عايز أغطس حجر البوست .

الصفحة دي مالها ماعايزة تنقلب

بس ماتكون نعسته انا قاعد شغال ليل اليوم

اها ياابوعمر انا طالع انشاءالله بكرة نلقاك فورتها

نعست وبس فوتني دوامي

قلت لي تعبته يازول انت قائم من مرض امشي ارتاح وبعدين بتلحق لسه في الموضوع المميز نهاية الشهر

صباحك ابيض

ههههههههههههههههههههههههه
تصبح علي خير

صباحك ورد إنشاءالله

هههههههههههههههههههههههههه يا منصوري ان مشيت الحج ولا قصر الشباب والاطفال جاي تنكت كدا

هههههههههههههههههههههه
كلمه عليك الله أخر شئ قال ماشي ينوم

مشاركات العزيز ابوعمر لحد تاريخ هذه المداخلة = 3808
مشاركات العزيز منصوري لحد تاريخ هذه المداخلة = 2306
الفرق = 1502
يعني يامنصوري لو بتكتب يومياً 100 مشاركة وابو عمر دة واقف تب ما بيكتب عاوز ليك 15 يوم
غايتو يامنصوري الا تكتب النكتة في اجزاء والقهقهات ذااااااتة تجزءه علي كم مشاركة يعني مثال : هههه وتكتب تحتها يتبع وتحت ههههه ويتبع وبعد دة في احتمال انك تفشل بس الله يعينك وان غلبك تب سلفنا الباسوورد انا وعارف مصطفي دة بنشتغل ليك ورديات .

اجري شديد يامحمد

صباح الخير الحبيب المنصوري

صباح الخير

يااخوانا انا عملت البوست ده دائر اونس فيه نفسي

وقلت الحق بيه ابوعمر ’ اقوم ابوعمر اكتب فيه اكتر

من سيده ’’ خلاص يااخي انا اتنازلت من ملاحقتك

عايز اشوف البعدك

المشاركة الأصلية كتبت بواسطة احمد الهمباتى

مشاركات العزيز ابوعمر لحد تاريخ هذه المداخلة = 3808
مشاركات العزيز منصوري لحد تاريخ هذه المداخلة = 2306
الفرق = 1502
يعني يامنصوري لو بتكتب يومياً 100 مشاركة وابو عمر دة واقف تب ما بيكتب عاوز ليك 15 يوم
غايتو يامنصوري الا تكتب النكتة في اجزاء والقهقهات ذااااااتة تجزءه علي كم مشاركة يعني مثال : هههه وتكتب تحتها يتبع وتحت ههههه ويتبع وبعد دة في احتمال انك تفشل بس الله يعينك وان غلبك تب سلفنا الباسوورد انا وعارف مصطفي دة بنشتغل ليك ورديات .

الهمباتي انت غلطان الحساب مقصود بيه من بداية المنافسة

يعني ماعدد المشاركات الاجمالية - علي اي حال انا قنعت

عايز اكابس في البوست المميز . أنت كيف ؟؟؟؟؟؟؟؟؟؟؟

يااخونا كيف اليوم صائمين ولا عملتوا نائمين ؟

المهم المـــاصام اليوم اشوف لايه طريقة بكرة

ما تضيعوا اليوم العظيم ده

السلام عليكم ورحمة الله وبركاته

ياشباب وشابات من باب الذكري ماتنسوا تصوموا يوم عاشورا وهو يوم عظيم أنجى الله فيه موسى وقومه. وغرق فرعون وقومه

أما صيام يوم عاشوراء فإنه يكفر السنة الماضية لقول الرسول الله صلى الله عليه وسلم [ صوم يوم عرفة يكفر سنتين

ماضية و مستقبلة و صوم عاشوراء يكفر سنة ماضية ] رواه مسلم وغيره

وقد جعل فيه العلماء مراتب

فأفضل مراتبه ان تصوم يوم قبله مع يوم عاشورا اي التاسع والعاشر او المرتبة الثانية وهي ان تصوم يوم عاشورا

واليوم الذي يليه وفي كل خير ومن لم يستطع ان يصوم يوم قبله او بعده فليصم يوم عاشورا وفيه ايضآ خيرا . غدآ

يوم 9 وهو يوم الأربعاء وعاشوراء يوم الخميس وهذا من باب الذكري للجميع وتقبل الله منكم ومن جميع المسلمين .

