التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
05-17-2014, 05:15 AM | #31 | |
|
اقتباس:
يا سيدي لم تكن عبقري زمانك او فلتة من فلتات. الدهر التي لا تتكرر او ان قلمك قد سبق( الصغار. والقدرو) . لاحشد لك الاخرين. لكني ابراء بقلمي ان اقارع من يتعالى على الاخرين فانها صفات الجهلا . اسال. الله ان لا يجعلنا منهم و يؤسفني ان يخاطب (صغارنا) كبارنا بهذا الاسلوب اتمنى ان لا تحشر نفسك في نفق مظلم.لتستعرض حماقاتك هكذا في العلن فان الادب خصلة للاكارم وليس الشرف سيدي بان يخاطب الشخص في. صحاف الولاة لكن الشرف في ان. نكون بجانب حدده لنا. نبي الله صلى الله عليه وسلم إذ. قال ليس منا من لا يرحم صغيرنا ويؤقر كبيرنا احمد الله انك اكتفيت. بهذا القدر فقط علنا نجد لك عذرا فقد امرنا رسولنا بذلك تسلم |
|
|
05-18-2014, 12:30 PM | #32 | |
بيتحقق |
اقتباس:
تحياتى
فاضلى الطيب عبدو قلتها قبل اليوم و لن تفتر عزيمتى فى تكرراها ... لا انظر لمن يكتب بقدر ما يهمنى ما يُكتب قمت انت بكتابة مكتوباً و اضحاً لا لبس فيه تتحدث انابة عن ابناء الحصاحيصا ورددت عليك بان و جهة نظرى مغايرة لما كتبت و عاتبتك فى انى لم افوض احداً للحديث انابة عنى ... و على حسب علمى كاحد اعضاء المنتدى يحق لى الرد و المداخلة فى مواضيعه ناهيك عن رسالة يتحدث صاحبها انابة عنى دون تفويض ... ثانياً لا اجد سببااً و احداً يجعلك تحمل كل هذا الغبن ... لديك و جهة نظر طرحتها او رسالة خالفتك فيها الراى ... اما ان تكون و جهة نظرى مقنعة لك او تقارعنى بالحجة التى ارأها قد فارقتك ... بما انى التزم بمبداء الاحترام لنفسى قبل الاخرين ... ثالثاً لا يهمنى من تكون او كم عمرك عندما تكتب لى عن شأن عام يهمنى و يهم بلدى و محليتى و من ثم مدينتى ... رابعاً يا فاضلى و انت صاحب الحظ الاوفر علماً و فهما ان لم تتعلم النزول الى البسطاء من امثالى صدقنى لا داعى لان تكتب مثل هذه الرسائل لانه حينها لن يكون بينك و بين المكتوب اليه فرق ...!! خامساً تقبل فائق احترامى لشخصك و تقبل كل حرفٍ كتبته فى هذا البوست معبراً عن وجهة نظرى التى اراها ... و بالضرورة ان كتبت اى ملاحظة تجاهها ستجد عندى الرد لما اكتب و لن تجد منى غير رد على حرف كتبته هنا ... امتنانى |
|
|
05-18-2014, 05:08 PM | #33 | |
|
اقتباس:
لكن خلينا كدي في موضوعنا ...... ياسر انا قناعاتي انت عارفا من بدري وبعتقد يا سيدي انو النظام ( بكل عيبو الانت بتعارضا دي ) مكون من عدد من السودانيين والسودانيات ليهم الحق في تولي المناصب وفق الدستور . تعاطيهم ( اقصد المسؤلين طبعا ) مع المنصب يفترض انو يخضع لرقابة ضمائرهم في الاول ومراقبة الله في تصرفاتهم و تعاملهم مع المواطنين... ربما انت كمعارض مختلف معاهم في اسلوب إدارتهم للحكم لكن ممكن تكون ما مختلف معاهم في حقهم الدستوري في حكم البلاد لانو الاداك الحق في المعارضه بديهو الحق في الحكم وكمان معارضتك في اسلوبك للاداره لو انت اتوليت الحكم . .لكن في معارضين مختلفين معاهم في ( قسمة السلطه والثروه ) وانا قناعاتي باني ممكن اقيف مع النظام واعاونو في انزال البرامج الاصلاحيه و الخدميه لارض الواقع علشان تستفيد منها الحصاحيصا و مواطنيها بغض النظر عن منو الحاكمني او منو سوى شنو .. وانت وغيرك من الشباب بابتعادكم و التزامكم جانب الضد خليتو فرقه الفرقه دي يا حبيب ممكن يملاها واحد من النفعنجيه والارزقيه و المفسدين . وده لو حصل تقعد في مكانك تولول وتكورك وتتباكى وانت السبب الرئيسي في وضعوا في المكان ده . لانو مافيي فراغ وده ناموس الكون ( لا فراغ ) .. الليله لو قعدتا براك وختيت الرحمن في قلبك يا إبني بتعرف انا كلامي ده صحيح .. والرسائل البوجها دي انابة عن ناس الحصاحيصا سبقوني عليها ناس المعارضه وبقوا يتكلموا عننا انا واولادي والعائله ( بقصد بيت عبد القادر تاج الدين ) عشان ما تجي تنط لي ....!ما شكينا ليهم ولا وكلناهم عشان اتكلموا انابة عننا . هم بوجهوا رسائل سالبه وانا بوجه رسائل ايجابيه انا بطالب بخدمات بطالب بحكم راشد وعادل بطالب باشياء بالحسنى وانت بتطالب بنفس الاشياء بالاكراه . إذن انحنا بنختلف ياسيدي في الاسلوب فقط اها قلتا شنو ؟ |
|
|
05-19-2014, 04:41 AM | #34 |
بيتحقق |
إلا انت الما بتجيب سيرة القيامة اليومين ديل . سؤال أول انت ليه بتشخصن المسألة مع انك متصدى لشأن عام ...؟ لكن خلينا كدي في موضوعنا ...... من زمااااااااااان لو خليتنا فى موضوعنا و قعدت تدافع عن افكارك و تاطر ليها و تجتهد فى انك تلقى ليها مناصرين كان افضل من الشوت بره الشبكة ... ياسر انا قناعاتي انت عارفا قناعاتك العارفها حاجة و انى اتناول المكتوب قدامى حاجة تانية ... من بدري وبعتقد يا سيدي انو النظام ( بكل عيبو الانت بتعارضا دي ) مكون من عدد من السودانيين والسودانيات ليهم الحق في تولي المناصب وفق الدستور . القال ليك منو انا معارض للنظام ...؟ و الاداك الحق منو تصنفنى معارض ...!! و ده ياتو دستور البتتكلم عنو ... فى الدستور يا فاضلى الوالى يأتى بالانتخاب و لا يقال الا بطرق محدده وواضحة .. هل طبق الدستور ...؟؟ تعاطيهم ( اقصد المسؤلين طبعا ) مع المنصب يفترض انو يخضع لرقابة ضمائرهم في الاول ومراقبة الله في تصرفاتهم و تعاملهم مع المواطنين... (و اللذين نسوا الله فانساءهم انفسهم) ربما انت كمعارض مختلف معاهم في اسلوب إدارتهم للحكم لكن ممكن تكون ما مختلف معاهم في حقهم الدستوري في حكم البلاد لانو الاداك الحق في المعارضه بديهو الحق في الحكم وكمان معارضتك في اسلوبك للاداره لو انت اتوليت الحكم . بتعزف على وتر انى معارض دى شديد ... هنا تحديداً ما شايف حق دستورى شايف حق منحه الرئيس لهم دون سلطة لان السلطة الوحيدة التى تمنح الرئيس حق تعيين ولاة هى الطوارئ و لا طوارئ فى الجزيرة ... .لكن في معارضين مختلفين معاهم في ( قسمة السلطه والثروه ) يعنى دعنا نخوض مع الخايضين ... ما بعنينى فى الامر كتير ... خاصة لما الحديث يكون عن محلية الحصاحيصا و حاضرتها أم المدائن وانا قناعاتي باني ممكن اقيف مع النظام واعاونو في انزال البرامج الاصلاحيه و الخدميه لارض الواقع علشان تستفيد منها الحصاحيصا و مواطنيها بغض النظر عن منو الحاكمني او منو سوى شنو .. قناعاتك احترمها و لكنى لست ملزماً بها ... فما تراه صحيحاً ارأه تملق و تستر ... وانت وغيرك من الشباب بابتعادكم و التزامكم جانب الضد خليتو فرقه الفرقه دي يا حبيب ممكن يملاها واحد من النفعنجيه والارزقيه و المفسدين . وده لو حصل تقعد في مكانك تولول وتكورك وتتباكى وانت السبب الرئيسي في وضعوا في المكان ده . لانو مافيي فراغ وده ناموس الكون ( لا فراغ ) .. يعنى انت شايف نحن لو جينا و قفنا وراك و اتدثرنا بى قناعاتك دى بنزيحهم ... و بنحل محلهم ... معذرة سمعت بى زول نفخ قربة مقدودة الليله لو قعدتا براك وختيت الرحمن في قلبك يا إبني بتعرف انا كلامي ده صحيح .. نصيحة و قيم اجهاد الى الوصول لحقيقتها منذ اكثر من 12 سنة