دنيا غلط ولا نحنا غلط

ياجماعة الراكوبة دى عملوها عشان نقيل فيها من زحمة الشغل والمواضيع الجادة حتى هنا كل الناس دى بتعمل ليك فيها جادة مادايرين جدية هنا بس تعالوا اكتبوا أى حاجة أسى انا جاي من هناك حاسى انوا الدنيا دى فيها حاجة غلط ولا نحنا غلط ولافي حاجة كدا بتعاكسنا هي شنو ماعارفة انا داير اعرف الناس دى كلها كدا في حاجات بتعاكسها ولا انا اكون جاي من كوكب تاني أسى أنا مرات اكون واقف في طابور ولافى بنك وحاسي انو بطيء وقمت غيرته الطابور اللي غيرته فجأة يصير يمشي أسرع من الجيت فيهوا وحصلت معاي كتير لمن بقيت بقيف لو هناك في زول واحد برضو مابمشى بعدين حكاية التلفونات دى ودي بتزعلنى ليك كيف عمرك ما تتصل على رقم غلط ويطلع مشغول وما كدا وبس لا يطلع واحد بس ربك يصبرك لحدى ماتنهى مكالمتك لانك غلطان ويتفشى فيك لمن تقرب تبكى ولو قفلت طوالى تانى يتصل عليك الحاجات دى ياناس بتحصل ليكم واذا كنت شغال فى حاجة ويدينك وسخانات مثلا فى العربية ويديك فيها زيت طوالى تجيك كاروشة يا فى ضهرك يانص راسك التقول القمل دا قالوا ليهو الزول دا يدينوا فيها زيت مص دموا مابقدر يحك وتجيك حكة جمب الخشم وفى النخرة غايتو جسمك كلوا ياكلك لحدى ماتغسل يديك وكان مدسى ليك من زول ولا ماداير زول يشوفك وكل الناس دى تظهر التقول اتصلت عليهم وقلت ليهم انتظروني واحلى حاجة كان مستعجل لي مشوار ضرورى كل حاجة تتعكس عليك اول حاجة ماتلقى مفتاح العربية تلقى المفتاح تنسى الرخصة والعربية مادور وبعد دا كلوا يوقفك المرور هههه قال مستعجل قال نوم عاد والغريبة كان عامل فيها عبقرينوا وفكيت الجوال ولا المسجل يقع منك مسمار وطول يومك تفتش فيهو وفى الآخر تلقى جمبك والعن حاجة مباريات هلال مريخ يطلع ليك شغل الدنيا كلها فى اليوم داك التقول حاتبقى أغني واحد بكرة جنس علل وحاجات بس الواحد مرات يدور يبكى مايعرف بجيكم صاد