ابوعمر برضو انت مراقبني وقاعد

رائك شنو عايز انزل ليك كل مواضيعي

في المنتدي ده تباعآ !!!! الليلة مبطل الشغل

والمشغلة وعايز انزل كل مواضيعي هنا رائك شنو ؟؟؟؟

الموضوع : تعالوا نترحم علي أخلاق بعضنا

قال أحدهم

أنا إن عشت لست أعدم خبزآ ’’’’ واذا مت لست أعدم قبرآ

همتي همة الملوك ونفسي ’’’’’ نفس حر تري المذلة كفرآ


حقيقة الأمر قبل أن أعجب بهذين البيتين فتحت المنتدي لأكتب بعد فترة ولم يخطر ببالي


غير واقعنا السياسي والأقتصادي والأخلاقي فتركت موقتآ الأولين لأتنـاول الأخطر في


رائ (وقد يشاركني بعضكم في هذا ) .حسرة والم تعتصرني وتعتصركل شريف عفيف


لايرضي بأن يكون واقعنــــا حنين للماضي فقد كــان السوداني رمزآ للعفة والطهـــارة


وعنوان بــارز للفضيلة ومكارم الأخلاق . ولعلكم مثلي كنتم تفتخرون بنخوة السوداني


الأصيل وشهامته ورجولته وهو لايخشي في الحق لومه لائم فلا يداهن ولا يجـــامل الا


في حدود الذوق او الأوتكيت مطايبة ومسايرة مع لوازم الحيــاة واحتياجــاتها . غير


أن الزمن تغير والأمور تبدلت فدعوني قبل أن استرسل في حديثي استثني (فئة قليلة )


مازالت تتمسك بقيم فاضلة وأخلاق حميدة رغم العتمة والغبـــــاش التي أحــــاطت بنا


إحاطة السوار بالمعصم . اما البقية تعــالوا معي نترحم علي أخلاقهم وسوء فعالهم هم


ثلة من السارقين والأنتهازين الذين لم تعف لهم يد أو يطيب لهم لسان ’ثعالب هذا الزمن


سرقوا ونهبوا ’ كذبوا وفجروا ’ قـالوا الزور وفسقوا دون وازع من ضمير او خوف


من جليل ’ هم أفه هذه البلاد وكل البلاد . لم يرحموا العباد في رزقهم فأكلوا مال اليتيم


ولم يرحموا الضعيف والمسكين والفقير .أخطرهم من تدثر بالدين فجعــله مطيه لثراه


الفاحش وماله المشبوه وهو ابعد الناس عن الأسلام وتعاليمة لانه في واقع الأمر ( لص


خبيث وانتهازي جبان ) . وبعضهم شذ في معاداته للدين وقيم المسلمين فحارب ماتبقي


لنا من ماء وجه وبقية أخلاق من بــــاب الحداثة وهو ايضــــآ لايقــل خطورة عن ذلك


المتأسلم . هولاء واولئك لاننتظر منهم خير ولانرجو منهم رحمة للبلاد والعباد .من كل


هذا الخبث أنجب السوء مولودآ مشوهآ فكــان ( كذب ونفاق وسرقة وابتزاز وعُري )


وتغطي خيرنا بكثير شرنا وبعد هذا الأ تروني محقآ في أن اترحم علي أخلاق بعضنـــا


( أحسن الله عزاءكم وجبر الله كسرنا )

المشاركة الأصلية كتبت بواسطة محمد المنصورى

يااخونا كيف اليوم صائمين ولا عملتوا نائمين ؟

المهم المـــاصام اليوم اشوف لايه طريقة بكرة

ما تضيعوا اليوم العظيم ده

ربنا يتقبل إنشاءالله

الموضوع : ابناء الحصاحيصا ونداءات المدينة المتكررة

قال أحدهم



أقسمت أن أوردها حـُرة ’’’’’’ أصافح المجد بعزم الصباح



إما فتي نال المني فاشتفي ’’’’’ أو فارس زار الردي فإستراح



أكتب لكم اليوم أيها الأحباب بهمة تخرج ماء الصفاء وعزيمة لايشوبها ضعف المتملقين الذين يتدثرون تحت جلبـــــاب المجاملة والمداهنة..؟ يكتبون في الأغراب ويغضون الطرف عن الأحباب والأصحاب ولكننا هنا شهود عدل ننطق بالحق لأنه لايتجزأ أو ينفصل.

