|
افتتاح الكبرى 13/05/2009
 اخيرا تم تأكيد موعد الافتتاح لكبرى رفاعة من قبل رئاسة الجمهورية الأربعاء 13\5\2009 وسوف يقوم السيد الرئيس عمر البشير بقص الشريط . وأفتتاح بعض المنشئات الاخرى بمدينة رفاعة وتقرر ان يكون الأحتفال فى المنطقة الواقعه بين مركز عمر الحاج موسى ومنزل السيد المعتمد برفاعة . وتجرى حاليا الترتيبات لذلك ومن جميع انحاء المحليات بالبطانة للمشاركة دعوة لتضافر الجهود وعكس وجه المنطقة المشرق لذلك الحدث الكبير..؟؟ |
اقتباس:
معقوله بس ،،،،،، والله منور منور الشاشه ده شنو ده ، لما اشتد ساعده من زمان انت وين !!!؟؟؟ أشكرك بحجم مواضيعك وروعة يراعك الذي لا ينضب كما عهدناك دوما أبن بابكر بدري ،،،،،، نتلاقي في القمة ولا شنو مستنيك ،،،،، |
دوما تأتي بالذي يثلج الصدر.
كبرى رفاعه الحصاحيصا. وهو حق كبرى رفاعه .. بالدليل القاطع ... فحينما حضر الرئيس السابق جعفر نميرى لناس رفاعه في الزمن القديم قال لهم عايزين شنو .. قالوا عايزين الكبرى. وحينما نطت النميري وطفر لناس الحصاحيصا .. قال ليهم عايزين شنو ... قالوا عايزين سفلتة شوارع الحصاحيصا... وبعد تسفلتت شوارع الحصاحيصا .. ولم يقم الكبرى ... مثل قصة الأولاد العايزين أبوهم يشتري ليهم صفارة كلهم قالوا عايزين لكن واحد من اولاد اعطاءه مبلغ ... فقال الوالد له : أنت الصفرتة. لك تحياتي بحجم أعمالك ونيتك الطيبة. والله أنه يوم عيد للطرفين... |
واخيرا اصبح الحلم حقيقة ونتمني ان يكون الجسر جسر للتواصل بين رفاعة والحصاحيصا وياليتي كنت بالسودان, كان الواحد مشاء لي اهلوا في الفاتيحة العيشاب وعرف الدرب ولك الشكر ياود رفاعة علي هذا الخبر الجميل
|
الأخوان المتداخلين
هثم حافظ بشير منتصر الشكر كل الشكر لكم ولمداخلاتكم الجميلة ..؟؟ |
والله ياود رفاعه بقيت ودالحصاحيصا لان الرايط الموجود رابط نسب وهو الكبري اللهم اعطينا خبره وكف عنا شره واجعله رابطا بين الاخوان
|
والله يا اخوانا بقت زى حجوة ام ضبيبينة لانو تم تاجيل الافتتاح
يعنى الافتتاح ما ح يكون يوم 14 ,,,, عليك الله يا اخوانا الكبرى دة لو خلو الناس يعدوا بيه لحدى ما سعادة السيد رئيس الجمهورية يجى يفتتحوا بصورة رسمية موش كان افضل ؟؟؟؟ يعنى الناس تقعد تتفرج كدة لحدى ما السيد الرئيس يشرف ؟؟؟؟ |
اقتباس:
اقتباس:
الأخوين جعفر يوسف وعارف التحية لكما طبعاً اسغربت وكنت فى مراغبة شبة دائمة للتلفاذ ذلك اليوم. ولكن رد اخونا عارف وكل شكرى لة أكد لى بالتأجيل وهو أقرب منى لمصادر الأخبار . ولك يالحبيب جعفر يوسف محمد عبدُالله الدانى صلت القرابة خالى ووالدتتى بت الدانى يعنى ذلك نحن نسب قبل الكبرى وهذا الخال والتحية لة والد مهند الدانى ودة زولكم.....وقعت؟؟ شكرى لكم جميعاً وربنا يجمعنا بيكم إنشاء الله.. |
العزيز و د الحصاحيصا ... أولا" مبروك الكبري الجديد و الذي لم نتمكن من رؤيه و ضع لبنته ... قطعه قطعه ... كما رايتموه أنتم ... لبعدنا .. و لكن كنا قد بنيناه حلما" قبلا" ... و تواصلنا .. عبره ....... فكانت الموده ...
أتمني أن تدوم المحبه ( بس بتكون سريعه لآنو الكبري أسرع من البنطون ) ... و الرخاء لمواطني الضفتين ... |
اقتباس:
وكلامك سمح وسمح جد وعجبنى كثير ودى الحقيقة كبرى المودة هو الأقدم.. تحياتى..؟؟ |
الاف التبريكات والتهاني لجميع اهالي رفاعه والحصاحيصا |
اقتباس:
|
| الساعة الآن 05:03 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010