمع واحد جنيه شهريا من كل عضوء فى المنتدى باسم صندوق صيوان الحصاحيصا يللا اذا وافقتونى الراى اخلى الموضوع ده لى اخوانا فى منظمة الحصاحيصا الطوعية يشوفو الالية اللى بجمعو بيها الاشتراك الشهرى ده ومن الجوه والبرة .................................. واصلو الباب مفتوح

كلام جميل والاشتراك يتناسب مع الجميع ومافي جرسه ان شاء الله ومعاك قلبا وقالبا باذن الله

نضميك متل عسل النحل

ودي بصمتى

المشاركة الأصلية كتبت بواسطة ام أريج

كلام جميل والاشتراك يتناسب مع الجميع ومافي جرسه ان شاء الله ومعاك قلبا وقالبا باذن الله

أم اريج اكيد ما فى جرسة وشكرا على التواجد السريع بتمنى كل الاعضا يجو على الموضوع ويكون فى الاولويات القصوى والناس البرة السودان ممكن يكون ريال كحد ادنى ومن زاد فله اجره

المشاركة الأصلية كتبت بواسطة غيمة

نضميك متل عسل النحل

ودي بصمتى

ما بتقصرى وراجين منك التوقيع مع البصمة ويللا نكمل المشوار

بعد السلام الحكاية شنو الناس ولا دايرة تقول رايها يا أخوانا قولوا كان صاح كان غلط
شكرا أم أريج وشكرا غيمة وتعيشوا