هذه الأقلام أمانة يا من تكتبون في شأن الحصاحيصا العـام وتهاجمون هذا وتفضحون ذاك من غير بينة وتنتقدون هؤلاء وتتملقون أولئك بأجندة لا تمر علي الصبية ناهيك عن الذين يتابعون ويرصدون ويلاحظون.. فإمــــا أن تكتبوا بالحق المبين وتعـــــدلوا بين القريب والبعيد وإلا دعونا ننعي المصداقية والشفافية التي طالمــا تشدقتم بهما ..والذين أعنيهم هنا يعرفون بأنفسهم وهذا قميصي قد أحكته لهم..

# السؤال.. ماذا فعل أبناء الحصاحيصا للحصاحيصــــا..؟

و هنا أعني عدة فئات و أولهم الذين اعتلوا المناصب الدستورية والتنفيذية وكانـوا في مواضع القرار، لكنهم كانوا خصما علي المدينة وأهلهـــــا . لا أقول كلهم.. فمنهم من إجتهد في رد الدين فساعد وأنجز.. أما البقية وهم كثر وقفوا موقف المتفرج من إنسانها، فتركوها للأغراب الوافدين يتقاسمون زرعها وضرعها ويسرقون خيراتها ويتحكمون في أمرها بل وصل بعضهم إلي درجة أن يعينوا المعتمدين والتنفيذيين وعمــا قريب يحددون تجارتها ورزقها والهواء الذي يتنفسه أهلها ..!!

الحصاحيصا لم تخرج بعد من ثوب الضغينة والبغضاء الذي يؤكده قلة من أبنائها كل صباح ويرفضه غالبية أهلها صباح مساء و يريده البعض في أحشاء كل ليل بهيم..!! ولكنه كيد مستتر.. فلا تتجملوا وتتطيبوا وبواطن الأمور تنطق بذلك؟

ولي هنا كلمة في رابطة أبناء الحصاحيصــا بالخرطوم وهي تضم نفر كريم من أبناء الحصاحيصا تزينوا بمناصبهم السامقة ومكانتهم الإجتماعية الرفيعة.. فقد بدأوا بداية موفقة وبحماس كبير ونفذوا مشروع الداخليات الذي يشكرون عليه ولكنهم تراخوا أيضا وقد كنا ننتظر منهم تفاعلآ وجهد أكبر مستفيدين من علاقاتهم خدمة للمدينة ..صحيح أنهم وطدوا علاقات اجتماعية لم يكونوا يفقدوها في قديم الزمان ولكن كان دورهم سلبي حيال كثير من الأمور التي تهم المدينة..؟ اللهم إلا اختيارهم لدكتور معتصم لينوب عن هذه الدائرة الإنتخابية.

أقول ذلك وأعلم أنهم كيان غير تنفيذي وأن الكثيرون منهم نافذين بحكم مناصبهم وعلاقاتهم المميزة، لذلك أصبح عدد كبير من أبناء المدينة ينظر إلي هذه الرابطة أنها تجمع وجاهات لا يرجي منه شيئآ بعد أن خلقوا بينهم وبين خدمة المدينة حاجز من زجاج ..!؟

اللوم أيضاً يشمل أبناء المدينة المقيمين بالخارج و الذين و مع التقدير لظروفهم المادية، نجد أكثرهم متباطئون عند الإلتفاف حول قضايا المدينة و يدمنون الفرجة و القراءة علي ما يكتب و يقال، ليكون ما يطرح لهم من شأن المدينة تأذين في مالطا (قبل و بعد الإسلام)..!!

