عرض مشاركة واحدة
قديم 02-21-2007, 05:26 AM   #56


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي




مديت يدي ... وفرتقت ضفاير الصباح ... ومشطت المسافة البتفصل بين فروة الراس والحكاية المن سخف ... لقيت الضو كلو زيت ... وغبار كتب علي نفسو الرحيل .. كاسح ... اذا رجفت ضفيرة ...
محل ما تفوت مداين خوف ... والخطوة سالت في كعب المشاوير لون من هزيمة ... او كما يبدو ... آثار علي طين المظنة ... ورحلة في الجوف عندما سكت صوت المغني ... ونامت شمعة في دمعة لسه لينة ... جيتيني من وين ناطه لي ... في حلقي باقي كلام ... وفي عيني مساحة من الشوف البيغرق في بركة حلم ... وبركة أمل لسه في الطور المراهق ... او حاجه من ذاك القبيل ... كيف تجيني وانت سايحه زي شموع الليل ولوني المسمر في حيطة الضو والمكان اللسه جابني بلا هوية ... سكتك .. ما عرفتها وين بتمشي ... وياتو شارع كان بوديك لي محطة عشم ... أي شارع كان بقول لي ... اني عامل زي رصيف ... وحتي شرياني المعتق بالمحنة ... جزء من مجاري الدهشة والدم البنقط في بحر بسرق مسار ... وكانت عقدة الشوق في وحل ... ممحونه زي شرقت مداك يوم ما سأل عن المسافة القدر ما تزيد يزيد الشوق ... او اني القاك خط مستقيم في ضلع أعوج ... اذا كان الضلع الأعوج سبب رئيسي في كمية النزيف ... أو جرح مستني اعلان تدشين ...


 

رد مع اقتباس