يا غالية ياست الدلال ...
عندي ليك أجمل خبر
حبي ليك أنا ما فتر
عشان هواك عزفت ليك أروع وتر
كتبت ليك أحلى الكلام وقلت في عينيك شعر
حُبك موكر فى الفؤاد جوه القليب غلغل حفر
بين البشرقلبي بى الريد مُفتخر
نسى البُعاد والإغتراب حتى الغياب ليك غفر
لو بعدت السكة ومسافة ومهما طال درب السفر
جاييك يا نبع الحروف لو أخوض أمواج بحر
متوشح الريد ذى غُتا وبالأسير الشوق عبر
ريدي شايلو في دماي ذى هواك قل وندر
في بعدك الايام حزينة العيون عاشت سهر
ياسنين الغربه عدي ليل الفراق راجيو يمر
،، ،،
يا غالية ياست الدلال ...
كُل الحروف ما بتوصفك روعة جمالك ذى سحر
عندي ليك كل الخبر
رايدك كتير وليك شايلنو الصبر
،، ،، ،،
يازول ممكون بى ريدك عندى ليك أروع إحساس
إنى بريدك وفُتَ حدود ُكل قياس
مهما طال زمن الريد إنت الباقي عندي أساس
كُل ما السكة طالت بينا إنت بتبقى أغلى الناس
..
يا مريود عشقن ليك أصبح ف الفؤاد مرهون
هواك داسيهو جوه قليب أصبح بالعشق ممكون
بعادك سلب نوم العيون سرق من الصباح اللون
ذكراك نغمة ذى فرح العديل والزين
..
شوقن للعيون هالكنى ودر فهمي ضيع حرفي جافا عيوني حتى النوم
صبراً غلب مآسور بي هواك محكوم
البينى وبينك مافيهو جدال أمر محسوم
معتق فى جدايل الروح مِسك مختوم
..
عندي بيك كل الخبر ..
ريدي ليك أنا ما فتر ..
،،، ... ،،،