ممنوع لاقل من اربعين سنة؟؟؟؟

عمو سامي ازيك ياخ والله جهجهت ناس عمو مناع وعمو الكيك جهجهة
اسه شايف عمو الكيك بفت في روحو حبة حبة بعد شوية بجي يقول لينا
انا العكست اللعب في الاستاد بس براحة لو اعترف نخليه شاهد ملك للحدث
العجيب هههههه عمو مناع قلت لي المنتدي من غير جكس زي شنو كويس
البشوفك يقول بتكتب والجماعة جمبك انت مارسلت لي الادارة قلت ليهم
الجماعة بقرو الكلام دا امسحوه لي دا شمار جديد

برجع ليكم تاني

مناع اب شنبا كليقة دا بيقول ليك يا عمي ...يا اخي والله حكايتك باظت... وانا اقول مناع دا ما قاعد يهاجم الغريب مالو؟
ماسكين عليك حاجات....
الله يستر..
سامي ماعارف ناس عن اذنك؟
وتقول حأفتو وحأعمل مش عارف أيه .. طلعت أي كلام..
ناس عن أذنك دا ننو عارفاهو...الغريب قلت ليك ما بتخوفني بي برمة الشنب دي...

حليل البنكي هاوس

بلله عليكم لمن كان في بنك هاوس كان في مشكلة في دار فور
ولا ناس جبال النوبة قال عاوزين حق تقرير المصير .......

تعرف البنكي دا كان جميل جداً وكان بمثل تلاحم أبناء السودان والوحدة الوطنية
بني عامر - جنوبيين - نوبة - غرابة - اولاد شمالية ....
يمشي يشتغلوا في المحالج ويجو البنكي يحلجوا جيوبهم ...

عاش السودان ... واحداً موحدا
وأستغفر اللهه لي ولكم وإنا لله وأنا إليه راجعون
ودمتم أبو رائد

عزيزي الغريب عشان كدي انا دخلت المنتدي عشان اي زول يرجع لي علبو

اخى مناع شكرا على تزكيتنا للجنة وضع الضوابط ،،،، المهم الشباب يظهروا ويورونا دفعهم ويا الكيك بعد ده اسرح 0

أبشركم أخواني بأن الجكس بحب الناس البعد الأربعين لما يري فيهم الحنكة و الإلتزام و المسئولية و خاصة العندهم شيب ( عشان كدا ناس الجاهوري ما عايزين يصبغو شعرهم) أما أخونا مناع و أنا و الحمد لله صلع و ما عندنا طريقة الإ نلصق قطن أبيض ، و من هنا ظهرت أغاني راجل المرأ حلو حلا ، نحن حقيقي محتاجين للبنات للتواصل حتي نحس بروح الحياه في هذا المنتدي

يا الكييك نحن وجوهنا مغبشة والصلعة بتلمع والشيب قضى على باقي الشعر .... بس ما بفتش لي في صورة قديمة او معالجة بالكمبيوتر .... ولا ذي الخيبان الداير يشبه نانسي عجرم .... بالمناسبة نانسي عجرم دي شنو انا واقف في زمن ليلي علوي؟؟؟؟.... دحين انا زول كورة وزول كركعوبة ( وصف قديم يا شباب الزمن دا بيستخدم للدلالة على انتهاء الصلاحية او البشتنة ودي ذاتها دايرة ترجما... تولى الموضوع يا قيس او الكييك وقوموا بالشرح ومهمة وصل الاجيال) انشاء الله اكون قربت المعنى شوية ما لقيت اي مفردة من زمنكم دا!!!

زول كركعوبة يعني مكركب يعني ملجن من قبل لجنة عالية المستوي و ماشي علي عجل الحديد ، يعني زول باقي ليهو ساعة الجيب و البروستات

اسه ياقيس دا مناع ولاالتيمس بتاع مصنع الصداقة داك البجيب العمال
عليك الله ماضيعته كلو كلو
انت يامناع ماكان تخلي الكيك يترجم احسن ليك كدا
سمح كركعوبة دي ياناس الفين الا ربع يعني باقي زهرة القطن
شفت كدا مس حلوة زهرة دي

عمنا مناع ازيك وصباح الخير ماعليك انا ليك علي اي زقاق احفظك ليه
واخليك سنير دا بالنسبة للزقاقات بتاعة المنتدي اما الناحية التانية ديك
فالحكاية عاوزة حنك وتقرا الف ليلة وليلة وقيس وليلي ومعلقات عمر بن كلثوم
والباقي تمو بي الشعبيات ساي بتلف الشغلانية