اللوم لا يُعفي منه المتواجدين الذين يقطنون المدينة بشكل دائم، و الذين إن أعجز بعضهم الدعم المادي و طوقهم بقلة الحيلة، يتربص (البعض) بما ينهض بالمدينة..؟ فكلما لاح في الأفق عمل عام من المفترض إلتفاف أهل المدينة حوله، جعلوا من أنفسهم الناقد (الأمين) لذلك و عملوا علي تثبيط همة من يقومون به و قدحوا في مصداقيتهم..!!

الحديث طويل و ذو مرارة تمزق أوصال المدينة قبل الأنفس.. أتمني أن يجد حظه من النقاش و الإثراء بواسطة الجميع

المشاركة الأصلية كتبت بواسطة محمد المنصورى

ابوعمر برضو انت مراقبني وقاعد

رائك شنو عايز انزل ليك كل مواضيعي

في المنتدي ده تباعآ !!!! الليلة مبطل الشغل

والمشغلة وعايز انزل كل مواضيعي هنا رائك شنو ؟؟؟؟

قول بسم الله وكان نسيت ليك حاجه بمشي اجيبه ليك

الموضوع : اكلوا فطورنا وقيمونا كمان ( جنس قوة عين )

جمعني قبل يومين علي مائدة إفطار رمضان لقاء مع نفر كريم من الأخوة العرب ( إن جاز لي التعبير )


فكان بيننا المصري والسوري واللبنـــــــاني وصاحب الدعوة وهو مهندس سوداني ( محفل ومجمل ) إي


والله شائف نفسه ( وماتتخيلوا شائف نفسه دي مريحاني منه كيف ) المهم بعد ما فطرنا بكل ما لذّ وطاب


وصلينا والحمدالله وكمان حلينا وناس الكيف شربوا الشاي والقهوة بداءنا في الو نسه ’’’’’’’ وقبل ما أقول


الونسه شنو !! عايزكم تعرفوا حاجة مهمة انه أخوكم العبد لله كان برضو (محفل ومجمل ومظبط نفسه)


وماحأقول ليكم عشان هذا طبعي بس خلوني النقول لأني عـــــارف ومقدر الناس الماشي افطر معاهم ديل


مستواهم شنو ’’’’’ انا بصراحة الهاميني في الو نسه دي كلها تقييم الأخوة العرب للسودانيين ’’’’’’ افتتح


الموضوع احد الثرثارة السوريين ( طبعآ معروف عنهم ربرابين يعني كلامهم كتير ) لكن الحق بريدونا


أكثر من غيرهم وقال ياخي السودانيين (ماخدين وضع ومكانة) في المملكة عشان اكتر ناس صادقين (


أخوكم اسمع ساي وقال في سره الحمد الله ) نط أخونا المصري قال والأهم من كده أنهم طيبين وبسيطين


( أخوكــــم في سره بلع كلمه طيبين لكن ماركبت لي بسيطين دي ) وراسي اشتغل ياربي المصري ده


قاصد شنو ؟؟؟ أكون قاصد دلا هات وهبنقات ولاقاصد شنو ؟؟؟ خصوصآ المصريين ديل عندنا مستهبلين


(ومالعابين كان طلعوا فوق للكفر) وبصراحة كــــــده ما بنبلعهم لوجه الله ( معليش أنا بتكلم عن نفسي ) .


غايتو قطع تفكيري اللبناني الشائف نفسه والنصيحة لأيه مليووون حق أشوف نفسه وأشوف إي حــــاجة


( السيارة يمين الله السعوديين ما سايقنها والساعة كيف والبدله والله واسألني الله (مانلبسها في يوم العرس)


وما تسألوني من الباقي المهم قال : السودانيين لو أهتمو بمظهرهم وعملوا لنفسهم وضع( برستيج) وبطلوا


طيبتهم الزائدة دي تاني مافي جنسيه بتشتغل غيرهم في المملكة دي !!!!!!!! النصيحة فرحت وزعلت


وعاينت لمظهري لقيته تمام انتفخت تب (واتحزمت واتلزمت ) وتعالي يافلسفة وشي ارفع يدي ومره اصلح


