راكوبة المجادعات

ابوامجد..
الزول الرزين صاحب الكرم والجود
فى العِرفه والفهم والله فُت حدود
شان خاطر كلامك اكسرا كل السدود
برسل ليك تحيه وأغلى انواع الورود
..

تسلم لي دوم صاحب الكلام الزين
راكوبه مجيهه محروسه من العين
ابوهمام أخوي بطراك فى كل حين
أفتش ليك واكوس والذيك القاو وين
’’

الشوق الكتير ومافي القليب ياســـــــادة!!!
دشدش للعظام وشعلل نار الغرام وقــادة
السبب البخلي العين تخاوي ســـــــــــهادة
شوق الشوق وريد الريد لناساً دوام فقادة

يا ود القوز حلات راكوبتك السمحه
نورت بي رجعتك وعادت الفرحه
أدينا من الكلام الوان ومن الحروف لمحه
تلمن كُلنا الراكوبه وتبقى قلوبنا مُنشرحه
..

المشاركة الأصلية كتبت بواسطة تسابيح

تسلم لي دوم صاحب الكلام الزين
راكوبه مجيهه محروسه من العين
ابوهمام أخوي بطراك فى كل حين
أفتش ليك واكوس والذيك القاو وين
’’

محروسة راكوبتنا طالما الزيك فيها أمين
و ات كلامك يوت ما قريناهو حنين
انسي للمواجع و كل لحظات الأنين
و الزيي افتش في الدروب كان يلقالو معين

إشتقنا لي الراكوبه واللمات
الجبنه ام عِرق مشتهيه للونسات
أبو همام أخوي فاقداك فى الجدعات
تجادع لي كلام وتديني كم نضمات
ودالقوز جفيت راكوبتك ام شعبات
نحرس ليك مكانا ونرجاك بالعرضات
::

[quote=تسابيح;271359]

إشتقنا لي الراكوبه واللمات
الجبنه ام عِرق مشتهيه للونسات
أبو همام أخوي فاقداك فى الجدعات
تجادع لي كلام وتديني كم نضمات
ودالقوز جفيت راكوبتك ام شعبات
نحرس ليك مكانا ونرجاك بالعرضات
::

[/quote


مشتاقين نحن لي الراكوبة و القعدة و لمة الجبنات
تسويها في الخلق تسابيح أم كلاما فاق الجدعات
و يوت ما تقابل بشوشة و ست لكل البسمات
تشتاق لك العافية و دوم تغشاك كا البركات

سلام عروب أهل الكرم و الحارة
تمسكو الناس الفي الدروب مارة
مشتاقين دوام و للجبنة أم قلوة حارة
تجيب للبعيد و تلم النويس البلفريق فارة

أبوهمام فوقك بقولوا كلام ..
خاتاك للزمن دايراك سُترة حال..
وكتين اجيك دايراك تكون قِدام..
تسأل عن أحوالي لو الزمن بي مال..
عارفاك ود أصول وجنى الوز بكون عوام..
تفقد للقريب ولى فاطمه إنت الخال..
والبحتاج مدد تلفاو سريع قوام..
فى سوح المنتدى قلمك صال وجال..
فيك حُسن الصِفات ما ياك الكسول نوام..
حاشاك العداوه ومن العيوب صوام..
بفتش ليك دوام وشيك طلة فال..
مشتهيه الحديث وجلساتنا تبقى مُرام..
..........................
يلا يا أبوهمام
ورينا المجادعه طولنا بلحيل
وإشتقنا للهرجه
،،،،

