غزل تكنلوجي

"]القليب اصبح مزهلل مالو !؟
hardisk طفش
كم folder لى قعر Recygle Bin دا شد رحالو
اصبح زى عريس نشلوه يوم سد مالو
*********
keyboard شوقى ليك الليلة خط رسالة
فى ال ( word pad) هناك شرح الامور والحالة
جيتك زول نصيح من آخر القلقالة
صديتى ونفرتى ، رجعت بى نقالة
*********
مليون (قيقا بايت) شوقى ليك وزيادة
يابت الاصول (إنتل) مأصلة عادة
ان شاء الله ال بدور يفرقنا ساهى حسادة
تنقدو فى عيونو تزوزى بيهو جدادة
*********
شوقى ليك الليلة فايت حدوا
والرامات تنوح إكسل عجز عن عدو
حسدونا العوازل ولينا جابو وودوا
شاحد الله الكريم ، عينين عدوك ينقدو
*********
password قلبى عندك ومالكة كل اسراروا
تفتحى انت وحدك وتستبيحى جوارو
فيك احترت زى ما القبلى فيك احتارو
يالبشتنتى حالو .. ويا الخربتى عمارو
overload شديد انا قلبى واقع فيهو
جمرو البق نار ، ورونى مين بطفيهو
لا refresh نفع لا فرمته بتشفيهو
من شر الهكر ،، رب العباد يحميهو
*********
قلبى اصابو فايروس هجرك اصبح دافى
حمى وهضربات خلتنى امرق حافى
فى الشارع ابردب ،، انوح اقول ياكافى
fixplast تعال ،، وانجدنى يا Mcafee

كتبها المتنرفز الزهجى
[/COLOR][/SIZE][/CENTER]

شكلو يا ميمونة البتغزل ده مهندس كمبيوتر

يسلمو ميمونة علي الغزل التكنولوجي

تقبلي مروري

تحية مسائية

غزل بالطريقة الصاح لم مأرشف تسلمي كتير اخت ميمونة

Hanoya سعدت جدا بوجدك فى هذا البوست لك مني الشكر والعرفان

الاخ عارف مصطفى شاكرين مروركم الكريم

غزلياتُ التكنلوجيا فاقت الوصف
^_^ ابتسامةٌ ,,, وشكرٌ لهذا البوست الجميل ...

تحياتي ميمونة

المشاركة الأصلية كتبت بواسطة رمادُ حرف

غزلياتُ التكنلوجيا فاقت الوصف
^_^ ابتسامةٌ ,,, وشكرٌ لهذا البوست الجميل ...

تحياتي ميمونة

سعدت بوجودكم فى هذا البوست لكم مني التحية والتجلة