عمتي ومره مرتين أدخل لي كلمة تنغليزي ( أنجليزي مناصير ريفي المسلمية ) وعشان أقول ليكم اخوكم


قال شنو وكيف (اجدع في خلق الله ديل) ارجوني المره الجايه أقول بس قبل مااقول دي فرصه طيبه نفتح


فيها نقاش حول الشخصية السودانية ايجابيات وسلبيات وبالمناسبه إنا ماهاميني تقيم الأخر شنو بقدر نظرتنا


نحن لأنفسنا وياحبذا لو ركزنا علي سلبياتنا أكثر من الأيجابيات لنعالج خلل أنفسنا ........... نواصل

http://www.alhasahisa.net/vb/showthr...403#post144403

كده شوف البوست ده

الموضوع : رجعي ومتخلف وغير مواكب

من المفــــــــارقات العجيبة قبل فترة كتبت عن بشتنة بعض السودانيين في الخليج ( إن صح التعبير ) أو عدم

اهتمامهم بمظهرهم علي الوجه الصحيح واليوم اطرح لكم موضوع مضاد تمامآ متمنيآ أن يجده حظه من النقاش .

منذ فترة ليست بالقصيرة ,إنا احس بضجر شديد من القنوات السودانية وخصوصآ قنـاة هارموني ( مع اعتذاري

للمعجبين بها ) ومصدر الأستيـــــــــــــاء (النيو لوك ) الذي تفرضة القناة علي بعض الضيوف من الجـيل الجديد

( مقدمين ومستضافين ) وتشابهها مع قنوات lbc والمستقبل خصوصآ في موضوع اللبس واهتمام القــائمين

عليها بالموضة وقصات الشعر أو الشعر المنفوش واللون ( الفوشي والقرمزي) وتشبهات الشباب والشـابات

الذي يملأ الشاشة صباح مساء وعلي الضيق الحاصل في اللبس والقماش رغم تدني اسعاره( البنطلــون ضيق

والبلوزة اضيق ) وياحليل زمن النسيبة (الشنافة ) لمن ماتلقي ليها حاجة تعيب بيها زوج بنتــها تقول كل شي

كويس (الا التياب ضيقة ) وانا بصراحه حـــاسي ده كله تعدي علي صورتنـا السمحة وعاداتنا وتقاليدنا الجميلة

ولن استغرب إن نط عليّ أهل الحداثة وقالوها لي كماقالها لي صديقي أنت (رجعي ومتخلف وغير مواكب ) وعايز

تعيش زمنك وزمن غيرك . قد أكـون كذلك ولكن ليس بدواعي التزمت والضجر الغير مبرر . يعني لأمن تدرك ان

فنان الجيل ( تامر حسني ) هو امنية اكثر من واحدة ورغباتهم في أنهم اشوفوه بالسودان كما سمعت في قناة زووول

رغم انهم كل يوم بشوفوه في واحدة من محطات الغناء الماجن حأقول شنو ؟؟ ( حأحترم رغباتهم قصبن عني ) لكن

بكل تأكيد حأكون مستنكر( وهذا اضعف الأيمان )أنا حاسي الحاصل في البلد هو بداية فساد ماعنده نهاية وليت الفساد لو

ارتبط بالعوز كمـــــا يروج البعض ولكن للأسف ترف المترفين ( شوفوا برنامج افراح افراح واللبس في بيوت الأعراس )

عنوان بارز للمجون بأسم الفرح مع إن الفطرة السليمة تعني السترة. ( وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ ) .

وحتي استخدامنا للتقنية اصبح تشوبه كثير من العيوب مماانعكس علي حالة فساد ستصيب اهلنا في مقتل بمقـايس

الحضارة انظروا إلي شعب اليابان ولأحظوا للبسهم فقط وانصرافهم لما هو أهم . اتخيل لي نحن محتاجين إلي وقفة

كبيرة مراجعه للذات وحقو الوضع ده نشوفوا بؤدينا وين ؟ ياناس أنتبهوا الحضارة والرقي ومواكبة الموضة والعصر

لاتعني التبرج والفساد . ربنا أهدينا جميعآ .

