منتديات الحصاحيصا نت alhasahisa

منتديات الحصاحيصا نت alhasahisa (http://www.alhasahisa.net/vb/index.php)
-   «۩۞۩-منتدى الحصاحيصا الحر-۩۞۩» (http://www.alhasahisa.net/vb/forumdisplay.php?f=7)
-   -   تعالوا هنا دا شنو (http://www.alhasahisa.net/vb/showthread.php?t=4670)

البرنس 11-26-2008 07:13 PM

تعالوا هنا دا شنو
 

اكتب* عبر عن نفسك* ناقش* اطلب المساعدة* اسأل* اطرح* اضحك* ابكي*

جميع الاعضاء مساء الخير
بي اختصار وبدون مقدمات ومصطلحات وهناي وفلسفة ندخل في الموضوع توووووووووش بدون رتوش
اها بدينا
نحنا في منتدى الحصاحيصا صح؟
يعني في منتدى
اوكي في منتدى متفقين الحمدلله

يلا عايزين نشوف كتابات الاعضاء الشخصية الطالعة من جواهم مواقفهم مايغضبهم مايحزنهم مايفرحهم همومهم مشاكلهم وجهة نظرك الشخصية تهمنا جداً جداً جداً
شنو قاعدين ننقل في المواضيع هي وجهات نظر لناس تانية واحاسيس ومواقف لناس تانية
لية نحنا مالنا ماناس بتحس وليها مليون موضوع وموضوع وموقف ووجهة نظر ولامابنعرف نعبر عن نفسنا ؟؟؟؟
متأكد كل واحد في المنتدى لو قال بسم الله وكتب لينا آي موضوع حتى لو سطرين وكلها اخطاء نحوية واملائية ومامنسق ومافي وحدة للموضوع افضل لينا مليون مرة من مواضيع وافكار ننقلا من منتديات تانية@
طبعاً مانبطل نقل نهائي لكن ننقل البستاهل يتنقل زي المواضيع الثابتة يعني المعلومات العامة ثقافية او علمية اخبار و ... و... الخ.
الموضوع قصير سطرين مامشكلة مادام انو بهمك وبتحب الناس تشاركك فيهو حتى لو حسيت انو ممكن يكون في نظر ناس موضوع مابستحق برضو بصادف يكون مهم جداً عند ناس تانية ويهمهم زي مابهمك بالضبط..
بس ورينا انت منو وعبر عن نفسك
ناقش * اسأل * اطرح فكرة جديدة * اطلب المساعدة* اكتب* اضحك * ابكي * قول آي شئ حتى لو كلمة اكيد بتصادف فينا نقطة غايبة عننا ومحتاجين نطرحا .

ياخ ادخل منتدى الراكوبة اكتب قول موقف مضحك آي حاجة قول كنت ماشي في الشارع وصبت فيني مطرة هع هع خلينا نضحك

ادخل منتدى اامنبر الحر قول سياسة الدولة الفلانية ماعاجباني اسأل وناقش
اكتب قصة قول كان في ولد بدرس في المدرسة وكان مجتهد وبعدين بقى مامجتهد وماجاب نتيجة كويسة وقام اجتهد السنة البعدها ونجح بتفوق وانتهت القصة ،،،،
مالو ماقصة؟؟ مش فيها عبرة مش بنتعلم منها ؟؟؟
ادخل المنبر الحر اكتب آي موضوع يعجبك مهما كان بسيط ولايهمك الاخطاء وقلة عدد كلمات الموضوع بنفهم المقصود شنو ماتعاين لأنو لازم اجيب اكتب موضوع هاااااااااام جداً جداً اكتب على قدر ماتقدر استطاعتك بس..
واكتب بي لغتك البتعرفا وبي لهجتك وبي اسلوبك لاتقلد ولاتحاكي ولاتحاول تعقد المسألة..