اخي وعزيزي الغريب لك التحية ودا الراجنو منك فيما يخص زقاقات المنتدى والحاجات التانية دي ... نحن ما دايرين بناسنا متكفبن لكن في شوية من الكوامر لمباتهم ( عيونوهم) زائغة ولا الزرة جوة البيت شديدة وبجوا بره هنا عشان يتنفسوا او في الغالب الاعم حاسين بالكبر ( بضم الكاف) ودايرين يحسوا بانهم لسه في السوق معاكم .... والمثل بقول صاحب زمنين كضاب!!! وانا ما كضاب والجماعة القاصدهم انا عارفين نفسهم ولا شنو؟؟؟؟؟؟ والواحد مبسوط كتير للتواجد معاكم ومنكم نعرف الخبايا .... وانا شغال في قديم المنتدى عشان اعرف التفكير بتاع الناس في عمركم كدا يعني ( الكامري) بحسب تصنيف شيخ الكوامر عندنا وبعد داك بندخل معاكم في الغريق !!! واستعدوا ساكت

الكوامر عليكم الله شوفو التوب حقنا دا بقا البنوت ديل سمحات كيف

احلي من التوب دا بتلقو وين عليكم الله

شنو ياعموهات ياعمو مناع وعمو قيس وعمو الكييك خلوا الكلام ده معاكم اطفال

يا الغريب انت عرفت انا بحفر ليك ونجحت تمرق منها !!!!....كنت ناوي اخرب علاقتك مع الجبص الناعم اقصد الجنس الناعم .... خليك في السوق وشوف ناس ياي ...!! ويا قلب ديل .... بس الكوامر الذي كدا صعب عليهم يسمعوا الكلام دا ويشوفوا الجبص الداخلات فيهو بنات الزمن الصعب دا .... الواحدة ضعيفة تقول عاملة حمية ..!!! وتفتش في الصدليات لحبوب التسمين .... خليني مع تيابي وادخل انت في زقاقتك ونتقابل بعد المجبصات ديل ما يلقن ليهن راجل مرة !!! حلو حلا ؟؟؟ بس ما انا لاني شين شنا؟؟؟؟؟ ويا كريم نحن عشان الاولاد الصغار ديل علقنا يافطة كبيرة تقول مرغوب ( اقصد ممنوع) لاقل من اربعين سنة لكن انا عارف الجماعة ديل الشمار كاتلهم وكلو ما اجي اشوف المحل القاهم قاعدين هنا ... والله يا غريب يادوب شفت التياب العندك وناس شمال افريقيا عرفوا توبنا !!! غايتو هن جميلات لكن تيابنا اجمل منهن واغلى من ان يلبسنهن لكن ليعرف الاخرين قبمة توبنا يجوا السودان عشان يشوفو التوب وست التوب وشكرا ليك .... وحررت سوق فوق الاربعين وبعد دا الا اجيب شركة امنية لمنع الدخول والشاف جماعتي الكوامر خلوا المقيل في بنكي هاوس وجوا حرسوا محلي دي ماكضب ..

اها بالله كنت بتحفر لي ياخ انا عرفتها ساي بالفكاكا علي قول عمنا كدا
بس ماعليك احفر وانا بؤمن بالمقولة البتقول من حفر ........... وقع فيه
بعدين الزقاقات دي ولدك مابدقس فيها كلو كلو الليلة الكيك ابانا مالو بي هنا
انا سمعت تحت تحت قالو بعرف لي وريق الخدرة عرفة اسكت بس ماتكلمو
الزول دا لسانو طويل يقوم يفتنا تبقا مصيبة

يا الغريب الكييك دا لسانو طويل وما بتقدر عليه .... بس العارفو انا في ناس بتورق وفي ناس بتأخد اذن وفي ؟؟؟؟؟؟؟؟؟؟؟؟؟؟؟؟؟؟ يا الغريب انت داير توقعنا في الحفرة ياخي ..... بعدين يا الغريب البنات ديل ما تشوفوا واحدة تجي تبقى لينا زي الطوبة الكان بختوها في الكوامرزمان لمن يكون في واحد من جنس واحد !!! كلنا كوامر رجالة وطوب كمان .... شوية ام سارة كانت بتظهر الصباح وبتدخل تملح المنتدى .... شوفو واحدة سلفة كدا تدخل معانا ..... وزي ما قال المثل منتدى بلا نسوان !!!!!! طبعا حافظ الباقي ولا نزيد في الشمار .... وهو الكييك براه قيس ذاتو اظنو بدخل في الزقاقات الكتيرة دي... وبعدين الشات دا بخرب القعدة وخاصة لو كان فيهو غرف مغلقة .....