المشاركة الأصلية كتبت بواسطة تسابيح

أبوهمام فوقك بقولوا كلام ..
خاتاك للزمن دايراك سُترة حال..
وكتين اجيك دايراك تكون قِدام..
تسأل عن أحوالي لو الزمن بي مال..
عارفاك ود أصول وجنى الوز بكون عوام..
تفقد للقريب ولى فاطمه إنت الخال..
والبحتاج مدد تلفاو سريع قوام..
فى سوح المنتدى قلمك صال وجال..
فيك حُسن الصِفات ما ياك الكسول نوام..
حاشاك العداوه ومن العيوب صوام..
بفتش ليك دوام وشيك طلة فال..
مشتهيه الحديث وجلساتنا تبقى مُرام..
..........................
يلا يا أبوهمام
ورينا المجادعه طولنا بلحيل
وإشتقنا للهرجه
،،،،

مرحب حبابك البي النضم فايتانا
أنا ماني البقولو جاء بعدين ورانا
قدام دوام تلقيني في كل البي حوانا
قولي النم في الراكوبة أصلك بالنضم مالكانا

سنوات عديدة انا والمنام في جفوُة0
مشتاق للديار اهليِ العزاز والصفوة0
انا الخلاني أعد نجومو من غير سهوة0
تاقت نفسي للشاي اللذيذ والقهوة

يازول الجلسه والراكوبه دايرنك تشيل الشيله
نحسب ليك فى الايام ونرجى الطله فى كل ليله
وين الجبنه وين القعده والونسه وينا لمة العيله
شوف الراكوبه كيفا حزينه وغيابك كمل الحيله
ما بنقبل ترجع لينا إلا بجدعه راقيه جميله
................
فاقدنك يا ودالقوز
!!!

وينك يا ابوهمام ...
.........
بدور نقعد وفى الراكوبه نتلمه
تجادعنا الكلام بالشوله والضمه
بي جبنتنا نتكيف من البكري لي التلوه
نشارك فى الحديث ونقول حكاوينا تصير غنوه
نداعب للخيال خاطر نتوشح الكلام هِدمه
سمح الهمبريب الغاشي وضل الضحوه ذي ضروه
تكون راكوبه عمرانه ريحة الجبنه والقلوه
نترجاهو ود القوزيطل علينا ذي نسمه
يلقى الدار محروسه دوام مرفوعه فى القمه
،،،،،،،،،،،،،

يا الراكوبة مالك الليلة مديتي لي أحزانك
و مالك يا الغالية فاضية وين كتير زوارك
وين الجبنة خلي الناس تعمّر دارك
و ما يلقو من الزحمة قعاد الا في حجّارك

فاقدكم أنا و في الراكوبة ديما قعادي
منتظر الرفقة الجميلة و ليها بنادي
و بعد الغياب نتلاقا و نمد الأيادي
و كان تب ما جيتوبرجاكم وأشغل الرادي

وين آ راكوبه ناسك حتى لو زايرين
بدور الجلسه عندك وليك دوام راجعين
الجبنه ام هلال بكريها للغاشيين
وتنيها انشرب من ناسك القاعدين
راكوبة الهنا كل البجوك سالمين
وفى ضراك جالسين
وهادى القعده للجايينا منتظرين
= ...=

الزيّك يا تسابيح ما بجي زائر الراكوبة
انت الدوم خاتنك فارسا للحوبة
و انتي الفيك رجانا يا القمر بوبة
يا الفيك النضم قال للمعازير توبة

يا الراكوبه ديار طيبين
نجيك بالفرحه دوام غاشيين
ونسال عن ناسك فاقدين
الكانوا بجونا ديارن وين
وين الشعله ابوعمر سيد العارفين
و ابوامجد الطبعو رزين
وياسر تمساح زولنا الفطين
ود الحصاحيصا وليك راجيين
وين زوارك وعنك سائلين
يسلم لينا ابوهمام ..
حارس الدار عليها امين
تعجبني حروفو وماليه العين
--..--

ناس الراكوبة وين ما باينين
شاغلاكم الدنيا و مختفين من العين
مشتاقين لي حديثكم و نمكم الزين
حتي سبوحة غايبة التقول ليها سنين

رجعت وانا قدر الشيله وقدر الكلمه
وامانه اشيل العهد واوفي الذِمه
ومن الراكوبه كيف اغيب وانسى اللمه
اجيكم وكلى فرحه وشوق واسوق النّمه
عشانكم تسرع الخطوات وتذيد الهِمه
اجيكم سايقه احلى حروف جميله وناعمه ذى رنه
ارسم الكلمات والحن صوتا ذى غنوه
وكيف الدنيا من دونكم تكون حلوه
وحلات الجلسه يا بوهمام وسطكم تكون مُنيه
.......