المفروض انو لو بينا طفل عمره سنتين وكتب لينا موضوع عن انو مابحب يشرب الحليب اكييييييييد الموضوع ده لو مابهمه ماكتبو وواجب علينا كأخوة واسرة واحدة اننا نفهم ونعيش معاهو حسب فهمه ونشاركو افكارو..
مش نطلب منه انو يكتب لينا بعمر الانسان العاقل الواعي الكبييير..
الكبير ماكبير لو مافهم الصغير واتجاوب معاهو وفهمو وقدر كل كلمة بقولا مهما كانت بسيطة ومابتستحق في نظر العاقل سيد الراي والفهم...
العاقل الفاهم الواعي المكمل الفهم والمعرفة والثقافة والراي
لو مافهم وشارك وقدر واتجاوب مع انسان اقل منو في فهمو ومستواهو وحاول يصححو ويمد ليهو ايدو يبقى يفتقد لأبسط مقومات الانسان الطبيعي ..
كل زول واستطاعتو ياجماعة كلمة صادقة واحده جاية من دواخلنا تسوى الدنيا مهما كانت بسيطة...

ادخل منتدى الشعر والخواطر اكتب آي خاطرة او حتى لو بيت شعر واحد حسيت بيهو في لحظة صدق
اكتب قول ياخ بحبك ومشتاقين اكتب قول لما فقدتك كأني فقدتا كراعي.
مالو مش احساس حسيتو ؟؟ حاول واكتب البتقدر عليهو ولو في خطاء الناس لبعضها..
بس عبر عن نفسك واكتب حرف واحد من دواخلك ...

ادخل منتدى الصحة اكتب قول لما مااشرب القهوة بجيني صداع ليييه السبب شنو؟
لو شايف انو التدخين فيهو فوائد اكتب قول وجهة نظرك عشان الناس تتناقش والكل يستفيد.
مع مراعاة القوانيين وطرح وجهة النظر بحيث لاتكون خارج نطاق الموضوع او للشخص في ذاتة واختلاف الرأي لايفسد للود قضية.

مهما كان الموضوع بسيط في وجهة نظرك او شايف انو ماممكن يلاقي قبول من الناس اكتب بس اكيد بتلقى حتى لو واحد متفق معاك في موضوعك يناقشك يستفيد وتستفيد منه..
المنتدى بيكون عامر بي البكتبوهو ناسو واهله مش بي مواضيع ناس تانية .....
خلونا نعرف نكتشف انفسنا اول وبعدين النقل ملحووووق والمواضيع كتيييييييييييييييرة مابتكمل
حقيقة في اعضاء اخوة واخوات اعجب بيهم جداً جداً لدرجة اني مدمن لمواضيعهم وانتظر متشوق لمواضيعهم بفارغ الصبر لأنهم دائماً بيكتبو ويعبرو عن نفسهم
حتى لو كانت سطرين بس افضل مليون مرة من المنقول المنسوخ.... ولا انفى على نفسى النقل والنسخ لكن حقو نقلل وننقل المفيد .
بنستفيد من المواضيع المنقولة
والاكيد انو داخل كل عضو في المنتدى مبدع ويمكن الاستفادة منه ومن افكاره ...
عبر عن نفسك وكن على طبيعتك ببساطة ولاتتكلف
وجهة نظر أن اخطاءت ارجو تصحيحي
الموضوع للاخذ والعطاء
للنقاش

ابوسفيان ابراهيم احمد 11-26-2008 07:29 PM

انه اخوي البرنس
الفيهو الرجا ما خاب
ابن مدينتي مدينة الاحباب
كل سكانها روحهم شباب
حياتهم بسيطه بسيطه باسهاب
أفكارهم جميلة تناطح السحاب
أحلامهم عظيمة كالهضاب
عاشقون لبلادهم لكل زرة تراب
دواخلهم نقية تأسر الالباب
بس يا البرنس اخوي الزمن غلاب

كلام بسيط ,,, جميل ,,,, معبر ,,, صادق ,,,, سهل
ممتنع ,,, خرج من اعماق يكسوها الصدق ,,, والحب
والجمال ,,,,
اخوي العزيز البرنس ,,,, ما اروع كلامك ,,, وما اروعنا نحن لو
عملنا به ,,,, كن انت ولا تكن هو !!!!

البرنس 11-27-2008 08:05 AM

اقتباس:

المشاركة الأصلية كتبت بواسطة ابوسفيان ابراهيم احمد (المشاركة 42308)
انه اخوي البرنس
الفيهو الرجا ما خاب
ابن مدينتي مدينة الاحباب
كل سكانها روحهم شباب
حياتهم بسيطه بسيطه باسهاب
أفكارهم جميلة تناطح السحاب
أحلامهم عظيمة كالهضاب
عاشقون لبلادهم لكل زرة تراب
دواخلهم نقية تأسر الالباب
بس يا البرنس اخوي الزمن غلاب

كلام بسيط ,,, جميل ,,,, معبر ,,, صادق ,,,, سهل
ممتنع ,,, خرج من اعماق يكسوها الصدق ,,, والحب
والجمال ,,,,
اخوي العزيز البرنس ,,,, ما اروع كلامك ,,, وما اروعنا نحن لو
عملنا به ,,,, كن انت ولا تكن هو !!!!

إطراء لا أستحقه اخى ابو سفيان
لك الشكر على الكلمات الجميلة
شكرا عميقا

الطالبابى 11-27-2008 09:02 AM

إنك كما أنت مرآة للجميع ,, صفحةٌ تكتب على سطورها مزارع الإبداع وعرض المنتج الجميل والصادق
البرنس ياجميل تسلم ولقد دليتنا على بيارق النجاة ,,,, الله يجزيك خير ويكرمك ,,,,,,,,,

البرنس 11-28-2008 03:58 PM

اقتباس:

المشاركة الأصلية كتبت بواسطة الطالبابى (المشاركة 42435)
إنك كما أنت مرآة للجميع ,, صفحةٌ تكتب على سطورها مزارع الإبداع وعرض المنتج الجميل والصادق
البرنس ياجميل تسلم ولقد دليتنا على بيارق النجاة ,,,, الله يجزيك خير ويكرمك ,,,,,,,,,


بارك الله فيك الطالبابي
وأشكرك على الاطراء الذى لااستحقه
مرور رائع ونتمني التوفيق للجميع

بنت أمها 11-28-2008 04:45 PM

والله يا البرنس مجتهدين .. لكن الامكانيات ضعيفة

ممكن المبدعين يبدأوا والناس تتشجع وتواصل معاهم


اقتراح جميل وسنحاول التنفيذ ان شاء الله
لك التحية

البرنس 11-28-2008 05:18 PM

اقتباس:

المشاركة الأصلية كتبت بواسطة بنت أمها (المشاركة 42661)
والله يا البرنس مجتهدين .. لكن الامكانيات ضعيفة

ممكن المبدعين يبدأوا والناس تتشجع وتواصل معاهم


اقتراح جميل وسنحاول التنفيذ ان شاء الله
لك التحية

لك التحية بت امها
بنت امها امكانيات ضعيفة
قمة التواضع
يعنى نحنا نقول شنو امكانيات مافي نهائى
نحنا نتمنى المنتدى يكون احلى واحلى بي ناسوا
يعنى الناس تتحرك هنا وهناك
باقل مجهود ممكن نلقى نفسنا ما لين المنتدى مواضيع بسيطة وحلوة
وربنا يوفق الجميع
مرور رائع بروعة يراعك
كوني قريبة

البرنس 03-26-2009 10:38 AM

ناقش * اسأل * اطرح فكرة جديدة * اطلب المساعدة* اكتب* اضحك * ابكي * قول آي شئ حتى لو كلمة اكيد بتصادف فينا نقطة غايبة عننا ومحتاجين نطرحا .

محمد يوسف 03-26-2009 10:53 AM

والله يا البرنس كلامك صحي أخير الاقي كلمة مكتوبة عن موضوع بصراحة ومن الدواخل اخير من معلقة عنتر تنقلها هنا لاننا كلنا عارفين المعلقة وعارفين بنلقاها وين لكن نحتاج للتفاكر وتبادل الرأي ودا البيصنع الإبداع والفكر الناضج في كل مجال.

