يا بت ملوك النيل

يا بت ملوك النيل يا أخت البدور

مين لى علاك ينيل فى البدور والحضور



الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غضنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور

أخي امين الابداع عنوانك بجد

مهداه بعد اذنك للعزيز الطيب ابوكرنة

التحايا النواضر
لك أخي أبوعمر
وعبرك
لأخي أبوكرنة

	صباح جميل فى حضرة العم سيد عبد العزيز والحبيب الكابلى وإهتمام رائع من الفنان حبيبنا أمين ومن الذواق صاحب الخُلق الأصيل الصديق أبوعمر وتحريك لمشاعر أصابها خمول والتحية للإستاذة سبنَا علها تأتى هنا لأنها من ربات الجمال الماجدات بت ملوك النيل من الغزل النبيل ودائماً أنادى بها بنت عمى شقيقة زوجتى الجبرة فيك بتخيل محمية الحمى الما حام حداكِ دخيل ما كان أبوكى بخيل بت عز الرجال أهل الدروع والخيل شكراً لكم جميعاً لهذه الذكرى والغزل النبيل مودتى

المشاركة الأصلية كتبت بواسطة الطيب ابوكرنة

لكما أيها البلبلان
تحايا المودة والحب الدفين لذكريات
قد خلت في زمنٍ جميلٍ
أبوعمر وأبوكرنة
سلمتما من كل شرٍ وبلاءٍ