اضحك مع الرياضة ممنوع اصطحاب الاطفال

تحية و إحترام
ممنوع اصطحاب الاطفال لانهم اذا اتربوا على القيم دى بتبقى مصيبة
اهو الواحد وراكم ...
ثم اقراء و لاتهتم مافى داعى ترفع ضغطك فى الفارغة ساكت ...
اخيراً الاخبار الواردة ماخوزة من قصص حقيقة و لا دخل لخيالى او ما تعاطيته بالامس من اخبار للسياسة فيها
ثالثاً ان كنت حقاً راغباً للمواصلة فى القراءة فتحمل مسئوليتك ...
فكاتب البوست اللى هو شخصى غير مسئول عما يحدث لك ...
سواء اصابتك نوبة من الضحك او تشجنات او حتى انفقعت مرارتك ...
العنوان ما عنده دخل بى الموضوع فقط لتلطيف الاجواء عليك (حنية يعنى)نواصل

منتخب الشباب اللى حايواجه الصومال فى تصفيات شنو كده ما عارف مشى عسكر فى الجزائر
كلام جميل طبعاً و يشكر اتحاد الكرة عليه
و من ثم جاء ومشى عسكر فى قطر قمة الاهتمام
طيب المشكلة وين
يقوم فجاءة اتحاد الكرة يرسل خطاب للمنتخب المعسكر فى الدوحة
يفيد فيه بإن هنالك ثمانية من لعيبة المنتخب المتواجدين فى المعسكر قد تجاوزوا السن القانونية
و لا يحق لهم المشاركة مع الصومال ...
شايف كيف ...!!

نمرة اتنين
منتخب السودان للملاكمة المشارك فى احدى البطولات المؤهلة تم ابعاده من المنافسة
بعد ان تم اعلان السودان غياب
رغم وجود المنتخب فى الدولة المستضيفة
بس المشكلة انه لا اللعيبة لا الاداريين مافيهم زول بعرف انجليزى
و ما قدروا يفهموا الجدول و حضروا بعد بدء المنافسة ...
فتم ابعادهم واخطارهم بانهم اعتبروا غياب ...
و الشخص الوحيد البعرف انجليزى رئيس البعثة اصيب بوعكة صحية (غايتو الا غيبوبة)
لحظة وصولهم ...
للعلم البعثة حضرت لمقرء المنافسة اليوم التانى ...
امممممممممم محن

نمرة تلاتة فريق المرخرخ ماشي يعسكر في الحبشة
للاستعداد المبكر لمؤسم الأمطار
و المساعدة في درء آثار السيول و الأمطار
شايف كيف !!