عرض مشاركة واحدة
قديم 12-22-2010, 11:52 AM   #32
أبو حسين (سومي)


الصورة الرمزية هيثم بندي
هيثم بندي غير متواجد حالياً

بيانات اضافيه [ + ]
 رقم العضوية : 1380
 تاريخ التسجيل :  Oct 2007
 أخر زيارة : 04-08-2018 (10:43 AM)
 المشاركات : 1,668 [ + ]
 التقييم :  10
 الدولهـ
Sudan
 الجنس ~
Male
لوني المفضل : Brown
افتراضي



اقتباس:
المشاركة الأصلية كتبت بواسطة البرنس مشاهدة المشاركة
ود بندي ياقمة الروعة والجمال موضوع حلوا وجميل زي جمال شخصك ياحبيب في البداية كل المعلومات مدرجة في الموضوع المثبت بهذا القسم (ادرج بياناتك الاساسية) ولكن يحلو الكلام معك ياصديقي يالساكن وريدي البطاقة الشخصية وماجاورها:-
عمر صالح محمد صالح حمد المقاول شهرة العائلة (أولاد المقاول) اللقب (البرنس) مدرسة الحصاحيصا الابتدائية الشرقية حاليا مدرسة الدرديري مدرسة الامام مالك المتوسطة حليل المتوسط خلاص راح في خبر كان الثانوية مدرسة الحصاحيصا الصناعية (قسم كهرباء) الجامعة جامعة وادي النيل كلية الهندسة والتقنية عطبرة العمل حاليا بالمملكة العربية السعودية لدي مؤسسة العطا الله للتجارة والمقولات الجوف مدير فرع مدينة طبرجل السكن حاليا في السودان الامتداد ميدان الامتداد الثاني فسحة البولي وسابقا بيت العائلة الكبير في الحلة الجديدة بفتح جنوبا علي بيت المحافظ بداية الحلة الجديدة عن اليمين آل الحبوب وآل ابو وعن اليسار آل أحمد نمر وآل الفكي أحمد متزوج من مدينة الحديد والنار عطبرة وأب لطفلة صغيرة عمرها شهرين وأطلقنا عليها (إسراء عمر) ربنا يحفظها ويحفظ والدتها والحصاحيصا بيتي الكبير.

ياود بندي الحصاحيصا امي وابوي وكل حاجة في حياتي وليس بها مكان الا ولي فيه زكريات وكل شبر فيها يحدثني بشيء يتهامس معي يناجيني يحكي روعة المكان واحداث الزمان اتزود به في سنين غربتي يؤنس وحدتي ولكن حتما هناك اماكن اتردد عليها دوما واولها نادي الامتداد الثقافي الرياضي الذي فيه الصاحب والاخ والجار هناك عند المساء ارتشف فنجان القهوة بصحبة الاعزاء محمد فضل المولي مرتضي القليب وعفيف وعماد ابراهيم وعمار بساس وصديق الدرب انو ابوالقاسم (بوشي) وودنصير كثيرون هم من تجالسهم ولكن هؤلاء لهم طعم خاص وجلسة خاصة شبه يومية ربنا يطراهم بالخير وقد تشرفت بمقابلة الاخ ابو حراز في هذا المكان بس اوعي واحد يمشي يتشالق ويقول داير يلعب بنق في حضور ابو حراز لم اعرف جمال هذه اللعبة الا عن طريق ابوحراز ربنا ينعم عليه بالصحة والعافية المكان الثاني كراسي امام بيت الصديق انو بوشي وبمعيتنا الاخ عضو المنتدي وائل رد الله غربته والمكان الثالث ضفاف الازرق العاتي ويالها من ضفاف قد تحدث عنها الاخ ابوحراز ولن ازيد حرفا لروعت وصفه.

رسالتي لكل ابناء المدينة الساحرة في نبض قلوبنا وتنتظر مننا الكثير لنقدمه لها
فيها رقة وفيها حنان فيها النيل النيل الخالد فيها الخال والعم والوالد

فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدن
وتغنى هزارها فرحا كعشوق حدا به الشجن
بنعشق شمسها الحراقة
وتلهب في قلوب دفاقة
نحن شعارنا حب وصداقة
للناس الصفت اخلاقا
نحن بلدنا بي خيراتا
البلد البتشبها ياتا؟؟
هي حياتنا واحنا حياتا
وما بندور بلاها وحاتا
نحن بلادنا نتحدابا
بي خيرا الوفير وشبابا
لو ننهض جميع بصلابة
ما بتلقونا تاني غلابة
بسواعدنا راح نبنيها
وابدا ما بنفرط فيها
لو كان فتنا من واديها
لو قبلنا من واديها
من وين تاني تلقي الجيهة؟
في أخلاقنا في عاداتنا
إشراقات تميز ذاتنا
نحن حميدة سمحة صفاتنا
من أجدادنا ومن أبواتنا
لازم نبقي سمحين سيرة
وطنية وامانة وغيرة
نحن بلدنا لينا مصيرا
ومين عند غيرنا تلقي نصيرا؟

ألا تستحق ان نقف لها إجلالا
الوقفة ليك يابلد


المطلوب حضوره الاخ / محمد عوض السيد

كما عهدناك دايما اخي وابن حارتي الباشمهندس عمر ، طبعا بينك وبين البرنس وجه الشبه الهندساوي والكلام ده بزعل الباشمهندسين عارف وعارف المريخاب وبفرح ست البنات ، ربنا يخلي ليك الامورة والمدام ولقدام دوما متالق وفي كامل الادب كامل الدسم ، ليك وحشة


 
 توقيع : هيثم بندي



رد مع اقتباس