اقتباس:
|
المشاركة الأصلية كتبت بواسطة عارف
نهر الدموع ازيك يا غالية مشكورة على تلبية الدعوة
كدى جرى لى البنبر دة خلينى اقعد اصلى تعبان تعب شديد
الواحد بقى ما بلقى طريقة راحة الا فى راكوبتك دى
يلا اظبطى القهوة والسكر زى ما عارفة يكون خفيف
عشان المزاج بتعدل اصلى داير اتكلم معاك فى موضوع
هامينى شديد , كدى احكى لى قبل الجماعة ديل يجو
حكاية نهر الدموع دى شنو ؟؟؟؟
الدموع الجابة شنو ؟ انتى ما عارفة انو هنا ما معانا دموع ؟
ولا يكون الغريب زعلك ؟
كدى احكى لى برواقة على بال ما باقى الجماعة يجو وورينى
حكاية الدموع دى شنو ؟ |
اهلا ياعارف
وحبابك والجابك جاب عقابك
وسلامتك ود أمي من التعب
باقي الراكوبه كبيره وهمبريبها ضارب
ان شاء الله تعجب الباقين
عل حكايه الدموع دي هيته ماها قاسيه
دموع فرح
والغريب حاشاهو ما زعلني ولا بزعل زول
عل هو ما جي معاك مالو
باقي أتاخر ما من عوايدو
والجماعه الباقين ان شاء الله يجوا سريع
عشان الونسه كتيييييره والجبنه مدوره
ما تبرد سااااااااي