|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
 |
|
|
أدوات الموضوع | انواع عرض الموضوع |
|
#1
12-11-2012, 08:15 AM
|
|||||||||
|
|||||||||
شنو لو مات فوراوي؟!!
هذا ما حصدناه من ثقافة الإنقاذ!!! ----------------------------------- شنو لو مات
فوراوي في عيونك كم بيساوي سوط العلقة وتمن الطلقة وضفر الزلمة شهيد غزاوي في عيونك هو الفاجر ويمكن كافر وكلو مساوي شنو لو مات فوراوي ------- شنو لو مات طالب فور أكيد الشارع مش ح يثور ما الماتوا فطيسة وزي أي كديسة تموت في الخور جيفة رخيصة وأكلوها صقور وليه بتقول الدنيا تفور والميت طالب فور ------- نطلع لو مات الشايقي الجعلي اللحوي البطحاني نطلع شان الأول وشان التاني هو الفوراوي ده كان سوداني وخلي الفور يا زولنا تعاني ------- ملعون الحاكم والحراس ملعونة البلد الفارزة الناس ألوان أشكال أجناس ملعون أبوقردة السيسي الحاج الصبحوا مداس ملعونة الأمة المقفولة عقولة بطبلة كمان ترباس .... ... .. . كلمات: حسين شنقراي 
قليل تؤدي شكره... خير من كثير لا تطيقه!!
|
|
12-11-2012, 08:06 PM
|
#2 | |
 
|
ومساءاات
معني كبير جدا ---- مات احساس شعبي ---- حتي صرنا نفرز اخواننا بالعرق والدم لا ولا ولا -- وقفة حزن من زول لايملك غير كلماته شكرا عصمت ----- |
|
|
|
|
12-11-2012, 08:30 PM
|
#3 | |
|
مسكين مواطن دارفور المغلوب على امرو للاسف الشديد الكتل السياسية والحركات المسلحة اعمتهم مصالحهم الضيقة واشعلوا حرب ضاع ضحيته الاف السودانيين
واتشردت الاف الاسر والحاجه دى بلاحظه اى انسان بزور المدن الكبيرة من كوستى للجنينة،كميات من المشردين والمجانين اى والله المجانين اكيد زول فقد عقلو بكون بسبب مصيبة كبيرة،ما بالكم بى زول اهلو بموتوا قدام عينو وما يقدر يعمل حاجه؟ هل يعقل يا اخوانا اجى يوم زول يقول ناس دارفور ماسودانيين؟دى فتنه كبيرة نسأل ربنا يعصمنا منها كلنا ويعود الامن والسلام والاستقرار لاهلنا فى دارفور ويولى من يصلح. |
|
 جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام.. 
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا
|
|
12-12-2012, 08:00 AM
|
#4 | ||
|
اقتباس:
أقليم دارفور هذا الذي غني بإنسانه
أكبر حفظة للقرآن من إقليم دارفور نساء دارفور اللائي يحفظن القرآن أكثر من رجال الخرطوم ثلث صادرات السودان من إقليم دارفور إذا إنسان هذا الأقليم لا يتكفف الناس بل لديه اليد العليا وهو الجدير بالاحترام |
||
|
قليل تؤدي شكره... خير من كثير لا تطيقه!!
|
|
12-12-2012, 08:21 AM
|
#5 | ||
|
اقتباس:
صدقت أخي ود الحصاحيصا
فإنسان دارفور بحق مسكين... في العام 1975 حينما ضرب المحل والجفاف والتصحر هذا الإقليم رحل إنسانها إلى البحث عن لقمة العيش الكريمة ولكن ظروف الحياة دفعت بهم ليكونوا حزام للعاصمة القومية عبر معسكرات المويلح وما تبعها من حياة قاسية. جاء النهب المسلح ليشكل عقبة كؤود في وجه هذا الإقليم المنكوب. بعدها جاءت الحرب الأهلية لتقضي على الأخضر واليابس في تلك البقاع إقليم دارفور عرف بالجودية والمصالحات المحلية... لو استغلت الإنقاذ هذا لما استفحلت القضية. |
||
|
قليل تؤدي شكره... خير من كثير لا تطيقه!!