يا مناع كنا زمان بتاعين زقاقات و بارتيهات مع ناس محمد يعقوب و عثمان خميس و عمر جامايكا و سامي الماجدي ، و الراجل دا إختفي من ما جبنا سيرة البارتيهات ، بس و الله ما بنفتو يا سامي و تعال

يا قيس ظهر سامي ورجفوا الجماعة ..... وظهر مبارك محمد عثمان ورجف سامي .... الزول المعاهو فايلات كثيرة بخوف الما بخاف ... والله احترنا نسوي شنو .... ويا سامي بالله عود تعال وعليك الامان ...

ياجماعه ازيكم /انا غايتو مامعاكم لكن قلت انا قربت للحد المصرح به لذلك علي بعقد صداقه مع ناس مافوق الاربعين عشان لو في حاجه سمحه كده لناس فوق الاربعين اكون معاهم ولي ناسي اكون معاهم ومااظنكم بترفضوني وكده عملت زي ايامي الفي الجامعه اقعد شويه مع ناس الحركه الاسلاميه في ركنهم لما يكون عندهم حفله واحضر مع انصار السنه لما يكون عندهم محاضره ومع ومع يعني من كل بستان زهره والمشكله اي واحدين بتخيلوني زولتهم ،، واسال الله انا يجعل ايام عمركم خضراء ...

ياجماعه ازيكم /انا غايتو مامعاكم لكن قلت انا قربت للحد المصرح به لذلك علي بعقد صداقه مع ناس مافوق الاربعين عشان لو في حاجه سمحه كده لناس فوق الاربعين اكون معاهم ولي ناسي اكون معاهم ومااظنكم بترفضوني وكده عملت زي ايامي الفي الجامعه اقعد شويه مع ناس الحركه الاسلاميه في ركنهم لما يكون عندهم حفله واحضر مع انصار السنه لما يكون عندهم محاضره ومع ومع يعني من كل بستان زهره والمشكله اي واحدين بتخيلوني زولتهم ،، واسال الله انا يجعل ايام عمركم خضراء ...

يا ام اريج لو ما شالتك الاربعين ... نشليك نحن جوه العين ... بس نحن ما كيزان ولا انصار سنة نحن كوامر ناس ذكريات ولا علاقة لينا بالتنظيمات بس بنعرف كورة ونتونس لمن الزول يقول كفاية ودا طبع ناس الحصاحيصا كلهم طبعا.... ونتمنى ان تجدي في دكانا ما يرضيك من بضاعة مصنوعة من القلوب النقية ومرفوعة في رفوف ندية... سعرها في الضحكة والرضى .. والتوصيل مجاني لحدي البيوت ... وانت اول نون نسوة تدخل هنا ودي شجاعة تحسدين عليها .... لانو ناس نون النسوة ديل جنهن وجن العمر عشان كدا دخولك يفرحنا ومرحب بيك تاني .....

ياخوانا أنا شايف الهضربة كترت وفي ناس الأيام ده كلامهم كتر ربنا يستر من الخرف المبكر .. وعندي واحد صاحبي طبيب نفسي دخلته المنتدي قرأ ثلاث مواضيع .. ممنوع لأقل من 40عام وبنكي هاوس والكوامر وبعد الدراسة والتمحيص قال لي جماعتك ديل خرفوا وأحسن ليك فارقهم ... (خارج النص) يا مناع قلت لي ما بتعرف نانسي عجرم ولا مانعنك من الاستماع اليها .. يا قيس شيب شنوا البتتكلم عنه الحمد لله شعرنا أسود وما فيه شيبه واحده

اول حاجة يأ استاذ الحمدلله انت دخلت بدون اذن زي ما عملوا الجماعة الصغار ... ودليل نفند بيهو شهادة المديرية الشمالية .... وبعدين نانسي عجرم دي بتلعب وين .... انت عارف انا مشترك في القنوات الرياضية .... بعدين انا لا ممنوع ولا هم ذاتهم قاعدين طوالي معاي عشان يمنعوني وانت عارف دا ... والدكتور النفسي دا وين عشان عندنا اصحابنا نحن دايرين نعرضهم عليه .... وانا قلت حاجة يا جماعة في زول داير يستأذن ولا حاجة كدا يا قيس ... يا الكييك انت سمعتني بتكلم عن تصريح او اذن ....

