شمارات الواتس اب و ( ................ )

بسم الله الرحمن الرحيم

السلام عليكم ورحمة الله تعالى و بركاته


كاتب النص غير معنى بتشابه اسماء او اماكن او وقائع


يرجو الكاتب ان لا يكون النص خصما على ارتباطاته بالافراد و الاسر

و

لايخرج عن مضامنيه و صياغه الطبيعي


النص نتاج خيال خالص للكاتب

اليكم النص القصير بعد لحظات

ان كان بعمرنا بقية باذن الله تعالى

رنت رسالة على جوال ( ليلى ) من ( ايمان ) بعد ان خرج زوجها الى العمل و اطفالها الى المدرسة

مفادها ( خشى القروب سريع شوفى الشمار )

تركت ( ليلى ) مافى يدها و مضت لتفتح رسائل الــــــــ ( واتس اب ) و تتصفح ما فاتها و تتطلع على الحالى

و احست بالغيظ لكمية الرسائل التى نزلت فى غيابها القصير

و تبداء فى الدخول من الباب الواسع للرغى النسائي

انزلت ( سارة ) صورا لحنتها الجديدة

قارنت ( ليلى ) بينها و بين حنتها فاحست بالغيظ اكتر خاصة ان حنتها توشهت

اما الخالة ( سعدية ) فانزلت صور ( شيلة لبني ) ابنتها الصغرى

و ارسلت للجميع دعوة الفرح

و كانت تعليقات السيدات على صور ( الشيلة المترفة )

(وواااااوووو ) ( احلى حاجة تغليف رزم الدولارات واليورو )

( مببباااااللللغغغة ) ( دا الكلام الصاااااااح ) ( اقل من كدا ما داييير ين )

و ذادت حاجة ( سعدية ) برسالة اضافية ( العريس قال دا نص الحاجات وفى نص تانى جاى )

انتقل حكى السيدات بعد ( الحنة ) و (الشيلة )

الى ( شمارات المشاهير ) و استمر هذا الى زمن طويل

احست ( ليلى ) بالجوع فتركت جوالها و مشت نحو ( المطبخ ) فرن

و كان المتصل زوجها بعد السلام القصير ( جهزتى الحاجات ) ليلى ( حاجات شنو ؟ ) ( الغداء ) وواصل بحزم


( انا والضيوف ماشيين على البيت قربنا نصل ) ليلى ( واى نسيت سجمى عاين اخرهم لى اجهز الغداء )

( انت مجنونة ناس عازمهم غداء قبل اسبوع وماشين على البيت اقول ليهم الغدا ما جاهز ) ليلى

( واى انا سجم خشمى اتصرف كيف خلاص دى الطلقة التالتة و ............ و ............ و ............ )




انتهت


نلتقى لو بعمرنا بقية باذن الله تعالى

سلامات
دكتور
للأسف اصبح واقع و مرير كمان ...
هو إدمان جديد ...
يهدم الكثير من العلاقات
شكراً لهذا الارتقاء ..
امتنانى

عزيزي إيهاب إختيارك موفق وواقعي للغاية ، الواتس عندو إيجابياته وعنده سلبياته لكن ببقي نحسن التصرف لكل حاجه وقته وظروفه وإحتياجاته حسب البيئه المحيطه ، لك شكري وإمتناني

المشاركة الأصلية كتبت بواسطة ياسر تمساح

سلامات
دكتور
للأسف اصبح واقع و مرير كمان ...
هو إدمان جديد ...
يهدم الكثير من العلاقات
شكراً لهذا الارتقاء ..
امتنانى

ابن الخالة الحبيب

ابو المنيب

السلام عليكم ورحمة الله تعالى و بركاته

شكرى و تقديري على مرورك الطاعم

والذى يعنى لى الكثير

ارجو ان اكون دوما عند حسن ظنك


التقيك لو بعمرنا بقية باذن الله تعالى

المشاركة الأصلية كتبت بواسطة وسام محمد خير

عزيزي إيهاب إختيارك موفق وواقعي للغاية ، الواتس عندو إيجابياته وعنده سلبياته لكن ببقي نحسن التصرف لكل حاجه وقته وظروفه وإحتياجاته حسب البيئه المحيطه ، لك شكري وإمتناني

السلام عليكم و رحمة الله تعالى و بركاته


مرور قلمك عندى يعنى لى الكثير

و اسعدنى جدا

واتفق معك فى كل كلمة وردت فى مرورك عاليه

ارجو ان اكون دوما عند حسن ظنك

جزيل شكرى و امتنانى

التقيك لو بعمرنا بقية باذن الله تعالى

عاااااادى يا هوبا
والقادم ّّّّّّّّّّّّّّّّّّّّ!!!!!!!!

ههههههههههههههه
دى ضريبة التكنلوجيا يا دكتور
الطلاق زاتو قالوا بقى بالواتساب
تصور القسيمة وترسلة ليها
غايتو تعيش كتير تشوف كتير

ايهاب يارائع تلخيص لمشاكل الاسر والواتس ومافعله بالناس وياريت نتعلم ولا الطلق سوف تصبح رصاص حي بين الاسرة الواحدة

هههههههههههههههههههههههه
ابدعته والله يا استاذ
وزكرتنى الصورة الفيها بطاطس محرقة
بقول ليك طريقة الاعداد
1/ صب الزيت على المقلاه.
2/ ضع البطاطس فى الزيت.
3/خش الواتساب
هههههه
شكرا يامبدع وربنا يكفينا شر الواتساب

ما فوكّا حاجة
يفتح للضيوف الواي فاي يخليهم ينشغلوا بالواتساب لحدي ما الولية تكمل شماراتها وتجهز الغداء



معلومة جديدة لنج
هل تعلم عزيزي القارئ أننا في عام 2015 وفي واحد كدة ما عندو واتساب !
الزول دة بدون ذكر أسماء هو أبو أمجد

:laught211:أبو امجد براو اخوك زاتو ما عندو الحاجات دي شكلو كده دفعتنا خارج نطاق الشبكة :smils32: