|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
 |
|
|
أدوات الموضوع | انواع عرض الموضوع |
|
#1
05-19-2009, 08:09 AM
|
||||||
|
||||||
روائع الشوايقة..اتفضلوا...
التحية للجميع
أولا: تحية كبيرة لاولاد عمنا الشوايقة خاصة واعضاء المنتدى عامه ازيكم وكيفنكم ان شاء الله كويسين اها يااخونا ندخل فى الموضوع ممكن صدقونى والله انا جد بقدركم تعرفوا ليه لانكم ناس تراثكم رائع اشعاركم جميلة وواقعية والله لمن اسمع شريط من شرائطكم بتكيف كيف ماعادى بحب غناكم جد لانه واقع ملموس من الحقيقة لدرجة الناس متصورنى شايقية الله عليكم رغم كل مايقال عنكم فانتم روعة فى التراث وهذا اهم شى يلا ندخل فى لب الموضوع وعشان انتم عزيزين على عندى طلب بسيط منكم ممكن ولو ماممكن مافى مشكلة براحتكم اها طلبى يااولاد عمى عاوزه اى شايقى او شايقية وهو داخل يكتب لى اغنية من اغانيكم الحلوة ممكن واتمنى ان اجمع كمية لا باس بها منكم متمنية احفظ كل ماهو جميل منكم تراثثكم الراقى وجميل دمتم لى ولكم شكرى وتقديرى فى رعاية الله اخوتى 
أننا لسنا أسماء فقط.....
ولكننا كتل من الأحاسيس ..تحركها قيم  المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه 
|
|
05-19-2009, 09:04 AM
|
#2 | |
|
كان كدى اربطى التوب فى راسك و خمى وجكنى فى الشوالات وكترى من اللقاطين باقى السنة سنة تمر
كت بديك القفه اللت السعف تكاورى بيها إلا باقى اضانه إتقطعت |
|
|
ومرة شفت أنا في عيونك شافعا والدنه دابه
شايل السكين يقطع في ضرع أمه البرضع ولما جاع لي لقمة طيبة قام أكل باليل حجابه.
|
|
05-19-2009, 09:09 AM
|
#3 | |
|
مادام هي لا راعت شعورك ولا ضميرة هي استحه انساها والبكا مابيفيد قشقش دموعك وامسحه *** كلمني شن وداك قبيل تفرد مشاعرك تفضحة خليتا حي السوق رياض يانعة وزهورة مفتحة طولت ايدك لي قطوف زهرة وغميصة مسارحة زي ماهي عاشقي الاغتراب برضو انت عاشق ملمحة *** صح كت يامسكين زمان دايما تشكرة تمدحة مابترضى لو كان بالغلط بي كلمة انسان يجرحة ما قتا فوق كل البنات تسرق محاسنة تشرحة كانت عواطف انسان ضعيف ساكت جناحي مجنحة *** انشاء الله منها تتعظ وتكون خطاك تتوشحة كانت حساباتك غلط في القسمة والضرب اتمحة اتأنى في جبر الكسور براحة اجمعة واطرحة واخر شي كان تعرف براك حتى الغرام بقا مصلحة *** بت حوة يا مظلوم بقت للمال عقولة ملقحة يا ريت عقول الناس بعد ما تحب تخش المشرحة يقروا اللي كان مافي القلوب كيف الشرايين تنضحة ويتراجع النطقو اللسان صح ولا زي ضل الضحة *** مغرورة ما دارت سكون بلدا شقاوة ودردحة لا تمشي تنزل بي تحت لا حتا ارضك تنقحة لابوقة لا موية شراب لا واطة ماها مصلحة لا شلت للمحرات سطور لا شتلة ماها مصفحة *** كانت قبيل طمعاني فيك فارس جيوبو متمسحة دايراك يوم جيت للعرس نار الله في الناس تقدحة الشيلة بالشنط الكبار مبطوحة راقدي مبطحة دي الحلي والناس جات تشوف راجين متين تجي تفتحة كان بالة في شهر العسل طول الزمن ما يبرحة تسكن معاك في بيت كبير موكيت وحيطو مسلحة عربيتك الملك الحلال جلد النمر والملفحة بوتوجاز مولع وديب فريزر واب ريموت والمروحة *** تسرق مناها قبل يتم كل المشاعر تجرحة يا جعفر الحياة مدرسة دايما مقررة في الصحة ممكن نعينك في الدروس لو انت غلبك تشرحة واعرف بانو اول درس الزول بياكل الملحة |
|
|
ومرة شفت أنا في عيونك شافعا والدنه دابه
شايل السكين يقطع في ضرع أمه البرضع ولما جاع لي لقمة طيبة قام أكل باليل حجابه.
|
|
05-19-2009, 10:38 AM
|
#5 | |
أبو إسراء
|
ياروعة جهزى كراساتك وأقلامك
شوفي الزمن يايمة ساقنى بعيد خلاص الشاعر السر عثمان الطيب غناء محمد جبارة شوفي الزمن يا يمه ساقني بعيد خلاص در درني واتغربت واتبهدلت وريني الخلاص ساقني القدر منك بعيد لآذيا كاس جرعني كاس ***** يا يمه يا فيض الحنان الما كمل يا يمه يا بدري البشع دايماً يهل يا يمه يا نور الصباح وكتين يطل وآشيري يا زينوبة ولدك في بحور الشوق كتل محروم من الحب والمحنة وراك همل يا يمة يا بحر المودة وكتين يفيض يا يمة يا شعلة أمل زادت وميض ***** يا يمة يا عنقود كلام منظوم قصيد يا يمه يا نغماً حنين بالشوق يرن وأفكاري فيهو بيرتعن … دمعاتي شانو بينزلن بتذكر يا يمه في الدغش النسايمو يهبهبن ****** قايمي الصباح متكفلتي شايلي الحليلي علي المراح والساعة ديك يا دوب ديكنا بدأ الصياح والطير صغاروا يغردن جبتي اللبن بي انشراح ***** واتذكر يا يمه في وكت الهجير صالياك نار الدوكي عستيلنا الفطير رشيتي قلتي أكلوهو خير بتذكر يا يمه يا بسمة الطفل الغرير ***** وكت الخلوق ترقد تنوم وأسهر براي أرعي النجوم والشوق يرف جنحيهو بي فوق لي يحوم وأهتف باسمك في الخيال طيفك كمان بي فوقي جال وأتمني لو لحظات يدوم لكني فجأة ألقاهو زال ***** واتذكر يا يمه ساعة الناس يجونا من البلد ناعم ترابه علي جسيماتن رقد ريحة التمر فوق الهدوم ولون الخضار خانس لبد والشوق أوارو بيشتعل كان ظني فيهو يكون خمد بتذكرك يا يمة والناس قالوا راجعين البلد رصوا الهديمات عدلوا ركبوا اللواري وقبلوا خلونى وحيدى بلا انيس كيف إنفرادى إتحملوا شالوا السلام من عندى ليك وإن شاءالله عندك يوصلو يايمه ساعت يوصلوا ويقولو ليك شفناه فى بلد فى بلد الأمان انبسطى يا نبع الحنان وانا حالى يشهدبوا الزمان يايمه رسلى لى عفوكي ينجينى من جور الزمان |
|
|
|
05-19-2009, 01:33 PM
|
#6 | |
|
الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع *** يا الناسي اللبقة المفتوحة دي بلاك طوريتك ما بتقرع المنجل في راس التمرة ناسيهو وامك ما بتطلع الكتقة وقعت والحملان في اللوبي بقت تجري وترتع والزير الفي بيت الضيفان حرمان لا نزّ ولا نقع *** يا السبت عقابك وروحت وحيات عز بلدك لا تنجع الشتلة تقولك لاتنجع الواطة تقولك لا تنجع الحوض الما رفعت سرابو ينادي يقولك لا تنجع الحبل الما تميت وسيرو يهاتي يقولك لا تنجع والنيل الفي واطاتنا ترع بيقولك ازرع ولا تنجع *** ماك فاكر يوم داير ترحل وابوك الحاج شايلو عصا لا حيلو وقف طقش الابريق اندفق سال فوق المصلاة قام بارى الحيطة واتوكل ويقوم فد مرة ومية يقع ويقولك يا المبروك ارجع *** ارجع ارجع يا زول ارجع غير ارضك عاد ما بتلقى بطاح شن داير في بلدا والناس ما فيهن حاس وما فيها صباح الليل الويل مليان اتراح الويل الليل مليان اتراح بياع بيقول افراح افراح زي البيقول تفاح تفاح *** مجلوبة الفرحة ومفروشة من ضحك الناس دايرين ارباح لو كان في ايدن ملك الكون كان لمّو عبير الزهر الفاح كان علمو نفس الزول العاش في سدر الليل داير يرتاح كان حجزوا الغيم في واطاتو وكان آمسكين باعو الارواح *** وين تلقى الفرحة وتتهنى في دارا ضيقي ومافي براح جم ناسا من عين العطشان تخطف ومضات البرق اللاح *** سايب اهلك ونخلك راحل قول وين ماشي وين آ صاح الشمس النايري ابت تطلع النيل يا زول اصبح رحراح الضل قصر ما غتى رويس ولدا ساكب عرق الكتاح الواطة ابت تديك الخير ولا انت عليك ما هابي رياح *** قولي وين ماشي ووين غاشي ولي شن سايب بلد الصلاح النسمة ان جاتك بتجيك ملياني عبير عند الفياح الموية ان داير تلقاها نقاعا واطيب من الراح ان درت نغيم الموج تلقى وان درت كمان الطير صداح *** ارجع ارجع يا زول ارجع الضحكة هناك من جوة الجوف الفرحة هناك ما فيها الخوف الشقى ارحم في ضل النيم وبعيد من ناسا واقفة صفوف جم ناس حبان تلقى المكسور مشيول في كتاف واحد مكفوف الجن الاحمر فاقد الحيل في خلوة حاج الخير مكتوف دكان الشيخ فوق الواطة كيمان كيمان ما فيهو رفوف |
|
|
ومرة شفت أنا في عيونك شافعا والدنه دابه
شايل السكين يقطع في ضرع أمه البرضع ولما جاع لي لقمة طيبة قام أكل باليل حجابه.
|
|
05-20-2009, 07:29 AM
|
#7 | |
|
|
اقتباس:
يامرحبا باخى الفاضل ابو صديق
والله منور البوست بكلامك الراقى وسمح يديك العافية وفى انتظار كل رائع منك احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
05-20-2009, 07:33 AM
|
#8 |
|
|
[QUOTE=البرنس;67368][color="blue"][size="4"][center]ياروعة جهزى كراساتك وأقلامك
ياهلا ومرحبا باخى الفاضل البرنس
منور البوست وسعيدة بمرورك الثر جاهزه والله بس اول اغنية ضربت الوتر الحساس وحركت الالم بقلبى..عن الام يديك العافية ودوما فى انتظار كل رائع منك احترامى |
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
05-20-2009, 08:05 AM
|
#9 | |
|
|
اقتباس:
التحية لك اخى الفاضل عباس السر
منور البوست والله وشكرا لمداخلتك الرائعه من اولاد الدابى وفى انتظار كل رائع منك احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
05-21-2009, 09:33 AM
|
#11 | |
|
السلام عليكم ورحمة الله وبركاته
اخت روعة ياروعة بعد السلام احب ان اهديك هذه القصيدة ايضاً من التراث الشايقي واتمني ان تنال اعجابك. حليلكم يا أهلنا .. ياحليلها بلدنا ليها الشوق كتلنا .. الدموع بالشوق تكب من يوم رحلنا .. أهو منك يا ظروف عاد كيف زعلنا باقي نحنا نريدة ريدتا من جهلنا .. وكمان هي قليبها رتاي للمتلنا .. الفرح انشر و الدار تبقى جنة.. والدليب ان دق حس طمبورنا رن.. زغرتن بنوتنا في الدار ان دخلنا .. يرقصن قدامنا و الشبال يصلنا... ماها قاسي السيرة بالعافية ان نزلنا.. من جميع نتلم كلنا بعدلنا.. نفرحك يالخاطر ان سرنا و قدلنا بتحت يتهزن الحيطان قبلنا .. وا طيابة فينا نحن الزين فعلنا .. وا سماحة فوقنا سمحين زي شتلنا .. نحن زي قشا مفرهد في سهمنا.. و زي جزاير بي تحت خيرن شملنا.. زي تمرنا اللا تحت شايل متنا .. ويا حلاة القمري فوقن قوقى غنا.. مافي زولا يزعل ان شلنا و اكلنا.. يا حليل الما بكوسو درب زعلنا .. ياحليل الريد حليلكم يا أهلنا .. يا حليلا بلدنا ليها الشوق كتلنا |
|
|
|
|
05-21-2009, 09:52 AM
|
#12 | |
|
منبوشة منبوشة نبشوها قبالك بت حالا زي حالك زي كلمة مربوشه عودها إنبعت حرقان زي شتلة معطوشة عينيها رماشة أم لمبة فتاشة من طاقة جاتا الريح كتر البكا التجريح خلاها دعموشة تلوشة ولا ضفاف خيم عليها جفاف زي صرخة الغرقان فوق موجة بين فيضان شعراتا منفوشة وشفع مبارياها عيوشة عيوشة الليل هديماتا وشمش الله برطوشة تشرب من الشارع وتاكل من الكوشة عيوشة عيوشة وترقص لهن رقبة ، صقرية ، جابودي ، السامبا كاروشة عيوشة جامايكا الهورس عيوشة اسلولي عيوشة وعيوشة ما بترقص لكنها الدوشة وتفلت من الشفع في الفلتة تترتع تدخل على بيتاً ستاتو منمدِّي ناساً بعرفوها لكن بعافوها دايرين غسيل عدي شاكرين يا دقلوشة ويدوها عيشايي بي دمعة مرشوشة وتنملك الشارع خطواتا مربوشة السوق مع الأطفال عيوشة عيوشة الليل هديماتا وشمش الله برطوشة تشرب من الشارع وتاكل من الكوشة عيوشة عيوشة على قدر ما كاست عينيها ما لاقت غير مطبقة وبصلة المطبقة انهردت والبصلة مقروشة ما قلنا مقشوشة قشوها قبالك ديشك يا عيوشة يا الحاضر الغايب في الدنيا ما جايب خبر المدينة الكان على رغم ما فيها من فاقة من حرمان مرات اياديها تعطف على الإنسان بي فكة في قروشا بي كلمةً طيبة بي فضلة في مطعم او برتكانايتاً ضرباني في كوشة والليلة بانت زي بيتاً في آخر الحي ناساتو منبوشة يا جرحنا الهايم طول النهار حايم يلبد إذا ما شاف صحبانو مكشوشة يضحك إذا الكومر قبل على كوبر ولا المديرية ينمطق الفرحة بس فرحة مغشوشة إن تنجا من كشة دردير وتلتيلة كيف تنجا من جوعة من بردها وليلا عزت برنداتا واوكارها مطروشة بيت الله قافلنو مستشفى غافرنو ساحاتو مرشوشة كم يوم يعز النوم رغماً عن المشموم والدوخة والدوشة دي مدينة ما هيلك مافي البيشبهلك ما في البناديلك لافي البخاويلك غير ناس أحاويلن قطعن أحاويلك أصحابك الساعتك لا بد يعاينولك صمتاً يجيبولك باكر تلاقيهن في وجبة فوق كوشة جنب مجرى يحكولك ودونا لي ضابط كالعادة وانكفرن قال وين أوديهن والعندي ما قادر بالموية أكفيهن والعسكر أدونا سوطين وفكونا كالعادة يا اخونا حيكومة مربوشة دايرين شغل مافيش غير نغسل العربات غير نضرب الاورنيش عتالة جرسونات شغلاً ما يوكل عيش وبالحالة دي الكشة بلدية والبوليس مرات يجيك الديش ما يقبضوا الباعوض ما يقبضوا الضبـــان والما بدور فتيش الارزقي السمسار إشمعنى نحنا وليش إحنا الحرامين ولا البدسو العيش الزول يخاف يكفر يرجع يقول معليش شقيش نقع شقيش حتى السجن مافيش مافيش يا عيوشة من تكبري آهة وآه وآدم بدور حواه الطيرة بي عشوشة الفارة بي جحارة الكل بي مأواه وهنا في إبن آدم تاه ملجاه أرض الله لا أوضة لا حوشة يا أبونا يا الأسود يا أمنا القرقد يا داجي وين نرقد جاك المحل قاسيت لامن هجرت البيت فض المطر صديت أو صددوك غصب دارك لقيتا حرب كرت عليك فريت كان مافي غير تنفد بي لونك الأسود بي شعرك القرقد وبي فالك الشامخ زي تاج أبو الهدهد لامن يطير في الجو من ها المدن ينفد حاشاك من عيب تب لي شينة ما ختيت دغري وعراض إيديك بس كفها إتعود في الأرض يرمي الحب ما قنبلة وديناميت جيت المدن لاقيت من سيدا ما لاقيت تحرس عماراتو علشان تمسي تبيت ويتربو زي ما ربيت كم للعرق شديت زوغت أمن كريت جاملت جاراتو وأو تتم ترحل لي سيد خلاف السيد يتغيروا الأسياد لكنو نفس القيد نفس الربط ذاتو يا ماشي دون راس خيت وين كنت لما الناس إنقسموا ا***** في مدن تجز الراس كان زولو ما طاطا كت مافي ولا أبيت واصبحت مقطوع راس زي ديل كتير من ناس لا أوضة لا ضل بيت وفتحنا لاقيناك أول ما شالنا الحيل بالراحة في ذات ليل يا أبونا خليناك خففنا ليك الشيل تقلت بنا الخرتوم وفرنا لقمة عيش موية ومحل للنوم سامحنا عافينا يا أصلنا الحنّان غيرنا اسامينا شان نحيا باطمئنان دينق إنقلب عثمان هاشم بدل دلدوم من وين ؟؟ من ام درمان وناس بيتنا منوفين بس لكنة الرطّان تفضحنا بعض الحين وإن كنا يوم في يوم ماشين بننعوّد على لهجة الخرتوم في ولاد عرب بالكوم طالعين سوا ونازلين يفرقنا إلا النوم ما الحالة من بعضا مطروش ومطروشة وأكوان وقد قابل في كوشة عيوشة يا التحكي دون تبكي وفي وشو بتعاين شوف فيهو شن باين غير دمعة مقشوشة قشوها ناس أخوان أكوان وعيوشة بي صبر كم طول على حال حا يتحول قصر الزمان يا زول ولا الزمن طوّل لا بد يتحول ما فيهو من آلام في يوم من الأيام لي دنيا مفروشة بالعافيي والطعام لي كل فم ما دام في غلابة بي ديوشا وبجاي و بغادي قلة وكتر بوشة تخمت حكام مندلدلة كروشة فاوة وتفل لاقّي ونار الغضب باقّي تالاها محموشة جرفت لبقة الليل وانطنبجت دينك لا عينا بي شموشة الحال حا يتحول قصر الزمان يا زول ولا الزمن طول لابد من فوقة ومن تنتهي الدوشة قولاً قبل قلنا وكتين نصر نحيا مافي البكتلنا قولك يا عيوشة يا اب نفس طماعة غاشاك ومغشوشة الدنيا دنيانا زرع إيدنا نديانا لا صيص لا كدموشة وماك ماشي جيت غاشي ليك خيرها ينسبّل لا كُتّي شحّادة نديك وتتوكل لا جيتنا دنّاعة نمسح لك الجردل أخرت للساعة وتلبت في حوشة في حزك المنجل وشوالة مخموشة ناسي انو مزروبة بي شوق حبايبنا وحارساها كلوبة وكلوبة بات ووبة ويات لوبة بتحوشة يا النفسو ماهية شن جبهة متكية بي عمة كاكية وطاقية طربوشة جنب جبهة دغرية العمة مكوية فوق راسها ملوية ترقش بياض نية وبالهيبة منقوشة زي وشم فوق أكوان شلخاً في عيوشة يا جرحنا الطوّل جاييك زمن طيب خيراتو ليك أول صدقني يا طيب يا أرض يا جدول كارتنو بي معول والليلي تتجول عينيك مدهوشة من كنت تتسول في مدينة ما هيلك ومن كوشة لي كوشة |
|
|
ومرة شفت أنا في عيونك شافعا والدنه دابه
شايل السكين يقطع في ضرع أمه البرضع ولما جاع لي لقمة طيبة قام أكل باليل حجابه.
|
|
05-27-2009, 06:41 AM
|
#13 |
|
|
اخوتى الافاضل الاعزاء الرائعين
عباس السر محمد احمد الصادق ابو صديق الصديق سعيدة بمروركم عبر البوست...وانتم اصحاب الروعه وبكم اكون ولى عودة احترامى |
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
05-27-2009, 08:50 AM
|
#14 | |
|
مصادفة
للشاعر مختار دفع الله برغم صعوبة الاسفار ورغم قساوة الاقدار والراجينى من مشوار عكس الموجه والتيار أنا مسافر بعيد وبعيد وشايلك يا جميل تذكار *** أنا مسافر... وخايف من عيونك أروح وخايف يا جميل الروح أعيش كل العمر مجروح لانو عيونى ما بتنساك وواهب عمرى شان اهواك لانك يا ارق ملاك ما كان الفرح لولاك بشيلك فى صدى الخاطر وأنا مسافر بجوب الدنيا بى طولا وبصبح زى فراش تايه محطات سفره مجهولا وروحى الفى هواك صبحت زمن ياغالى مقتولا ريدك زادا فى الترحال وأغاني الشوق ومدلولا |
|
|
ومرة شفت أنا في عيونك شافعا والدنه دابه
شايل السكين يقطع في ضرع أمه البرضع ولما جاع لي لقمة طيبة قام أكل باليل حجابه.
|
|
06-01-2009, 02:51 PM
|
#16 | |
|
لما شفتك
لللشاعر/ رامى قسم السيد غناء المبدع/ محمد النصرى لما شفتك .. قلبي دقّ .. واهدى للزمن ارتعاشة والعيون في عز خريفا عانق الاحساس دعاشا الخطاوي تراها ماشة ماني عارف وين هي ماشا والربيع فوح زهوري بانتظارك يا فراشة غنى في اعماقي صوتك غنوة الشوق والصبابة والبرق لاح من سنونك داعب احلام السحابة الحنين الفي عيونك بدد الهم والكآبة والمشاعر الشاردة جاتك ما رجيت ميعاد ايابا يلا ارحلي توهيني فيا ألق الذكرى باقي الحزن لمن افارقك بلقى في صوت السواقي مدي ايديك وانقذيني مددي جسور التلاقي داير القاك جنبي دايما تطفي نيران اشتياقي بي صراحة الدنيا اجمل من نعيشا اسى وتجافي شيلي وعد اللقيا واقع لي فجر يشرق تصافي النخل قمريهو هاجر والنجم في سمانا مافي والظلام يا حلوة خيم في انتظار انك توافي لما شفتك نور امامي ما قدرت اديك قفايا امشي وين عاد من عيونك وانتي أي مكان معايا اعذريني اذا انتظرتك زهرة في عتمور شقايا وسامحيني عشان بقولك طيري حلّقي في سمايا |
|
|
ومرة شفت أنا في عيونك شافعا والدنه دابه
شايل السكين يقطع في ضرع أمه البرضع ولما جاع لي لقمة طيبة قام أكل باليل حجابه.
|
|
06-25-2009, 09:39 AM
|
#17 | |
|
|
اقتباس:
انتم اصحاب الروعه ...ومنكم اقتبسها
التحية لك اخى الفاضل محمد احمد الصادق منور البوست وفى انتظارك دوما عبر البوست احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
06-25-2009, 09:44 AM
|
#18 | |
|
|
اقتباس:
تحية كبيرة تحمل كل التقدير لك استاذ ابو صديق ود صديق
تسعدنى مشاركاتك دوما عبر بوستاتى وفى انتظار دوما احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
06-29-2009, 11:14 AM
|
#20 |
|
ياروعة بنات الحي شكرا جزيلا لك اختنا ورغم البقولوه عنكم مالنا يابت الناس حنينين وطيبين ونحن اي مكان دخلناهو وجدنا التقدير والاحترام والترحيب وكنا دائما عند الحوبة حاضرينا وفي الحصاحيصا لااحد يتكلم عن الانتماء لان الحصاحيصا عالم تاني دباسي حلاوي شايقي جعلي بديري بطحاني كاهلي فادني كلنا فداء للحصاحيصا رغم انقطاع الواحد عنها لسنين ولكن الود والحب والوفاء للحصاحيصا باقي وهاك البيتين ديل ياروعة
حبي انا ليك كان زادي وكان جوه الحنايا دفين كنت بضاري من الناس وخايفة عليهو من العين كنت عليك بصوم وافطر كنت بكابد النارين كت بحسب سنين الغربة لما تعود تجيني متين كت برجاك فوق النار لما وكت لقانا يحين والباب ده مفتوح كبير ياروعة وسوف نعطيك حتي ترتوي من حنان الشمال اكرر لك شكرنا ياروعة الجمال لفتحك هذا الباب عبر بوابة الحصاحيصا امنا جميعا ونوجه لك الدعوة للانضمام الينا كعضوة في منتديات التوثيق الشامل تحت ادارة بروف احمد ابوشوك ودكتور توفيق الطيب بشير وهذا المنتدي يقوم بالتوثيق لكل مبدعي السودان في كل المجالات وبناشد كل الاخوان الذين لهم علاقات قوية مع اي مبدع من المنطقة الاسراع بالانضمام لعضوية هذا المنتدي الشامل والتوثيق يشمل كل المبدعيين في كل المجالات وانا اتمني دخول دكتور احمد الطيب للتوثيق للرائع سعد الدين الطيب الماحي وطبعا وجهت الدعوة من قبل للاخ امجد الشيخ للتوثيق لمنطة جرا والاسر الموجودة بها ولنا عودة مرة اخري لهذا الموضوع |
|
|
|
06-29-2009, 05:39 PM
|
#21 | |
|
يا سلام علي الحنان والتحنان والحنية المتدفقة في الاغنية الشايقية .
وانا مثلك اختي روعة احب اغاني الشايقية لدرجة كبيرة جداً . واجد فيها السلوي والدف والطيبة . التحية لكل من صاغ كلمات او بعض ابيات من هذه الاغنيات وايضاً لكل من قام بنشرها عبر صوته . ويلا يا شباب خلوا الكسل وعبئوا لينا البوست ده خلونا نرتاح مع الكلمات الجميلة واللهجه المميزة للاغنية الشايقية خلوا بخل الشوايقة ده حتي الكلام بتبخلوا بيهوا . ويا جبو يا ود الخليفة خلي الكلام وطلع المدكنوا من الاغاني ما شائف البرنس وعباس والحبيب تكعيب ود صديق شغالين كيف التقول بجمعوا في البلح ما شاء الله عليهم . تسلمي كثيراً الاخت الرائعة روعة روعة جمال الاغنية الشايقية لك التحية علي هذه الخطوة الراقية . |
|
|
|
|
06-29-2009, 09:21 PM
|
#22 |
|
|
اخي الحبيب عارف مصطفي ليك وحشة وطولت ماسمعت صوتك لاني كنت غائب والواحد سعيد بطلتك عليه من خلال موضوع اختنا روعة ووالله مااظن كل المنتديات تستطيع ان تغطي كلمات الشمال لانها حلوة وجميلة وكثيرة وسوف نحاول مدكم بالذي يسد الرمق وعندما يتم تشليخكم ليه ورا بعدين براك بيه تكتب غنا الشايقية
|
|
|
|
06-30-2009, 06:51 AM
|
#23 | |
|
|
اقتباس:
والله العظيم ضحكت من جوه قلبى وانا بقرا ردك الراقى اخى الفاضل محمد جبو ليس انا مااقول حاشا لله ..مادام يوجد بهم امثالك اخى الفاضل يكفى
ولكن دوما يقولون المثل ..لو لقيت الايقى وجنى الدبيب ..اقتل الشايقى وخلى جنى الدبيب...ومافاهمه قصدهم ممكن تفهمنى ليه بيقولوا كده بالمناسبة كل قبيلة لها صفة..وعندك مثلا نحن مشهورين بالحماقة (الجعليين) ياسيدى ..معذرة ولايهمك.....وماتاخد على خاطرك من كلامى منور البوست وسعيدة بمرورك وفى انتظار روائعكم احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
06-30-2009, 06:55 AM
|
#24 | |
|
|
اقتباس:
هلا ومرحبا باخى الرائع عارف مصطفى
دوما تزين بوستاتى بمرورك الثر وتسلم على مداخلتك ...سعدت بمرورك فانتم اصحاب الروعه ويلا فى انتظارك دوما احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
06-30-2009, 08:38 AM
|
#25 | |
|
|
اقتباس:
اتشرف بالانضمام الى مجموعتكم التى ولاشك راقية ..اخى الفاضل محمد جبو
ودوما احب ان استفيد من كل مبدع ورائع وفعلا دخول دكتور احمد الماحى سوف يكون مكسب لكم ...فاتمنى انضمامه لكم ...وانا معكم باذن الله احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
06-30-2009, 09:39 PM
|
#26 |
|
|
ياروعة الجعليين انت منا وانت لينا وشكرا لكل من يحب اغاني الطمبور او كلمات اغاني الطمبور لانها بتحرق جو احشانا وكلامنا كلو من الواقع ونتواصل عبر هذا البوست وسوف نملاه حتي اخره وحتي تعجز الصفحات عن تحمله واليكم هذه المقاطع للفنان الراحل يسن عبد العظيم واهديها لكل اعضاء المنتدي ابتداء من روعة والعارفين
قلبي الريد صفحة صفحة غوصي في عمق القضية باري من اخر حرف وللحروف الاولية عيدي تاني وتاني عيدي راجعي نفسك الف ومية ختي بين قوسين( احبك) قبل ماترديها ليّ وقبل ماترديها ليّ ياود صديق هذه من الاغاني النادرة جدا وسوف يتم التوثيق للراحل يسن عبد العظيم في منتديات التوثيق الشامل |
|
|
|
07-01-2009, 09:06 AM
|
#27 | |
|
|
اقتباس:
انتم اصحاب الروعه وبكم اكون
لك التحية اخى الرائع محمد جبو وانت تتحفنا بروائعكم وفى انتظار كل جميل وجديد منكم شكرا للهدية بالجد حلوه يديك العافية فاقدين ود صديق ....وينك يااخوى المنتدى من دونك ظلام فى انتظارك ..عووك احترامى |
|
|
أننا لسنا أسماء فقط.....
ولكننا كتل من الأحاسيس ..تحركها قيم المرؤ يعرف فى الزمان بفضله ..وخصائل الحر الكريم كأصله.. روعــ ـ ـ ـه
|
|
07-01-2009, 12:14 PM
|
#28 |
|
|
ياروعة الجاييك كتير وودصديق تكعيب اكيد اليوم حيدخل وجاييك بالخبر اليقيين وحيجييك مالي اللواري بيوت من الدليب والطمبور وخالد شقوري وحميد والسر عثمان الطيب ومحمد احمد الحبيب والفاتح ابراهيم بشير وودالدابي وودابنعوف والبقية تاتي ولك الشكر ياروعة بنات الحي
|
|
|
|
07-01-2009, 08:55 PM
|
#29 |
|
|
خذي ياروعة هذه الكلمات وياعارف مصطفي الجاييك كتير امسك حبل الصبر
ياساري الليل الشاعر / حاتم حسن الدابي الفنان /عبد القيوم الشريف ياساري الليل ماشفت عوض تابع النجمات سار لي قدام درويشا من يادوبو صغير عشرة اعوام الزول زول الله من الصلاح الرفعت عنهم الاقلام دي تركة الرسل الدارو الاخرة ام خيرا دام التركو نعيم الدنيا الزايل للعبدوها وللحكام من يوم البحر العوبس جانا متسب وقام يوم دخل الحلي هد بيوتها ترا وهدام صبحنا ضيوف ماخلي وراه صلة ارحام يوم داكا عوض خلاها مرق في سفرة طويلي مع الايام متجلبب بي تيبان الرحمة غطا وهندام متنعلت بي ارض الواسعةخطي الاقدام متزود شايل خير الزاد وحي والالهام ماشفت جناح جبرين غطاه بقالو مظلة جلوس وقيام فتشنا سما فتشنا ارض ماضقنا منام في التمر الشايل تكي سبيطو مدندح خام في الجرف الاخضر في لوبيهو وفي النجام في الجدول جاري بيسقي الحلي تسرسر مويتو نعيما دام يبقالي نجع متوجه قاصد ارض الشام ماشفتو هناك مع الحجاج لابس الاحرام في يثرب وفي مكة وفي بيت الله المكسي رخام يبقالي هناك يكون مندسي مع الخدام ياساري الليل انا داير اوصيك اديك كلام والروح ان صعدت ليه باريها وفي جنات الخلد مقام لو كان لاقيتو في اي مكان في اي زحام روح كلمو قولو الحلي بكت من شوقا (شوقها) اليك تغريك سلام روح كلمو قولو الحلي بكت من شوقا اليك تغريك سلام هذه القصيدة لم تكن من نسج الخيال او الرومانسية بل هي قصة حقيقة وهي كانت مأسة وفقد عظيم لقريتهم بالشايقية وعوض كان درويشا وعندما داهمنا فيضان 1988 وكانت الرياح والاتربة والبحر من تحتنا خرج عوض في تلك الليلة ولم يعود حتي هذه اللحظة |
|
التعديل الأخير تم بواسطة محمدجبو الخليفه ; 07-01-2009 الساعة 08:57 PM
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حبوبه روعه قاعده منتظراكم فى ضل الضحى...اتفضلوا | روعه | «۩۞۩-المنتدي الاجتماعى-۩۞۩» | 75 | 08-13-2009 10:18 AM |
| اتفضلوا..وجبات سودانية خالصه..اعزائى.. من كل القبائل | روعه | ♨ψقسم مطبخ الحصاحيصا♨ψ | 17 | 07-01-2009 07:00 AM |
| من روائع التجاني حا ج موسى | عباس السر سلمان | «۩۞۩-منتدى الادب والثقافة-۩۞۩» | 6 | 05-26-2009 05:54 PM |
| روائع روضة الحاج | الكوني | «۩۞۩-منتدى الادب والثقافة-۩۞۩» | 4 | 07-21-2008 08:10 AM |
| من روائع الإمام الشافعي | مروان ودالشريقي | «۩۞۩-المنتدى الاسلامى-۩۞۩» | 3 | 04-24-2008 08:05 AM |
 |
 |
 |
|
 |
.jpg)
العرض العادي