عمو مناع اخيرا زارتنا البركة خالتو ام اريج مرحب بيك بعدين خالتو دي ماعشان انتي
اربعينية بس عشان اريج يعني تقديم السبت وكدا بعدين عمو مناع شايفو ماقصر
رحب بيك نورتي الساحة

وينك يا الغريب ياخي الظاهر عليكم كدا .... قمتو بحملة جبارة لاعادة الجكس لمجاريهو .... وشايف المنتدى استرجع كل قواتو من البنات.... والسوق بقى حار يعني الزول ما بقدر يمرق تمشي ربع ساعة وتجي تلقا عشرات المواضيع وما شاء الله يعني عينا باردة عليكم وعلى منتداكم الاصبح جاذب جدا ... مواضيع وجكس ؟؟؟ وركز على جكس دي كتير لانها .... ولا مافي داعي اصلو مدثر طلعنا مخرفين !!!

شكرا ليك ياباشا وكت ماتنظيمات وكوره كوره كوره مالو يعني خصوصا وانا كنت زمان بشجع الكوره لمن كانت في حاجه حلوه اسمها المورده لانها كانت تلم في المريخ تنظمو تلم في الهلال تنظمو لكن بعد داك زي ملت علي الهلال ماعارفه ليه سبحان الله ولاقاعده احضر مباريات لكن لمن اقعد واحضر كوره ولي مباراة بحضرها بي مزاج لكن والله انتو عارفين الكوره السودانيه دي رجعت بقت كوره تاني بعد ما خلو الفشخره نحنا سنة سبعين ولي سنة كم مابعرفو شلن كأس افريقيا بقي يلعبو ساكتين بقو حلوين عديل كده00:30::30:

اهم حاجة قلتيها انك ملتي للهلال ودا المطلوب لانو السوداني يولد على الفطرة مسلم وهلالابي .... وبعدين تعرفي يام اريج اجمل حاجة بعد رجوع الكورة للزمن الجميل دا عاجبني انو فيها رد على ود يغني الايام دي شينة كورتنا شوفو رونالدو وبيكهام .... تمام يا عوض دكام .... وانا بقول ليهو حلوة كورتنا عجبنا وسيدا هيثم مش بيكهام .... ومتابعة من الدرجة الاولى .... وقولي اي حاجة عندنا ليها رد نحن ما ناس سياسة لكن برد عليك اي موضوع العجائز ديل بردوا عليه نقة او خبرة .... وشكرا كتير على وجودك معانا يا ام اريج

الاخوان الكييك ومناع خالص والود
اولا انا عارف ناس عن اذنك منو ؟؟؟؟ بس كنت منتظر يرد بنقسو لاكن الظاهر ماأدوهوالاذن حتي الان.
وانا متابع كتاباته حتي الان ومتابع موضوع شهادة الميلاد بتاعت الشمالية...........والاهم من دأ كلو عارفوا وين درس . وعارفو كان قاعد في ياتو درج !!!!!!!!!!!!!ودي خلوها في الحلقة الجاية....

سامي انت بتمتلك معلومات خطيرة ..... في ناس حايمشوا الطبيب النفسي كدا براهم؟؟؟ .... وهو طبعا قال جاب طبيب نفسي وشاف بنكي هاوس والكوامر وفوق الاربعين !!!! طبعا الكلام دا معناه هو مشى لصاحبو بعد الهضربة ظهرت بالليل وازعجت الاولاد .... وطلبوا الطبيب النفسي لانو نفسياتو تعبت ... وربنا يستر .... وانا بناشد الكييك وقيس وكل الكوامر يخلوا اخونا دا يرتاح شوية وما يدخل فوق الاربعين وما يجي ببنك هاوس ولا كوامر المنتدى ... ولا يجي بعند المدرسة الغربية

::30::30:شكرا ليك ياباشا وكت قلت ماتنظيمات كوره /كوره كوره يعني شنو خصوصا وانا كنت زمان بشجع حاجه حلوه كده اسمها المورده تلم في المريخ تنظمو تلم في الهلال تنظمو لكن بعد داك لقيت نفسي تلقائي بنجذب للهلال سبحان الله ماعارفه ليه بالرغم اني ماقاعده احضر مباريات لكن لما احضرها بحضرها بي مزاج ،لكن اقول ليكم حاجه ياجماعه الكوره السودانيه دي من خلت الفشخره ونحنا سنة سبعين كنا شنو ولي سنة كم مابعرفو كانو شنو/ بقوا حلوين عديل كده.....:52: