|
هضربة زول
شعورك...وانت راجع في المغيرب... جم عشيشك... تلقى طيرك حاضنو غيرك... بي الأماني الحلوه كانت لون ضميرك... حقو تعرف انو طيرك عشمان في غيرك
********** ****** نقطة من اول السطر(اخوانا المغتربين) تكون مربط مع البنت وخلاص انت بتجهيز في نفسك اجيك عريس مغترب شايل معاه ين ياباني او دولار امريكي او ريال سعودي المهم هو مغترب وطبعاً هو عامل فيها ما عندو زمن انا اجازتي ضيقة ولازم ارجع سريع فتشوا العروس الناس تبدا في تفتيش العروس ويقع الاختيار في حبيبتك اهااا دا عاد نسمي شنو؟؟؟ اها دا كلو كوم وناس الشمارات كوم تاني... يجيك واحد طاير بتاع شمارات اسمع ما سمعت الخبر ... خبر شنو حبيتك مالا حبيبتي وانت مالك ومال حبيبتي ياخي بطل عقد دا ما وقت عقد خالص طيب احكي... طبعاً مافي تمهيد رب برمي الخبر يا زول انت نايم ولا شنو المرطب دا خطفها منك انت بتتكلم عن شنو عن حبيبتك جاها عريس ... طبعاً انت الخبر من البداية ما حتصدقوا الا تشوف عيان بيان كيف خطفها انت حتقوم تمشي تتاكد من الخبر بنفسك وكل ما تقرب من بيت حبيبتك بجيك صوت الزغاريد واغاني البنات وانت ماشي ح تكون بتفكر صوت الاغاني والزغاريد دا جاي من وين من بيتها هي لا لا لا انا اقرب واقطع الشك باليقين اها كدا انت قطعت الشك باليقين فالح ارتحت كدا يلا خم وصر والخبر طلع صحيح هنا الوش ببدا يتلون حسب لون بشرتك وضربات القلب بتزيد ولو جيعان نفسك بتتسده من الاكل وترجع البيت للنوم هو في نوم بجي ح تبدأ تذاكر في الايام الحلوة قطيع النجيلة الفي الحديقة والتلفونات الفي الليل والكلام العجيب داك ... يلا بعد دا البحصل شنو البحصل حتمشي البيت وتسمع اغاني الالم زي اغنية (في الليلة ديك لا هان عليا عليا أرضى و أسامحك... ولا هان عليا أعطف عليك) وانت مين البعطف عليك تعطف عليها لشنو هي ما عبرتك بمسكول طبعاً هي جنها مسكولات ... وطبعاً انت يا ودوك للتجاني الماحي وربطوا لك الجنازير ولا ودوك الحوادث ودا اضعف الايمان طبعاً حتكون ضربة نفسك بحديدة ولا وقعت من راس بيت اها هنا دخلوك غرفة العمليات وادوك بنج موضعي بعد تطلع من العملية طبعاً حتقول اي كلام اتقال بينك وبين حبيبتك لانو دا اخر شيء كنت بتفكر فيه حبيبتك ... وفي النهاية دي هضربة |
ود الخاله سلالالالالالالالالالالالام كميات ..
وقفتا قلبي وبركة الطلعت هضربه ما شي تاني ههههههههههههههه .. |
اقتباس:
اخت الحزين مشكورة والله تخريمة والله اخوك جاااااااااااااااااااااااااامد والشي التاني مابحصل انشاء الله هههههههههههههههههه |
اقتباس:
اقتباس:
كيفك يا شاب بصراحه شديــــــــــــــــــــــده الكلام البتقول فيهو ده شكلو كده والله اعلم كلام زول مجرب ومشوكش وممغووووووووووص من الساده المغتربين وبذات الصراحه ارجو انك تجاوب ومن غير ذعل الجامد ده الشاكووووش ولا ود ارباب ؟ |
اقتباس:
ههههههههههههههههه والله يا ابوامجد علي حسب علمي هو الشاكوش حار بس ماجربتو وانشاء الله ما بجربو خليك محل ثقة من امكانياتي |
| الساعة الآن 02:17 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010