عارف مصطفي 08-07-2009 05:31 PM

وانا اتجول في في هذا المنتدي من خلال ساحاته الرائعة وجدت هذا الموضوع
حقيقة انك برنس يا امير .
ومثل هذه الكلمات لا تخرج عبثاً ولا تتشابي لاستشاق الهواء الطلق فحسب ولكن تخرج للطبيعة ليُعمل بها وتُضع موضع التنفيذ
حياك الله ايها الجميل الراقي المهموم .
ونتمني من الجميع قراءة هذا الموضوع والابحار بين كلماته حتي نصل الي مرسي التعبير عن الدواخل بكل صدق .
ولنكتب جميعنا باحاسيسنا لا باحاسيس غيرنا .

تسلم يا برنس
رائع رغماً عن ه..........................

ود الحصاحيصا 08-07-2009 06:05 PM

برنس يا سيدا..
لك التحايا اخى البرنس وحقيقة هو خير الكلام...لا اسكت الله لك حسا اخى البرنس،وحقيقة للكتابه جو خاص فهنالك اشخاص لا يستطيعون الكتابه الا فى قمة توترهم وهنالك البعض يكتب اعظم الكتابات فى قمة الضيق والعكس...
وحقيقة انا اعترف تماما باننى اصبحت مقصرا جدا فى الكتابة فى هذا المنتدى والذى غمر احرفى بكل العشق والهيام..وكثيرا ما احتاج لان اكتب الى ان المشغوليات تحول دون المبتغى فاكتفى بمطالعة اكبر قدر مما يخطه الزملاء املا فى الارتواء،فيقسو الوقت ويحول ظرف عمل دون المبتغى...
واعتقد ان حالى حال الكثيرين من الاعضاء ولكن اتمنى ان نجعله فرضا...مهما كانت مشغولياتنا علينا ان نسجل حضورنا ولو بمشاركة واحدة فقط...فسطر افضل من لاشى...
اتمنى من الجميع تسجيل الحضور من خلال هذا البوست المتميز..
ولك التحية اخى البرنس وممتاز...ومبروك الممتاز..

البرنس 08-07-2009 06:57 PM

اقتباس:

المشاركة الأصلية كتبت بواسطة محمد يوسف (المشاركة 56695)
والله يا البرنس كلامك صحي أخير الاقي كلمة مكتوبة عن موضوع بصراحة ومن الدواخل اخير من معلقة عنتر تنقلها هنا لاننا كلنا عارفين المعلقة وعارفين بنلقاها وين لكن نحتاج للتفاكر وتبادل الرأي ودا البيصنع الإبداع والفكر الناضج في كل مجال.

شكرا عميقا محمد يوسف
ونتمني مزيدا ومزيدا من الابداع
كن بخيرا اخي

البرنس 08-07-2009 07:01 PM

اقتباس:

المشاركة الأصلية كتبت بواسطة عارف مصطفي السيد (المشاركة 81223)
وانا اتجول في في هذا المنتدي من خلال ساحاته الرائعة وجدت هذا الموضوع
حقيقة انك برنس يا امير .
ومثل هذه الكلمات لا تخرج عبثاً ولا تتشابي لاستشاق الهواء الطلق فحسب ولكن تخرج للطبيعة ليُعمل بها وتُضع موضع التنفيذ
حياك الله ايها الجميل الراقي المهموم .
ونتمني من الجميع قراءة هذا الموضوع والابحار بين كلماته حتي نصل الي مرسي التعبير عن الدواخل بكل صدق .
ولنكتب جميعنا باحاسيسنا لا باحاسيس غيرنا .

تسلم يا برنس
رائع رغماً عن ه..........................

عارف
بتتحاوم مالك يازول
لك التحية وأشكرك من أعماق قلبي علي الإطراء الذي لااستحقه
شكرنات كبارات ياصاحب
وغير اللون وأصحي للون
وكن قريبا دوما
تحياتي

البرنس 08-07-2009 07:04 PM

اقتباس:

المشاركة الأصلية كتبت بواسطة ود الحصاحيصا (المشاركة 81235)
برنس يا سيدا..
لك التحايا اخى البرنس وحقيقة هو خير الكلام...لا اسكت الله لك حسا اخى البرنس،وحقيقة للكتابه جو خاص فهنالك اشخاص لا يستطيعون الكتابه الا فى قمة توترهم وهنالك البعض يكتب اعظم الكتابات فى قمة الضيق والعكس...
وحقيقة انا اعترف تماما باننى اصبحت مقصرا جدا فى الكتابة فى هذا المنتدى والذى غمر احرفى بكل العشق والهيام..وكثيرا ما احتاج لان اكتب الى ان المشغوليات تحول دون المبتغى فاكتفى بمطالعة اكبر قدر مما يخطه الزملاء املا فى الارتواء،فيقسو الوقت ويحول ظرف عمل دون المبتغى...
واعتقد ان حالى حال الكثيرين من الاعضاء ولكن اتمنى ان نجعله فرضا...مهما كانت مشغولياتنا علينا ان نسجل حضورنا ولو بمشاركة واحدة فقط...فسطر افضل من لاشى...
اتمنى من الجميع تسجيل الحضور من خلال هذا البوست المتميز..
ولك التحية اخى البرنس وممتاز...ومبروك الممتاز..

مرور رائع ود الحصاحيصا
وهكذا هي الحياة لاتتوقف والمشغوليات والهموم تزداد يوما بعد يوم
متعك الله بالصحة واشكرك لجمال كلماتك
ونتمني أن نراك دوما تسطر الروائع على صفحات المنتدي
وسعدت بمرورك أخي

sit_albanat 08-08-2009 08:29 AM

اقتباس:

المشاركة الأصلية كتبت بواسطة عارف مصطفي السيد (المشاركة 81223)
وانا اتجول في في هذا المنتدي من خلال ساحاته الرائعة وجدت هذا الموضوع
حقيقة انك برنس يا امير .
ومثل هذه الكلمات لا تخرج عبثاً ولا تتشابي لاستشاق الهواء الطلق فحسب ولكن تخرج للطبيعة ليُعمل بها وتُضع موضع التنفيذ
حياك الله ايها الجميل الراقي المهموم .
ونتمني من الجميع قراءة هذا الموضوع والابحار بين كلماته حتي نصل الي مرسي التعبير عن الدواخل بكل صدق .
ولنكتب جميعنا باحاسيسنا لا باحاسيس غيرنا .

تسلم يا برنس
رائع رغماً عن ه..........................

وانا كمان زي القالوا عارف

والله ياربرنس بس اتحملوا بعدين الهضربه

وتسلم يا راقي

فوتون 08-15-2009 12:32 PM

نقف من خلفكم, وتقف من خلفنا وخلفكم امريكا
 
مرحب يا برنس
ياخي كيفتني شديد شديد, الله يديك العافية.
انا واحد من الناس عندي موقف مبدئي من حكاية النقل دي, ببدأ اقرا الموضوع, مجرد ما احس انو منقول في الغالب بتخارج منو, يا جماعة ما تنسوا انو معظم الناس عندها ايميلات (بدون مبالغة, انا مرات بلقى مواضيع هنا بكون جاني في ايميل قبل كم سنة), وكمان ما تنسوا انو الناس كمان بتقرا منتديات تانية.
انا ما بقول انو النقل كله شر, لكن الواحد يفكر ويتأمل كتير قبل ما ينقل حاجة, واذا كانت في منتدى افضل يخت رابط الموضوع الاصلي في النهاية (ده رايي).
اثبتت ابحاث حديثة (عملتها براي) انو ادمان النقل من المنتديات التانية ومن صندوق البريد يؤدي الي ضمور في العصب السابع والعشرين أ, وهو العصب المسؤول (والمفوض كمان) عن مسألة الابتكار, ويؤدي هذا الضمور الي احساس المصاب برجفة في الماوس كلما قرأ رسالة بريدية تغرى بالنقل والتلصيق علي صفحات المنتدى, ثم يتدخل الشيطان ويبدأ يوسوس له ويزين له الامر:” ياخ دي رسالة واحدة بس, وتاني ما بتعمل كده, وانت زول كويس انا عارفك". وبسبب اغواء الشيطان وهذا الضمور في العصب 27 a, يستجيب المصاب مرات ومرات, حتى يصبح مدمنا للنسخ واللصق, واذا استفحل الامر بدأت تفوح من مواضيعه رائحة شبيهة برائحة لمبات النيون الحرقانة (ده برضو رايي).

