عرض مشاركة واحدة
قديم 02-03-2007, 03:33 PM   #32


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



ومسكت في طرف احتشادك ... بالأصابع ... والصراخ الوهمي ... كل الرفض لا ... كل الكلام الاتكتب ... بدايتو لا ... ونهايتو لا ... يا زنقه والخاطر تعب ... بكتب عن دواخلك ومابكضب ... حتي لم الريح تعاند وكان شراعك مادي يدو علي قفاي ... وقفاي غريق يستسمحك ... ضل المراكب جايه بي جنبي وتغادر ... الا ضلك ... كان ببادر بالسلام ... كان بضلل باحترام ... وجواه تختلف المساعي ... هوج وموج ... عوم وخوج ... والمويه مربوبه وبشوفك زي طشاش ... بروفه للوعد البرفرف زي فراش ... رك وانكشح الرحيق ... طار علي نفسك غريق ... النسمة بتزيد الحريق ... يا دواخلك لو تفيق للحظه بس ... لسه غرقان في دموعك وكنت منديلك واناديلك افتحي العينين علامة تعجب وختيني بين قوسين ... ادوسك لم عين خوفك ترف ... لم صمتك يسرق الفرقة وتربكي العصبي البودي شعوري ليك ... كل المساحات انكفن علي سطح القليب ... رجفة مسافر ... يا مساهر .. خش علي الليل ذكريات ... في أواخر شمعة ساحت وفيها راس الخيط يقاوم في النعاس ... اديني راس الخيط أنضمك سكسك يخش كل الشرايين والحواس ... واحسبك من ضمن كرياتي وفصيلتك ... أو تحومي اذا فرضتك نزوة آخر الليل وضمه ... حاجه في صخب السكون ... تديني احساس نشوه بي غمضة عيون ... وتجيني صورتك ... شايله صوتك ... همسة وانكسفت خلايا الراس وطبله ... ابتسامة محل أقبل .. وتلفتيني بأصبعك ... تسرقيني وكنت في الواقع حرامي حريف ... اذا شفتك! فتشي عن كحل عينيك ... اذا جيتك! بفوت ومعايا نور خديك ... بسرقك في أي لحظة وتسرقيني كما أريد ... يا سفر جوه الوريد ... انا زول بريد ... ما عندي شك ... الا المسافة الطفرت بيناتنا والزول الغريب ... وما كان في حل غير يشتريك وانا كنت عكس السير بمش ... كانت دواخلك في وراي ... طظ علي الورق البنكتب فيهو أسمين ذكري ساي ... وشهود بتمضي ... زي ذكري تمضي علي أسف ...
والحب جريح ...
دفنوه في علبة صفيح ...
مشتول علي الضفه الغلط ...
مقلوب علي الوش القبيح ...
باهت اذا طلع الصباح ...
صابر علي الليل والوحيح ...
والحل شنو!!!


 

رد مع اقتباس