المشاركة الأصلية كتبت بواسطة ابوعمر

http://www.alhasahisa.net/vb/showthr...403#post144403

كده شوف البوست ده

الله اجزيكم كل خير بس ماشفته الأ الأن وردي لكم في نفس البوست انشاءالله

حقو بعد كده اوقف التوثيق ده مع انه عمل جميل تلم كل بوستاتك في مكان واحد

عشان تناقش نفسك وتقييم كتاباتك تقويمآ للأخطاء وتشجيعآ للصائب منها ولا

ما كده ؟ قولوا كده . ههههههههههههههههههه

هو انت فاضي عملت ليك راكوبه هنا وقاعد تفتش في الماضي

الموضوع : النفاق الأجتماعي

كثير من العلاقات الإنسانية التي تربطنا بزميل في العمل او صديق دراسة تتحكم فيها البيئة بل إن بعضهم ارجع

الأخلاق إلي الطبيعة . وفي رأي محق من ذهب إلي ذلك لأن الأجواء المحيطة بالإنسان تشكل كثير

من طبعه وأخلاقه . ولأننا في مجتمعات صغيرة يعرف بعضنا البعض بصور مختلفة فكثير ما نتجمل في وجه

بعضنا ليصل درجة من درجات النفاق مراعيآ في ذلك كثير من الأمور . وحتي أكون اكثر صدقآ ما دعاني لكتابة

هذا الموضوع هو إحساسي في هذا المنتدى تحديدآ تجاه بعض الأخوان الذين وإن أعجبت بأقلامهم وأفكارهم

وصدعهم بالحق في أحايين كثيرة وتغنيهم بالديمقراطية والحرية وما شابه ذلك . لكن رغم ذلك تجد لهم مواقف مخذولة لا تشبههم

ولا تشبه كتابتهم وأسمائهم ليمارسوا اسواء درجات النفاق الاجتماعي والسبب ( صداقة وصحبة ) . أو أخر

ظل يطبل لان عنده ما يخاف عليه فأشتري هذا بهذا ليبرع في الإطراء والثناء

الممجوج . للأسف هذا هو حالنا كما قال احدهم فإن اردّ المكاشفة والصدق والوضوح

والشفافية ضاع صوتك بين الأصوات وصرت ثقيلاً وأصبحت نشازاً ، فتضطر

مرغمآ للمشاركة في حفل تأبين الضمير وفي جنازة موت الحقيقة وانت كاره لذلك

وهذا هو الواقع .. النفاق الأجتماعي كما أفهمه أن تكون معي وليس ضدي حتى وإن

لم أكن علي الحق . أن تجاملني علي حساب الصدق وأنا اتمرق في الكذب والملق

والمداهنة وعليك ان تسكت علي خطئ دون أن تنصحني خوفآ علي زعلي . من

خلال تجاربي في المنتدى .ورغم قناعتي بما اكتب الا أنني أمارس نفاق اجتماعي
بجدارة والسبب الأتي :
إن رأيت امرآ خطأ تراجع نفسك مائه مرة في أن تكتب في الموضوع ام لا

لأحساسك إنك مصنف مع جهه ضد جهه حتي ولو كان هذا خيالآ لايسنده دليل وحق

لايقوم علي عدل أو برهان . . كل مافي الأمر أن تسكت تكون محبوبآ حتي ولو كنت

سلبيآ .( يعني لا تجدع ولا تجيب الحجار ) معليش المثل ذاتو ( شكل شكل )

البوست كتب لمنتدي الحصاحيصا دوت كوم علي خلفية احداث معينة ولكن لا ضير

أن يكون هنا .

المشاركة الأصلية كتبت بواسطة محمد المنصورى

حقو بعد كده اوقف التوثيق ده مع انه عمل جميل تلم كل بوستاتك في مكان واحد

عشان تناقش نفسك وتقييم كتاباتك تقويمآ للأخطاء وتشجيعآ للصائب منها ولا

ما كده ؟ قولوا كده . ههههههههههههههههههه

كده 2010 تكون اتقيمت
اديك طولت العمر وتقييم باقي السنين
كده