08-24-2005, 04:28 PM
|
#10
|
بيانات اضافيه [
+
]
|
رقم العضوية : 15
|
تاريخ التسجيل : Jun 2005
|
أخر زيارة : 06-07-2017 (08:15 AM)
|
المشاركات :
6,892 [
+
] |
التقييم : 48
|
SMS ~
|
|
لوني المفضل : Blue
|
|
ازهرى محمد على....
هو من مواليد النصف الثاني من خمسينيات القرن الماضي بقرية المكنية وهي قرية من قرى ولاية نهر النيل منطقة الجعليين.
ازهري عمدة بن عمدة فقد كان والده محمد علي سالم عمدة المكنية من عمد نظارة الجعليين
وغنت له الحكامات الاغنية الشهيرة(ود سالم قولو تام) لما تمتع به والده من هيبة ووقار
مبدع اخر من مبدعى الحصاحيصا...عرفته الحصاحيصا قبل ان يعرفه السودان.....
عاش فيها اجمل ايام حياته واصدقها.....احبها واحب ترابها وانسانها....
عرف فيها صديقه مصطفى سيد احمد.....
وعاشوا معا فيها اجمل ايام عمرهما....
عمل فى الحصاحيصا فى مصنع الصداقة للغزل والنسيج.....لفترة طويلة.
...لكن القدر اراد ان يبعدةمن هذه المدينة....
كما اخذ صديقة مصطفى سيد احمد.....
ازهرى محمد على،ما ان تذكر الحصاحيصا الاوذكر اسمه،
وما ان يذكر مصطفى سيد احمد دون التطرق لهذا العملاق.
حقيقة نفتخر به وبفنه،ونتشرف بانتمائة لهذه المدينة الفاضلة،
وهو فعلا من مبدعى ومشاهير الحصاحيصا.
[marq=right:330ddfb970]وضاحة.....وضاحة......وضاحة.....وضاحة......وضاحة... ..وضاحة......وضاحة.....وضاحة[/marq:330ddfb970]
الصباح الباهى لُونِكْ
وضّاحه يافجر المشَارِقْ
غابة الأبنوس عيونِك
يَابْنَيّه من خُبز الفنادقْ
شيدتي في جواىْ صوامع
للفَرحْ
وفتحتِ في دُنياي مَسَارِح
للمَرحْ
وبقيتي ليْ
سِكّه وعيون
لا قِدرْتَ أطولكْ
شان أجيكْ
لا قِدرْتَ من غيرِكْ أكونْ
وانا بيك مالينى الكلام
حرّكت بيك عصب السكونْ
جَلبتَ ليكْ الغيم رَحَطْ
طرّزتَ ليكْ النيل زَفاف
حَرَقْت ليكْ
الشوق بخور
وفرشتَ ليك
الريد لِحَافْ
لا السِكَّه بيكِ بِتِنْتهي
ولا معاك ملّيت الطواف
يا ريتني لو أقْدَر أكونِك
الصباح الباهى لونك
يَابْنَيّه من خُبز الفنادقْ
غابة الأبنوس عيونك
وضّاحه
لو طال الطريق
بيناتْنا واترامي المدى
وصنَّت مَسَامْعِكْ من نِداي
شِرْبَتْ فيافيِك الصدى
ما تحنِْى هامات النخيل
ما ترمي دَمَعات الندى
ما تْشنِّفى الزمن الجميل
دا العُمرِ يا دابو اْبتدا
! والعُمْرِ إيه حيكون بدونِك
وضّاحهَ يا فجر المشارِق
الصباح الباهى لونِك
يا بنيه من خبز الفنادقْ
غابة الأبنوس عيونك
|
|
جاييك يا آخر المواني
من ظلمة البحر الممدده في الفراغ ...
جاييك من غربة الجزر المسورة بالهواجس والضياع
جاييك معاي ملح التجارب ذي محارب
مجروح و خايض في الغبار
لكني ثابت في المدى
واقف أنا ودايس على الإبر المسممة بالكلام
علمني غدر الناس أشوف
واتحدى نار كل المصائب ..والظلام..
|