QUOTE=sit_albanat;102760]اتكأت على عصاة الصبر البتهشبيها الهواجس وناموس الهم .... مسحت من عيونا تفاصيل الود ... بهزة راس
عاود الحنين من تاني وفتح كل الدروب الما بتودي الا ليه
ناداها اقيفي معاي نشيل كتف الغنا الميل ونتخيل
وقفت تتخيل ... ميل كتف الغنا ... اتكا علي سقف المحبة .... ونام
شالتو في العيون حلم
وشال في الخاطر غنوة
والقصة ابعد من حكايات الراوي عن سندباد
اقرب من حجا الحبوبة عن زمن سمح ......
القصة اكبر من كلام ومن سلام ومن حكاايات الغرام
القصة عن زمن مستنيهو..... وزمن زادا اسية[/QUOTE]
|