انتهينا

والله ما كلام زول زعلان

انا في كامل عافيتي وكامل ارادتي اعلن لكم اننا كشعب سوداني انتهينا في جميع

النواحي والكلام ده عندي لايه مليون تبرير ......

الحل الوحيد كل واحد فيكم اتوكل علي ربه ويساله انه اجنبه الفتن والمحن ما ظهر

وما بطن واجتهد في تربية اولاده بقدر المستطاع واسد دي بطينه ودي بعجينة

والله نحن اكبر شعب وهم ومدعي ساي .

هشام البلولة والله ريحوك لكن الغريبة الباقيين قاعدين .

منص شنو يازول كدي قول بسم الله .. معاك انو الحاصل يدعو للاحباط واليأس بس هل الحل انو نسد دي بي طينة ودي بي عجينة وخصوصاً انت بتتكلم عن اولادك واولادي يامنص كدي عليك الله عاين في عيون وليداتك ديل وارجع وشوف هل بتقدر تسد دي بي طينة ودي بي عجينة يامنص الامل باننا نكون جزء من ثورة تغيير قادمة في كل مناحي الحياة لازال موجود مهما كانت الحالة محبطة ولكن يظل الامر معقود بقدر وميعاد رباني مهما جاك احساس انك بتنفخ في قربة مقدودة ببقى قربت تصل لانو ده احساس عام بيقابلوا طوالي ماضاقت الا لي فرج .. رحم الله الشريف الهندي يا منص وكأنه كان يستشعر بأن هذه الايام بحالتها الحاضرة آتية فكتب :

شوفي معزتك كيفن عزيزة عليــنا
وشوفي عزمنا للحمل الوقف راجينا
شوفينا بنتر ولا بنكف الشينـــــة
شـوفينا بندكك ولا ما هامينـــــا
شـوفينا بنبشر فيك طوال ايدينا
ولا نغطي بالطين والعجين اضنينا

شوفي معزتك كيفن عزيزة عليــنا
وشوفي عزمنا للحمل الوقف راجينا
شوفينا بنتر ولا بنكف الشينـــــة
شـوفينا بندكك ولا ما هامينـــــا
شـوفينا بنبشر فيك طوال ايدينا
ولا نغطي بالطين والعجين اضنينا

تعرف يا منصورى
نحن لسه ما قطعنا العشم
تقبل هديتى
و ثق ان التغيير سنة الحياة

يا بلاد النور
وارهاص الخير
لابد يوم باكر يبقى اخير
الدمعة تفارق للوجدان
وجموع الغبش..الصابرة تسير
صبرك لو طال
ما باقي كتير..يا بلادي وجعتنا البيك
تبقالنا نفير..يا بلادي
من ذاتك ناخد الوفى ونزيد
من ذاتك ناخد الوفى..
والشمس هدفنا
وماها بعيد
يا بلاد النور
وارهاص الخير
لابد يوم باكر يبقى خير
رقصت نخلاتك والغابات
والنيل يتفجر والغيمات
روح التاريخ..هبت نسمات
صدق الإحساس
في كل وليد
عشم الفنان
نبض الإنسان..وسنابل الخير
لابد يوم باكر يبقى اخير

كسرة ملف

لو صبر القاتل لمات المقتول

لا شك أخونا المنصوري ان حالة الاحباط هذه حالة عامة و أسبابها كثيرة
و لكن فليكن هذا الاحباط دافع لما هو أحسن من قادم الأيام ، ليس كلام تنظير أو كلام مثقفاتية ، و لكن احساس نابع من طبيعتي كانسان مسلم . فان الله لا يغير ما بقوم حتي يغيرو ما بأنفسهم .
التحية لك أخونا منصوري و للأخ الهمباتي و الحبيب أبوأمجد .

حصحيصاب سلام و محبة خالصة ..

