ترحيب بالشاعر خطاب حسن احمد...وح تجى البت الحديقة..

*حتجي البت الحديقة
*فاردة انسام في طريقه
*وشاتلة ألوان
*حتجي البحدث
بريقه*ضجة الضو
في*المكان
خطاب حسن احمد قامة من قامات بلادى الأدبية
وشاعر من افذاذ الشعراء السودانين
له بصمته الخاصه ولونيته المتفردة فى إنتقاء المفردات والتعابير
تغنى له كبار الفنانين السودانيين
وهو صاحب رائعة الراحل المقيم مصطفى سيد احمد
أغنيةالبنت الحديقة
وكتب له ايضا ذلك النص المتفرد
* الوجد الملح:
جلبت ليك من بلادالله البعيدة
صنوف من الوجد .. المُلِح
ْقلت ألقاك بالسّمح
...
*ايضا تغنى له الفنان العملاق
ابو عركى البخيت..ومن اجمل ماتغنى به ورسخ فى اذهان الناس
اغنيتى صاحبة فى الزمن الصعب
وأغنية خطوط التماس.
سعداء ان يتشرف منتدانا بعضويته
وايضا نتشرف كثيرا وهو يخصنا بمكتبة اشعاره فى قسم المكتبات.
مرحبا بك استاذ/خطاب بين اهلك ومعجبيك...وحللت اهلا ونزلت سهلا.

مرقتي في دربي المكندك بالغبار
هباني من جيهتك دعاش
ضجن جيوبي من الفرح
ومنهن طار الفراش
نتشرف كثير بوجود عملاق الكلمة الاستاذ خطاب حسن احمد
في داره وبين محبيه ومعجبية

عزيزى ود الحصاحيصا
لك الود
طالعت الاسم بداءً و فركت عينىّ ...
و ايقنت انى على صواب عندما و جدت ترحيبك ...
فافقدتنى صوابى ...
تلعثمت فى الكتابة حيناً ...
فلم أجد غير نبضه لاستعيره مرحباً ...
مرحب بالشاعر العملاق
الاستاذ / خطاب حسن أحمد
كل زاوية
وجع براه
وكل درجة ضو حكاية
والتناقض كرت رابح في الشوارع

و همت هنا ايضاً

منو الاداك اوصافي
أطير في الدارة صقرية
طرب وغيوم
القح بالهواء منافي
وانشر
في حواري النوم
فراشات الضحى البدري
المفتشة عن رحيق خافي


فالمساحات فرحى بهذا الرقم الغالى ...
فهنئاً لنا مقدمه ...
كم نحن سعداء

مرحبتين حباب الشاعر الجميل خطاب حسن احمد

في منتديات الحصاحيصا دوت نت تشرفنا وسعدنا كثيراً

بقدومك اهلاً وسهلاً بك وسط معجبيك ومحبيك ومتابعين

حرفك الرائع

الاستاذ الشاعر خطاب لو لم يكتب غير اغنية ياصاحبة في الزمن الصعب التي تغني بها الاستاذ المبدع ابو عركي البخيت متعهما الله بالصحة والعافية لكفته
له التحية

صاحبة في الزمن الصعب
لمّا لا ترحال يحلك
لا البعاد يقدر يحلك
لا القرب يقدر يدوم
الكلام بصبح مفرّق
الدنيا تشبه لون بعاد
وأبقي أحوج ما أكون
أنا لي حضورك بالجد بدورك
فجأة يشلع فيني نورك
والقاك نبتّي من تراب السكه
سديتي الأُفق
لحاك حلمي الملوّن بهمومي
لما يومك بلقى يومي
وفصل همومك من همومي
نضحك من الواقع سوا
نحن القدرنا علي التعب
حرقتنا ألسنة اللهب
ولسه ماسكين الدّرب
يا صاحبه في الزمن الصعب

مرحبتين وحللت اهلا ونزلت سهلا"

هلا بالقامة السامقة الشاعر المرهف خطاب حسن احمد وهو بلا شك اضافة كبيرة جداً لقامات المنتدى ,,,, مرحباً بك استاذ خطاب وفي لهفة وشوق لمطالعة ابداعاتك ,,,,

ياغاسِل دمَك كُل يومين
شان تعمل يوم فى حقل
الضلمَه
بالكلمه .. اللحن
اللحن .. الكلمه
وفى الصُبحِ حصادَك يغمُرنا
ثمار شمسيه .. كومثرا القلب
لالوب الشعب
نبَق الافراح
تمرات وعِنَب
وللانفاس عطرِصباحي
ايقاع وطرَب
دليب متماوِج والانسام
دوبيت هيمان بي سهل
الروح
تُم تُم مفتون بي سِحرالغَد
مردوم مستوطِن حارات الزول
ومتمكِن جَد




خطاب حسن احمد
القومه ليك
سعدنا كثيراً بمقدمك الميمون
و ستزداد سعادتنا و نحن نطالع
حروفك المموسقه

ومساءاات
ولي هسي شاعرنا الكبير ماوصل
نترقب هطول المطر

المشاركة الأصلية كتبت بواسطة الفقراوى

ومساءاات
ولي هسي شاعرنا الكبير ماوصل
نترقب هطول المطر

هاهاها
شاعرنا قريب ياحبيب
بس فى ترتيبات معينه بنعمل فيها قبل ما يشرفنا
قريبا انشاء الله ح تشوف استاذ خطاب واستاذ القدال ومجموعة من المبدعين فى منتدانا
وح يطلوا من خلال مكتباتهم بقسم المكتبات...
شكرا ياحبيب
وخليك قريب