كم افتقد وجودي هاهنا
؟؟؟...!!!

وكم افتقد نبض حرفكم هنا ...

لو عارفه يا الراكوبه كيف إشتقت ليك..
إشتقت لى اهلك وناسك
حتى الشِعب الفى اساسك
والحصير والقنا الباقي طرحه وغطى راسك
وين الفى ضراك متونسين هجروك لمن جف كاسك
..
سيد دارنا وينو الغيبتو طالت وبرضو اصبح ليك مجافي
والعزيز الكان بزورنا ابوهمام الطبعو راسي
ما إنتي ست الساحه اصلك وريدي ليك اصبح خرافي
صابتن عين الحاسدين وللحجاب بركت شيخ نظيرو مافي
الملم الخطوات واجيك وليك اهرول واسعى حافي
جاياك يا جلسة محنة وليك تندثر القوافي
,,,,,

سلام أهل الحرف و النم
سلام يحمل لكم أحبابي من الشوق كم
و أول ما زرت الراكوبة شان فيها أنجّم
و فاقد فيها ناس لي عزاز لا خال لي فيها و لا عم
بس بي كلامهم بسعد و بنسي كل الهم

يا الراكوبة من سجع الحروف غيبتنا عنك طالت
مهما طال غيابى أفكاري صالت و جالت
هموم الدنيا شغلتنا منعتنا عنك حالت
فى عز الخريف وقت المطيره الشالت
طريت جدع الكلام والجلسة القديمة الكانت
"
حليل القعده فيك وقتين أجقلب حافى
ابوهمام الأصيل سيد الكلام وقوافى
فوق ضُل الضحى ونسيم عليلن وصافى
مهما فيكى أقول ما بتبلغك أوصافي
"
ود القوز أخوى متين تجود بمعادك
هجرت الديار راجينو ترحابك
يا راكوبة الهنا جافوك أصحابك
ياربي الكريم إصطفوا زوارك وذيدوا أحبابك
.. ..

الليلة دون الأيام جاني الخبر الصافي
طل القمر أضاء للكون كل المرافي
ناس دوت نت كمان من زمان متعافي
تاريه الكلام للكل سعادة و فرح متنافي

نايرات الخدود ذايدات ديمه وسامه
غار السيسبان من وصفهن والبانه
ذايدات فى الحلا رقه جمال و وسامه
كاحلات العيون والوجنه باقيه علامه

‘‘‘×ב‘‘

المشاركة الأصلية كتبت بواسطة تسابيح

نايرات الخدود ذايدات ديمه وسامه
غار السيسبان من وصفهن والبانه
ذايدات فى الحلا رقه جمال و وسامه
كاحلات العيون والوجنه باقيه علامه

‘‘‘×ב‘‘

و فوكن كلهن في النضم مزيون ديمة كلامه
و كان للجمال باقيالن في المكاييل ميزانه
لا بشبهوك بي واحدة و لا بقولو زي علانه
انتي الفي راكوبتنا باقيالنا ديمة نسامه

ما شفتا يا مزيون الخمجانه فى ديارا
ملكة متوجه من نور الشمس تتضارا
مفدوعة قوام ودر عمرنا سبانا
رمش العين كحيل من نظرتن هالكانا
،،،××،،،

القمر السطع حولو هالة نور
بي توب العفاف مزيون دوام مستور
حاجبنو من العين بين ستور وخدور
مناي القاهو يوم ولى ديارو ازور
،،