[color="green"

التحيه للراحل صلاح احمد ابراهيم
الذى عكس بعض خصالنا السمحه فى قصيدته

شين ودشن
حر سيافى شين
شين ودشن كلمة مافى شين
وهظاره خشن
بسموم وسوافى
تسال شن الحبب فيهو
الحب في ذاتو مبرر كافي
ماشين ودشن حار سيافى شين
عشان بقعة خراب
مافيها شجر
راويها سراب واطاطا حجر
حصحاصا يولع في الرمضاء
الحب سلطان مسلط نافى
لغيره مرض لكن شافي
الشعب الحر الفعله بسر
آب لحما مر
في الزنقة أم لوم قدام باينين
البسمع فيهم يا أبو مروة
بي فرارة ينط من جوه
يبادر ليك من غير تأخير
دا اخو الواقفة يعشى الضيف
الحافظ ديمه حقوق الغير
سيد الماعون السالي السيف
الهدمه مترب وقلبه نظيف
لا تسالنى عن حب وطني
الفقران وغن

[/color]