عرض مشاركة واحدة
قديم 03-03-2007, 09:19 AM   #58


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي




باهته المعالم ... ورهاب نشوفو خيال ... وطيف لايق عليك ... لابس سحابه وشهد ... دفّق نقطه نقطه ... زي دميعات الحبيبة وكت يسافر زول عزيز ... رسم المحطات في خيال ... ويافطه ممنوع التجاوز ... أو تلاوز من دخول والدنيا حر شهوة وهواجس... طافش علي القشة وتهابش كوم حريق والصرخة فَش ... تشويك مسافة تحرقك تشه ... مكتوب علي قلبك ركوب قشه وانت بتكورك غريق وطافح بالسجية وهم ... مشالِق وفيك حبال الخوف مشانق ... أعماق بتعرف تستفزك لو رنين الهاتف المحمول صرخ مسكول إغاثة... زي لفحة التوب المجرجر يوم يجيها خبر فجيع ... باب الخروج ضيق ... كو ... ككو ... كررو ... أردافا يا ضلفة الباب ما تنخرش ... ما بتشوف يا حيط العمي الياخدك ركيزة تقيف علي طوبه وبردلب... الركيزة الواقفة بتراقب دخول وخروج من العتبه البتعتر فيها ملهوفة ... بتدخل في مساحة تشيل حزن إنسان ... فرح إنسان ... وطوبه مدشدشه في ركن منسي ... كنيزر زي سواد نية ... يعتر ليكي ما بثأر ... أعاين ليكي زي مُبخر ... وطيتو وكنت متأكد عشاني الجمرة تتبخر ... وتسكت ساي ... تشعللي في العسل سُكر ... وألحس ما أفضل شي ... بخور وعطور بتمزج روحا في ضحكة وتعضعضي فيني أصبع ني ... دا من غيظي المساهر بي ... مشتت في الكتابة ودِع ... ودِع راقد علي وشو ومدنقر في سطر مشتاق ... قفا الكلمات تنز ... طموح يلز ضهر الصبر فتران ... ملامحك في دواخل زول ختم إسمك علي جلدو ... طفح ريدك علي عرق التعب نكهة ... أتلفح نفس طالع ... أتوخي الحذر لو مخلوطة في شهقة ... أو عينيك بترحل بي غريق دمعة ... بحبك والكلام شاهد علاقة الليل مع الشمعة ... بتتعب لو سرحت بعيد وتتمايل ... يجيك ضهر الكلام زهجان .... البنيه القاعدة في صفحة حلم ... أبداك من قبل المغارب ... الشعاع الجاي مكسور ... زي عيون اللوم والعتاب ... وتطلع فضيحتك في ريحة المعجون ... فلورايد النفس الحلو ... فرشة الاسنان بتزعل كل يوم لمن تزورك وفي حلقي سيرتك ... باقي انفاس من وداع ... ختيتا في وسط طوبتين بتعرق بالخيال لو زارا خاطر منكسف ... أوزارا بالليل خمة نفس مدلوق علي طرف المخدة ... طالعه والسيل انفرادي ... طالعه والهم زي رمادي ... وبكره ما عارفلو لون ... زي العيون الفيها كون والناس بتتكحل غلط ... غمست مراويد الجفون في لون زلط .... وترمي للأسفلت نظرات سافرن بحزن عميق ... إتقاودن وآخر محطة اتفاجأن ... دقداق بعد داك انكشح ... إتهزت الصورة وطفش زوومك يهبش زي ضرير ... بؤبؤ أسير ... ما عندو غير حيطة وشبيبيك ,حبة فرح مرسوم علي سيخ وضو ... وصبر بفتش عن مفاتيح الفرج في دعوة آخر الليل بعد يسكت صياح ...
ويطلع صباح ...
منعول ابو الفتح الجراح
وخلاني صنديد في صديد ‎


 

رد مع اقتباس