كنت أود أن تكون (رسائل على الطائر) هي اولى محطاتي للكتابة بعد طول غياب عن المنتدى العامر بكم وبكتاباتكم التي اصابها ما اصابها من احباط كهذا الذي هو موضوع هذا البوست. ولكن .. ولإعتبارات كثيرة أهمها أن صاحب البوست هو (فردة جناحي التانية لما الناس تطير لي عالمها) .. أو لأن اسمي قد ذكر بالبونت العريض بأن ارتحت خلاص .. مما لا يعني .. وبلا شك (اني خلاص انتهيت ههه) .. بل بالعكس تماماً .. فقد كان للشكر والتقدير الذي تسلمته اليوم من ادارة هذا (الصرح المفرح) بأنه قد تم انهاء خدماتي الاشرافية أو بالمعني الأصح قد تمت عملية ازاحة عبء التكلييف عني كمشرف ضمن كوكبة المشرفين لمنتدى الأدب والثقافة ليكون ظهوري من الآن وصاعداً مرتبطاً بعبارة (مشرف سابق) كما هو ظاهر يمين الشاشة... أؤكد للجميع بأن هذا القرار كان له الأثر الطيب في نفسي حيث جعلني أشعر بشيٍ من الزهو والفخر والاطمئنان وذلك لإهتمام ادارتنا بتجديد الدماء .. ويا لسعادتي فقد تجددت دمائي بطريقة غير مباشرة وبأكثر من مقدار الفعل الذي يكتنف رسالة الشكر والتقدير والتي بدورها ازالت كل التراكمات النفسية المحبطة الناتجة من عدم سؤال الطاقم الاداري عن الظروف التي دعتني للغياب والانقطاع ..

كما لا يفوتني ان اغتنم هذه الفرصة لدعوة العزيز منصوري بأن تفائلوا بالخير تجدوه .. وتأكد تماماً أخي بان يوسف الصديق ما هو الا بداية جديدة يحلو عندها ترديد الرائعة .. (نحن يادوب إبتدينا ...)


تأكدوا جميعاً من انتمائي لكم ..

	الهمباتي - ابوامجد - ابوهمام - هشام شكرا لكم علي مداخلاتكم وشكرا لكم وانتم تجدون لي العذر والمبرر للاحباط الذي اصابني واصاب معظم الناس جراء هذا الوضع السواد . صراحة احمد لكم هذه الروح الوثابة والمتفائله - كتبت هذا البوست علي خلفية تصفحي لمنتدي الراكوبة والذي زاد احباطي هذا التناول الضعيف لقضايا الوطن من فئة منوط بها قيادة التغير في هذا البلد - والله نحن في ماساة حقيقية فشعبنا استسلم لمصيره المخجل ومن نعول عليهم في قيادة التغير عبارة عن شباب ضائع استهوتهم الموضة وسفاسف الامور . قلتها قبل الان نحن في وضع لا نحسد عليه وكل يوم تزداد معانتنا وضنكنا وتصعب الحياة علي الكثيرين الذين لا يتمنون غير سترة الحال .... قتلوا فينا الطموح واستغفلونا بجهل ونحن كلنا ساكنون لا حوله لنا ولا قوة . الحاج ادم احد الذين حملوا السلاح ضد نظام الانقاذ ولاحقه النظام وتم نشر صورته في جميع الصحف واعلنت مكافاة لمن يدل علي مكانه - الان هو مساعد لرئيس الجمهورية ويقال انه نافذ في جهاز الامن بصورة فعالة - التقته احد القنوات وقد سالته المذيعة عن غلاء المعيشة والازمة الاقتصادية التي تمر بها البلاد والله يا اخوان انا بسمع في رد هذا الرجل تحسرت علي بعض افراد هذا المنتدي لاني علي يقين اغلبكم لو في هذا الموقع لقال خيرا من هذا الذي قاله استاذ الهندسة في جامعة الخرطوم . محنتنا اكبر مما تتخيلوا ورغم ذلك ساصتف معكم ياهمباتي متفائلا فعسي الله ان يغير حالنا . شوفوا سذاجة الردود وهذا الاستهزاء وبالذات الرد علي سؤال زيادة الاسعار - والله العظيم مهما بلغنا من الجهل لا نستاهل ان يكون هذا فكر مسئولينا واقسم لكم بالله انكم مظلومين ومظلومون .

