منتديات الحصاحيصا نت alhasahisa - عرض مشاركة واحدة

03-01-2012, 06:59 AM

اقتباس:

المشاركة الأصلية كتبت بواسطة عاطف اسماعيل

عزيزى / أبو أمجد
تحياتى ... وكتر خيرك على تسليط الضوء على مواقف الفنان جورج كلونى
السياسيه والانسانسه ، يعتبرمشروع الاقمار الصناعيه ، مسمار جحا !!
لرصد جرائم والإنتهاكات الانسانيه لنظام الانقاذ .
مودتى

كيف يا توفي موضوعك الجميل عن الاوسكار دة ما عاوزين نبوظوا ليك بالسياسة لكن والله لو الناس معيارها كان واحد بتقدر تثق في مواقفها السياسية عليك الله والوطن سمعت جورج زفت دة (مع الاعتذار لك وللجميع عن أوصاف هذا القذر) قبل كدة انتقد سجل اسرائيل في حقوق الانسان والله ابداعو طاير عليهو. ونحن ناس مساكين ياتوفي فهمنا على قدرنا ما بنقدر نفصل موقف ابداعي عن اخلاقي والانسان عندنا لو كويس بيكون كويس في كل حاجة ولو ما كويس بينسحب دة على كل اعمالو. عاد الله قسم لينا جنس الفهم دة ياخوي وبنحكم بعواطفنا لأننا والله عايشين بالعواطف دي. والله يا توفي ما في عمل للراجل دة عجبني من يوم موقفه الاول في تأليب الناس على السودان ورغبته في تقسيم دارفور.. ياخي هو مالو ومالنا؟؟؟؟ ولا هو يعني كان يتكلم لما الافغان كل يوم والباكستانيين بينضبحوا في الشوارع. يا جماعة الراجل موقفه واضح وانتو كلكم ما عاجبكم لكن لانو في ناس ما بتحب الانقاذ فبقت كمان ما بتحب السودان.
والله يا عاطف الغايظني اكتر من جورج صهيوني دة انو كل حاجة وكل عمل جميل بقينا نخربو بالسياسة هسع موضوعك الجميل دة عن الاوسكار وانا متحمس ليهو وكنت عاوز اكلمك عن زعلة الانجليز من فلم المرأة الحديدية وكنا عاوزين نناقش السريالية الجديدة في فيلم ذا ارتست ونوضح انو اخد الاوسكار من ياتو وجهة نظر...... كان الموضوع بيكون لذيذ لكن والله نحن ناس برة ديل همنا كلو السودان السياسي فتلقى الواحد لو عطس يقول لانو في تراب في السودان بالرغم من اننا والله عايشين برة احسن مما حنعيش في السودان من ناحية عقلية ما عاطفية لكن تقول شنو بس............ انا اسف على التخريم البعيد والتخريمة الاولى ونتمنى ان نعود للفن والسينما الجميلة.
تخريمة:
طبعا السعودية ما فيها سينما فلمن تسمع ليك بي فيلم كارب يا تزوغ على البحرين يا قطر يا تمرقا في الامارات .......وقال عايشين كويس ياخ قوم لف........