المشاركة الأصلية كتبت بواسطة البرنس

عزيزي الهمباتي
واحد يقول للناس تحت كرعينا وتحت مراكيبنا وتقول بساطة هي البساطة دي وينا إذا نافع لهتو السلطة والمال وتكبر لدرجة ماعارف كيف يخاطب الناس ياخ علي أقل تقدير لو هو ماداير يحترم الناس الموجه ليهم الخطاب يحترم الناس القدامم ديل ويحترم كل الشعب السوداني لأنو هو مابمثل نفسوا الليلة الناس البنبز فيهم ديل حايتفاوض معاهم وزي ماقلت ليك يبقي كلاموا لامعني له لانوا ماممكن تنبز ليك زول وتجي تقعد معاهو. الليلة وفي تصريح جديد من الامم المتحدة اصر بان كي مون علي الحكومة ان تجلس مع الحركة الشعبية قطاع الشمال دون شرط مسبق يعني كلام امس كان من امبيكي والقمة الافريقية واليوم من الامم المتحدة هو لحس الكوع دا كيف وياريت يتفضل لمن يقعد قدامهم في طاولة التفاوض يقول ليهم الكلام دا موش يمشي يقولوا لي ناس أبقوته ناس أبقوته دايرين ياكلوا ويشربوا مادايرين زول يحاول يحشد الناس حولوا باي طريقة حتي لو كان الكلام بي طريقة مبتزلة أخطا النظام واضحة إلا لمن أبي وعمرهم مايقدروا يحركوا في الشعب زي ماكان بيحصل زمان كل الملفات التي حولهم تؤكد ضعفهم وعدم مقدرتهم للإستمرار ماتبقي فقط هي المكابرة وعدم التزحزح من هذه الكراسي نعلم جيدا انهم لن يذهبوا بهدوء ويعلمون جيدا أنهم ماعادوا مقنعين ولن يكون خروجهم دون ماقبل لذلك سيتمسكون أكثر وحتما العواقب ستكون وخيمة جدا لن أقول أن هذا مانخشاه ولكن أقول أنه وضع حتمي وسيحدث ولكن متي هذا ما لايستطيع أحد أن يتكهن به.
مودتي