يا المنصورى وحمدا لله على السلامة
ياخ ما تحبطنا بلاى ولسه الدنيا بخير
هون عليك ياخى فامر المؤمن كله خير
ليه نسد دى بطينة ودى بعجينة
ابواتنا عملوا كده؟
خلينا متفألين ولابد يوم باكر يبقى اخير
و
تأنى ما تقول إنتهينا بتنهى جيل ينظر الينا

بانى أماله وطموحه ومعتمد أبداً علينا

نحن قلب الدنيا ديه ونحن عز الدنيا بينا

تانى ما تقول إنتهينا نحن يا دوب إبتدينا

المشاركة الأصلية كتبت بواسطة ود الحصاحيصا

يا المنصورى وحمدا لله على السلامة
ياخ ما تحبطنا بلاى ولسه الدنيا بخير
هون عليك ياخى فامر المؤمن كله خير
ليه نسد دى بطينة ودى بعجينة
ابواتنا عملوا كده؟
خلينا متفألين ولابد يوم باكر يبقى اخير
و
تأنى ما تقول إنتهينا بتنهى جيل ينظر الينا

بانى أماله وطموحه ومعتمد أبداً علينا

نحن قلب الدنيا ديه ونحن عز الدنيا بينا

تانى ما تقول إنتهينا نحن يا دوب إبتدينا

ودالحصاحيصا إلي متي التفاؤل وبالله ما الذي يدعو له

( حتي المنتدي فيه مصادرة حريات ) .الحمدالله علي كل

حال .

الاخ العزيز (جداً) المنصوري
تحياتي والتقدير و(زرافات) الود الجميل
الصورة المآساوية التي نقلتها لنا عبر (شبكيتك) بعد قراءتك للراكوبة , قطعاً هي صورة مشوشة الابعاد , وذلك على خلفية بعدك عن السودان ,,
الوضع ياصديقي العزيز اشد مضاضة والمعاناة اضحت قاسماً مشتركاً بين جميع الاسر السودانية طبعاً باستثناء (جماعة هي لله) وسماسرتهم ,, ولا تنسى يا عزيزي انعكاسات الغلاء المعيشي على القيم والاخلاق ,,,
مبررات قيام ثورة متوافرة اكثر من اي وقتٍ مضى ولكن هاهي سياسة (التدجين) والتخويف وفي احسن الاحوال تكتيك (نفسي نفسي) باتت تؤتي ثمارها (الكئيبة) ,,
المعادلة بسيطة جداً وهي تقول بصريح العبارة :- انك في ظل المشروع الحضاري وحكومته (العادلة) ميت ميت ولك ان تختار مماتك صداماً لاجل حياةٍ كريمة أو مماتك قهراً وظلماً وحسرة .. علماً بان الانقاذ لا تفاوض سوى حملة السلاح لانها لا تؤمن في غرارة نفسها سوى بالبندقية ,,
لذا نحن مطالبون بفعل (حقيقي) يفضي لحياةٍ كريمة ,,,
تحياتي

	المشاركة الأصلية كتبت بواسطة محمد شريف علي الاخ العزيز (جداً) المنصوري تحياتي والتقدير و(زرافات) الود الجميل الصورة المآساوية التي نقلتها لنا عبر (شبكيتك) بعد قراءتك للراكوبة , قطعاً هي صورة مشوشة الابعاد , وذلك على خلفية بعدك عن السودان ,, الوضع ياصديقي العزيز اشد مضاضة والمعاناة اضحت قاسماً مشتركاً بين جميع الاسر السودانية طبعاً باستثناء (جماعة هي لله) وسماسرتهم ,, ولا تنسى يا عزيزي انعكاسات الغلاء المعيشي على القيم والاخلاق ,,, مبررات قيام ثورة متوافرة اكثر من اي وقتٍ مضى ولكن هاهي سياسة (التدجين) والتخويف وفي احسن الاحوال تكتيك (نفسي نفسي) باتت تؤتي ثمارها (الكئيبة) ,, المعادلة بسيطة جداً وهي تقول بصريح العبارة :- انك في ظل المشروع الحضاري وحكومته (العادلة) ميت ميت ولك ان تختار مماتك صداماً لاجل حياةٍ كريمة أو مماتك قهراً وظلماً وحسرة .. علماً بان الانقاذ لا تفاوض سوى حملة السلاح لانها لا تؤمن في غرارة نفسها سوى بالبندقية ,, لذا نحن مطالبون بفعل (حقيقي) يفضي لحياةٍ كريمة ,,, تحياتي الحبيب محمد شريف لك وحشة يا رجل تغيب ولكنك تأتي أكثر القآ مستشعرآ معاناة شعب أعيته المصائب والمحن اؤمن معك أن الوضع لو اخُتصر علي معاناة آكل وشُرب لكان آخف وطاة ولكنها الآخلاق التي تزول بزوالها الشعوب . المؤسف جدآ إن خياراتنا اصبحت محدودة والبندقية أصل الحكاية ( الشي من معدنه لا يستغرب ) في رأي لا فرق بينهم فــ الإنقاذ آصلها بندقية وإنقلاب علي شرعية ولكن لك أن تقيم ردة فعلها تجاه من جاء بفعلها ( سالب مع سالب ) = تصفية قوامها 28نفسآ تشهد بإن لا اله إلا الله وأن محمدآ رسول الله . ثم تعاد الكّرة مرة أخري والنتيجة ( ظُلم ومحاباة والذنب واحد ) الخلاصة : أتفق معك لا حل إلا بفعل حقيقي ولكن يبقي السؤال قائمآ بإفتراض إن السبب موجود وبكثرة ولكن هل الأدوات جاهزة ؟؟؟؟ تحياتي يا ابوحميد .

