الطريق الى الانــداية ..
 

مدخل

https://lh3.googleusercontent.com/-n...d-1.gifase.gif





..

واصلت ( ربيكا ) تحديقها تجاهـ ( عبدالرحيم ) ..

الغارق فـى سباته على الارض امام ( عشتها ) ..

وخطوات صديقه ( حامد ) تبتعد عن مسامعها ..

قبل ان تهتف لأمها ( ميرى ) : امى ما شفتى هامد امل شنو !!

وردت عليها ميرى من داخل العشة : مالو هامد ؟؟

ربيكا : مشى خلى ساهبو ناااااايم !!

ميرى : خليو نايم .. هسى سكرة بتاعو يفك .. ويقوم زى الهصان ..

https://lh4.googleusercontent.com/-Z...As/aldiaa3.gif

وسارعت ربيكا لاحضار الشاى لأمها المنهمكة فـى اعداد ( المريسة ) ..

وتحضيرها لزبائنها من طالبى المتعه وغياب العقل ..

قبل ان تدلف ابنتها ربيكا الى داخل العشة حاملة ابريق الشاى ..

وتهز رأسها فى اسف قائلة:

غايتو جنا عرب دهـ ماااا عندو خوة !! .. هسى زول اسمو هامد دهـ بعد شرب عرقى مع ساهبو

مشى خلاهو واقع فى واطة !! غايتو عرب بتاع زمن دهـ كلو مندكورو جبان !!

ــــــ

ثم واصلت صب الشاى لأمها .. وتلك الاخيرة ما زالت مشغولة بتجهيز ( المريسه ) ..

https://lh3.googleusercontent.com/-K...Q/aldiaa32.gif

فالشمس قاربت المغيب ..

ومع سدول الظلام ..

تكون ( الانداية ) .. فى اوج نشاطها المعهود

فى بيع الخمور البلدية للقادمين من زخم المدينة ..

يطلبون الوهم بالمال .. لابعاد همومهم الجاثمة فوق صدورهم ..

..

ومع بدايات غروب الشمس

تبدأ الحكاية ,,

ومعك نحن نستمتع ...... بالمتابعه