صدقنى لم اصل ... والرسائل البوجها دي انابة عن ناس الحصاحيصا سبقوني عليها ناس المعارضه وبقوا يتكلموا عننا انا واولادي والعائله ( بقصد بيت عبد القادر تاج الدين ) عشان ما تجي تنط لي ....! طيب انت من الاول ما كان تكتب انابة عن ابناء و بيت عبد القادر تاج الدين ... ما شكينا ليهم ولا وكلناهم عشان اتكلموا انابة عننا . اذا ما انت اتحدثت انابة عنى ما كان الكلام جاب كلام ... و كان النقاش اخد منحى أخر ... هم بوجهوا رسائل سالبه وانا بوجه رسائل ايجابيه انا بطالب بخدمات بطالب بحكم راشد وعادل بطالب باشياء بالحسنى وانت بتطالب بنفس الاشياء بالاكراه . إذن انحنا بنختلف ياسيدي في الاسلوب فقط انت بتوجه فى رسائل مضيعة و قت ساكت حتى الاسفير بكون امتعض من الرسالة شكلاً و مضموناً ... لان مضمون رسالتك يسير عكس التيار ... اها قلتا شنو ؟ قلت ليك ... من المفترض ان تعيد النظر فى كيفية ايصال قناعاتك لتصبح و اقعاً ... ما دمت تعترف بان هناك معارضين ... و لا تزج بنا فى امر تعرف مسبقاً انه يخالف قناعاتنا ...؟ تانى حاجة قلت ان المعارضة تتحدث انابة عن بيتكم ... دى فسرها لى ...!! حاجة أخيرة ترجل فصدقنى لن تصلح ... هم يتحللون و يتزاحمون نحو بوابات الخروج ... و انت تزاحم للدخول لا محالة ستدهس ... حاجة بعد الأخيرة حاول لملم فوارغ الزخيرة الطايشة الاطلقتها فوق دى ... امتنانى |
|
05-19-2014, 05:34 AM | #35 | ||
|
العزيز الطيب
حسب وجهة نظرى انت بتلعب فى الزمن الضائع وتحاول جاهدا صنع هدف لفريق مهزوم 6/صفر فريق كمل كل الخطط (القاطعة من راسو) وكمل التبديلات السمح بيها القانون وكمان بقى يبدل زى ماداير والحال فى حالو!!! ياحبيب الإنقاذ ماقدمت ما يشفع ليها عشان ندافع عنها،صدقنى المشروع الحضارى الإنت بتتكلم عنو ده وهمة كبيرة(مع احترامى ليك) اقتباس:
اقتباس:
بعدين المعتمدين ديل جوا الليلة ولا امس عشان ينزلوا المشروع الحضارى ده لى ارض الواقع بعونكم؟المشروع الحضارى ده لو نازل من السماء كان وصل!!! طيب كدى خلينا نمسك حاجة حاجة واعتبرنا مافاهمين اى حاجة واعتبر تمساح ده ماكان فى يوم من الايام فى خانة اليك الانت واقف فيها اسه دى: اهداف المشروع الحضارى ده شنو؟ وبرامجو شنو؟ واهم وسائل تحقيقو شنو؟ وبداء متين وفترتو الزمنية كم؟ ومنو مرجعية المشروع الحضارى ده؟واسه اراضيو وين؟ وهل النظام الحالى عندو مفكرين ام لا؟ولو عندو ياريت تسميهم لينا؟ عشان مانكون مسطحين ساى ونتناقش نقاش موضوعى.. |
||
جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا
التعديل الأخير تم بواسطة ود الحصاحيصا ; 05-19-2014 الساعة 06:12 AM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
.breaking news تشكيل حكومة ولاية الجزيره | الشايقي | «۩۞۩-منتدى الحصاحيصا الحر-۩۞۩» | 12 | 05-14-2014 09:48 AM |
صورة و خبر وتعليق:والى الجزيره ومعتمد الحصاحيصا..من اللاندكروزر إلى التراكتر مباشرة. | ود الحصاحيصا | «۩۞۩-منتدى الحصاحيصا الحر-۩۞۩» | 13 | 09-12-2013 09:54 AM |
والى الجزيره .... نعم لقد دمرنا المشروع و شردنا 30 الف اسره!!!!! | ابو امجد | «۩۞۩-منتدى الحصاحيصا الحر-۩۞۩» | 9 | 03-18-2013 04:28 PM |
خبر عاجل ( حل حكومة ولاية الجزيره) | الشايقي | «۩۞۩-منتدى الحصاحيصا الحر-۩۞۩» | 6 | 11-22-2011 10:05 AM |
رصاصة غدر ادت الي مقتل لاعب العامل السابق يوسف محمد قبة | محمدجبو الخليفه | «۩۞۩- أحزان الحصاحيصا -۩۞۩» | 12 | 05-15-2011 06:57 AM |