فللننظر لشباب العالم .. وننظر لشبابنا ..
أسفي علينا ..

سألت أحدهم .. بنطلونه في مكان عجيب من نصفه ..
سألته . بتعرف الحاج اّدم .؟؟
أجابني .. إنت كمان زي أبوي .. قاديني بي النعام اّدم ..
قلت له .. ليس النعام اّدم الفنان .. الحاج اّدم بتاع الحكومة .. الزول الفي القصر داك ..
قال لي .. ما فرقت دة بغني في الإذاعة وداك بغني في القصر ..

وينوا يا منصوري شباب التغيير .. وليس تغير بلد .. بل تغيير أنفسهم ومفاهيم البنطال في وسط المؤخرة ..


هنقاري ..

	المشاركة الأصلية كتبت بواسطة موسى هنقاري فللننظر لشباب العالم .. وننظر لشبابنا .. أسفي علينا .. سألت أحدهم .. بنطلونه في مكان عجيب من نصفه .. سألته . بتعرف الحاج اّدم .؟؟ أجابني .. إنت كمان زي أبوي .. قاديني بي النعام اّدم .. قلت له .. ليس النعام اّدم الفنان .. الحاج اّدم بتاع الحكومة .. الزول الفي القصر داك .. قال لي .. ما فرقت دة بغني في الإذاعة وداك بغني في القصر .. وينوا يا منصوري شباب التغيير .. وليس تغير بلد .. بل تغيير أنفسهم ومفاهيم البنطال في وسط المؤخرة .. هنقاري .. آهلآ بيك ياموسي آه من مغصتي كما يقول صديقك وصديقي المغارب فتحت نافذة للوجع وقصة جيل وحواته وهلمجراااا أعفص الرابط عشان تعرف كيف آآزمتني ......... الوجع قديم ولكنه متجدد http://www.alhasahisa.net/vb/showthread.php?t=14990

يا لطيف ,,

ألهم ألطف بعبادك الصالحين ,,

وبعدين ألهم ,, قول لي جبرائيل ,,

أقيف شويــّة ,,

جناحك ما خمج ,,

صحيح خسفت بي قوم لوط ,,

لكن ,, السحاقيات ديل من بنات بلدي ,,

أمسك عليك ريشك ,,

أصبح نصف البلد ,, مخنثون ,,

ونصف البلد ,, سحاقيات ,,

ونصف البلد ,, معتوهون ,,

ونصف البلد ,, فقراء ,,

ونصف البلد ,, مافي ,,

ونصف مال البلد ,, عند جماعة الأقطان ,,

والأخوان ,,

في الأوقاف ,,

ونصف البلد ,, مليان رعاف ,,

ونصف البلد ,, جاف ,,

دة كم نصف ,,

هل نصف الكوب فارغ ,,

أم نصفه مليان ,,

في هذا البلد ,,

ــــــــــــــــــ

تـُبتا لله ,,

ـــــــــــــــــ


أماســــي :-

الاخ محمد المنصورى لك حق ان تياس من شمس ابت تطلع
ومن شارع ضاق وجبن ان يطلع
ومن دموع سالت وسقت اطفال رضع
ومن بلد قروضها ربه فاربت
ولكن يبقى الامل حمامات تحلق فى فضائنا الارحب
ود المنصورى نامل ان يكون الفرج قريبا
فشعبنا طيب رغم قساوة المحن
ولا تهتم بهولاء وهولاء فهم ذاهبون
سيذهب هذا الجيل بانقاذه وياتى جيل صلاح الدين
من هنا من وسط الغلابة والتعابه
لا من الفنادق الخمسة والقصور الخلابة
لا تبكى على حاضر ذاهب وانتظر فجر قادم
المنصورى تقبل منى تلك الشمعة التى انرتها رغم ظلمة المكان وحشته
ولكن يبقى الامل فى الله وحده ان يبدل حال السودان الى الاحسن
ولك حبى ومودتى

