أما القصيدة التي كتبتها له (مرحب سند) فكانت مطبوعةً على (البنر) خلف منصّة التكريم :
.....
مــرحب ســـند
......
يا زادنا من عذب الكلامْ
و سندنا في الزمن الصعبْ
يا كلمه بتدغدغ مشاعرنا
وتنسِّينا التَّعّب
يا شطره توزن طن دَهَب
يابسمه بتطَّفِي اللّهَب
لا ليها حد أشواقنا ليك
لا بتتوصف فرحتنا بيك
و صَدِّقنا لما نقوله ليكا وحشتنا
و من كم سنه
واقفين على حافة جروف اللُّقيا
منتظرين مجيك
يا سيدي ما كضبنا
لو قدمنا نحنا عيونا ليك
واللهِ ما قدمنا شيتا ًبسوى شِى
فكرة وفاك درباً وحيل
و المستحيل ما بتمشي
حتى الحروف اتلعثمت
واحتار و تاه فيها الكلام
واتوارى منك مُختشي
واعلن فروض الطّاعه ليك
يا الإتعجن وجدانا
بين مسكة أناملك للقلم
و دفقة مشاعر
جسَّدت إحساسنا بيك
مرحب سند ود البلد
جانا الهنا وهَلَّ السَّعَد
مرحب سند
لهفة لقاك ما ليها حد
لكن بجد
خايفين عليكا من الحسد
|