|
|
12-12-2012, 01:07 PM
|
#6 | |
|
جعلي ودنقلاوي وشايقي ايه فايداني
غير خلقت خلاف خلت اخوي عاداني خلو نبانا يسري على البعيد والداني يكفي النيل ابونا والجنس سوداني |
|
 حصاحيصا ياام المدائن والقرى
من روحى بقريها السلام كل مانسيم الليل سرا
|
|
12-12-2012, 09:31 PM
|
#7 |
|
واحدة من أسوأ افرازات هذه الحيكومة و التي لا يمكن أن تتعالج بالسهل و هي أنها فرقت الناس حسب قبيلتهم و جنسهم و انتهمائهم ، و فرقت بين حتي الأخوان في البيت و هذه النهج هو المقعد الحيكومة دي لأسي و هو نهج فرق تسد .
|
|
|
|
12-14-2012, 09:22 AM
|
#8 | |
|
يعني شنو لو مات فوراوي ؟؟؟
ببساطة 00 يعني موت أمة بحالها وموت شعب وأنين وطن !!! وذبحه من الوريد الى الوريد !!! ومن الماء الى الماء ومن الروح الى الروح !! ويعني ويعني ويعني !!!! يعني ان الوطن لازال معاقاً وأنه ولد بعاهة مستدامة هي عاهة العنصرية البغيضة !!!! الطالب أيا كان لونه ودينه وجنسه وقبيلته وإنتماؤه فهو من هذا التراب من رحم الوطن ومن أنفاسه ومن عبقه وجذوره وارثه وتاريخه التليد !!! فلماذا نحن ننزف دماً كل يوم ؟؟؟ ولماذا تأتي رصاصات طائشة وغادرة في كل المواسم ؟؟؟ لماذا لاننزف { عرقاً } لنزيد به خصوبة الوطن ولماذا لاننزف رحيقاً لنغير رائحة الوطن ولماذا لانشتري بثمن هذه الرصاصات سنابل من القمح حتى تتحول يوما ما الى ملائيين السنابل وتقهر الجوع والفقر والبؤس في وطني !!!! ياليت لو تتحول كل الغام الحقد الى شتلات !!! شتلات تنمو على حواف القلوب !! فالقلوب الخضراء تعيش مدة أطول !! |
|
|
لنغني جميعاً أغنية للوطن بعنوان { أحب السودان }
|
|
12-15-2012, 09:59 AM
|
#9 | |
|
فوراوي..؟
في عُرف حكومة المؤتمر الوطني (يعني شنوا) لو مات السودان كلوا و بقي صحابة و حكماء و منظري الإنقاذ..!! فليمت الوطن و تحيا الإنقاذ.. هكذا يعتقدون..!! |
|
|
|
|
12-17-2012, 05:33 AM
|
#10 | |
|
دايرين وطن صافى
لا فيهو قبلية لا فيهو جهوية زرقة و عرب مافى وطنا هو السودان واصلو السبب كافى اولاد بنات دارفور ما دمهم موية ولا كان فى يوم مهدور لما الصباح يطلع و شمس الحقيقة تدور نعرف نجيب تارنا و شيهدنا مات مغدور فجر الخلاص قرب خطواتنا دغرية علو الهتاف يا شباب ماتناضلو بالنية أطلع و ناضل و كون لسة الوطن راجيك و شارعنا ما بيخون اطلع و ناضل و كون صوت الوطن ناداك كل الوطن ممكون علو الهتاف يا شباب لازم نعيش و نكون علو الهتاف يا شباب لازم نعيش و نكون بكرة الصباح بطلع و جراحنا تتعافا نبنو وطن واحد و قلوبنا تتصافا علو الهتاف يا شباب لازم نعيش و نكون و الثورة لما تقوم و تملا المدن نارها ما بين هتاف و هدير و تعبى ثوارها فى حلفا فى مدنى فى عطبرة و بارا فى كسلا و الخرطوم علو الهتاف يا شباب لازم نعيش و نكون علو الهتاف يا شباب لازم نعيش و نكون سوزان كاشف بدرى 09/12/12 سوزان كاشف لندن |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
|
 |
العرض العادي