	المشاركة الأصلية كتبت بواسطة أماسي يا لطيف ,, ألهم ألطف بعبادك الصالحين ,, وبعدين ألهم ,, قول لي جبرائيل ,, أقيف شويــّة ,, جناحك ما خمج ,, صحيح خسفت بي قوم لوط ,, لكن ,, السحاقيات ديل من بنات بلدي ,, أمسك عليك ريشك ,, أصبح نصف البلد ,, مخنثون ,, ونصف البلد ,, سحاقيات ,, ونصف البلد ,, معتوهون ,, ونصف البلد ,, فقراء ,, ونصف البلد ,, مافي ,, ونصف مال البلد ,, عند جماعة الأقطان ,, والأخوان ,, في الأوقاف ,, ونصف البلد ,, مليان رعاف ,, ونصف البلد ,, جاف ,, دة كم نصف ,, هل نصف الكوب فارغ ,, أم نصفه مليان ,, في هذا البلد ,, ــــــــــــــــــ تـُبتا لله ,, ـــــــــــــــــ أماســــي :- يا أماسي بالله عليك ما تعزز مصيبتنا كتبت هذا البوست وخائف من حقيقته والله خائف ..... انصافك زادت أزمتنا بنهرب من واقعنا ،،،،، نعمل شنو ؟؟؟ أرح نرمي لينا حجر أمكن ينصلح الحال مش الدسوقي قال : ليه بنهرب من مصيرنا ونقضى ايامنا فْـ عذاب ليه تقول لى انتهينا ونحن فى عز الشباب نحن فى الأيام بقينا قصة ما بتعرف نهاية ابتدت ريده ومحبه واصبحت فى ذاتها غاية كنت تمنحنى السعادة ولى تتفجر عطايا ولما أغرق فى دموعى تبكى من قلبك معايا كنا فى ماضينا قوة قوة تتحدى الصعاب نقطع الليل المخيم ونمشى فى القفر اليباب كنا للناس رمز طيبة وكنا عنوان للشباب وهسى تائهين لينا مدة نجرى من خلف السراب تأنى ما تقول إنتهينا تنهى جيل ينظر الينا بانى أماله وطموحه ومعتمد أبداً علينا نحن قلب الدنيا ديه ونحن عز الدنيا بينا تانى ما تقول إنتهينا نحن يا دوب إبتدينا بس ياريتو الجيل لو ينظر إلينا !!!! تشكرات يا حبيب .

	المشاركة الأصلية كتبت بواسطة امين 1967 الاخ محمد المنصورى لك حق ان تياس من شمس ابت تطلع ومن شارع ضاق وجبن ان يطلع ومن دموع سالت وسقت اطفال رضع ومن بلد قروضها ربه فاربت ولكن يبقى الامل حمامات تحلق فى فضائنا الارحب ود المنصورى نامل ان يكون الفرج قريبا فشعبنا طيب رغم قساوة المحن ولا تهتم بهولاء وهولاء فهم ذاهبون سيذهب هذا الجيل بانقاذه وياتى جيل صلاح الدين من هنا من وسط الغلابة والتعابه لا من الفنادق الخمسة والقصور الخلابة لا تبكى على حاضر ذاهب وانتظر فجر قادم المنصورى تقبل منى تلك الشمعة التى انرتها رغم ظلمة المكان وحشته ولكن يبقى الامل فى الله وحده ان يبدل حال السودان الى الاحسن ولك حبى ومودتى أمين يا حبيب آسعفنا عليك الله بحماماتك تعال أوقد شمعة في ليلنا الحالك تعال نغني مع من قال : عشان الصبح ما يروح وعشان الحزن ما يجرح .... تعال عشان القابضين علي الجمرة وعشان النايمين بدون تمرة تعال عشان وطن واحد ووطن شاسع وطن واسع .... لا محزون ولا مهموم لا مسجون ولا محموم ****************************** نؤمن آمرنا بيد الله وإن قلم الظلم مبتور ومكسور تقبل تحيتي ......