شمس الصباح و الصباح رباح
شمسك يا وطني
طعم النجاح الزانو كفاح
طعمك يا وطني
حتى الجراح الزمانن راح
مهرك يا وطني
أهلي الفصاح أسياد الصلاح
درعك ياوطني
كل الملاح الجمالن فاح
زينتك ياوطني
إنت عندي كبير
وحبي ليك كتير
القومة ليك ياوطني
شيدوهو و زينوهو وطن الجمال
علوهو و خلوهو في عين المحال
وأفدوهو و أهدوهو الروح و العيال
و ارعوهو و ابنوهو بعزم الرجال
بأملنا بعملنا بالمحنة
بوفانا الفي دمانا نبنيهو جنة
و نبتهج نحن وصغارنا تتغنى
يا أصلنا ومبتدانا
ياحلاة مسرح صبانا
و ذكرياتنا و مشتهانا
إنت فينا كبير و ريدنا ليك كتير
القومة ليك يا وطنى

*********

هى دعوة لكم جميعا أبناء وطنى ومدينتنى الحبيبة..دعوة للبناء والسير قدما
بوطننا الكبير والصغير،دعوة للنقاء والصفاء والتصافى وما اجملنا عندما نكون كذلك.
دعوة للمضى قدما لنكون فى المقدمة.
دعوة للأمل والعمل بكل نكران ذات وبكل همة من اجل التقدم والنماء.
لنحارب العصبية ولنتخلى من إنتمأاتنا الضيقة وليكن الإنتماء اولا واخيرا لوطننا الكبير والصغير...
ولننهض من ثباتنا ونعمل بجد وأجتهاد وليكن شعارنا:

القومة ليك يا وطنى

جاييك يا آخر المواني

من ظلمة البحر الممدده في الفراغ ...

جاييك من غربة الجزر المسورة بالهواجس والضياع

جاييك معاي ملح التجارب ذي محارب

مجروح و خايض في الغبار

لكني ثابت في المدى

واقف أنا ودايس على الإبر المسممة بالكلام

علمني غدر الناس أشوف

واتحدى نار كل المصائب

..والظلام..

• الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا
• ذكرياتى واجمل الايام فى مدينة الحصاحيصا