أبوهمام 10-11-2010 05:12 PM

يمكن يا برنس أتداخل معاك شوية و لو ممكن أنا برضو داخل داخل . المهم الناس بتحاول أنها تثري صفحات المنتدي بكل ما هو جديدي و مفيد و أحيانا بتلجأ الناس للنقل كوسيلة للمشاركة و طبعا محاولين أن يخرجو عن الصمت و لو بالنقل . و هنا بتفرق من كلامك و كلام واحد تاني غيرك و دي حقيقة , فالرأي الذي يعبر عنك انت هو المهم لأنو الغيرك ده ما قال كلامه و انتهي فأنت مثل ما قلت أخي البرنس تأخد عموم الفائده مع الاحتفاظ بخواطر غيرك لهم , ومشاركتك تكون حقتك ملكك و لو في طريقة توديها تسجلها عند ناس المنتدي و تقول ليهم ده كلامي ودي الحاجة الأفيد. فلك التحية يا أخ برنس و انت تلفت الأنظار لهذا الكلام المهم ( ويا ناس المنتدي أدونا كلامكم حقكم ).

محمد المنصورى 10-13-2010 07:35 AM

ماطرحته يابرنس رغم انه كلام قديم ولكن نحن الأن احوج اليه من اي

وقت مضي ’’ المنتدي يمكن أن يكون وسيلة لتطور مواهبنا ومناقشة

ارائنا مع اخوة كرام يضئون مشاركاتنا بصواب الراي والفكر المستنير .

وفي نفس الوقت لا نعارض النقل المفيد الذي يساهم في الإحاطة

بالمواضيع ويجعلها مفيدة . لك التحايا يابرنس .

البرنس 10-13-2010 08:16 AM

ياجماعة الموضوع دا نكتوا من وين
شكرا لمداخلاتكم وفعلا نحتاج انو نقيم نفسنا ونطلع الجوه الجوف اي حاجة
شكرا ابو همام لرفع الموضوع شكرا المنصوري وشكرا ايضا لست البنات وفتون
ناقش * اسأل * اطرح فكرة جديدة * اطلب المساعدة* اكتب* اضحك * ابكي * قول آي شئ حتى لو كلمة اكيد بتصادف فينا نقطة غايبة عننا ومحتاجين نطرحا .

روعه 10-13-2010 08:49 AM

التحية لك اخى الفاضل البرنس

كلامك عين العقل وواقعى جدا
من المفروض انو الناس تناقش كل الامور البتهمنا فى الحياه وهكذا هى المنتديات
غايتو انا شخصيا بكتب كل مايخطر ببالى ...حتى ولو حاجه ماعجبتنى وشفتها
لكن طبعا كل الاعضاء ماواحد
منهم من يحب النقاش بموضوعية ..ومثل هولاء هم اللائى احب ان اتناقش عبر مواضيعهم وبعض الاعضاء يجدون انفسهم واللهو والمزاح..والبعض الاخر فى السياسة
هكذا عهدناهم فى المنتديات...لكن بالجد نفتقد للنقاش الموضوعى البدون زعل
وباذن الله نكون عند حسن الظن وتجدنا دوما كما تريد
ولى عودة
احترامى

الجباقي ود الملقة 02-14-2011 07:25 PM

لو دا قولكم

أصبروا لي الله قال بي قولكم


خلوا باب الريدة فاتح


وأرجوني مع الجنيات


البنوت كان زغردن ما بنابهن


ماتلومونا مع الخيلان والخالات


كبيرنا يسمح لينا نكتب فوق قليبه الريد


وأمانة يابرنس ما قلت حقيقة


بس لي قدام فجوا لي الدرب أدوني معاكم طريقة


بمشي وبجيكم راجع


تلقوني حر بي هناك في المنبر الحر

سامى بدوى مناع 02-14-2011 09:49 PM

يامعلم البرنس ينصر دينك
الواحد متحفظ بحساب
الحضور الضعيف غيب
وتعال وماداير يعنف
بس اها الله يخليك
ويحفظك معاك فى خندق
الجباقى!!!!!!!!!


الساعة الآن 06:09 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010

vEhdaa 1.1 by NLP ©2009