الحروف الغاليه منك كونيها ورتبيها
من عطر انفاس هواك عتقيها
لينا بى كل المحبه ارسليها
لوحه مذدانه بخواطر نمقيها
من شقى الغربة البعيشا خففيها
عبر الاسير بلا حدود احكى ليها
عن مشاعرالالفه بينا حدثيها
رسمه تآسركل خواطر زينيها
سرد لى وجدان دواخل سطريها
رُشى من غيمات أسير..ذى قزح لونيها
بى حروف الروعه ريده خالده مجديها
فوق رهاب هام السحاب ارفعيها
عن عذاب شوق السنين قولى ليها
الريدة يا ست الحروف ذي شذى الورد انشريها
رتبى الانغام قصيدة وأوزنيها
من نفس روح الحروف أنثريها
القلوب الليك محبه ابقى دايما فرحيها
الديار منتظره إنتى تعمريها
الورود الزاهى لونا عطريها
الدروب الخاليه بى خطاويك الحنينه افرشيها
قيثاره من طرف الانامل اعزفيها
نغمه حلوه الريدة عندك اوصفيها
الحروف يا غاليه منك برتجيها
,,,,----,,,