عاوزا أتكلم بصراحه،،
كلام بتقولو حروف تتسطر
عاوزة أقول كلمة بتحوى كل العبارات
حروفا تعبر عن جواى
تحمل طيات ألف سؤال
أصل الكلمة هى الخوف
من جد خايفه
خوف عشعش جوى الوجدان
سكن القلب ترك فى النفس مكان
خلانى أسير إحساسو
أصبحت ضعيف
الخوف كلمة جديده فى قاموس
شخصيه ما بتعرف معناها
ولا فى يوم طلت فى سماها
خوف يوم بكرا،،خوف الأشواق
خوف اللقيا،،خوف القلب
العُمرو ماعاش لحظة تحنان
خوف الريد،الحب والعشق
بدون موعد أوحتى أوآن
خايف أريد وقلبي العاشق
ما يلقى لى ريدو مكان
فى دنياك وسط الأحزان
قلبك مجروح من الريد
وأصلو الريد عذاب حِرمان
ياريت تفتح لى حُبى مكان جواك
وبرعاك أكيد بكل آمان
بشيلو هواك جوه عيون
تتمنى تكون دايم فرحان
تديك الحب بدون حسبان
ومن العشق مذيدا يكون كمان وكمان
رُغم قيودا رُغم حدودا
عشان عينيك تتخطى حواجز كل زمان
يا زول أنا ليك عاشق ولهان..
،،
تقديري لكم علاء الدين وياسر.
،،