الصوت كان مختلف شديد ... بضحك في وشي زي كأنو اداني كف ... كانت محاولة جرئية وجادة ...الوداني عليك شنو !!! ما عارف ... المهم لقيت نفسي في زنقة حسية ... كان لازم اسمع حاجة فيها طعم أزمة عشان اطلع من الأزمة الأنا فيها ... او يستمر طمام البطن والتبزق ال ما لا نهاية ... انك تكون حامل لفيروس فقدان المناعة مدي الحياة احساس سخيف وقاتل ...
في منار كل المرافئ الراسية والموج الغريب ... دايشه بتلف كل مره علي البحر ... سافل هوي .. وشكل انتظار في شواطئ بتنتحر لو غاب هوا ... ارسم اصابعك في ليان الرملة ، حفرة وطول وقوف ... مستني وعداً قال بجيك قبل العمر يمسك عصاية او وقفة متنيه ونهايات من صبر ... لمن تعيش العمر آه ومرتين ...
وقفة ضمير
فارد علي الساحل شقاوتي وتوب ثبات
ساعة بتلف بالثواني
ساعة تتلف في الثواني
... دافر عليك
وقت الغروب والدنيا لون
سفر الطيور والرحلة ليلين للمحطة المن شدر
زقزق عصيفير المحنة بدون شدر
في حته قيف
اسمنت للماره ومقاعد للهموم
سرحة غريب
بالك سفينة
وبحتك ... سلم خماسي
طبلة وبيز ورق
موسيقي تتبني الخشونه
ومحنة الحس غرغرة ...
رجفة نهايات قربت ... هسترية الموج البلكز في أصابعك حندقه ... اصبر شراعاتك بجن ... مكوية لابسه كفن وداع
وانا في انتظارك من متين ...
سفرا ورا الغيمه ... هروب من ليل ونجمة بال ... لم السحاب طرش عيان من الفيني ... انا كنت هناك ... بكتب عن التايهين ... سطور خرتت من الغيمه الضباب وسفر ... دحين ما تبقي مسدود راس ... وتتوكح كما في الهم بتترتح ... مصيبة وغربه لم الليل طفح جاييك ... وكم جرحين بدت تنتح ...
وتتفتح مدارج الهم بدون اسباب
|