أحلي الكلام ( مرسي الأحزان والأفراح )

أحلي الكلام .....

أحلي الكلام ...
لما العيون تسكب خجل ..
مغزولة في خدين حرير .....
أجمل غزل ..
فرحين ضياكي ...
ونسمة الشوق الهطل ...
أنشودة بل زغرودة ...
في دمعة ألم ..
والدهشة في أحلي الكلام ..
عن الحصل ..
وسكبت دمعة ..
ودمعة بي شوق الأهل ..
وأترجي فيك شوق المسافر ..
اللي غاب ..
شوق الدموع في الغربة ..
بتقاسي الصعاب ..
شوق آهة في أحزان ضباب ..
أشواق محب شايل أمل ..
في حضنو داب ..
وإشتقت لي شوق الكلام ..
هاجرت ليك وإنتي المرام ...
وهواكي في جواي هيام ..
يا أحلي من شهد الدموع ..
يا أحلي من أحلي الكلام ..

القصيدة من ديوان شعر خاص ( مرسي الأحزان والأفراح )

مرحباً بك الاخ لطفي وانت تهدينا هذه الابيات الرائعات
نظم اكثر من رائع وكلمات ولا احلي
ونتمني ان تسافر بنا عبر كلماتك الراقية واشعارك الرقيقة

هيا يا صديقي نتمني ان نراك فارساً للكلمة عبر هذا المنتدي دون توقف