من دفتر تسنيم (ابنتي)

حين ذهابها للمشاركة في مهرجان ابداعات الطلاب في بورسودان مع الصندوق القومي
كتبت

مالو الكلام ما باقي لي
وانا يوما كنت علي سفر
مالو الكلام باقيلي ني
فايتاهو ابوي انا والسهر
مالو الكلام الليلة حي
وتلاتة يوم باقيات شهر
يا أختي هوي خليهو بالك للولاد
لي يمة واديها الدوا
في كل يوم عند المعاد
يا اختي صوتك ينخفض
لا تعلي لا تبقيهو حاد
يا يمة بوصيك الصبر
ما جرا زول يوم للفساد
عارفاك ما حمل الفراق
لي زولة زيك نسختك
عارفاها نفسي بلاك سدى
من دون كلامك وطلتك
كيفن افوتك بي وراي
محتاجة يمة لدعوتك
يا يمة قبال الوداع
اديني حضنك ولمستك
لمسة حنانك
وتوب رضاك
خليني اكفكف دمعتك
وآخر كلامي بقولو ليك
محتاجة يمة لبسمتك
يا يابا يا يابا جد بتخاف علي
كيفنكم يا ناس بعاد
تضرب تحاول تتصل
كيفن امس كان الرقاد
كيف الفطور
كيف نمتي
كيف اصبحتي
عاد يا بنية يا بنية كيف الجو هناك
كيفن ظروف تلك البلاد